radheef.info
ރަދީފު


ވަރަ
ނ (1) އުދުހޭ އެއްޗެތީގެ ފިޔަ (2) ކެޔޮގަހު ބަނޑުފަތާއި ކަށިކެޔޮފަތް ފަދަ އެއްޗެތީގައި ހުންނަ ތުނިފަށްފަށް (3) މުއިރު (4) ދުނިދަނޑި ލަނބަންޖަހައިފައި ހުންނަ ފަށް (5) މަޑައިގައިޖަހާ އެތިފަށް (6) ފިޔަ
ކުރެހިފާނަ
ނ ފާނައިގެ ބާވަތެއް މިއީ ރާއްޖޭގެ ފަރުފަރާއި ފަޅުތަކުގެ ބޭރުގައި އުޅޭ ވަރަށް މަދުމަދުން ފެންނަ މަހެކެވެ
ކުޅިވަރަކަށްހެދުން
މަޖާޒު: އެކަމެއްގެ ޙަޤީޤީ ބޭނުމަށް ނުވިސްނައި މަޖަލެއްގެ ގޮތުގައި ވަގުތު ދުއްވައިލުމަށް އެކަމެއް ކުރުމުން ބުނެއުޅޭ ގޮތެއް މިސާލު: ކިޔެވުން ކުޅިވަރަކަށް ހަދައިގެން ދެކޮޅެއް ނުޖެއްސޭނެއެވެ
ކުކުޅުމާދޫނި
ނ ކަނޑުމަތީ ދޫންޏެއް މިއި ސިނައަސްދޫންޏާއި ވައްތަރުގޮތަކަށް ހަށިގަނޑު ފަލަކޮށް ގަދަފަދަކޮށް ހުންނަ ދޫންޏެކެވެ މީގެ ތުން ހުންނަނީ ބޮޑު ހޯގުޅާގެ ތުންހެން ކުރީކޮޅު ލެނބިފައެވެ މިދޫނީގެ ދެފިޔަ ހުޅުވައިލުމުން ވަރަފަތްބައިގެ މެދުތެރެއިން ހުދު ފަތްބަރިއެއް ފެނެއެވެ ބިސްއަޅާ އުމުރުގެ ދޫނީގެ ކުލައަކީ ގަދަދިހުން މުށިކުލައެވެ ބޮޑެތި ނުވާއިރު ކުލައަކީ ގަދަ އަޅިކުލައެވެ
ކުއްތާ
ނ (1) ބަޅު. (2) ހަތަރެސްފައި ޖަހައިގެން އުޅޭ ނަގޫ އިދިފުށަށް ގުދުކޮށް އޮންނަ ވައްވައްޖަހާ ޙައިވާނެއް. މި ގިނައިރަށް އޮންނަނީ އަނގަހުޅުވައިގެން ދޫނެރެގެން ޒާތަކަށް ނޭވާ ލައިލައެވެ މީވަރަށް ވިސްނުން ތޫނު ހުޝިޔާރު އެއްޗެކެވެ އަދި އޮޅުވާ ވަފާތެރި ޙައިވާނެކެވެ
ކުއްލާބުތެލި
ނ އިހުގައި ރޯދަމަހު ކޮންމެ ދުވަހަކު އިރު އޮއްސޭއިރަށް ގަނޑުވަރުތެރޭ ކުއްލާބުގެއަށް ފޮނުވާ ކަލިޔާ ބިރިންޖީތެލި. މިތެލީގައި ވިހިނާޅި ހަނޑުލުގެ ބަތާއި އެޔާވާނެ ގުޅަމަހާއި ހަކުރާއި ލޮނުލުނބޯ ހުންނާނެއެވެ. މިއީ އަތޮޅު އަތޮޅު ދެއްވައިފައި ތިއްބަވާ ބޭކަލުންނާއި ބޮޑެތި ފަޅު ރަށްރަށް ދެއްވައިފައި ތިއްބަވާ ބޭކަލުން ފޮނުވަންޖެހޭ ކެއުމެކެވެ. މިފޮނުވާނީ އެކިދުވަހު އެކި ބޭކަލުންނެވެ. މިއީ ގަނޑުވަރުތެރޭގައި އުޅޭ މީހުންނަށް ދޭ ކެއުމެކެވެ މިކެއުން ގެންދާއިރު ލިބުނު އެންމެ ބޮޑު ކުރުނބާ އިހަލެއް ގެންދާނެއެވެ މިކުރުނބާއިހާ ދަނޑި މާރުލައިގެން ގެންދަނިކޮށް ފަގީރުކުދިން މިއިހާ ކަނޑައިލައިގެން ބަހައިލުމީ ހުއްދަކަމަކަށްވާތީ ވަރަށް މަދު އިހަލެއްނޫނީ ގަނޑުވަރުތެރެޔަށް ގެންދެވޭ ކަމަކަށް ނުވެއެވެ
ކުފި
ނ (1) މަޑުނޫކުލައެއްގައި ހުންނަ ވަރަށްތުނި ކުޑަބޮއްޔެއް (2) )ހ ( އަނދުންހުލި (3) ބދ ލޮލުގެ ކަޅި
ކުދިރުވާލި
ނ ފީނިކޮށް ދަނޑިތައް ވަކިވަކިން ވާކޮށްހެދޭ ގަހެއް މީގެ ދަނޑިވަރަށް ވަރުގަދަވާނެއެވެ މިގަހުގެފަތުގައި ވަރަށްނުބައި ހިތިވަހެއް ހުންނާނެއެވެ މާހުންނާނީ އުނިއޮށެއްގެ ބޮޑުމިނުގައި އެތެރެހުސްކޮށެވެ މަލުގެ ސިފައަކީ އާފަލެއްގެ ސިފައެވެ ކުލައަކީ ފެހިކުލައެވެ މީގެވަކި ލަބަރިބަންނަން ބޭނުންކުރެއެވެ މީގެފަތަކީ ބޭހަށް ބޭނުންކުރާ އެއްޗެކެވެ
ކުދިކުދި
ނއ (1) ވަރަށްކުދި (2) ކުދިމިބަސް ގަދަކުރުމަށް ބުނާގޮތް
ކުދީނާ
ނ ބިމުންމައްޗަށް ވަރަށް ކުޑަކޮށް ހެދޭ ގަހެއް. މިއީ ޒަވިވަހެއްދުވާ އާވި ކުޅިރަހައެއްދޭ ފެހިކުލަގަދަ ފަތެކެވެ. މިފަތް ހުންނަނީ ދެކޮޅު ވަށްކޮށް މެދަށް ފުޅާކޮށްނެވެ. ހަވާދާއި ޝަރުބަތާއި ސަޓަނި ހެދުމަށާއި ބޭހަށްވެސް މިފަތް ބޭނުންކޮށް އުޅެއެވެ
ކުލަފާނަ
ނ ފާނައިގެ ބާވަތެއް. މިމަހުގެ ކުލައަކީ މުށިކުލައެވެ. މުޅިމަހުގައި ކަޅުކުލައިގެ ތިކިތަކެއް ހުރެއެވެ. ދެއަރިމަތީގައި ކަޅުކުލައިގެ ލައްތަކެއްހުރެއެވެ. މިއީ ވަރަށް ތަފާތު ކުލަކުލައަށް ކުލަ ބަދަލުކުރާ މަހެކެވެ
ކުޑަހިނި
ނ )ސ ( ލޮލަށް ވެއްޓުނީމާ ދިލަނަގާ ވަރަށް ކުޑަ އުދުހޭ ހިންޏެއް
ކުޑަފަރީ އޮޑިއެއްރަށްމަތިވުން
)މިސާލުބަހެއް( އެކަކު އަނެކަކު ކިޔާނުކިޔާ އެއްޗެއް ނޭނގޭވަރަށް ޒުވާބުކޮށް އަޑުގަދަކޮށްގަތީމާ ދީއުޅޭ މިސާލުބަހެއް
ކުޑާރަން
ނ ބޯލޮއިން ހަދައިފައި ހުންނަ ކުޑަ ތެއްޔެއް މިހުންނަނީ ފޫ ހިމަކޮށެވެ މިތެލީގައި ދެއުޅަށް ހުރެއެވެ މިތެލީގެ އަނގަމަތި ވަރަށް ކުޑަވާނެއެވެ
ކޫސް
ނ މަޑުމަޑު ގޮތަކަށް އިއްވާލާ އަޑެއް. މިބަސް ބޭނުންކޮށް އުޅެނީ ހިތްވަރުގަދަކަމުން ނުވަތަ ފިނޑިކަމުން އަޑެއް އިއްވައިނުލައި ހުންނަ ހުރުމާ މެދުގައެވެ. މިސާލު: )ހ( އެވަރަށްތެޅިއިރު ކޫސްވެސް ކިޔައެއް ނުލައެވެ. )ށ( ގެޔަށްވަދެ ހިތުހުރިގޮތަކަށް އުޅެފައި ދިޔައިރު ކޫސްކިޔައިލަން ކެރުނު މީހަކުވެސްނެތެވެ
ކެކުން
މ (1) ކައްކާތަކެތި ރޯފިލުން (2) ބޭނުންވަރަށް ކައްކާނިމުން (3) ހޫނުވެގެން ބޮކިޖެހުން (4) ބޮކިޖަހައި އުތުރުން (5) މަޖާޒު: ޖޯޝް އައިސްގެން ނުވަތަ ރުޅިއައިސްގެން ތެޅިތެޅިހުރުން
ކެއްސުންބަލި
ނ ވަކި ބާވަތެއްގެ ޖަރާސީމެއްގެ ސަބަބުން ފުއްޕާމެއަށް އަސަރުކޮށް ވަރަށް ބޮޑަށް ކެއްސާ ހަށިގަނޑު އަނަރޫފަވާ ބައްޔެއް މިބަލި މުޅި ހަށިގަނޑަށްވެސް ފެތުރިދާނެއެވެ މިއީ ގައިންގަޔަށް އަރާ ބައްޔެކެވެ
ކޭކު
ނ ފުށާއި ހަކުރާއި ބަޓަރާއި ބިހާއި އެއްކޮށްގެން ފުފޭގޮތަށް ފިހާ ފޮނިކާއެއްޗެއް މި އެކިވަރުވަރަށް އެކި ސިފަސިފައަށް ހަދައެވެ
ކޭސް
ނ ވަކިވަރަކަށް މުދާ ބަންދުކުރަން ހަދައިފައި ހުންނަ ފޮށި ނުވަތަ އޭގައި ހުންނަން ކަނޑައެޅިފައިވާ ޢަދަދު
ކޮށި
(1) އެއްޗެއް ދިރުވައިލެވޭ ގޮތަކުން ނޭވާދަތިވެގެން އަންނަ ކެއްސުމެއް. (2) ގެރިބަކަރި ފަދަ ދިރޭ ތަކެތި ގެންގުޅުމަށް ނުވަތަ އެ ތަކެތި ބަންދު ކުރާން ހަދައިފައި ހުންނަތަން ނުވަތަ އެތި. (3) ގަސްއިންދުމުގެ ބޭނުމުގައި ވަށައި ފުޅަށް އަޅައިފައި އޮންނަތަން. (4) އިހުގައި އެކި ބާވަތުގެ ހެވިކަން ކުރުމަށާއި ބަޑިބޭހުގެ މަސައްކަތް ކުރުމަށް ސަރުކާރުން އުޖޫރަ ދެއްވައިފައި ތިބޭ އެކިއެކި ޖަމާއަތް. (5) އިހުގައި ހެވިކަން ކުރުމަށާއި ބަޑިބޭހުގެ މަސައްކަތް ކުރުމަށް ސަރުކާރުން ކަނޑައަޅުއްވާފައިވާ ބިން. މިސާލު: ބަންޑާރަކޮށި ތުރުކީކޮށި. (6) އަމިއްލައަށް ނުއިނދެވޭވަރުގެ ޅަކުދިން ރައްކާތެރިކޮށް ބޭންދޭގޮތަށް ހަދައިފައި ހުންނަ އެއްޗެހި. (7) ރަޙިމު. (8) އަނދެގެން ހުރި އެއްޗެއް ނުވަތަ ލައިފައިވާ ލިބާހެއް މައްޗަށް އުފުލައިލައި ބޮނޑިކޮށްލާ ކޮށްލުން. (9) ދަމައިފައިވާ ފޮތިގަނޑެއް އެއްފަރާތަކަށް ކަހައިލާ ކަހައިލުން )01( ދިރޭއެއްޗެހިތަކެއް އެއްތާކަށް ބޮޑިވެގަންނަގަތުން (11) ނއ ތޫނު ނޫން (21) ނއ މަޖާޒު: ވިސްނުންދެރަ )31( ނއ ނުފަރިތަ )41( ކޮށައިފައި ހުރި މިސާލު: ކޮށިފޯއް )51( ކއ ފަރުމާނާ ކައިރިއަށް ރިޔާ ޖައްސައިލާ ޖައްސައިލުން )61( ކއ ކައިރިކައިރީގައި ހުންނަ މިސާލު: ގެތައް ހުންނަނީ ވަރަށް ކޮށިކޮށް )81( )ޏ ސ ( ރާއްޖެތެރޭގައި ކުށްވެރިން ބަންދުކޮށް އުޅުނު ތަންތަން )91( "ކޮށުން" މިބަހުގެ ނިމިނިމުނުކަން
ކޮންޕިއުޓަރ
ނ ކަރަންޓުގެ ބޭނުންކޮށްގެން ވަރަށް ހަލުއިކޮށް ހިސާބުހަދާ މެޝިނެއް. މިމެޝިނަކީ އެއަށް މަޢުލޫމާތު ލެވޭނެގޮތަށާއި މަޢުލޫމާތު ރައްކާ ކުރެވޭނެ ބަޔަކާއި ވިޔަހަދާ ބަޔަކާއި މަޢުލޫމާތު ބޭރުކުރެވޭނެ ބައެއްގެ މައްޗަށް އެކުލެވޭ މެޝިނެކެވެ މީގެ ވަރަށް ގިނަ ބާވަތްތައް ހުރެއެވެ