radheef.info
ރަދީފު


ލީ
ނ (1) އުކުނުގެ ބިސް (2) ލުން މިބަހުގެ ނިމި ނިމުނުކަން
ކުޑަބަނޑޭރި
ނ ކަންގަތި ކޮލީގެ ތެރޭގައި ހިމެނޭ ކޮއްޔެއްގެ ނަން
ކުޑަފޫޅު
ނ މީހުންނަށް ބަލިޖައްސާ ޚިޔާލީ ދެތްވެއް. މިދެވި ޖައްސާ ބަލީގައި ވާގޮތަކީ ދަހިވެގެން ކާހިތްނުފިލުމެވެ
ކުޑަދޫ
ނ މަތީތަލީގެ އެތެރެކޮޅުން ކަރުތެރެޔަށް އެލިފައި ހުންނަ މަސްކޮޅު
ކުޑާރަން
ނ ބޯލޮއިން ހަދައިފައި ހުންނަ ކުޑަ ތެއްޔެއް މިހުންނަނީ ފޫ ހިމަކޮށެވެ މިތެލީގައި ދެއުޅަށް ހުރެއެވެ މިތެލީގެ އަނގަމަތި ވަރަށް ކުޑަވާނެއެވެ
ކެނބު
ނ (1) ބޮޑެތި ފަލަވައު (2) ޗާބީދީގެން ހިނގާ މެޝިން ހިންގާން އޮޅައިފައި އޮންނަ ފަން ވަރުލީ ބަންދެއް
ކެއްޓު
ނ ބައެއް ތަކެތީގެ ބަންޑެލީގެ ތެރޭގައި ހުންނަ ކުދި ބޮނޑިބޮނޑި މިސާލު: )ހ( އުއިކެއްޓު )ށ( ދުންފަތް ކެއްޓު
ކެޔޮބުޑު ބަވާޒީ
ނ ފުރަގަސްފަރާތު ބަލީގެ ބާވަތެއް މިއީ ފަރުވާނުކުރެވި ގިނަދުވަސްވީމާ އަޑިޔަށް މޫލައި ބޭރަށް ނާރުފުއްޕައިފައި ހުންނަހެން ވަށައިގެން ފުއްޕައިފައި ހުންނަ ބައްޔެކެވެ
ކޮށަލިކަން
ނ ކަންގަތި ކޮލީގެ ދަރަޖައެއް
ކޮނޑެލި
ނ ހަތަރެސްކަން ރިޔަލުގައި އައްތެލީގެ ކޮޅު ވައްދާން ރޯނުން ހަދައިފައި ހުންނަ ބޮޅު
ކޮނޑެލިހައް
ނ ކަނިވާގަނޑު މަހާން ކޮނޑަލީގައި ހަރުކޮށްފައި އޮންނަ ހައް
ކޮޅިތިލަ
ނ މުށްލައްޕައިލީމާ ކުޑަވައި އިނގިލީގެ މެދު ބަދައިގެ ބޭރު ކައިރީން ބޮޑުވައި އިނގިލީގެ ކޮޅާއި ދެމެދުގެ މިން
ކޮޅުވެއްޓި
ނ މީހުންނާއި މުދައު އެއްތަނުން އަނެއްތަނަށް ގެންދާން ބޭނުންކުރާ އިންޖީނުލީ އުޅަނދެއް މީގެ ދިރުބާކޮޅު ހުންނަނީ ހަމައަށެވެ މިތަން ވައްޓައި ނަގާ ހެދެއެވެ
ކޮޅުމައްޔަލުންޖެހުން
މ އޮޑިދޯނިފަހަރު އޭގެ ދުވެލީގައި ގޮސް ދިރުނބާ މައްޔަލުގެ ކޮޅުން އެއްޗެއްގައި ޖެހުން
ކޮޅުމަތި
ނ (1) މުންޑުގެ މެދުތެރޭގައި އެހެން ކުލަކުލައިގެ އުއިން ހަދައިފައި ހުންނަތަން (2) ފޭލީގެ ދެކޮޅުގައި ކަސަބުން ހަދައިފައި ހުންނަތަން (3) ވިޔެފައި ހުންނަ ހަރުވާޅު ދާގަނޑުގެ ދެކޮޅުގައި ކަސަބާއި ފަށުވިން ހަދައިފައި އޮންނަތަން (4) ކުޅިޖަހާއިރު ލައިއުޅުނު ހަރުވާޅުގެ ކުރިމަތީގައި އެލުވާން ކަސަބާއި ފަށުވިން ހަދައިފައި އޮންނަ އެތި (5) މަޖާޒު: ކަމެއްގެ ނުވަތަ ވާހަކައެއްގެ ފެށުމުގެ ނުވަތަ ނިމުމުގެ އަލާމާތް
ކޮއްމަސްބުރި
ނ (1) ހަތަރެސްފައި ނެތް އިންސާނާ (2) ޚިޔާލީ ފުރޭތައެއް މިއީ ހަތަރެސްފައި ކަނޑައިލައިފައި އޮތް ހަށިގަނޑެއްހެން އޮންނަ އެއްޗެއް ކަމަށް ބުނެއުޅެއެވެ (3) މަޖާޒު: މަސައްކަތްނުކުރާ ކަންނެތްމީހާ
ކޮއްޓޭ
ނ (1) ބޮލީގެ ބާރަފައު މިއީ ބާރަހާސްފުކެވެ (2) ބާރަހާސްފުއްބޮލި އަޅައި ބަންދުކޮށްފައި ހުންނަ މުޅި
ކޮމިޓީ
ނ ގިނަ ބައެއްގެ ތެރެއިން ވަކި ކަމަކަށް ޚާއްޞަކޮށް ހޮވާ މީހުންކޮޅެއް މިސާލު: ރައްޔިތުންގެ މަޖިލީހުން ބަޖެޓާމެދު ވިސްނާގޮތެއް ކަނޑައެޅުމަށް ކޮމިޓީއެއް ހޮވައިފިއެވެ
ކޮލިދޮށް
ނ އޮޑިދޯނުފަހަރުގެ ކޮލީގެ ދަށަށްވާ ހިސާބު
ކޮލިލުން
މ އިހުގައި ރަސްމީ ބައެއް ލަޤަބާއި ރަސްމީ ބައެއް ޚާއްޞަ ކަންތައްތައް އިޢުލާން ކުރުން. މިކަންކުރާގޮތަކީ މިކަމަށް ޚާއްޞަވެފައިވާ މީހަކު ފުޅިދޮށުއަށީގެ ލޯގަނޑު ހިފައިގެން ކޮލިކިޔަން ކަނޑައެޅިފައިވާ ތަންތަނަށް ހުއްޓި ކޮލީގެ ޢިބާރާތްކިޔައި ޤަވާޢިދެއްގެ މަތިން ލޯގަނޑުގައި ޖަހަމުން ކޮލި ހިނގާމަގު ވަށައި ހިނގަނީއެވެ މިކަންކުރަނީ ކޮލިކަލޭގެއެވެ
ކޮލެޖް
ނ މަދުރަސާތަކުންނިމޭ ދަރިވަރުންނަށް ވަކިރޮނގަކުން މަތީތައުލީމު ދިނުމަށް ހުންނަ ތަޢުލީމުދޭ ތަންތަން