radheef.info
ރަދީފު


ހުން
ނ (1) ހަށިގަނޑު ހޫނުވާ ބައްޔެއް މިބަލީގެ ކިތަންމެ ބާވަތެއް ހުރެއެވެ (2) )އ ކ ( ބަރުއެއްޗެހި ނަގާއިރު ބާރުލާން ބުނާބަހެއް (3) ތިމާޔާ ޒުވާބުކުރާ މީހަކު ދެރަކޮށްލާން އިއްވާއަޑެއް
މަގުބޮލިއެޅުން
މ އިހުގައި ވަކި ދަރަޖައެއްގެ މީހުން މަރުވެގެން ސަންދޯއް ގެންދާއިރު މަގުގެ ދެފަރާތަށް ބޮލި އަޅާއެޅުން
މަގުކޮށުން
މ (1) ވަލުތެރޭގައި ހުންނަ މަގުތައް ވާވެ ގަސްތައް ބޯވާން ފެށީމާ ކޮށައި ސާފުކުރުން (2) މަގުމަތި ބެދޭނެ ފަދަ ގޮތަކަށް ހުންނަ ގަސްތައް ކޮށައި ސާފުކުރުން (3) މަޖާޒު: ކަމެއް ކުރިއަށް ގެންދާނެގޮތް ރާވައި ފަހިކުރުން
މަގުއަމާންވުން
މ (1) މަގުމަތީގައި އެއްވެސް ނުރައްކަލެއް ނެތުން (2) މަޖާޒު: ކުރަން އުޅޭ ކަންތަކަށް އެޅިފައި ހުންނަ ބައެއްޒާތުގެ ހުރަސްތައް ފިލުން
މަގުމަތީލަވަ
ނ ގާއޮޑި ލަވަކިޔާ މީހުން ވެދުމާ ދާއިރު ކިޔާލަވަ
މަގުފޭރޭމީހުން
ނ މަގު ހިނގާފައިދާ މީހެއްގެ އަތުން ނުވަތަ އެއްގަމުގައި ދަތުރުކޮށްފައިދާ މީހެއްގެ ނުވަތަ ބައެއްގެ އަތުން ގަދަކަމުން ނުވަތަ ބިރުދައްކައިގެން ތަކެތި އަތުލާ މީހުން
މަގުދިލުން
މ (1) ވެލެއްގެ ތެރެއިން މަގެއް ކޮށައި އަލިކުރުން (2) މަގުގައި ހުންނަ ވިނަނޮޅައި ސާފުކުރުން
މަގުލަސްބެއްދުން
މ މަގުލަސްޖެހުން
މަގޫ
ނ ދަރާއި ދަނޑިއަށް ބޭނުންކުރެވޭ ބިޔަނޫންގަހެއް. މިއީ ފަތްތައް ވަރަށް ބޯކޮށް ހުންނަ ގަދައަށްހެދޭ ގަހެކެވެ މަގޫގަސް އެންމެ ގިނައިން ހުންނަނީ ހޭޅީގައެވެ
މަސަންދު
ނ (1) ދާން (2) ތަންމަތި އަޅާފައި ހުންނަ އެނދު
މަސައްކަތު ހުއްދަ
ނ ތަނުގެ އަހުލުވެރިން ނޫން މީހުން އެތަނެއްގައި ވަޒީފާ އަދާކުރުމަށް ސަރުކާރުގެ ކަމާބެހޭ ދާއިރާއަކުން ދީފައިވާ ހުއްދަ
މަސައްކަތުމީހުން
ނ މަސައްކަތް ކުރާ މީހުން
މަސައްކަތުމުސްކުޅިން
ނ ހަނގުބޭކަލުންގެ ތެރޭގައި ތިބޭބައެއް މިމީހުންގެ ވަޒީފާއަކީ ބުރުޒުގެ ތެރޭގެ އެތަންމިތަނަށް އެޅިފައި ހުންނަ އުންޑަ ހޮވުމެވެ
މަސަލަސް
ނ (1) މަސްލަޙަތު. (2) ކުޑަކުއްޖަކު ރުއިން ހުއްޓިގެންވާ މައިތިރި. (3) ބެރުފަށާ ލަވަބައިގެ ފުރަތަމަ ލަވަ ނުވަތަ ބެރުހުއްޓާ ލަވައިގެ ހަތަރުވަނަ ލަވަ އަދި ކުއްލާބުގޭގައި ބެރުކޮޅު ޖައްސަވާއިރު ފައްޓާލަވަ ނުވަތަ ކުޅިހުއްޓޭރޭވެސް ޖަހާލަވަ އެކަމަކު އެރޭގެ މަސަލަސް ތަފާތު ވާނެއެވެ (4) ކުޅިހުއްޓޭރޭ ބަންޑާރަ ކޮށީ މީހުން ޖަހާކުޅިއެއް
މަސަލަސްޖެހުން
މ (1) ވަކި ވަގުތުތަކެއްގައި ވަކިހަމައެއްގެ މަތީން ޖަހާ ރަސްމީ ބެރެއް ޖެހުން (2) ކުޅިހުއްޓާރޭ ބަންޑާރަކޮށީ މީހުން ޖަހާ ކުޅިއެއްޖެހުން
މަސާލަ
ނ (1) ރިހަ ނުވަތަ އަސާރަފަދަ އެއްޗެއްސަށް ތައްޔާރުކޮށްފައި ހުންނަ ހަވާދުގަނޑު (2) ފޮނިކާ އެއްޗިއްސަށާއި ދުފާ އެއްޗެއްސަށްލާ ހަވާދު
މަސާލަނަރު
ނ ވަރަށް ހިމަކޮށް އަދިއެހާމެ މަޑުކޮށް ހުންނަ ދަގަނޑު ނަރެއް
މަސް
ނ (1) ފެނުގައި ދިރިއުޅޭ ކޮތަރިއާއި ނަގޫފަތް ހުންނަ ދިރޭ އެއްޗެއް. )މީގެގިނަ ބާވަތްތަކަކީ ކާންބޭނުންކުރާ އެއްޗެއްސެވެ.( (2) އިންސާނުންނާއި ޖަނަވާރާއި މަސްމަހާމެއްސާއި. ދޫނިސޫފާސޫފީގެ ހަށިގަނޑުގައި ހަމާ ކައްޓާ ދެމެދުގައި ހުންނަބައި. (3) އިހި ބޮލި ރާކަނި ފަދަތަކެތީގެ އެތެރޭގައި އޮންނަބައި (4) އަހަރެއްގެ ބާރަބައި ކުޅަ އެއްބައި (5) ދޫމިޖަހާހެން ބިލެތުގައި ޖަހާ އެއްޗެއް (6) އިންސާނުންނާއި އެނޫންވެސް ބަނޑުއަޅާ ވިހާ އެއްޗެހީގެ ދަރިންގެ ފޫޅު ދަނޑިއާ ގުޅިފައި އޮންނަ އެއްޗެއް
މަސްހުނި
ނ މަހާއި ހުންޏާއި މިރުހާއި ހުތާއި ފިޔަޔާ އެއްޗެހި އެއްކޮށްގެން ލޮނުލައިގެން މޮޑޭ އެއްޗެއް ތަރުކާރީއާ ފަތްޕިލާވެލި ލައިގެންވެސް މަސްހުނި މޮޑެއެވެ
މަސްހުނިކުރުން
މ މަޖާޒު: (1) ތަފާތު އެއްޗެހިތަކެއް އެއްކޮށްލުން (2) ތަފާތު މީހުންތަކެއް އެއްކޮށްލުން
މަސްހުނިވުން
މ މަޖާޒު: (1) ބައެއްކަހަލަ އެއްޗެހި ތަކެއް އެކުވުން (2) ވަކިތަރުތީބަކުން ހުންނަންވީ އެއްޗެހިތަކެއްގެ ތަރުތީބު ގެއްލި އެގޮތްމިގޮތްވުން (3) ތަފާތު މީހުންތަކެއް އެކުވުން