radheef.info
ރަދީފު


މަޑު
ނއ (1) ހަރުކަމެއް ނެތުމުގެ ސަބަބުން އޮބައިލީމާ ފިތިގެންދާގޮތް ހުންނަ ހުރުން (2) ކަނޑުގެ ރާޅުތައް ކުދިވެ ހަމަހިމޭންވެފައި އޮންނައޮތުން (3) ޙަރަކާތްތެރިކަންކުޑަ (4) ފަނޑު (5) ނޭފަތާއި ލޮލާއި ކަންފަތުން ނެގޭ ހަޑިއެއްޗެއް (6) ފެނާއި ތެލުގެ ތެރޭގައި އުފެދޭ ހަޑި (7) ކާއެއްޗެއްގެ ރަހަޔަކުން ވާއުނި (8) ގަދައާއި ހަރުގެ އިދިކޮޅު
ލޮނުމަޑުވުން
މ (1) ބޯއެއްޗެއްސާއި ކާއެއްޗެތީގައި ހުންނަންވާވަރަށްވުރެ ލޮނުގެ ރަހަމަޑުވުން. (2) މަޖާޒު: ހިނގަމުންދާ ކަމެއް ނުވަތަ މަސައްކަތެއްގެ ފޯރީ ކުޑަވުން ނުވަތަ ޖޯޝް ނެތުން
ލޮލުރޯގާ
ނ ލޮލަށްޖެހޭ ބައްޔެއް މި ބަލި ޖެހުމުން ލޯރަތްވެ ލޮލުގައި މަޑުލައި ލޮލުން ފެންބައިވާނެއެވެ
ލޯޅައިވުން
މ ލޯކުޑަކޮށް ދުޅަވެ ރަތްވެ މަޑުލައި ފެން އަންނަގޮތްވުން
ގަށާބަތް
ނ ގިނައިންފެން އަޅައިގެން ޗަސްވާވަރަށް މަޑުކޮށް ކައްކައިފައި ހުންނަބަތް
ގަނބައިގަތުން
މ (1) ކިސަޑު ހުންނަ ތަނެއްގައި ނުވަތަ ފަސްމަޑު ތަނެއްގައި ފައި އެޅުމުން އަޑިޔަށްދާގޮތްވުން (2) ފަސްމަޑު ތަނެއްގައި ހުންނަ އިމާރާތެއް ނުވަތަ މަޑުތަނެއްގެ މަތީގައި ބަރުއެއްޗެއް ބޭއްވުމުން އަޑިއަށްދާގޮތްވުން
ގަންހިންގުން
މ އިހުގައި ބޮޑެތި ބައެއްކުށް ކުށުގެ އަދަބަކަށް ކޮލިހިނގާމަގުގައި ކުށްވެރިޔާ ހިންގުން މިކަންކުރަނީ ބުރަކަށީގައި ފަނެއްބަނދެ މޫނުގައި އަޅިދެލި ކުރަހައި އުނަގަނޑުގައި ދެވާ ޖަހައިގެންނެވެ ކޮންމެ ހަތަރު އަނގޮޅި އެއްގައި މަޑުކޮށް އެމީހާގެ ކުށް ބަޔާންކުރާ ޢިބާރާތް ކިއުމަށްފަހު "އަދަބުން އަދަބޯތް" މިހެން ގޮވައިލައި ތަޢުޒީރުކުރާނެއެވެ މިމީހާގެ ފަހަތުން ވަރަށް ގިނަމީހުންނާއި ތެއުޅުވާ ކުދިން ދާނެއެވެ
ގާމަތިގޮވި
ނ )ބ ( ތޮށިމަތީގައި ގާގަލުމަތީގައި މަޑުން ހުންނަ މަހެއް
ގިނިމަސް
ނ ފަރުމަހުގެ ބާވަތެއް. މިއީ ރަތްމަހަށްވުރެ ރަތްކުލަގަދަ ކަށިގިނަ މަސްމަޑު މަހެކެވެ
ގިނިމަޑުވުން
މ ހޫނު މަޑުވުން
ގިނިމެޅުން
މ އުނދުނުގެ އަލިފާން މަޑުކުރުން
ގުލާބުޖާން
ނ ފޮނި ހެދިކާއެއް. މިއީ ގޮދަންފުށް ނުވަތަ މުގުރައިފައިހުންނަ ކަނަމަދު ނުވަތަ މަޑުކޮށްފައި ހުންނަ އަލުވި ހިކިކިރާ އެއްކޮށް ގިތެޔޮ ލައިގެން މޮޑެ ގުޅަވަށައި ތެލުލުމަށްފަހު ފޮނިތޮށި ކާފޫރުތޮޅި ލައިގެން ފޮނި ގަދަކޮށް ކައްކައިފައި ހުންނަ ފަންޏަށް ލައިފައި ހުންނަ އެއްޗެކެވެ
ގޮށަނި
ނ )ޏ.ސ.( ހިކާވައްތަރުގެ ކުދިމަހެއް. މިމަސް އުޅޭނީ ފަޅުމަތީގައި ގާތަކުގެ ތެރޭގައެވެ ކުއްލި ދުވުމެއްގައި ގޮސް މަޑުކޮށްގެން ގިނަވަގުތު ހޭދަކުރެއެވެ
ގޮށުން
މ (1) ބަތްފަދަ ތަކެތި މަޑުވެ ޗަސްވުން (2) ގެށިފައިވުން
ގޮށުވައިލުން
މ މަޑުކޮށްފައިހުރި އެއްޗެއް އުނދުޅިއެއް ފަދަ އެއްޗަކުން ޗިސްކޮށްލުން
ސަނޯރާގަސް
ނ މިރިހިގަހުގެ ފަތާ ވައްތަރު ގޮތަކަށް އެއަށްވުރެ ތުނޑުތައް ބޮޑެތިކޮށް ފަތްހުންނަ ގަހެއް މިގަހުގެ ތިންވައްތަރެއް ހުރެއެވެ އެންމެ ގިނައިން ހުންނަނީ ވަރަށް މަޑުމަޑު ރީނދޫ ކުލައިގެ މަލެއްފޮޅޭ ވައްތަރެކެވެ
ސައިލެންސަރު
ނ (1) އިންޖީނުގެ ދުންބޭރު ކުރާއެތި މި އެއްޗަކީ އިންޖީނުގެ އަޑުމަޑު ކުރުމަށްވެސް ބޭނުންކުރާ އެއްޗެކެވެ (2) ބައެއްކަހަލަ ހަތިޔާރުގެ އަޑުމަޑު ކުރުމަށް ބޭނުންކުރާ އެއްޗެއް
ސޮހުން
މ (1) ބަނދެފައި ނުވަތަ އައްސައިފައިވާ އެއްޗެއް ދޫވެގެން ތިރިޔަށް ޖެހުން (2) ތިރިޔަށް އެލުން މިސާލު: އެ ގަމީސް އޮތީ މާބޮޑަށް ސޮހިފައެވެ (3) ތިރިޔަށްވެއްޓުން މިސާލު: )ހ( ފަޓްލޫނު ސޮހުން )ށ( މުންޑު ސޮހުން (4) އެއްލައިފައި ހުންނަ ތެލަނގަ ފަދަ ތަކެތި ވައިމަޑުވެގެން ތިރިވުން
ޓިނު
ނ (1) ތަންތަން ހިޔާކުރަން ފުރާޅުގައި ޖަހަންހަދައިފައި ހުންނަ އެއްޗެއް މިހުންނަނީ އަޑިއުސްކޮށް މަގުހުންނަގޮތަށް ހަދައިފައެވެ މިދަގަނޑުންނާއި އެލްމެނިއަމުންނާއި ސިމެންތިފަދަ ތަކެތިން ހަދައިފައި ހުރެއެވެ (2) ހުދުކުލައިގައި ހުންނަ މަޑު މަޢުދަނެއް
ޔާގޫތު
ނ ޖަވާހިރެއް މިހުންނަނީ މަޑުފިޔާތޮށި ކުލައިގައެވެ
ޖަންބު
ނ ހުތްފޮނިރަހަދޭ މޭވާއެއް މިދޮންވީމާ ހުންނަނީ މަޑުފިޔާތޮށި ކުލައެއްގައެވެ މީގައި އޮންނަނީ ބޮޑު އެއް އޮށެވެ މިމޭވާ ގަންނަ ގަހުގެ މަލުގެ ފިޔަހުންނާނީ ފިޔާތޮށި ކުލައަށްވުރެގަދަ ރަތްކުލައަށްވުރެމަޑު ކުލައެއްގައެވެ ހިމަނަރުތަކެއް ހެންނެވެ