radheef.info
ރަދީފު


ދޭ
އމ (1) ދިއުން މިބަހުގެ އަމުރު. (2) ދިއުން މިބަހުގެ ވާކަން
ބުރަފަތި
ނ (1) ހިމަދިގު އެއްވަރުގެ ދޭތިކޮޅުވާކާލި (2) ވައިގެބާރުން ނުވަތަ އިންޖީނުގެ ބާރުން އެނބުރޭ ފިޔަފަތް (3) ފަރިވަޅުމަތީ ބާއްވާން ކާލިކޮން ފަންވަތުން ވިޔެފައި ހުންނަ އެއްޗެހި (4) ބޮލުގައި ހުންނަ ކާފަ
ބުރަފަތިވިނަ
ނ ދަނޑުމަތީގައި ހެދޭ ވިނައެއް މި މަލުގެ ތަނޑުވަރަށް ދިގުވާނެއެވެ މީގެ މާ ހުންނާނީ ބުރަފައްޗެއްގެ ސިފައިގައެވެ
ބުރިތައްޓު
ނ ކަމަރާގޭބިތާ ބޯރުދުއާ ދޭތެރޭގެ ފަންގިފިލާ
ބުރުދާވަކަރު
ނ އުސްކޮށްހެދޭ ގަހެއްގެ ލަކުޑި. މިގަހުގެ ފަތުގެ ތަނޑިދިގުވާނެއެވެ ފަތް ހުންނަނީ ތުނޑުތުނޑުލައިފައެވެ މިއީ ހުދުކުލައިގެ މަލެއްއަޅާ ގޮފިބަލިގަހެކެވެ މިގަހުގެ އާރު ހުންނަނީ ދޮންމުށިކުލައެއްގައެވެ އާރުގައި މާޒާން ކުރެހުންހުރެއެވެ އާރުގެ ބޭރުއޮޅުފަށްހުންނަނީ ދޮންހުދުކުލައެއްގައެވެ ލަކުޑިގަނޑު މަށައިލުމުން މީރުވަހެއް ދުވާނެއެވެ
ބުރެވި
ނ ކަނޑޫގަހާ ވައްތަރުގަހެއް. މިއީ އުސްކޮށްހެދޭ ލަކުޑިހަރު ގަހެކެވެ. ފަލަމިނަކީ ދެކައިވަތްހައި ވަރެވެ. ގިނައިން މިގަސް ހެދިފައި ހުންނަނީ ކަނޑޫ ފާކައިރީގައެވެ
ބުއިން
މ (1) ބޯންގެންގުޅޭ ދިޔާ އެއްޗިހި. (2) ދިޔާތަކެތި ދިރުވުން. (3) ލޮވުން. (4) ފަންޏާއި މާބުރުފަދަ ތަކެތި ލަކުޑިއާއި ހިކިތަކެތި އެތެރޭގައި ހޮއިހެދޭ ގޮތަށް ކެއުން. (5) އޮށްވަޅު ކުޅުމުގައި ހިނދޭވަޅާ ދިމާވާގޮތަށް އަނެއްފަރާތު ވަޅުގައި ހުންނަ ފުއްތައް ނެގުން. (6) ދިޔާ އެއްޗެއް ހިކި އެއްޗެއްގެ ތެރެއަށް ދެމުން. (7) ބިޑި ސުއްޓާ ސިގިރެޓް ގުޑުގުޑާ ފަދަ ތަކެތިން ދުން އަނގަޔަށް ދެމުން (8) އެއްޗެއްގައި ނުވަތަ ތަނެއްގައި އަނގަ ޖަހައިގެން އެތެރެއަށް ދެމުން (9) އެއްޗެއްގާ ހުރި ހިމަލޯވަޅަކުން އޭގެ ތެރެއަށް ފެންވަނުން )01( ލަކުޑިގަނޑެއް ހުޅުރޯނުވެ ވަކިގޮތަކަށް އަނދަމުން ދިއުން
ބުއްފުޅި
ނ ކުޑަ ކުދިންނަށް ދިޔާ ތަކެތި ދޭން ބޭނުންކުރާ ފުޅި
ބުއްދި
ނ (1) ތަންދޮރު ވަކިކޮށް ދެނެގަތުމުގެ ބާރު (2) ދޭހަވުމުގެ ބާރު (3) ވިސްނުމުގެ ބާރު (4) ހައިވާނުންގެ ތެރެއިން އިންސާނުން ތަފާތުކޮށް ދޭބާރު
ބުއްދިވެރި
ނއ (1) ތަންދޮރުވަކިކޮށް ދެނެގަތުމުގެ ބާރުލިބިހުރި (2) ދޭހަވުމުގެބާރު ލިބިހުރި (3) ވިސްނުމުގެ ބާރު ލިބިހުރި (4) ޙައިވާނުން ގެތެރެއިން އިންސާނުން ތަފާތު ކޮށްދޭ ބާރު ލިބިހުރި
ބުއްދިވެރިކަން
ނއނ (1) ތަންދޮރުވަކިކޮށް ދެނެގަތުމުގެ ބާރު ލިބިހުރިކަން (2) ދޭހަވުމުގެ ބާރު ލިބިހުރިކަން (3) ވިސްނުމުގެ ބާރު ލިބިހުރިކަން (4) ހައިވާނުން ގެތެރެއިން އިންސާނުން ތަފާތުކޮށްދޭ ބާރު ލިބިހުރިކަން
ބުއްދިވެރިވުން
މ (1) ތަންދޮރު ވަކިކޮށް ދެނެގަތުމުގެ ބާރު ލިބިހުރުން (2) ދޭހަވުމުގެ ބާރު ލިބިހުރުން (3) ވިސްނުމުގެ ބާރު ލިބިހުރުން (4) ހައިވާނުން ގެތެރެއިން އިންސާނުން ތަފާތުކޮށް ދޭބާރު ލިބި ހުރުން
ބުލޫކިޔާ
ނ ފަތް ހިމަދިގު ކޮށް ކައިރީގައި ތުނޑު ތުނޑު ލައިފައި ހުންނަ ވައިފިލާޒާތުގެ ތޮޅިއެއް މިއީ ވާކޮށްހެދޭ ކުޑަގަހެކެވެ
ބުލެކުބޯޑު
ނ (1) މަދަރުސާފަދަ ކިޔަވައިދޭ ތަންތާނގައި ދަރިވަރުންނަށް މަށިފޯލިން އެއްޗެތި ލިޔެދޭން ހުންނަ ކަޅުފިލާގަނޑު (2) ވަގުތީގޮތުން އެކިއެކި ތަކެތިލިޔެ އިޢުލާނު ކޮށްހެދެމަށް މަށިފޯލިން ލިޔާން ބަހައްޓައިފައި ހުންނަ ކަޅުފިލާގަނޑެއް
ބުޑުހަކި
ނ ބުޑުވަކާ އިހިގަނޑާ ދޭތެރޭގައި ޖަހައިފައި ހުންނަތޭރި
ބެއިވެޔޮ
ނ ރަތްކުލައިގެ އޮށެއް އަޅާވެލެއް މިއީ އެއްތެޔޮހެން ތަނޑުގަނޑު ދެމެމުން ވެލަށް ހެދޭ ބާވަތެކެވެ
ބެދި
ނ )ސ ( (1) ރަށުގެ މައިފަރާ ރަށާދޭތެރޭ ހުންނަފަރު (2) )ސ ( ހިތަދޫގައި އޮންނަ ފުން ކުޅިއެއް
ބެޓެރީ
ނ އިލެކްޓްރިކް ބާރުން ދިއްލާ ބައެއް އެއްޗިއްސާއި އިލެކްޓްރިކް ބާރުން ހިނގާބައެއް އެއްޗެއްސަށްލައްވަން ނުވަތަ ބޭނުންކުރަން ހަދައިފައި ހުންނަ އެއްޗެއް. މިހުންނަނީ ކަރަންޓް އުފައްދައިދޭ ބާވަތްތަކާއި ނުވަތަ އެބާރު ހިފަހައްޓައިދޭ ބާވަތްތައް އެތެރެއަށް އަޅައިފައެވެ މީގެ ތަފާތު ވައްތަރުތައް ހުރެއެވެ
ބޭހެއްތި
އމ )ސ ( އައުން އެދޭކަން ދޭހަކޮށްދިނުމަށްޓަކައި ބުނާގޮތެއް
ބޭނުން
ނ (1) މުހުތާދު (2) މަޤުޞަދު (3) މަޠުލަބު (4) ހާޖަތް (5) އެދޭއެދުން (6) ހިތްކިޔާކިޔުން މ (7) އެއްޗެއްގެ ތެރެއަށް އަނެކައްޗެއް ވެއްދުން ނުވަތަ ކޮއްޕުން (8) ބުޅީގައި ގަނުވައިގެން މަސްހިފުން (9) ކުރުނބާ ކިހައް ފަދަ ތަކެތި އިހާ އޮތްގޮތަށް ވާޖަހައިގެން ރުކުން ބޭލުން )01( ކަމެއްގެ ތެރެއަށް މަތިންބައިން ޖެހިގެން ވަނުން
ބޭނުންތެރި
ނއ (1) މުހުތާދުވާ (2) ހާޖަތްތެރި (3) ހިތްއެދޭ (4) ކަމުދާ