radheef.info
ރަދީފު


މީ
އ )މިއީ( ކައިރީގައިވާ އެއްޗަކީ ކޮން އެއްޗެއްކަން ބުނެދިނުމުގެ ގޮތުން ބޭނުންކުރާ ބަހެއް މިސާލު: މީ އަހަރެންގެ ޤަލަމެކެވެ
ގޮނޑެއްގައިއޮތަސް ޖަވާހިރެއްވާނީ ޖަވާހިރަކަށެވެ
(މުސްކުޅިބަހެއް) ކިތަންމެ ނިކަމެތި ހާލެއްގައި ހުއްޓަސް ކަންކަމަށް މޮޅު ކުޅަދާނަ މީހުންވާނީ މޮޅު ކުޅަދާނަ މީހުނަށްކަން ހާމަކޮށް ދިނުމަށް ބުނެއުޅޭ ބަހެއް
ގޮނަކަށްގޮނެއް
ގބ )މުސްކުޅިބަހެއް( މީހަކު ހަދިޔާއެއް ފޮނުވައިފިނަމަ އަނެކަކުވެސް އެއްޗެއް ފޮނުވަން ޖެހޭނެ ކަން އެންގުމުގެ ގޮތުންބުނާ ބަހެއް
ގޮނީފުލަށްފޭބުން
މ (1) މަސްބައްދާއިރު މަސްބައްދާ ގޮނީގެ ފުލަށް އެރުން (2) މަޖާޒު: މަސައްކަތް ކުރާހާ ވަރުނެތް މީހުންނާމެދު ބުނެއުޅޭބަހެއް މިސާލު: މޫސަބޭދެން މިހާރު އެހެރީ ގޮނީ ފުލަށް ފައިބައިފައެވެ
ގޮނެއްދިނިއްޔާވައްޓެއް
ގބ )މުސްކުޅިބަހެއް( (1) މީހަކު ހަދިޔާއެއް ދީފިނަމަ އޭގެ ބަދަލުގައި ދޭންވާނީ އެއަށްވުރެ ރަނގަޅު އެއްޗެއްކަން އަންގައި ދިނުމުގެ ގޮތުން ބުނެއުޅޭބަހެއް. (2) މީހަކު ހެޔޮކަމެއް ކޮށްދީފިނަމަ އެއަށްވުރެ ބޮޑު ހެޔޮކަމެއް ކޮށްދޭންވާނެކަން އަންގައިދިނުމުގެ ގޮތުން ބުނެއުޅޭބަހެއް
ގޮންޖެހުން
ނ (1) އަންހެނުން އިހުގައި އީދުތެރޭގައި ކުރާކަމެއް. މިކަންކުރާގޮތަކީ ފަހަތުން ދުވެފައިގޮސް "ޢީދުބޮލަށްގޮން" މިހެން ކިޔައިފައި އެ ފިރިހެން މީހާގެ ބޮލުގައި ނުވަތަ ކޮނޑުގައި އަތުން ޖަހައިފައި ދިއުމެވެ. މިއީ އަންހެނުންގެ ކެރޭކަން ދައްކަންކުރާ ކަމެކެވެ. (2) ވާދަކުރުން. (3) މަޖާޒު: މީހަކު ނުވަތަ ބަޔަކު ކަމެއް ކުރުމުން އެހެން މީހަކު ނުވަތަ އެހެން ބަޔަކު އެކަމެއް އެއަށްވުރެ މޮޅަށް ކުރާނެކަމަށް ބުނުން
ގޮރުބުޑު
ނ މަޖާޒު: ކޮންމެވެސްވަރަކަށް ގޮރުވަސް ހުންނަ ނުތާހިރުކޮށް ތިބޭޅަދަރިމައިން ނުވަތަ އެފަދަމީހުން ދެރަކޮށްލުމުގެ ގޮތުން ބުނެއުޅޭބަހެއް
ގޮރުލޯގަނޑަށްވެއްޓުން
ގބ މަޖާޒު: ޅަދަރިމައި އަންހެނަކާ މީހަކު އިނުމުން ބުނެއުޅޭ ބަހެއް
ގޮބިޔާ
ނ )ގ ( (1) ނިދަންމިޔަރު (2) މަޖާޒު: ނިދިގިނަމީހާ
ގޮޅާ
ނ ކަނޑުފަޅުގެ ތިލަ ހިސާބުގައި އުޅޭ ބޮލީގެ ބާވަތެއް މިއީ ތޮށިގަނޑު ބޯއެއްޗެކެވެ މީގެ ތަފާތު ވައްތަރުތައް ހުރެއެވެ މިއީ މަސްކާއެއްޗެކެވެ
ގޮޅާއޮނބެ
ނ )ގ ( މީދާ ކައިފައި ހުންނަ އުނބު
ގޮއިބައި
ނ (1) ސަރުކާރުގެ ބިމެއްގައި އަމިއްލަ މީހުންކުރާ އޮށްޓަރު ގޮވާމުން ސަރުކާރަށް ނަގާބައި. މިގޮތުން އެކިޒަމާނުގައި އެކި ރަށުން ނަގައި އުޅުނީ އެކިވަރަށެވެ. ބައެއް ދުވަސްވަރު 3/1 4/1 5/1 8/1 ނަގައި އުޅުނުކަމަށްވެއެވެ. (2) މީހުން އުޅޭ ރަށެއްގެ ގޯތީން ބޭރުގައި ތައްޖަހާ ތަކެތި. )ރުއް ފެންފޯއްރުއް ބަނބުކެޔޮ ކަށިކެޔޮ( ނޫން ތަކެތި ހެއްދުމުން އެތަކެތިން ލިބޭއެއްޗަކުން ސަރުކާރަށް ނަގާބައި (3) ހޭޅިން އަތިރި ބަންޑާރަޔަށް އޮންނަ ރަށްރަށާއި މީހުން އުޅޭ ވަގުފު ނޫން ފުރަބަންޑާރަ ރަށްރަށުގައި ކުރާ މަސްވެރިކަމުން ބަންޑާރަޔަށް ނަގާ މަސްބައި (4) ކޮންމެ ރާވެރިޔެއްގެ އަތުން ސަރުކާރަށްނަގާ ހަކުރުބައި )މިގޮތުންނަގާނީ ކޮންމެ ރާވެރިޔެއްގެ އަތުން މަހަކު އަޑުބައެކެވެ
ގޮއިވެރިން
ނ ރަށްރަށުގެ ގޮއި ލިއުއްވައިގެން އުޅޭ މީހުން
ގޮއިދުރުވާނު
ނ ނެވިނިޔަމީން މާލިމީކަމުގެ ގޮތުން އަޅަންގެންގުޅޭ ފިލާ
ގޮވާލަންދިއުން
މ ބަލިމީހަކުގެ ނުވަތަ ބަންދެއްގައި ހުރިމީހެއްގެ ޙާލު ދެކެލަން ދިއުން
ގޮވި
ނ ގެރިބަކަރި ޖަމަލު ފަދަ ޖަނަވާރު ގެންގުޅޭމީހާ
ގޮވިން
ނ ގެރި ބަކަރި ޖަމަލުފަދަ ޖަނަވާރު ގެންގުޅެ ބަލަހައްޓާ މީހުން
ގޮވިކަލޭގެ
ނ ގެރިބަކަރި ޖަމަލުފަދަ ޖަނަވާރު ގެންގުޅޭމީހާ
ގޮމަތަނަ
ނ )ޏ ސ ( ބިންމަތީ ފެތުރޭގޮތަށް ހެދޭފަތް ކުދިގަހެއް މިގަހުގެ މުލަކީ ވަރަށް މީރުވަސް ދުވާ އެއްޗެކެވެ އަންނައުނާއި ތެލުގައިވަސް ހިއްޕުމަށް މިގަހުގެ މޫ ބޭނުން ކުރެއެވެ
ގޮމަތެނަ
ނ )ށ ( ބިންމަތީ ފެތުރޭގޮތަށް ހެދޭ ފަތްކުދިގަހެއް މިގަހުގެ މުލަކީ ވަރަށް މީރުވަސްދުވާ އެއްޗެކެވެ އަންނައުނާއި ތެލުގައިވަސް ހިއްޕުމަށް މިގަހުގެމޫ ބޭނުންކުރެއެވެ
ގޮމިއަރު
ނ )މ ( ލޭނުފައްތައިގެން އަޑިންބާނާ މިޔަރެއް މީގެ ބަނޑުހުންނަނީ ވައްކޮށް މެދަށް ފަލަކޮށެވެ