radheef.info
ރަދީފު


މީ
އ )މިއީ( ކައިރީގައިވާ އެއްޗަކީ ކޮން އެއްޗެއްކަން ބުނެދިނުމުގެ ގޮތުން ބޭނުންކުރާ ބަހެއް މިސާލު: މީ އަހަރެންގެ ޤަލަމެކެވެ
ގޮހޮޑު
ނ (1) އެއްޗަކަށް ނުވާމީހާ (2) ގޮފަޅު (3) ގޮހޮޅު
ގޮށިމޫނުންބާންޏާދިއުން
މ ޚާއްޞަ މުނާސަބަތު ތަކުގައި ރަސްކަލަކަށް ނުވަތަ ރަސްކަލެއްގެ އަނބިކަނބަލަކަށް ނުވަތަ ދަރިކަނބަލަކަށް އަންހެނުންކުރާ ޚާއްޞަ ވެދުމެއް ކުރުން. މިވެދުން ކުރާނީ އެކިބައި ބަޔަށް ވަކިވަކީންނެވެ. މިވެދުންގެންދާނީ ރަންވަރަނގުހިއްޕައިފައިވާ ބޯކަރުދާހު ގޮށްޓެއްގައެވެ ރާއްޖެ ތެރޭގައިނަމަ ވިޔެފައިވާ ގޮށްޓެއްގައެވެ މިދިއުން ދާއިރު ކޮންމެ މީހެއްގެ އަތުގައި ގޮށްޓެއް އޮންނާނެއެވެ
ގޮށިދީދިހެއްދުން
މ އަންހެން ކުދިން ބޮޑެތި މީހުން ލާކަހަލަހެދުން އަޅުވައި ނަލަހެއްދުން
ގޮށް
ނ (1) ގަމީސް ލިބާސް ފަދަ އެއްޗެހީގައި ލުމަށް ތަފާތު އެއްޗެހިން ތަފާތު ގޮތްގޮތަށް ހަދައިފައި ހުންނަ އެއްޗެއް. (2) ގައިގެ އެކި ތަންތަނުން ފުއްޕާ ހަރު ތަންތަންކޮޅު. (3) ބައެއްކަހަލަ އެއްޗެހީގައި އުފުލިފައި ހުންނަ ހަރުތަންތަންކޮޅު. މިސާލު: ގަސްގަހުގައި ހުންނަގޮށް. (4) ލަކުޑި ކީހައިފައި ހުންނައިރު އާރުގެ މެދުގައި ހުންނަ ހަރުތަންތަންކޮޅު. (5) ހަށިގަނޑުގެ ބައެއް ނިޒާމު ހަމަޖެއްސުމަށްޓަކައި އިންސާނުންނާއި ބައެއްޙައިވާނުގެ ހަށިގަނޑުގެ ބައެއް ތަންތަނުގައި ގޮށްގޮށް ހެންހުންނަ ގުނަވަނެއް މިއީ ހަށިގަނޑަށް ބޭނުންވާ ބައެއް އެއްޗެހި އުފައްދައި ބޭނުންނުވާ ބައެއްޗެހި ނައްތައިލާ ގުނަވަނެއް މިސާލު: ކުޅުއުފައްދާގޮށް (6) ފަށެއްގެ ދެކޮޅު ހުޅުވުމަށް ބާރުކޮށް ޖަހާމަޅި މިސާލު: )ހ( ވަގޮށް )ށ( ދަމާގޮށް
ގޮށްރާޅު
ނ (1) އޮޔާ ވަޔާ އިދިކޮޅުވުމުގެ ސަބަބުން އެގޮތް މިގޮތަށް އުފެދިފައި ހުންނަ ރާޅު (2) ގޮށްގޮށަށް ހުންނަރާޅު (3) މަޖާޒު: މަސައްކަތެއްގެ ތެރޭގައި މީހަކު އުފައްދާ ހަމަނުޖެހުން
ގޮށްބުރި
ނ (1) ގަހަކުން ކަނޑައިލައިފައިއޮތް ގޮށްހުރި ބައެއް (2) މަޖާޒު: ވަށްއަގުޅި އަޅައިފައި އޮންނަ ކަންނެޔޮބުރި (3) ކުރުކޮށް ފަލަކޮށް ތިބޭމީހުން
ގޮށްކުޅަނދުރު
ނ ފަތްވަރަށް ހިމަކޮށް ހުންނަ ބިންމަތީގައި ފެތުރޭގޮތަށް ހެދޭގަހެއް. މިގަހުގެ އަޑިޔަށް ފައިބާ އެއްޗިއްސަށްވެސް ކިޔަނީ މިނަމެވެ. މިއީ މީރު ވަސްދުއްވުމަށާއި ބޭހަށް ބޭނުންކުރާ ވަރަށް މީރުވަސް ދުވާއެއްޗެކެވެ
ގޮށްއެރުވުން
މ އަތުގެ މުލައްދަނޑީގައި ޖަހައިގެން މީދާމަސްގަނޑު އުފުއްލުން
ގޮށްމަރު
ނ (1) ތަނެއްދޮރެއް ނޭނގޭމީހާ (2) ގަމާރު
ގޮށްމަސް
ނ ބުރަ މަސައްކަތް ކުރާ މީހުންނާއި ހަށިގަނޑު ވަރުގަދަ ކުރުމަށް ކަސްރަތު ކުރާމީހުންގެގުނަވަންތަކަށް އަރައިފައިހުންނަ ހަރު ވަރުގަދަމަސް
ގޮށްމާވަޑި
ނ (1) އޮމާން ކަމެއްނެތި ކަސްކޮށް ލަކުޑިކޮށް އެއްޗެހި ހަދާމީހާ (2) މަޖާޒު: އާޑެއް ފާޑެއް ނެތްގޮތަށް ކަންތައްކުރާ މީހާ
ގޮށްފަތި
ނ ގަމީހާއި ލިބާސްފަދަ އެއްޗެހީގެ ގޮށް ހަރުކުރުމަށާއި ގޮށްވަޅު ހެދުމަށް މަޅައިފައި ހުންނަބައި
ގޮށްލަރުކަން
ނއނ (1) މީހެއްގައި ހުންނަ ގޮތެއްނެތް ހަރުކަށިކަން (2) އެއްޗެއްގައި ހުންނަ ފާޑެއްނެތް ކުރަކި ނުވަތަ ކަސްކަން
ގޮނޑިހުސްވުން
މ ތަނަކަށް އައްޔަން ކޮށްފައިވާ ނުވަތަ އިންތިޚާބު ކޮށްފައިވާ މީހަކު އެކަމުން ވަކިވުން މިސާލު: ރައްޔިތުންގެ މަޖިލިސްގެ އަތޮޅެއްގެ ގޮނޑި ހުސްވުން
ގޮނޑިހޫނުކުރުން
މ މަޖާޒު: (1) ތަނަކަށް ގޮސް ކަމެއް ކުރަންޖެހޭ މީހަކު ކަމެއް ނުކޮށް ވަގުތު ބޭކާރު ކުރުން (2) ކޮމިޓީ ތަކާ މަޖިލީސް ތަކުގައި އެއްޗެއް ނުބުނެ ތިބޭ މީހުންނާ މެދު ބުނެއުޅޭ ބަހެއް
ގޮނޑިލިބުން
މ ޢައްޔަންކޮށްގެން ނުވަތަ އިންތިޚާބު ކޮށްގެން މީހުންހޮވާ ތަނަކުން ހުސްވެފައިވާ މަގާމު ލިބުން
ގޮނޑީގައިޖަހާ ކޮޅުންއަޑުއެހުން
މަޖާޒު: މީހަކު ބުނާ އެއްޗެއް ބުނިގޮތް ނޫންގޮތްގޮތަށް އަޑު އިވޭ މީހުންނާ މެދު ބުނެއުޅޭ ބަހެއް
ގޮނޑު
ނ (1) އެތަނެއްގައި ދިރިއުޅޭ މީހުން އުކާލާ ކުނިބުނި އަޅާތަންތަން (2) ހަޑި މުޑުދާރު
ގޮނޑުދޮށުމޫނުންބާނި
ނ ވާރުވެރިޔާ ވާރުފަތްކޮޅު ކިޔުއްވަން ދުރުވާ ދަތުރު ރަށްރަށުން ކުރާ ވެދުމެއް މިކަންކުރާ ގޮތަކީ ވާރުވެރިޔާ ރަށަށް ފައިބަންނަވާ ވަގުތު ދަނޑިއެއްގައި ބޮލިކޮއްޓޭ އެއްލައި ދެމީހަކު ކޮނޑުއަޅައިގެން ވާރުވެރިޔާއާއެކު ފަތްކޮޅު ކިޔުއްވާ ތަނަށް ގެންގޮސް ބޮލިކޮއްޓޭ އެތާގައި ބާއްވަނީއެވެ
ގޮނޑެއްނެގުން
މ މަޖާޒު: މީހަކު މާގިނަ އެއްޗެހި އެއްފަހަރާ ކާން އިންދައި ފެނުމުން ބުނުއުޅޭ ބަހެއް