radheef.info
ރަދީފު


މީ
އ )މިއީ( ކައިރީގައިވާ އެއްޗަކީ ކޮން އެއްޗެއްކަން ބުނެދިނުމުގެ ގޮތުން ބޭނުންކުރާ ބަހެއް މިސާލު: މީ އަހަރެންގެ ޤަލަމެކެވެ
ގިނައޮޅިގިރާކުރަންޏާ ގިނައަޑުއިވޭނެ
ގބ )މުސްކުޅިބަހެއް( ގިނަތަންތަނަށް ވަދެ އުޅެންޏާ އެމީހަކާމެދު ގިނަވާހަކަ ދެކެވި ގިނަބަދުނާމުވާނެކަން އަންގައި ދިނުމުގެ ގޮތުން ބުނެއުޅޭބަހެއް
ގިނިކާމާދޫނި
ނ ދޫނިތަކުގެ ތެރޭގައި ހިމެނޭ އެހެން ނަމަވެސް ނޫދުހުވޭ ބިޔަދޫންޏެއް މީގެ ދެފަޔާއި ކަރުވަރަށް ދިގުވާނެއެވެ. މިއީ ހިލައާއި ގާކޮޅުކޮޅު ފަދަ އެއްޗެހިވެސް ކައިއުޅޭ ދޫންޏެކެވެ. މިފަދަ އެއްޗެހިކަނީ ހަޖަމު ކުރުމަށް އެހީ ލިބޭތީއެވެ
)މުސްކުޅިބަހެއް( ކަމެއްގެ އަދަބު ލިބިފައިވާ މީހާ އެފަދަ ކަމެއް ކުރުމަށް ޖެހިލުންވާނެކަން އެންގުމަށް ބުނެއުޅޭ ބަހެއް ގިނިދުށްމީހާ ރަތް މަލަށް ބިރުގަންނާނެއެވެ
ގިރުނބާފިލާ
ނ ގިރުނބާގެ ފިލަޔާ ވައްތަރަށް ފަތްހުންނަ ފަތްޕިލާވެއްޔެއް އެގަހުގެ ފަތްވާނީ ދެތިންއިންޗިވަރެވެ ފަތުގައި ކުދިކުދި ކަށިތަކެއް ހުރެއެވެ މީގެ ފަތްބޯވެފައި ބިނދޭހާ މުރަނައެވެ ފަތުގެ ތުނޑުކޮޅުހިމައެވެ
ގިއްގަޅުވައިލުން
މ (1) މީހަކުވެއްޓި އިނދަ ޖެހޭގޮތަށް ގަންނަވައިލުން މަޖާޒު: (2) ތިމާގެ ބާރުން އަނެކެއްގެ އަގުވެއްޓައިލުން ނުވަތަ މަޤާމް ދަށްކޮށްލުން (3) ވާހަކަދައްކައިގެން ނުވަތަ ޒުވާބުކޮށްގެން ދެރަކޮށްލުން
ގިއްގެޅުން
މ (1) އަނެކަކު ގަންނަވައިލި ގަންނަވައިލުމަކުން ވެއްޓި އިނދަޖެހުން މަޖާޒު: (2) މީހަކު ކުރިކަމަކުން އަނެކެއްގެ އަގުވެއްޓުން ނުވަތަ މަޤާމް ދަށްވުން (3) ވާހަކައަކުން ނުވަތަ ޒުވާބަކުން ދެރަވުން
ގިއްސާ
ނ ތަރުކާރީގެ ބާވަތެއް މިއީ ތޮރައަކަށްވުރެ ދިގުކޮށް ޗިޗަންޑާއަށް ވުރެ ކުރުކޮށް ހުންނަ އެއްޗެކެވެ މިއީ ވެލެއްގައި އަޅާ އެއްޗެކެވެ މީގެ ތޮށިގަނޑު ވަރަށް ހަރުވާނެއެވެ
ގިފިލިބެލުން
މ މަޖާޒު: ގިފިއްޔެއްފަދަ ތަނެއްގައި މީހަކުހުއްޓައި ސިއްރުން ބެލުން
ގިތެޔޮއެޅިގުޅިއަކުންވަހެއްނުފިލާނެ
)މުސްކުޅިބަހެއް( ތިމާ ކުރަމުން އައި ކަމެއް ކުރުން ހުއްޓާލިޔަސް އެކަމަކަށް ބޭނުންކުރި ތަކެތި ކޮންމެވެސް ވަރަކަށް ހުންނާނެކަން އެންގުމަށްޓަކައި ބުނެއުޅޭ ބަހެއް މިސާލަކަށް: ރީތިކޮށް ލިޔާމީހަކު ލިއުން ހުއްޓާލިއަސް އޭނާގެ އަތުގައި ގަލަމެއް ޖަހާނެ އޮނުކޮޅެއް އޮތުން އެއްތެޔޮ ފުރާމީހަކު އެމަސައްކަތް ހުއްޓާލިޔަސް އޭނާގެ އަތުގައި އެއްތެޔޮ ކޮޅެއް އޮތުން
ގިތެޔޮމިރުސް
ނ މިރުހުގެ ބާވަތެއް މިއީ ރަހަ ވަރަށްމީރު ކުޅިރަހަ ގަދަ މިރުހެކެވެ މި މިރުސް ހުންނަނީ ތިންއަރިޔަށް ވާކަހަލަ ގޮތަކަށް ކުރުފަލަކޮށެވެ ތޮށިގަނޑުގައި އަޑިއަޑިކޮޅު ހުރެއެވެ މީގެ ތަފާތު ވައްތަރުތައް ހުރެއެވެ މިސާލު: )ހ( ފިއްތިގިތިޔޮ މިރުސް )ށ( ފަގުޑި މިރުސް
ގިތެޔޮމީރުކުރުން
މ (1) ފިޔައާއި ހިކަނދިފަތާއި ރާނބާފަތް ގިތެލުގެ ތެރޭގައި ވަކިވަރަކަށް ތެއްލައިލުން (2) ފިޔާ މީރުކުރުން
ގިގުނި
ނ (1) ހަލުވައިލީމާ އަޑުކިޔާ ގޮތަށް އެތެރެޔަށް ހަރުއޮށެއް ކަހަލަ އެއްޗެއް ނުވަތަ އެތިކޮޅުތަކެއް ލައި ބައްދައިފައި ހުންނަ މައުދަނީ އެއްޗެއް މީގެ ކިތަންމެ ވައްތަރެއް ހުރެއެވެ މިސާލު: ހަލާދަނޑީގެ ފުލުގައި ލުމަށާއި ނަށާ މީހުންގެ ފައިގައި އަޅައި އުޅުމަށް ބޭނުންކުރާ ގިގުނި (2) ވިހަ ގިގުނި ގަހުގެ ހިކިތޮޅި
ގިޓާ
ނ މިޔުޒިކު ކުޅެން ގެންގުޅޭ ނަރުފުރައިފައި ހުންނަ އާލަތެއް މީގައި ނަރުފުރައިފައި ހުންނަނީ މައިގަނޑުން ބޭރަށް ހުންނަ ދަނޑިއެއްގައެވެ ކަރަންޓުން ބޭނުންކުރާ ގިޓާއާއި އާދައިގެ ގިޓާހުރެއެވެ
ގިޔުގަނޑު
ނ (1) ފޮޓޯލޯގަނޑާއި ސަނދުވާ ފަދަ އެއްޗެހީގެ ވަށައިގެންވާ ފުރޭމު މަޖާޒު: (2) ޖަލްސާއެއް ސެމިނާރެއް ފަދަކަމެއް ކުރިޔަށް ގެންދާނެގޮތް ރާވާ ރޭވުން (3) ކަމެއް ހަމަޖެހިގެން ހިނގަމުން އަންނަ އުސޫލު މިސާލު: އިސްލާމީ ގިއުގަނޑު (4) )ހ ( ޢިމާރާތެއްގެ މަތިވަޑާންގަނޑު
ގުނބޯ
ނ (1) ހިރަފުސް ވެލި ހުންނަ ތަންތާނގައި ވަޅުލެވިގެންއުޅޭ ގަދަ އަޅިކުލައެއްގެ ފަނިފަކުސައެއް. (2) ޙާޞިލުނުވާނެ ކަންތައްތަކެއްގެ އުއްމީދުގައި އޭނާ ހައްދައިގެން އުޅޭ ބަހަށް ހެއްލިގެން އުޅޭމީހާ (3) އެއްވެސް ހަރުދަނާކަމެއްނެތި އުޅޭ މީހާ
ގުނބޯނެއްޓުން
މ ޙާޞިލުނުވާނެ ކަންތައްތަކެއްގެ އުއްމީދު ކުރުވައިގެން ބަޔަކު މީހުން ހައްލައިލައިގެން އެމީހުން ލައްވައި ކަންތައްތަކެއް ކުރުވުން
ގުނގުރުފަތި
ނ ގުނގުރުތަކެއް އެއްކޮށްގެން ފައިގައި އައްސާ ގޮތަށް ހަދައިފައި އޮންނަ އެއްޗެއް މިއީ ނަށާ މީހުންގެ ފައިގައި އަޅާ އެއްޗެކެވެ
ގުނގުރުޖެހުން
މ )ބ.( (1) މުށްގަނޑެއް ލައިފައި ހުންނަ ގުނގުރު ލަވަޔާ ހަމަވާ ގޮތަށް ޖެހުން. (2) ގުނގުރު ހިފައިގެން ނަށާއިރު އެހެން މީހަކާ ނެށުން ޙަވާލުކުރަންވެގެން އެމީހާގެ އުގަށް ނަށާމީހާ އަތުގައި އޮތް ގުނގުރު ފަތިޖެހުން
ގުންޑާ
ނ (1) އެއްޗެއް ނޭނގޭމީހާ (2) ނުކިޔަވައިހުރިމީހާ (3) ޖާހިލުމީހާ (4) ތަންދޮރު ނުދަންނަމީހާ
ގުންޑާރު
ނ )ބ ސ ( (1) ހަޑިކަމުގެ ނިހާޔަތް (2) ކުރާ މަސައްކަތެއްގެ ސަބަބުން ހެދުމާއެކު ހަޑިވެ ތަތްތެޅިފައި ހުންނަ މީހާ