radheef.info
ރަދީފު


ޖ
އ ތާނައިގެ ތޭވީސްސވަނަ އަކުރު
ސަމާ
ނ ރަސްކަމަށް ކޮލިލުން ނުވތަ ގަނޑުވަރުތެރޭ ބޭފުޅުން ރައްކައުވުން ނުވަތަ ޚިތާނުފުޅު ކުރުން މިކަންކަމުގައި ރަސްމީގޮތުން ގުޅަކުޅޭ ފަސްގަނޑުގައި ކުޅޭ ކުޅިވަރެއް މި ކުޅިވަރު ކުޅޭނީ ބެރު ދުންމާރި ތާޅަފިލި ފުމެފައި ފަސްގަނޑުގައި ކުޅިޖަހައިފައެވެ
ސަމާބެރު
ނ ސަމާގެ ތެރޭގައި ޖަހާބެރު
ސަމާއަށި
ނ ކިއެވެނި ބޭކަލުންގެ އަށީގެ ބިއްދޮށުބައި މިއީ ޒިކުރު ވެރިން ސަމާތާރަ ޖަހަން ތިބޭ ތަނެވެ
ސަމާއެދުރުލަވަ
ނ ދަނޑިބެރުގެ ލަވައެއް. މިއީ ސަމާތެރޭ ގައްޔާއި އަދި އެނޫންވެސް ތަންތަނުގައި ޖަހައިއުޅާ ލަވައެކެވެ
ސަމާތާރަ
ނ އަށްކަނަށް ހަދައިފައި ހުންނަ އޮނިގަނޑެއްގައި ގިގުނި ލައިފައި އެއްކޮޅުގައި މަޑިހަން އަޅައިފައި ހުންނަ އެއްޗެއް މިއީ ސަމާތެރޭގައި ޒިކުރުވެރިން ކިޔެވެނި ބޭކަލުންގެ އަށީގައި ޖަހާ ތާރައެކެވެ
ސަމާލަވަ
ނ ސަމާގައި ޖަހައިއުޅޭ ދަނޑިބެރުގެ ލަވަ
ސަމާސާބުނުން
މ މަޖާޒު: ދެ ޖިންސުގެ ދެމީހަކު ލޯބީގެ ގުޅުމެއް ހިންގުން
ސަމާސާއަށްވުރެމައްޗަށް ދިއުން
ގބ މަޖާޒު: ސަމާސާ ވިހަވުން
)މުސްކުޅިބަހެއް( އަންހެނަކު އަތްމަތިވާ ގޮތް ވެއްޖެނަމަ ބޭނުންކޮށްލާނަމޭ ބުނުމުގެ ގޮތުން ބޭނުންކޮށްއުޅޭ ބަހެއް ސަމުސަލަށްއަރައިފިއްޔާ ބޯލާނަމެވެ
ސަމޭދާން
ނ އުއްބައްތި ޖަހަން ލޮއިން ހަދައިފައި ހުންނަ އެއްޗެއް. މި ހުންނަނީ ތިންފައިޖެހި ވަށްފުލެއްގައި ތަނޑެއް ހަރުކޮށް އޭގެ ކޮޅުގައި އުއްބައްތި ޖަހާގޮތަށް ހަދައިފައެވެ
ސަފަށްގޮވުން
މ މީހުންތަކެއް އެކަކާ ޖެހި އަނެކަކު އެތުރުމަށް އަމުރު އިއްވުން
ސަފާމަރުވާ
ނ ޙައްޖުގެ އަޅުކަމުގެ ތެރޭގައި ސަޢުޔުކުރާ ކުރުމުގައި އެ ދެމެދުގައި ހިނގަންޖެހޭ ދެ ފަރުބަދަ
ސަފު
ނ (1) ރޮނގަކަށް އެތުރިފައިވާ އެތުރުން (2) އެކައްޗަކާ ޖެހިގެން އަނެކަތި ނުވަތަ އެކަކާ ޖެހިގެން އަނެކަކު އެތުރިފައިވާވުން
ސަފުހާ
ނ (1) ފަތްފުށް (2) ކަރުދާސް ގަނޑެއްގެ އެއްފަރާތް (3) މަޖާޒު: ޙަޔާތުގެ ދުވަހެއް ނުވަތަ ވަކި ދުވަސްވަރެއް
ސަފުސާންލުން
މ ގޮދަން ފުށާއި ދޮންވެއްޔާއި އެއްކޮށް ފެންޖަހައިގެން މޮޑެ ގުޅަވަށައިގެން ލޯއޮނެއްގެ ތެރެއަށް އެގުޅަލައި އޮނުގެ ކޮޅުގައި އަނގަޖަހައި ބާރަށް ފުމެގެން އެ ފުށްގުޅަ ދުއްވުން. މި ފުށްގުޅަ ދުއްވާނީ ކާޅާއި ބޮނޑާއި ހޯނުފަދަ ތަކެއްޗަށެވެ. މިއީ އިހުގައި ރޯދަމަހުގެ ހަވީރު ތިން ހަތަރުމީހުން ނުވަތަ ފަސްހަމީހުން ކުޅިވަރެއްގެ ގޮތުގައި ކުރާކަމެކެވެ
ސޮކަށް
ކއ (1) ތާކުންތާކު ނުޖެހޭ ގޮތަށް (2) ބޭނުމެއްނެތް ގޮތަށް (3) ހުހަށް
ސޮކަށްދިއުން
މ (1) ކުރަންފެށި ކަމެއް ތާކުންތާކު ނުޖެހިދިއުން (2) ކަމެއް ކަމަކަށް ނުވާގޮތަށް ނިމުން (3) ހުހަށް ދިއުން
ސޮއްވުން
މ ޖަނަވާރެއް ފައްސައިލުން
ސޮސައިޓީ
ނ (1) ދިރިއުލޭ މުޖުތަމަޢު (2) އަމިއްލަ މީހުން އުފައްދައިފައިވާ ހިލޭ ސާބަހަށް މަސައްކަތް ކޮށްދޭ ޖަމްޢިއްޔާ
ސޯބުގައިލުން
މ މަޖާޒު: ހިންދެމިލިޔަނުދީ މަސައްކަތް ކުރުވުން