radheef.info
ރަދީފު


ދޫ
ނ (1) އިންސާނުންގެ އަނގައިގެ ތެރޭގައިވާ ވާހަކަދެއްކުމަށް އެހީވެދޭ ގުނަވަން. (2) ރަހަބެލުމުގެ ގުނަވަން. (3) ގޮނޑި އަލަމާރި މޭޒު ދޮރު ދޮރުފަތްފަދަ ތެދުއުއިވަޑާމުގެ ތަކެތި ހެދުމުގައި އެއްބައި އަނެއް ބަޔަށް މެހުމަށް ވަށައިގެން ކަނޑައި ކޮޅުން ނެރެފައި ހުންނަ ތަންކޮޅު. (4) ތަޅުލުމަށާއި ހުޅުވުމަށް ތަޅާއި ތަޅުދަނޑީގައި ހުންނަ ތަންކޮޅު. (5) ވައިޖަހާ އެއްޗިއްސަށް ވައިވައްދަން ހުންނަ ތަންކޮޅު. (6) ބާރު މިބަހުގެ ހަތަރުވަނަ މާނައިގެ އިދިކޮޅު (7) ވާން މިބަހުގެ އިދިކޮޅު (8) ފަލިތަންޑުގެ ކޮޅުގައި ފެނުގައި އެޅުވުމަށް ހަރުކޮފައި ހުންނަ ފިލާކޮޅު (9) ރަށް
އަޅައިގޮވުން
މ (1) ވައްލަފަދަ ބައެއްދޫނި އެކަތި އަނެއްކައްޗަށް ރައްޓެހިވެގެން އެކަތި ގޮވައިލީމާ އަނެކަތި ގޮވައިލުން (2) ދެޖިންސުގެ ދެމީހުން ރައްޓެހިވެގެން އެކަކު އެއްޗެއް ބުނީމާ އެޔާއަޅައި އަނެކަކު އެއްޗެއް ބުނުން (3) މަޖާޒު: ލާދީގޮވުން
އަކަރަކަރާ
ނ ބޭހެއްގެނަން މިހުންނާނީ ހިމަދަނޑިކޮޅުތަކެއް ހެނެވެ މިބިންދައިލައިފައި ކޮޅު ދުލުގައި ޖެއްސީމާ ކުޑަކޮށް ދޫތޮރުފާގޮތެއް ހުންނާނެއެވެ
އައިނާއެޅުން
މ (1) ދޯނި މަސްއައިނަކާ ދިމާއަށް ދުއްވުން. (2) ދޫނި މަސްއައިނަކާ ދިމާކޮށްގެން އުޅުން
އަވިހި
ނ (1) ދޮންދޫނި ތެރޭގެ ބާވަތެއް މި ހުންނާނީ ދޮންދޫންޏަށްވުރެ ކުދިކޮށް ރަތްކޮށްނެވެ މިއުދުހޭނީ މާ އަވަސް އަވަހަށެވެ (2) ނަކަތް ކިޔާއިރު ހުވަން ނަކަތުގެ ކުރީން ކިޔާ ނަމެއް އެކަމަކު މިއީ ދުވަހެއް ނާންނަ ނަކަތެވެ އަށާވީސް ނަކަތް ހަމަވަނީ މިނަކަތް ލައިގެންނެވެ (3) މަޖާޒު: ހަލުވިކޮށް އުޅޭ މީހުންނާމެދުވެސް މީގެ މިސާލު ދެއެވެ
އަވިދޫނި
ނ )މ ( މަސްކާށިދޫނި
އަތިރި
ނ (1) ފަންނު (2) ދެވެލި ބިންފަށުން ފެށިގެން ރާޅުދޫފަށާ ދެމެދު (3) ހޭޅިންފެށިގެން މޫދާ ދޭތެރެ
އަތްބޯދޮށުލުން
މ މަޖާޒު: (1) އޮޑިދޯނިފަހަރު ދަންމާނަށް ތަންކޮޅެއް ދޫކޮށްލާފައި އެންމެ ބާރަށް ދުވާގޮތުގައި ދިއުން (2) ފަންރިޔާ އެއްޗެހި އެނގަކުރި ހިފައިލައިފައި ދިއުން
އަލަކަ
ނ ފެނުދޫންޏެއް މިއީވެސް އިލޮޅިފަދައިން ގޮނޑުދޮށާއި މޫދުގައިއުޅޭ ކުޑަވަރަކު ދޫންޏެކެވެ
އަލަމަލުގުރާ
ނ އަލަމަލު ތެރޭގައިޖުޅޭ މެހިޒާތުގެ ކުޑަދޫންޏެއް
އަސްދީނި
ނ )ޏ ސ ( އަސްދޫނި
އަސްދޫނި
ނ ވަރުގަދަ ތުންގަނޑެއް އޮންނަ ކިލާފެނާ ދޯޅުކަން ބޮޑު އޭގެ މަސްކާ ދޫންޏެއް މީގެ ސިފަ އެންމެ ވައްތަރުވާނީ ރޭރާއެވެ މީގެ ވަރަށް ގިނަ ބާވަތް ހުރެއެވެ
އަސްތާދިނާ
އ އަސްތާ ދޫންޏާ މިއީ ޙައިރާންވެގެން ބުނެއުޅޭ އެއްޗެކެވެ
އަޑުވީއްލުން
މ އެއްޗެތި ކިޔާއިރު އަޑުނުހިފާއްޓާ ދޫކޮށްލުން
މ މަޖާޒު: ޒުވާބުގެ ގޮތުން ދޫނުކޮށް ހިފަހައްޓާމީހާއަށް ގިނަފަހަރަށް ކާމިޔާބު ވާނެއެވެ އަޑުގަދަމީހާގެ ރުއް ގިނަވާނެއެވެ
އާނދޮގޭ
އ އެހެންހޭ ރުޅިއައިސްގެން ދޫނުކުރުމުގެ ގޮތުންވެސް މިބަސްބުނެއުޅެއެވެ
އާލަވަބައި
ނ ދަނޑިބެރުގެ ލަވަބައެއް މިލަވަބައިގެ ފުމޭލަވަ ހެއްދެވީ މާވާގަނޑުވަރު ޙުސައިންދީދީ ކަމަށާއި ޖަހާލަވަ ހެއްދެވީ މާންދޫގެ މޫސާދީދީކަމަށް ބުނެއުޅެއެވެ
އިރުވައިފޭރާ
ނ )ސ ( ދޮންދޫނި
އިރުވާހުދު
ނ މާކަނާ ފާޑުގެ އެއަށްވުރެ ކުޑަ ހުދުދޫންޏެއް. ހުޅަނގުވީމާ ރަތްރީނދޫ ކުލައިގެ ފަތްތަކެއް މީގެ ހުޅިގަނޑުންނާއި ބުރިކަށިމަތިން ފައުޅުވެއެވެ. އިރުވައި ވީމާ އެފަތްތައް ހުދުވެދެއެވެ
އިދިކީލި
ނ (1) އިދިކޮޅަށް ހުންނަކީލި (2) މަޖާޒު: މީހުންގައި ހުންނަ ދޫނުކުރާގޮތް
އިދިކީލިކަން
ނއނ މަޖާޒު: ދޫނުކުރާކަން