radheef.info
ރަދީފު


ދުން
ނ (1) ބައެއް އެއްޗެހި އަނދާއިރު ހުޅުގަނޑުގެ މަތިން ވައިގެ ތެރެއަށް އަރައިގެންދާ ގަދައަޅިކުލައިގެ ނުވަތަ ކަޅުކުލައިގެ ގޭސް (2) ދުން އެޅުމަށްޓަކައި ތައްޔާރުކޮށްފައި ހުންނަ މީރުވަސް ދުވާތަކެތި (3) )ބދ ( ބުޅާ
ބޮޑުތަކުރުފާނު
ނ (1) އުތީމު ބަންޑާރައިން (2) އައްސުލްތާނުލް ޣާޒީ މުޙައްމަދު ތަކުރުފާނުލް އަޢުޒަމް ސިރީސަވާދީއްތަ މަހާރަދުން (3) ޣާޒީ ބަންޑާރައިން
ބޮޑުތަކުރުފާނު ވާހަކަ
ނ ޣާޒީ ބަންޑާރައިންގެ ހަޔާތާއި އެރަދުން އަނދިރި އަނދިރީންގެ ކިބައިން ރާއްޖެ ސަލާމަތްކުރެއްވި ވާހަކަ މިވާހަކަ އާބަކުރު ރަސްގެފާނުން ފެށިގެން ކަލާފާނާ ހަމައަށް ވެސް ކިޔައެވެ އަދި ކޮއިމަލާއިން ފެށިގެން އައްސުލްޠާނު މުހައްމަދު މުޢީނުއްދީނުލް އައްވަލާ ހަމަޔަށްވެސް ކިޔައެވެ
ބޮޑުތަކުބީރު
ނ ޒުލްހައްޖާމަހު 9 ވަނަރޭ ފަތިސްނަމާދުން ފެށިގެން އެމަހުގެ ތޭރަވަނަ ދުވަހުގެ ޢަޞުރުނަމާދާއި ދެމެދުގައި ކޮންމެނަމާދެއްގެ ފަހުގައި ކިޔާ ތަކުބީރު
ބޯހަރުވުން
މ (1) ނުކިޔަމަންތެރިވުން (2) ބުނާގޮތް ނުހެދުން (3) ބަސްޤަބޫލުނުކުރުން (4) ގޮތްދޫނުކުރުން
ބޯހެދުން
މ އިސްތަށިގަނޑު ހެދުން
ބޯބަންފަޓާސް
ނ (1) ފުކުގެ ތަންކޮޅެއް ތިރިން ވަށައިގެން އަޑިކޮށް ރޮނގެއް ހުންނަ ފަޓާސް (2) މަޖާޒު: އަންހެނެއްގެ ސިފަނުލިބެނީސް އަންހެން ހެދުން އަޅައިގެން އުޅޭ ނުފާޑު ކުދީން
ބޯވަޅު އެޅިބޮޑުރިޔާނެގުން
މ (1) އިހުގައި އޮޑިކޮޅުގައި ރަސްމީ އިއްޒަތުގައި ދަތުރަކުދާއިރު ބޯަވައެޅި ރިޔާނެގުން (2) މަޖާޒު: އޮތް އެންމެ ޒީނަތްތެރި ހެދުންލުން
ބޯވައެޅިރިޔާ
ނ (1) އޮޑިކޮޅުގައި ރަސްމީ އިއްޒަތުގެ ދަތުރަކުވަޑައިގަންނަވާއިރު އެއޮޑިކޮޅުގައި ނަގާ އުޅުނު ރިޔާ (2) މަޖާޒު: އޮތް އެންމެރީތި ހެދުން
ބޯފޮޅިޔަށް ވަޑައިގަތުން
މ ބޯފޮޅިދުވަސް ދުވަހުގެ ހަވީރު ނުވަތަ ރޭގަނޑު އެތެރެކޮއިލު މިސްކިތްތެރެޔަށާއި މެދު ޒިޔާރަތް ދޮށަށް ހުކުރުމިސްކިތްތެރެޔަށާއި ދަންނަ މުޙައްމަދު ރަސްގެފާނު މިސްކިތްތެރެޔަށް ފާތިޙާ ވިދާޅުވަން ރަދުން ނުވަތަ ރަދުންގެ ބަދަލުގައި ޢިއްޒަތަށް ވަޑައިގަންނަވާ ބޭފުޅަކު ރަސްމީ ޢިއްޒަތުގައި ވަޑައިގަތުން
ޅަނދޮޅުވުން
މ (1) ޅަކަމާއެކު ތާޒާވުން (2) ޅަކޮށްހެދުން
ޅައިކުރުން
މ ބޭހެއްގެ ސަބަބުން ހަށިގަނޑު ޅައި ވާނެގޮތް ހެދުން
ޅަފަށްއެރުން
މ ހަނުލީމާ ޅަފަށް އުފެދުން
ޅަފީ
ނ ބަތްއެތީގެ ގިނިމަޑުވުމުގެ ސަބަބުން ކެކިނުކެކި ހުރެގެން ހިނދޭ ހިނދުން
ޅަފީވުން
މ (1) ކައްކާ ބައެއްކާތަކެތި ގިނިމަޑުވެގެން ރަނގަޅަށް ނުކެކިހުރެ ހިނދުން (2) މަޖާޒު: ހަށިގަނޑަށް ލިބޭ ދެރަކަމަކުން ލޮޑުވެ ކަންތައްކުރާހިތް ނުވުން
ޅަޖެހުން
މ (1) އޮޑިދޯނި ފަހަރުގެ އެތެރެވަތުގައި ދެބަނޑު ފިޔަލަށް ފޯރާވަރަށް ހުރަހަށް ޅައަޅައިފައި އޭގެމަތީގައި ފަންޖެހުން (2) އޮޑިދޯނިފަހަރުގެ ވަތުގައި ހުރަހަށް އަޅާން ދަރުދަނޑީން ތައްޔާރު ކޮށްފާ އޮންނަ އަށިގަނޑު އެތެރެވަތުގައި އަޅާ ފަންގިދަމާ ހެދުން
ޅިނދުޖެހުން
މ ވަޅިތިލައިގެ މުށްގަނޑަށް ޖަހާތަން ހެދުން
ކަހަނބުޖެހުން
މ މަޖާޒު: އުނު ފޭރާން ވީދިގެން ބާގަނޑެއް ހެދުން
ކަހާތަންހިރުވައިވެސްނުލުން
)މިސާލުބަހެއް( ތިމާ ދައްކާ ވާހަކަޔަކަށް އަނެކަކު ދެނަހުރި ކަމަށްވެސް ނެހެދުން
ކަށަކުޅަދާނަކަން
ނއނ މާތްރަސްކަލާނގެ ކުޅަދުންވަންތަކަން
ކަށަދާނަ
ނއ )ބދ ( (1) ކުޅަދާނަކަންބޮޑު (2) ކުޅަދުންވަންތަވެރި