radheef.info
ރަދީފު


ޖ
އ ތާނައިގެ ތޭވީސްސވަނަ އަކުރު
ހިތާވުން
މ (1) މީހެއްގެ ނުވަތަ އެއްޗެއްގެ މައްޗަށް ހިތް ލެނބުން (2) ހިތްޖެހުން މިބަސް ގިނައިން ބުނެއުޅެނީ އިންސާނުންގެ ދެޖިންސުގެ ދެމެދުގައި ހިންގާ ލޯތްބަށެވެ (3) ޤަބޫލުވުން
ހިތި
ނ (1) ހަބަރުގައި ހުންނަރަހަ. (2) ބާވަތެއްގެ ފަތްކުދި ބޮޑުގަހެއް. (3) ހިތިގަހުގެ އޮށް. (4) ބަތާލައިގެން ކާން ފުނޑި ހަވާދުނުލާ ކައްކާ ދޮންރީނދޫ ކުލައިގެ ދިޔައެއް. މީގެ ތެރެއަށް ހިތި ދަމުއިލުމީ ކޮންމެހެން ބޭނުން ކަމެކެވެ. (5) ހިޔާނުކޮށް ހުންނަ ފެންގަނޑުގައި އުފެދޭ ދޮން ފެހި ކުލައިގެ ކުދިކުދި ދިރޭއެއްޗެއް. މީގެ ބޮޑުމިންވާނީ ގެރެވިފުކެއް ވަރެވެ. އެކަމަކު އޭގެ ސަބަބުން މުޅި ފެންގަނޑު އޮންނާނީ އޮލަވެފައެވެ. (6) ބަބުކޭލުގެ ތެރޭގައި ހެދިފައި ހުއްޓާ ފެންނަ ފެހިކުލައިގެ ބައްޔެއް. (7) ރަމަޟާންމަހުގެ 22، 24، 26، 28 މިދުވަސް ދުވަހާއި މިދުވަސްދުވަހާއި ވިދިގެން އަންނަރޭރޭ ކޮށްއުޅުނު ރަސްމީ ކަންތައްތަކެއް (8) ނއ ރަހައާއި ގުޅޭ ގޮތުން ބޭނުންކުރާ ނަންއިތުރެއް މިސާލު: ހިތިބޭހެއް (9) މަޖާޒު: ކަމަކުންނުކުންނަ ދެރަނަތީޖާ: މިސާލު ހިތިނަތީޖާ (10) ހިތަށްކުރާ ވޭނީ އަސަރު މިސާލު: ހިތިހިތާމަ (11) "ހިތުން" މިބަހުގެ ނިމިނިމުނުކަން
ހިތިކަން
ނއނ (1) ހިތިރަހަދޭކަން (2) މަޖާޒު: ހިތަށް މާބޮޑަށް އަސަރުކުރަކޮށްފައިވާކަން
ހިތިކަރުނަ
ނ (1) ނުލާހިކު ގަދަ ހިތާމައެއްގެ އަސަރުން ލޮލުން އޮހޮރޭ ކަރުނަ (2) މަޖާޒު: ނުލާހިކު ގަދަހިތާމަ
ހިތިވުން
މ (1) ހިތިރަހަދިނުން (2) މަލާއި މޭވާފަދަ ތަކެއްޗަށް ލިބޭ ހާނީކައަކުން އޭގެ ރަހަޔާއި ވަސް ބަދަލުވުން (3) މަޖާޒު: ނުބައިވުން
ހިތިފިލުން
މ (1) އެއްޗެއްގައި ހުރި ހިތިރަހަ އެއާވަކިވުން (2) މަޖާޒު: ކުށެއް ވުމުގެ ސަބަބުން މީހަކަށް މާނާވީ ހުރިހާ ކަމަކުން ސަލާމަތްވުން
ހިތިދަނޑި
ނ ބޭހަށް ގެންގުޅޭ ހިތިރަހަލާ ހިމަދަނޑިއެއް މިއީ ރާއްޖެއިން ބޭރުން ގެންނައެއްޗެކެވެ މީގެ ގަސްހެދެނީ އޮނު ހުންނަ ގޮތަށް ބަދަބަދަލައިފައި ބަދަތައް ވަރަށް އޮމާން ކޮށެވެ ބަދަތައް ހުންނަނީ ހިމަކޮށެވެ ގާތްގަޑަކަށް ކުޑަވާއިނގިއްޔެއްހާ ފަލަމިނެއްގައެވެ ފަތްތައްވެސް ހުންނަނީ އޮނުފަތާ ވައްތަރުކޮށް އެއަށްވުރެ ކުދިކޮށެވެ މިގަސް ހެދެނީ ގާތްގަނޑަކަށް 5 ފޫޓެއްހާވަރަށެވެ އިނގިރޭސިބަހުން މިގަހަށް ކިޔަނީ ސިންކޯނާއެވެ
ހިތީބެރު
ނ ހިތީ ކިޔަވާންދާން އެންގުމަށް ހިތިދުވަހު ޢަޞުރަށް ގޮވީމާ ޖަހާއުޅުނު ބެރު
ހިތީބޯޓް
ނ (1) ހިތިދުވަހަށް ހިތީ ކުޅިވަރަށް ހަދާ ވައްތަރުގެ ނައުޒޯނގު (2) މަޖާޒު: އަޞްލުގައި ނެތްއެއްޗެއް ކަމުން ދެއްކުން މިސާލު: ފޮތްތެރިއަކަށް ނުވާ މީހަކު ފޮތްތަކެއް އެއްކޮށްގެން ފޮތްތެރިއަކަށް ހެދިގެން އުޅުން
ހިތީކޭން
ނ ހިތީކިޔަވާން ދުރުވާ ހަނގުބޭކަލުންނާއި އަވަށު މީހުން ރޯދަވީއްލުމަށް ކައްކައިގެން ގެންދާކޭން މިކޭން ކައްކަނީ މަޖިލީހަށް އަރާ ބޭކަލުންގެ ގޭގެއިންނެވެ މި ކޭމާއި ފާރުދޮށުކޭމާ ހުންނަ ތަފާތަކީ މިކޭމުގައި ހިތި ހުންނަކަމެވެ
ހިތުލީބޮލިނެގުން
ނ (1) ބޮލިއަތުރައިގެން ކުޅޭ ކުޅިވަރެއް މިކުޅިވަރުގައި އެކެއްގެ ހިތުން ގަސްތުކުރާ ބޮލި ދެވަނަ ފަހަރު އެތުރުމުގެ ގޮތުން އަނެކަކު ވިސްނައިގަނެއެވެ (2) މަޖާޒު: މީހަކާ ހިތާވެގެން އެކަން ފާޅުނުކޮށް ހުރެހުރެފައި އެމީހަކާ އިންނަ އިނުން
ހިތުގެބަލި
ނ (1) ހިތަށްނުޖެހޭބަލި (2) މަޖާޒު: އިޝްޤީބަލި
ހިތެއްފިތެއްނެތުން
މަޖާޒު: (1) ރަޙުމެއް ހަމުދަރުދީއެއް ނެތުން (2) ކުލުނެއް އޯގާވެރިކަމެއް ނެތުން (3) ބިރެއް ސިހުމެއް ނެތުން
ހިތެއްފިތެއްނެތް
ނ މަޖާޒު: (1) ރަޙްމެއް ހަމްދަރުދީއެއް ނެތް (2) ކުލުނެއް އޯގާވެރިކަމެއް ނެތް (3) ބިރެއް ސިހުމެއް ނެތް
ހިތްހަށިހަމަވުން
މ (1) ހިތާއި ހަށިގަނޑު ހަމަޖެހިފައި ހުރުން (2) ހިތްގައިމު ކަންލިބުން
ހިތްހައްޓާބެދުން
މ މަޖާޒު: (1) ހިތްހަމަޖެހޭ ވަރުވުން (2) ހިތްހަށިހަމަޖެހުން
ހިތްހަލާކުކުރުން
މ މަޖާޒު: (1) ހިތުގައިޖެއްސުން (2) ހިތަށް މާބޮޑަށް އަސަރުކުރާނެގޮތް މެދުވެރިކުރުން
ހިތްހަލާކުވުން
މަޖާޒު: ހިތަށް ހިތި އަސަރެއް ކުރުން
)ހަރުބަހެއް( ބޭނުންނެތް ނަމަ ސާފުކޮށް ބުނުމަށާއި އަނެކާގެ ހިތުގައި ނުޖެއްސުމަށް ނަސޭހަތްތެރި ވުމުގެ ގޮތުން ބުނެއުޅޭބަހެއް ހިތްހިތުގައި ނުޖައްސާށެވެ ހިތްނެތިއްޔާ ނުކުރާށެވެ
ހިތްހެޔޮކުރުން
މ (1) ހިތްބަރުކަމެއް ނުބޭއްވުން (2) ނުރުހުމެއް ރުޅިވެރިކަމެއް ހިތުގައި ނުބޭއްވުން (3) މަޖާޒު: ހިތުން ފިލުވައިލުން މިސާލު: އަހަރެންގެމަތިން ހިތްހެޔޮކޮށްލާށޭ މިހެންބުނެފިނަމަ އޭގެމާނައަކީ ހަނދާންނައްތާލާށޭ މިއެވެ