radheef.info
ރަދީފު


ދައި
ނ ފޮއިހިންގައިގެން އެއްޗެހި ހިމުންކުރުމަށް ހިލައިން ހަދައިފައި ހުންނަ ފަތާ އެއްޗެއް
ކަނބުލޭގެ
ނ ނަމުން ނުބުނެ އަންހެނަކާ ދިމާއަށް ބުނާގޮތް މިގޮތަށް ކިޔައިއުޅެނީ އާދައިގެ އަންހެނުންނާ ދިމާއަށެވެ
ކަނދިކަމަނާމަސްތެލުލުން
މ )މިސާލުބަހެއް( ތިމާކުރާން އުޅޭ މަސައްކަތުގެ ގިނަބައި ތިމާއިންތާ އިނދެގެން އެހެން މީހުންލައްވައި ކުރުވައިފައި މިކުރިކަމެއް ރަނގަޅުވެއްޖެއްޔާ ތިމާ ކުރިކަމެއް ކަމުގައި ހަދައި ނުބައި ވެއްޖިއްޔާ އެހެންމީހުން މަތީއެޅުވީމާ ދީ އުޅޭ މިސާލެއް
ކަނދިލި
ނ (1) އެތެރެއަށް ތަށިލައިގެން ދިއްލާ ލޯބަންދުތަކަކުން ޖަބުރޯލެއްގެ ބައްޓަމުގައި ހަދައިފައިހުންނަ ފާނޫޒު ފާޑުގެ އެއްޗެއް. އިހުގައި މިދިއްލައި އުޅެނީ ދަމުއަށީގައެވެ. (2) ހަތްތުތިމަހާއި ތުތިމަސް ބުރިތަކެއް ބޭރުން ފެންނާނޭގޮތަށް ކަންކަނަށް ބަނދެ ބޭރުގައި ތުނިފޮތިޖަހައި ކަރުދާސް ހިއްޕައިގެން ދިއްލާ ފޫނޫޒެއް ކަހަލަ އެއްޗެއް މިއީ ރަށްމާލުދުރޭ ަރަދުން މާލޫދު ހަރުގެއަށް ވަޑައިގަންނަވާ މަގުމަތީގައި ދިއްލާން ކުދިބޭކަލުން ހަދާ އެއްޗެކެވެ (3) އަންނާރުފަތް ފާޑަށް ފަތްހުންނަ ތިރިކޮށްހެދޭ ފަތްޕިލާވެއްޔެއް މީގެ ކިތަންމެ ބާވަތެއް ހުރެއެވެ
ކަނދު
ނ (1) ތެދަށްހެދޭ ބިޔަވާގަހެއް. (2) ކަނދުގަހުގެލަކުޑި. މިއީ އާރުނުލާ ލުއިލަކުޑިއެކެވެ. މިލަކުޑީގައި ފެނު ބާރުގަދަ ވާނެއެވެ. މީގެ ދެވައްތަރެއް ހުރެއެވެ. (3) ކަނދުފަތި ފަހާށާއި އެހެނިހެން ބޭނުމަށްޓަކައި އޭގެ ކޮޅު ނަރުވިލިކޮށް ބޯކޮށް ހަދައިފައި ހުންނަފިލާ. މިގިނައިން ހަދަނީ ކަނދުގަހުގެ ލަކުޑިންނެވެ. (4) އޮޑިދޯނިފަހަރު އެހެލައި ބަލާއިރު ފަށަން ދޮށަށްލައްވާ ލަކުޑިބުރި. (5) ފެނަށްތިރިކުރާ މަތިންދާބޯޓުގެ ދެފަރާތު ފިޔަފަތުގެ ދަށުގައި ފެނުބާރުހިފާން ހުންނަ ބަރާ. (6) ރާޅާ އެޅުމަށާއި މޫދުގެ ކުޅިވަރުތައް ކުޅުމަށް ގެންގުޅޭ ފެނުބާރު ހިފާގޮތަށް ހުންނަ އެއްޗިހި
ކަނދުފަތި
ނ (1) އެއްކޮޅު ނުވަތަ ދެކޮޅު ނަރުވިލިކޮށް ހަދައިފައި ހުންނަ ލަކުޑިތަކެއް އެއްކޮށް ބަނދެ ފެނުބާރު ހިފާގޮތަށް ހަދައިފައި ހުންނައެއްޗެއް މިގިނައިން ގެންގުޅެނީ ފަޅުތެރޭގެ އެކިއެކި ބޭނުމުގައި ދަތުރުކުރާށެވެ (2) ފެނުބާރު ހިފާގޮތަށް ހަދައިފައި ހުންނަ އެއްޗެއް މިއީ އެއްޗެހި އުފުލުމަށް ކަނބާފައި ގެންދާ އެއްޗެކެވެ (3) މަޖާޒު: ހިތާވެގެންއުޅޭ ދެމީހުން ދޭތެރޭ ހިނގާމީހާ
ކަނދޮޅުފުޅި
ނ ކަނދޮޅެއް އޮތްގޮތަށް އޮއްވައި ފަޅައިނުލައި ދުލިނަގައިގެން ހަދާ ހިމަދިގު ބޮތްކެއް މިގިނައިން ހަދައި އުޅެނީ ފެންކުޅިތެރޭގައެވެ
ކަނޑޫވަޅި
ނ ކަނޑޫކަހާން ހަދައިފައިހުންނަ ޚާއްސަވަޅި މިވަޅި ހުންނާނީ ހަނުލައިފައި މިޔައިގެ އެއްފަރާތަށް ދާރައަޅާފައެވެ
ކަނި
ނ (1) އަލިފާނުން ބުރައިގެންދާ ކުދިކުދި އަލިފާންކޮޅު. (2) އަލިފާނުގެ ތެރެއިން ވަރަށް ކުޑަމިން ވަރެއް. (3) ދެއެއްޗެއް ޖެހިގެން ނުވަތަ ކޭރުވިގެން އުފެދޭ އަލިފާންކޮޅު. (4) ލޮލަށް ލިބޭ ހާނީއްކައަކުން ނުވަތަ ކުރި ބާރަކުން ފެންނަހެން ހީވާ އަލިއަލިކޮޅު. (5) އެންމެ ހިމަފޮދު ވާރޭގެތިކި. (6) ބައްތިއާއި ވޮށްފަދަ ދިއްލާ އެއްޗެހީގެ ފީތާ އަނދާފައިހުންނަ ދެލިކޮޅު. (7) އެކިއެކި ބޭނުމަށް ގެންގުޅޭ ކޮޅު ދެކަތްޕަށް ހުންނަ ދަނޑި. (8) ބައެއްޒާތުގެ މަސްބާނަން އަރާން މޫދުގައި ޖަހާ ދުނބުރި ކަފިގަނޑު. (9) އަންނައެއްޗެހީގެ ކަށިފަތީގެ އެއްމެކައިރިފަށް. )01( ދޮރުގެ ދެފަރާތުގެ ދެގަނޑެތި. (11) ގޭގެ މަތިވަޑާންގަނޑުގައި ގޮތްގޮތަށް ވިއްދައިފައި ހުންނަ އެއްޗެހި. (21) ހަތަރެސްކަން ރިޔަލުގެ ތިރީކޮޅުގެ ދެކަން. )31( މާމުޔާއި ހަކުރު ފަދަ ތަކެތި ހިސާބަކަށް ވާނުބައި )41( ދިއްލައިފައި ހުންނަ ބައެއް އެއްޗެއްހީގެ ހުޅުގަނޑުވާ ކުޑަ
ކަނިކެނޑުން
މ (1) ވޮށުގެ ފުކުންނާއި ބައްތީގެ ފީތާއިން އަނދައިފައި ހުންނަތަންކޮޅު ކަނޑައިވަކިކުރުން (2) އަންނަ އެއްޗެހީގެ ކައިރިފަށް ކެނޑުން (3) ކަނިއަޅައިފައި ހުރިވާގަނޑު އުފުރައިގެން ދިއުން
ކަނިގަނޑު
ނ (1) އެއްޗެހި އަޅުވާން ތަންތާ ޖަހާކަފި (2) ދިއްލާ އެއްޗެހީގެ ފުކުން ނުވަތަ ފީތާއިން އަނދައިފައި ހުންނަތަން
ކަނުވުން
މ (1) ލޮލަށް ނޭނގޭ ގޮތްވުން (2) އާދައިގެ އޮށްވަޅު ކުޅޭއިރު ފުރަތަމަ ކުޅިގަނޑަށްފަހު އެމީހަކަށް ލިބޭ ފުއްތައް ވަޅުވަޅަށް އަޅަމުންދާއިރު ވަޅަށް ފުއް ހަމަނުވެގެން ވަޅުހުސްވުން (3) މަޖާޒު: ހިތަށް ނުވިސްނޭގޮތްވުން
ކަން
ނ (1) ޢަމަލު. (2) މަސައްކަތް. (3) ދެފަރާތުގެ ދެބިތް ނުވަތަ ދެކައިރި ޖެހޭތަން. (4) ހުރަހާއި ދިގާ ޖެހޭތަން. (5) ދެގަނޑެތި ސީދާ ނޫން ގޮތަށް ޖެހޭތާ ކޮޅު. (6) އޮށްވަޅު ގޮނޑީގެ ދެފަރާތުން ފިހާރަދޮށު ދެ ވަޅު. (7) ބޮލުގައި އަލާރުމާލުގެ ކަނާ ކައިރީގައި ހަތަރެސް ކަނަށް ހުންނަގޮޅި މިގޮޅި ކަޅުކޮށްނާއި ހުދުކޮށް ހުރެއެވެ. (8) އަލަމާރިއާއި ސޯކޭސްފަދަ ތަކެތި ވަރުގަދަ ކުރުމަށް ކަނަކަށް ލެވޭގޮތަށް އެތެރޭގައި ހަރުކުރާން ޕުލާސްޓިކު ނުވަތަ އެފަދަ އެއްޗަކުން ހަދައިފައި ހުންނަ އެތިކޮޅު. (9) ކަމެއް ހިނގި ހިނގާ ހިނގާނެ ނުވަތަ ހިނގައިފާނެކަމެއް ބަޔާން ކޮށްދޭ ކޮންމެ ބަހެއް )01( ކެއުން މިބަހުގެ ވާކަން
ކަންހުދުކުރުން
މ ކަންހުދުރުމާލުގެ ހަތަރު ކަނުގައި ހުންނަ ހަތަރެސް ކަން ހަތަރު ގޮޅިން. )ރުމާއޮޅީމާ( ފެންނަން ހުންނަ ތަންތަން އުނގުޅައި ސާފުކޮށް ހުދުކުރުން. މިކަންކުރާގޮތަކީ މިކަމަށް ތައްޔާރުކޮށްފައި އޮންނަ ފިލާ ފޮއްޗެއްގައި ގިނަ ފަށް ހުންނާނެހެން ހުދު ފޮތިކޮޅެއް ފަތްޖަހައި އޮޅައިލައިފައި ކަންގަނޑުގެ ދަށަށް ލައްވައިގެން ބޮނބިން ހަދައިފައި އޮންނަ "ދަނޑި" ކޮޅަކުން ފެންލައިގެން އުނގުޅައި ސާފުކޮށްފައި އަސުރުމާ އޮށުގެ އެތެރޭގައި އޮންނަ ފުށްކޮޅުނަގައިގެން ފެންޖަހައި ފިއްތައި ގަށައިފައި ކަން ތަކުގައި ހާކައި އެއްވަރުކުރަނީ އެވެ. މިފުށް ހާކާނީ ހަރުލަކުޑީގެ އޮމާން ދަނޑި ކޮޅަކުންނެވެ. ފަހަކަށް އައިސް މިގޮތަށްކަން ހުދު ކުރުމުގެ ބަދަލުގައި ހުދުކުރަނީ ކަރުދާސް ތަތްކޮށް ގެންނެވެ ކަންހުދު ރުމާ ލަކީ ފަސްރޮނގު ރުމާލެވެ
ކަންކަރު
ނ ފަތް ސިލުނބު ހިއްޕައިފައި ދުންފަތް އަޅާއިރު ސިލުނބުގެ ފުލަށްލާން ހަދައިފައި އޮންނަ އެއްޗެއް މިއޮންނާނީ ކާލިގަނޑެއްހެންނެވެ ގިނައިން މިހަދަނީ ލޮއިންނެވެ
ކަންފަތުމުދި
ނ ކަންފަތުގައިލާން ރާއްޖޭގައި ހަދައި އުޅުނު ޚާއްޞަ ގަހަނާއެއް މިކިތަންމެ ޒާތަކަށް ހަދައެވެ
ކަންޓްރޯލްޓަވަރު
ނ މަތިންދާބޯޓުގެ ދަތުރުފަތުރާ ބެހޭގޮތުން ބިމުން މަތިންދާބޯޓަށް ދޭންޖެހޭ މަޢުލޫމާތު ދިނުމަށްޓަކައި ވައިގެ ބަނދަރުގައި ހަދައިފައި ހުންނަތަން
ކަރަންޓުސިޑި
ނ ކަރަންޓުން ތިރިޔަށް ނުވަތަ މައްޗަށް ދުވާގޮތަށް ހަދައިފައި ހުންނަ ސިޑި
ކަރުދާސްކަފާދަތި
ނ ކަރުދާސް ކެފުމަށްޓަކައި ހަދައިފައި ހުންނަ އާލަތެއް
ކަޅުކަނދު
ނ ކަނދުގެ ބާވަތެއް މިކަނދު ހުންނަނީ ކަޅުކުލައިގައެވެ މިއީ ވަރަށް މަޑު ލަކުޑިއެކެވެ ފަތުރުވެރިންނަށް ވިއްކުމަށްޓަކައި މިކަހަލަ ލަކުޑިން ކުދި ދޯނިފަހަރު ހަދައި އުޅެއެވެ
ކަޅުފޮނިޔަމަސް
ނ ފޮނިޔަމަހުގެބާވަތެއް މިއީފަރާއި ފަޅުތަކުގެ ބޭރުގައްޔާއި އެތެރެވަރީގެ ކަނޑުތަކުގައި ދިރިއުޅޭމަހެކެވެ މިމަސް އާދައިގެ ފޮނިޔަމަހަށްވުރެ ކަޅުވާނެއެވެ ފޮނިޔަމަހުގެ ބޮލުގައި ހުންނަ ރޮނގުތަކެއް މިމަހަކު ނުހުރެއެވެ