radheef.info
ރަދީފު


ތައް
ނ (1) ތައްކަށިންޖަހާ ފާހަގަ މިފާހަގަ ޖަހަނީ ރުއްގަހުގެ ވެރިފަރާތް ފާހަގަކުރުމަށްޓަކައެވެ ފާހަގަހުންނަނީ ވަށްކޮށް ކަނޑައި ނަގައިފައެވެ (2) ނަން ގިނަކުރުމަށް ބޭނުންކުރާ އަކުރެއް މިސާލު: މޭޒުތައް (3) )ބދ ( އަނގަ މިސާލު: އޭނާއިނީ ތައް ބައްދައިގެންނެވެ
ބަދިގެ
ނ (1) ކައްކާން އަޅައިފައި ހުންނަގެ (2) ކެއްކުމުގެ މަސައްކަތްކުރާ ތަން (3) ރާއަރާން ގެންގުޅޭ ބަދިތައް ލާފައި ހުންނަގެ
ބަދުރު
ނ (1) މަދީނާގެ ކައިރީގައި އޮންނަތަނެއް (2) ބަދުރޭމިކިޔާ ތާނގައި ހުންނަ މަޝްހޫރުވަޅެއް (3) ބަދުރު ހަނގުރާމަޔަށް ވަޑައިގަތް އަޞްޙާބުބޭކަލުންގެ ނަންފުޅުތައް ލައިގެން ހަދައިފައި އޮންނަ ދުޢާއެއް
ބަތްޕެން
ނ ބޯންކައްކާ ދިޔާ އެއްޗެއް މިކައްކަނީ ހަނޑުލުގައެވެ މިއެކިބާވަތަށް ކިތައްމެ އެއްޗެއްގައި ކައްކައެވެ
ބަލާހިންގެވުން
މ ރަސްމީ ބައެއް ކަންތައް ތައްޔާރުކުރަން އުޅޭ މީހުން އެކަމަށް ގެންނާންވީ ބަޔަކު ހާޟިރުވުމަށް އަންގާން ދިއުން މިސާލު: މާލޫދު ފެށުމަށް އަހަރުމަތި ކިޔެވުމަށް ބަލާދިއުން
ބަލާޣަތްތެރި
ނއ އަދަބީ ކަންތައްތަކުގައި ކުޅަދާނަކަން ހުރި
ބަލާޣާތް
ނ އަދަބީ ކަންތައްތަކުގައި ހުންނަ ކުޅަދާނަކަން
ބަލާޣާތްތެރިކަން
ނއނ އަދަބީ ކަންތައްތަކުގައި ކުޅަދާނަކަން ހުރިކަން
ބަލި
ނ (1) ހަށިގަނޑުގެ ހިނގުމަށް ބުރޫއަރާ ސަބަބު (2) ޞިއްޙަތަށް ގެއްލުން ލިބޭގޮތުން ހަށިގަނޑަށް ހުށަހެޅޭ ކަންތައް (3) ބާރުދެރަ (4) ވަރުދެރަ (5) ދުޅަހެއިކަމުގެ އިދިކޮޅު (6) ވަރުގަދަ ކަމުގެ އިދިކޮޅު (7) ވައިބާރުކަމުގެ އިދިކޮޅު
ބަލިބަލާކަށިގަނޑު
ނ (1) ކަންފަތުގައި ޖަހައިގެން ބަލިމީހާ ހަށިގަނޑު އެތެރޭގެ އަޑުތައްއަހަން ދަކްތަރުން ގެންގުޅޭ އާލަތެއް (2) ބަލިބަލާއެތި
ބަލިފައި
ނ (1) މީހެއްގެ ފުށުން ވެފައިހުންނަ ދެރަކަންތައް (2) މީހެއްގެ ކިބައިގައި އަށަގެންފައި ހުންނަ އެމީހަކު ލަދުގަންނަންޖެހޭ ސިފަ
ބަގީޗާ
ނ ބާވަތް ބާވަތުގެ ގަސްތައް ތަރުތީބެއްގެ މަތިން އިންދައި ބަލަހައްޓާ ތަންގަނޑު
ބަގީޗާ ހެއްދުން
މ ބާވަތް ބާވަތުގެ ގަސްތައް ތަރުތީބެއްގެ މަތިން ވަކިތަންގަނޑެއްގައި އިންދައިގެން ހެއްދުން
ބަސް ފުރޮޅުން
މ ބަހުގެ އަކުރުތައް އިސްފަސް ކުރުން. ނުވަތަ އޮޅުވުން. މިސާލު: )ހ( ލަކޭ - ކަލޭ. )ށ( މަދަރުވެރިކަން ދަރުމަވެރިކަން )ނ( "ތުންގުރާހުޅަވާތިފަޅުކަ" ހުޅަނގުފަރާތުން ކަޅުވާތި
ބަސްކޮށާރު
ނ ޖަމާވެފައި ނުވަތަ މީހަކަށް އެނގިފައިވާ ބަސްތައް
ބަޑަ
ނ )ސ ( (1) ކެޔޮގަހުގެ ގަސްގަނޑު (2) ޒުވާރީގެ އޮށްތައް ނޮޅައިލީމާ އޮންނަ ކަރުގަނޑު (3) )ޏ ( ގަޅި (4) )ލ ( ބަނޑު
ބަޑިހަރު
ނ (1) ބޮޑުބަޑި އެއްތަނުން އަނެއްތަނަށް ގެންދިއުމަށާއި އެގޮތައްވުމަށް ބާއްވާ ގާޑިޔާ (2) ބުރުޒުގައި ބޮޑުބަޑި ބަހައްޓާން ހަދައިފައި ހުންނަ ތަންތަން
ބަޑިހިފުން
މ ކައިތުވައްބަޑީގެ ކަންތައް ފަރިތަކުރުން
ބަޑިހެލުން
މ އިހުގައި އިރުވައި މޫސުމަށް ފެށުމުން ބޭރުގެ ދުޝްމަނުންގެ ފަރާތުން ރާއްޖެ ސަލާމަތް ކުރުމަށްޓަކައި ދިފާޢީގޮތުން ތައްޔާރުވާން ފެށުމުގެ ގޮތުން ކުރާ ރަސްމީކަމެއް. މިކަންކުރާގޮތަކީ ކޮންމެ އަހަރަކު މުލަ ނަކަތް ލައިގަތުމުން ދެދޮރާށި ދޭތެރެއަށް ރަދުންގެ އަރިހުގައި ލަޝްކަރިން ހާޒިރުވެ ހެޔޮދުޢާކުރައްވައި ފުރޮޅުމަތީ ބާއްވައިފައި އޮންނަ ބަޑިޔެއް ހަލުވައި ލެއްވުމެވެ. މިބަޑިހަލުވައިލެއްވުމާއެކު ބޮޑުކޯއްޓޭ ބުރުޒުންނާއި ނާނޭ ބުރުޒުންނާއި އާބުރުޒުންނާ މިކޮންމެ ބުރުޒަކުން ބަޑިޔެއް ޖަހާނެއެވެ
ބަޑިބަޑިކުޅުން
މ ފަންކުޅޭ ކަހަލަ ގޮތަކަށް މުންޏެއް ޖަހައިގެން ދެބައަށް ބެހިގެން ކުޅޭ ކުޅިވަރެއް. މިއީ އިރުވައި މޫސުމުގައި ފުރަހަޅަ ލައިގަތުމުން މާލޭގެ އުތުރާއި އިރުމައްޗާއި ހުޅަނގު ފަރާތުގެ ބުރުޒުތައް ދޮވެ ސާފުކޮށް ބަޑިފަންޖަހައި މިކަމުގެ މަސައްކަތް ނިމޭ ދުވަހު އެތަނުގެ ކުނިފަން ސާފުކުރަން ނުކުންނަ އަންހެނުންނާއެކު މެދުރި މުސްކުޅި ބޭކަނބަލުން ކުޅުއްވައި އުޅުއްވި ކުޅިވަރެކެވެ މިކުޅިވަރު ކުޅެނީ މައި ފާރުން ބޭރުގައެވެ މިކުޅިވަރު ކުޅޭތަނަށް ފިރިހެނުން އައުން މަނާވާނެއެވެ
ބަޓަރުތޮޅި
ނ ރިހަކައްކަން ބޭނުންކުރާ ފެހިކުލައިގެ ތޮޅިޔެއް. މިހުންނާނީ އާދައިގެ ހިމެރި ތޮޅިޔަށްވުރެ ބޮޑެތިކޮށް ބޯކޮށެވެ އޮށްތައް ހުންނާނީ ފޯލިކޮށް ހުންނަފާޑަށެވެ ހިމެރި ތޮޅީގެ އޮށަށްވުރެ ބޮޑެތިވާނެއެވެ މިއީ ބޭރުގައި ކެހެރި ހުންނަ ތޮޅިޔެކެވެ ގާތްގަނޑަކަށް ކައިވަތެއްހާ ދިގުމިން ހުންނާނެއެވެ