radheef.info
ރަދީފު


އެ
ނ ދުރަށް އިޝާރަތްކުރާ ނަމެއް. މިސާލު: އެތަން އެގެ އެމީހާ
ކީއް
އ (1) "ކޮންކަމެއްހޭ" އެހުމުގެ މާނައިން ބުނާބަހެއް (2) ކަމެއްއޮޅުން ފިލުވުމަށް ކުރާ ސުއާލު
ކީމަ
ނ ގަނޑުވަރުތެރޭ އަންހެން ބޭފުޅުން ދުވާލު ތަންތަނަށް ވަޑައިގަންނަވާން ވެދެވަޑައިގަންނަވާ ފޭލިގެ. މިހުންނަނީ ހުދާއި ރަތާއި ކަޅާއި މިތިންކުލައިން ބިހުރައަޅައި ކުރަހައިފައެވެ
ކީމިޔާ
ނ (1) މާއްދާއެއް އެކިގޮތްގޮތަށް ބަދަލުކޮށްގެން އޭގައިވާ ޚާއްޞަ ތަބީޢަތް ހޯދަން އެނގޭ ޢިލްމު (2) ހެދިކާގެބާވަތެއް މިއީ ފުށްގަނޑު މޮޑެ އެތެރެޔަށް މަސް އަޅައިގެން ތެލުލައިފައި ހުންނަ ކުޅި ހެދިކާ އެއްޗެކެވެ
ކީމިޔާކެއްކުން
މ ބޭހެއްޖަހއިގެން ލޮއިރިއްސަށް ނުވަތަ ރަނަށް ބަދަލު ވާނެކަމަށްހީކޮށް އެކަމަށް މަސައްކަތް ކުރުން
ކީލި
ނ ނިރޮޅާއި ލަކުޑީގައި މާ ހަރުކޮށް ހުންނަ ވަކަރުލާ އެތިއެތިކޮޅު
(3) ކޫސް ބަލާ! ކީސް
ނ (1) އެއްކައިރީގައި ފުށްކަނޑައިގެން އެއްޗެހި ފަޅާށާއި ބުރިކުރާން ގެންގުޅޭ ވަޑާމުގެ އާލަތެއް (2) ކިޔަސް
ކީސްފިލާ
ނ ގަސްގަނޑުނުލައި ހެދޭ ގަހެއް މިއީ ފަނެއްގެ ދެފަރާތުގައި ފަންވަތްތައް ހުންނަހެން ތަނޑެއްގެ ދެފަރާތުގައި ހިމަދިގު ފަތްތަކެއް ހުންނަ ގަހެކެވެ މިފަތުގެ ދެފަރާތްހުންނާނީ ކީސްތުނޑުބަރިއެއް ހެންނެވެ
ކުށަށްޖެހުން
މ ލިޔެފައި ހުރި އެއްޗެއް ކިޔަމުން ދާއިރު ނޭނގިގެން ހުއްޓުން އެރުން
ކުށުސަޖިދަ
ނ ނަމާދުގައި ބައެއްކަހަލަ ކުށް ކުރެވުމުން ޖަހަންޖެހޭ ސަޖިދަ
ކުށްފިލުވުން
މ (1) ސައްހަކުރުން (2) ލިޔެފައިވާ އެއްޗަކުން ރަނގަޅުކުރުން
ކުށްޓަރި
ނއ އެކިއެކި ކަންތަކާ ވާކުށްވެރި މިބަސް ގިނައިން ބޭނުންކުރަނީ ކުދިކުދި ކުށުން ކުށްވެރިވީމައެވެ
ކުނބު
ނ ރިޔާ ނެގުމުގެ ބޭނުމުގައި ފުރާދުއްވާ ތަކެތީގެ މެދުތެރޭގައި ޖަހައިފައި ހުންނަ ދިގުދަނޑި ރިޔާ ނުނަގާ އެއްޗެތީގައިވެސް އެކިއެކި ބޭނުމަށްޓަކައި މިޖަހައިފައި ހުރެއެވެ
ކުނބުނެގުން
މ (1) ފުރާދުއްވާ ތަކެތީގެ ކުނބު އޭގައި ކޮޅަށް ޖެހުން. (2) މަޖާޒު: ދެބުމަ ދޭތެރެއިން ފެށިގެން މައްޗަށް އަނދުން ރޮނގެއް ދެމުން. އަނދުން ނޫން އެހެން އެއްޗަކުން މިރޮނގު ދެމި ނަމަވެސް ކިޔާނީ މިހެންނެވެ
ކުނބުރު
ނ (1) ކަޅުރަތް ކުލައިގެ ފަތިކޮށް ވައްކޮށް ހުންނައޮށެއް. މީގެ މަދު ބޭހަށް ބޭނުންކުރެއެވެ. މިއީ ވެލެއްގައި އަޅާ އެއްޗެކެވެ. މިވެލުގެ ފަތް ހުންނަނީ ވަށްކޮށް ގޮނިކޮށެވެ. މިފަތް ބޯވާނެއެވެ. (2) ސިފައިންނާ މަގު ހިނގާމީހުން ފެން އަޅައިގެން ގެންގުޅޭ ވަށްކޮށް ފަތިކޮށް ހުންނަ ކަންވާރެއް (3) އިހުގައި ބަޑިބޭސް އަޅައިގެން ކަރައިން ގެންނަ ކަންވާރެއް (4) ފެންއަޅަން ގެންގުޅޭ ކަޅުމުށީގެ މުޑުކާ
ކުނބުކޮށި
ނ އޮޑިދޯނިފަހަރުގެ ކުނބު ނެގުމަށްޓަކައި ކުނބުވަތުގެ ދެތަލުގެ ދޭތެރޭ މެދުގައި ކުނބު އިންނަފަތާއެކު ތިން ފަރާތުގައި ފިލާޖަހައިގެން ހަދައިފައި ހުންނަކޮށި. މިއީ ކުނބުގެ ފޫ ވަނޮޅަށް ފައްތައި ކުނބުނަގާއިރު ފަރާތް ފަރާތަށް ކަސިޔާރުވެގެން ދިޔަ ނުދިއުމަށްޓަކައި ހަދައިފައި ހުންނަ އެއްޗެކެވެ
ކުނބުކޮޅު އާލާތް
ނ ކުނބާއި ފަރުމާނާއި އެއާބެހޭ ވާވެލާވެލި
ކުނބުއިންނަފަތް
ނ ކުނބު އިންނަ ފަތްބައިގައި އެންމެ މަތީ އިންނަ ފަތްގަނޑު
ކުނބުވައްގަނޑު
ނ އޮޑިދޯނި ފަހަރުގައި ކުނބުގެ ފޫ ޖަހާން އަލާ ވައްގަޑު މިވައްގަނޑު އެހެން ބުޑުވަކަށްވުރެ ވަރުގަދަ ވާނެއެވެ
ކުނބޯ
ނ (1) ހުދުކުލަޔާއި އަޅިކުލައިން ކުކުޅު ހާލުގައި އެޅިފައި ހުންނަ ކުރެހުމެއް (2) ކޮވެލި
ކުނޑި
ނ (1) ހިމުންއެތިއެތިކޮޅު މިސާލު: )ހ( ހަނޑުލުކުނޑި )ށ( ދަގަނޑު ކުނޑި )ނ( ކީސްކުނޑި (2) )ސ ( މޫނުގައި ޖަހާފުށް