radheef.info
ރަދީފު


ފަދަ
އ (1) ކަހަލަ (2) ގޮތް
ބުއިން
މ (1) ބޯންގެންގުޅޭ ދިޔާ އެއްޗިހި. (2) ދިޔާތަކެތި ދިރުވުން. (3) ލޮވުން. (4) ފަންޏާއި މާބުރުފަދަ ތަކެތި ލަކުޑިއާއި ހިކިތަކެތި އެތެރޭގައި ހޮއިހެދޭ ގޮތަށް ކެއުން. (5) އޮށްވަޅު ކުޅުމުގައި ހިނދޭވަޅާ ދިމާވާގޮތަށް އަނެއްފަރާތު ވަޅުގައި ހުންނަ ފުއްތައް ނެގުން. (6) ދިޔާ އެއްޗެއް ހިކި އެއްޗެއްގެ ތެރެއަށް ދެމުން. (7) ބިޑި ސުއްޓާ ސިގިރެޓް ގުޑުގުޑާ ފަދަ ތަކެތިން ދުން އަނގަޔަށް ދެމުން (8) އެއްޗެއްގައި ނުވަތަ ތަނެއްގައި އަނގަ ޖަހައިގެން އެތެރެއަށް ދެމުން (9) އެއްޗެއްގާ ހުރި ހިމަލޯވަޅަކުން އޭގެ ތެރެއަށް ފެންވަނުން )01( ލަކުޑިގަނޑެއް ހުޅުރޯނުވެ ވަކިގޮތަކަށް އަނދަމުން ދިއުން
ބުލެކުބޯޑު
ނ (1) މަދަރުސާފަދަ ކިޔަވައިދޭ ތަންތާނގައި ދަރިވަރުންނަށް މަށިފޯލިން އެއްޗެތި ލިޔެދޭން ހުންނަ ކަޅުފިލާގަނޑު (2) ވަގުތީގޮތުން އެކިއެކި ތަކެތިލިޔެ އިޢުލާނު ކޮށްހެދެމަށް މަށިފޯލިން ލިޔާން ބަހައްޓައިފައި ހުންނަ ކަޅުފިލާގަނޑެއް
ބުޑު
ނ (1) ގަހުގެ ބިމާ ގުޅިފައިވާ ބައި. (2) ބިމަށްޖަހައިފައި ހުންނަ އެއްޗެއްގެ ބިމުގައި ޖެހިފައި ހުންނަ ހިސާބު. (3) ކައިރި. މިސާލު: ފާރުބުޑުގައި ބިތްބުޑުގައި ފުޅައްބުޑުގައި މުނިބުޑުގައި ފައިބުޑުގައި (4) ފިނދުމަސްގަނޑު (5) ދަނޑި ނުވަތަ ރިތްފަދަ އެއްޗެހީގެ ފަލަކޮޅު (6) އެއްޗެއް ބިމަށް ގަދަކުރުމަށް ކޮންކްރީޓުން ބިމުއަޑީގައި ހަދާބައި (7) ބިމަށްޖަހާ އެއްޗެއް ގަދަކުރަން ބިންމަތީގައި ހަދައިފައި ހުންނަބައި
ބޫން
ނ (1) މާބުރު މަދިރި ފަދަތަކެތި އުދުހޭއިރު އެއިވޭފަދަ އަޑު (2) ކުޑަކުދިންގެ ބަހުރުވައިގައި ވަޔާއި އެއްގަމުގައި ދުއްވާ އިންޖީނުލީ ތަކެތި (3) ބާރަށް ވައިޖެހޭއަޑު (4) ބާރަށް ދަތުރުކުރާ އެއްޗެއް ވައިކަފާފައި ދާއަޑު
ބޫސް
ނ (1) ފުރޮޅުފަދަ އެއްޗެހީގެ ލޯވަޅު ތެރެޔަށް އަރުވައިފައި އޮންނަ ހޮޅި (2) އ ބުޅަލަށް ގޮވާ ގޮތެއް މިސާލު: ބޫސްބޫސް
ބޫޓުޕޮލިސް
ނ ފައިވާނާ ބޫޓުފަދަތަކެތި ފާލީސްކޮށް އޮފުއެރުވުމަށް ހާކާއެއްޗެއް
ބެރުން
މ (1) ވެޔޮވަޅުފަދަ ތަންތަނަށް އެއްޗެތި އަޅާ ފޮރުވައިލުން (2) ކައްޕިއަށް ވާލެއްވުން
ބެރެބެދިދަންބޮޑު
ނ ދަންބޮޑުގެބާވަތެއް މިއީ ބެރެބެދިކުލައާއި އެއްފަދަ ރަތްކުލައެއް ހުންނަ ކުޑަވަރެއްގެ މަހެކެވެ ހުޅުނބުތަކުގެ ކައިރިފަށައި ކަރުތާފަތުގެ މަތީ ކައިރިފަށް ގަދަމުށިކުލައެއްގައި ހުރުމާއެކު ނިގޫފަތް ހުންނަނީ ހުދުކުލައިގައެވެ
ބެރެބޭވުން
މ )ޏ.ސ.( (1) ކާށިގަބުޅި ކުރުނބާ ކަރާ ބަރަބޯފަދަ ތަކެތީގައި ޅަ ތޯ ނުވަތަ ހަރުތޯ ބަލަން ޓަކިޖެހުން (2) )ޏ ( އިހުގައި ވަރުގަދަ މީހުން ބަލަން ބަނޑުގައި ފުއްޓަކި ޖެހުން
ބެކްޓީރީއާ
ނ ލޮލަށް ފެންނަ ވަރަށް ވުރެކުދި ދިރޭއެއްޗެހީގެ ބާވަތެއް މިބާވަތުގެ ބައެއް ވައްތަރުތައް ހިމެނެނީ ތަފާތު ބަލިތައް ޖައްސާ ޖަރާސީމުގެ ތެރޭގައެވެ އަނެއްބައި ވައްތަރުތަކަކީ އިންސާނުންނާއި ޙައިވާނުންގެ ހަޖަމުގެ ނިޡާމަށް ނުވަތަ ޗީޒްފަދަ ކާނާ ތައްޔާރުކުރުމަށް ނުވަތަ ގަސްގަހާގެހީގެ ކާނާ ހޯދުމުގެ ނިޡާމަށް ކޮންމެހެން ބޭނުންވާ ވައްތަރުތަކެކެވެ
ބެދުން
މ (1) ދިޔާއެއްޗެހި އޮލަވެ ގަނޑުގަތުން މިސާލު: ހަލުވިދާއާއި ކަސްޓަޑު ފަދަތަކެތި ކައްކައިފައި ބެހެއްޓީމާ ބެދެއެވެ (2) ދިޔަވަރު ހިކެމުންގޮސް ފަޅުމަތީގެ ބިންގަނޑު ހިކުން މިސާލު: ދިޔަވަރުހިކި ފަޅުމަތި އޮތީ ބެދިފައެވެ (3) މީހާގެ ކިބައިން ވެފައި އޮތްކުށެއް ސާބިތުވުން މިސާލު: އޭނާވަނީ އެކުށުގައި ބެދިފައެވެ (4) ކުރިޔަށް ދެވޭނެ ގޮތެއް ނެތުން މިސާލު: އޭނާކުރި ކުށެއްގެ ސަބަބުން ކުރިޔަށް ދިއުމުގެ މަގުއޮތީ ބެދިފައެވެ (5) ދެއެއްޗެއް ތަތްވެ އެކަތި ގަނޑަކަށްވުން މިސާލު: އޭނާގެ އަތުގެ މުލައް ދަނޑިން ވަކިވި ކަށިގަނޑު ކުރިފަރުވާއެއްގެ ސަބަބުން މިހާރު ބެދިއްޖެއެވެ (6) ހިންމިޔާއި ލޯވަޅު ފަދަތަންތަން ބަންދުވުން މިސާލު: ދޯނީގެ ހިންމިތައްވަނީ ކޮޅައި މަދަން އަޅައިގެން ބެދިފައެވެ (7) އަނގަބެދުން ވާހަކައެއް ދައްކައިގެން ކުރިނުލިބުން މިސާލު: އަހަރެންދެއްކި ވާހަކައިން އޭނާގެއަނގަބެދިއްޖެއެވެ (8) މަޅިޔެއް ނުވަތަ ގޮށެއްފަދަ އެއްޗެއް ބާރުވުން މިސާލު: ފިނދަނަ މަޅިފަތީގައި ބެދިއްޖެއެވެ (9) ކަޑައްތުވުން މިސާލު: މާލެއަތޮޅުން ބ އަތޮޅަށް ދެވޭނީ ކާށިދޫ ކަނޑު ބައްދައިގެންނެވެ )01( ކުރިޔަށްނުދެވޭ ގޮތްވުން މިސާލު: އޭނާ ހިނގަމުން ދަނިކޮށް މަގުމަތީގައި ދުއްވާ އެއްޗިހީގެ ސަބަބުން މަގު ބެދިއްޖެއެވެ
ބޭނުން
ނ (1) މުހުތާދު (2) މަޤުޞަދު (3) މަޠުލަބު (4) ހާޖަތް (5) އެދޭއެދުން (6) ހިތްކިޔާކިޔުން މ (7) އެއްޗެއްގެ ތެރެއަށް އަނެކައްޗެއް ވެއްދުން ނުވަތަ ކޮއްޕުން (8) ބުޅީގައި ގަނުވައިގެން މަސްހިފުން (9) ކުރުނބާ ކިހައް ފަދަ ތަކެތި އިހާ އޮތްގޮތަށް ވާޖަހައިގެން ރުކުން ބޭލުން )01( ކަމެއްގެ ތެރެއަށް މަތިންބައިން ޖެހިގެން ވަނުން
ބޭރުބައްތި
ނ (1) ނާފަހަރު ބަންގާޅަށް ދަތުރުކުރި ދުވަސްވަރު ބަންގާޅު ކޯރަށް ވަންނަންދާއިރު އެންމެބޭރަށް ހުންނަ ބައްތި. (2) ކަނޑުއޮޅިތަކާއި ބޭރުދުނީގެ ފަރުފަރާއި މުލިފަދަ ތަންތަން ފާހަގަކުރުމަށް ޖަހައިފައި ހުންނަބައްތި
ބޭލާ
ނ މިޔުޒިކުގެ އާލާތެއް މީގެ މައިގަނޑު ބައިތަކަކީ ބަޓަން ލައިގެން ހަދައިފައިވާ ފޮއްޓަކާއި އެފޮއްޓަށް ހަރުކޮށްފައި އޮންނަ ދަނޑިއެކެވެ މީގައި އާންމުކޮށް ހުންނާނީ ހަރުނަރު ފުރައިފައެވެ މީގެއަޑު ނެރޭނީ މިނަރުތައް އޭތީގެ ދަނޑިޔާލައި އިނގިލި އޮބައި ކެހެރި ނުވަތަ އެފަދަ އެއްޗެހިވާންކޮށް ފުރައިފައި އޮންނަ ދަނޑިއެއް ނަރުތަކުގައި ކާއްތައިގެންނެވެ
ބޭލިކޭން
ނ (1) ކައިއަވަދިވީމާ ހަރުގެއިން ނެރޭކޭން. މިއީ މާލޫދުގެ ރަސްމިއްޔާތަށް ހަރުގެއަށްގެންދާ އިރާކޭން ދަމުކޭން އަވަލިކޭން ފަދަ ކޭން ކައިނިމުނީމާ ހަރުގެއިން ނެރުމުން އެކޭކަމަށް ކިޔާއުޅޭނަމެކެވެ (2) މަޖާޒު: އިނދެގެންއުލެ ދުވަސްދިއުމަށްފަހު ވަރިކޮށްފައި އިން އަންހެންމީހާ
ބޭލުން
މ (1) މަތީގައި ހުރިއެއްޗެއް ތިރިކުރުން. (2) އެއްގަމުގައި އޮތްއެއްޗެއް ކޮށްޕައި މޫދަށް ނުވަތަ ފެންގަނޑަކަށްލުން (3) ހަށިގަނޑުން ފަޅައިފައި ހުންނަ އިސްތައްޓާއި ގެރިބަކަރިފަދަ ޖަނަވާރުގެ ކެހެރި ތޫނު އެއްޗަކުން ކަހައި ފިލުވުން (4) ދަތުރުކޮށްފައި އައިމީހަކު އެއްގަމަށް ގެނައުން (5) ރަށުންބޭރަށް އަންނަމީހަކު ރަށުގައި ނުވަތަ ގެއެއްގައި ބެހެއްޓުން (6) އުޅަނދަކުން މީހަކު ނުވަތަ އެއްޗެއް އެއްގަމަށް ނުވަތަ އެހެން އެއްޗަކަށް ނުވަތަ ތަނަކަށް ގެންދިއުން (7) ދަތުރު ފަތުރު ކުރާ އުޅަނދަކުން ތަކެއްޗާއި މީހުން ހުސްކުރުން (8) ރަށެއްގައި ދިރިއުޅޭބަޔަކު އެރަށުން ބޭރުކުރުން (9) އެހެލުމުގެ އިދިކޮޅު )01( ކުޅިވަރުކުޅޭ ދަނޑަކުން ނުވަތަ ކޯޓަކުން މީހުން ނުވަތަ ބަޔަކު ބޭރުކުރުން
ބޭސް
ނ (1) ބަލި ފަސޭހަކުރުމަށް ނުވަތަ ލުއިކުރުމަށް އެތެރޭން ނުވަތަ ބޭރުން ބޭނުންކުރާ ތަކެތި (2) ބަޑިބޭސް (3) ރޭޑިޔޯއާއި ޓޯޗު ފަދަ އެއްޗަށްސައްލައްވާ ބެޓެރީ
ބޭސްލުން
މ (1) މީދާ މަރަން ކޮކަޑިލުން. (2) )ސ.( ބޭސް އެޅުން ނުވަތަ ބޭސް ވެށުން. (3) ޓޯޗާއި ރޭޑިޔޯ ފަދަ އެއްޗެއްސަށް ބެޓެރީލުން
ބޮނބި
ނ (1) ކާށި ގަބުޅި ފަދަތަކެތި ހެހިގެންނަގާ ތޮށިގަނޑު (2) ވިޔާމީހުންގެ ބަހުރުވައިގައި ތާންލާން ގެންގުޅޭ ފިހި
ބޮނބިއަރި
ނ ކާއްޓާއި ކުރުނބާ ފަދަތަކެތި ހެހޭއިރު އޭގެ ބޮނބިގަނޑުން ފަހަރަކު ނައްޓާބައި