radheef.info
ރަދީފު


އެކު
ނއ (1) ހުރިހައި (2) މިލިފައިވާ (3) އެކީގައި
މަރުޙަބާކިޔުން
މ (1) އުފާފާޅުކުރުން (2) ބޭރުން އަންނަ މެހުމާނަކާ އުފާވެރިކަމާއެކު ބައްދަލުކުރުން (3) ކުރިމަތިވާކަމެއް އުފަލާއެކު ޤަބޫލުކުރުން
މަޅިގަނޑު
ނ (1) އެއްޗެހި އެލުވައިފައި ބެހެއްޓުމަށްޓަކައި ނުވަތަ ތަންޑުގަނޑު ފަދަ އެއްޗެހި ލެއްވުމަށްޓަކައި އެއްވަރެއްގައި ގިނަދުވަހު ހުންނާނޭހެން ހަރުކުރާ ނުވަތަ އެކުލަވާމަޅި. (2) އަމިއްލައަށް ފުޅަލި ހުޅުވިގެން ދިޔަނުދިނުމަށްޓަކައި އަޅުވަން ހުންނަ މަޅި. މިމަޅި ފިލާ ދަގަނޑު ރޯނު އަދި މިނޫންވެސް އެއްޗެހިން ހަދައިފައި ހުރެއެވެ
މައިކަށި
ނ ޅިނދުކަށިގަނޑު ކޮޅުން ފެށިގެން ބޮލާހަމަޔަށް ބުރިކަށީގެ މެދުގައި ހުންނަ ބަދަތަކަކުން އެކުލެވިފައިވާ ކަށި
މައިމަސް
ނ ބައެއް މަސްއައިނާ އެކުގައި އުޅޭ ބޮޑުމަސް
މައުލޫދު
ނ ކީރިތި ރަސޫލާއަށް ނިސްބަތްކޮށް ޅެމުން ނުވަތަ ވަކި ޚާއްޞަ ޢިބާރާތްތަކަކުން އެކުލަވާލާފައިވާ ސިޔަރަތު
މައުލޫދުބުރިބުނުން
މ މައުލޫދުގެ ބައެއް މާނަޔައެކު ކިޔުން
މައް
ނއ (1) އެހެން އެއްޗަކާ އެކު ނުވާ )ހުރިގޮތަށްހުރި( މިސާލު: މައްދިވެހިބަހުން )ސާފުދިވެހިބަހުން( (2) އާދައިގެ މިސާލު: މައްމީހެއް
މައްލަވަ
ނ މީހަކާ ދިމާއަށް މާބޮޑަށް ބެލުމާއެކު ހީނ އިޝާރާތްކޮށް ކުރާ ސަމާސާ
މައްލަވަކުރުން
މ މީހަކާދިމާއަށް މާބޮޑަށް ބެލުމާއެކު ހުނުމާއި ކުދިކުދި އިޝާރާތް ކުރުމާއި ބައެއްފާޑުގެ ކުދި ސަމާސާ ކުރުން
)މަތާއެޅުން( މަތާޖެހުން
މ (1) ބަރު އެއްޗެއް ފަސޭހައިން ހިއްލުމަށްޓަކައި އެކަތިގަނޑު ބޯ ދަށަށް ލައްވައިގެން އަނެކަތިގަނޑުގެ ކޮޅު ހިއްލަންވީ އެއްޗެއްގެ ދަށަށް ލައްވައިގެން ހިއްލުން. (2) ގަދަބާރަކާއެކު ކައިރި ވެފައިވާ ދެއެއްޗެއް ދުރުކުކުރުމަށްޓަކައި އެދޭތީގެ ދޭތެރެޔަށް އެއްޗެއްލައްވައި ދުރުކުރަން ހިފުން
މަތިހަށިނެގުން
މ (1) މޭފުއްޕާލުމާއިއެކު އިސް އުފުލައި ދެކޮނޑު އުފުލައިލުން (2) މަޖާޒު: ހިނގަމުންދާ ކަމެއްގެ ތެރޭގައި އިސްމީހެއްގެ ގޮތް ދައްކައިގެން އުޅުން
މަތިބެދުން
މ (1) ގަސްތައް ބޯވެގެން މަތިނިވާވުން (2) ގައިގައިޖަހާ ފާރު ގަނޑުގެ އަޑިނުބައިވުމާއިއެކު މަތި ހިކިފައި ހުރުން (3) ހިޔާކުރާ ތަންތާނގެ މަތި ރަނގަޅަށް ހިޔާވުން (4) ކައްކާ ތަކެތީގައި ދުލިލުން
މަތިއަންދާފިހުން
މ މަސްފަތަފޮޅި ބޯކިބާ ބަނބުކެޔޮ ފަދަ ތަކެތިފިހާއިރު އެފިހާ އެއްޗެއްގެ ދަށަށް އަލިފާންލުމާއިއެކު އޭގެ މަތީގައި ޖަސްތު ގަނޑެއް ފަދައެއްޗެއް ބާއްވައި އޭގެ މަތީގައި އަލިފާން ރޯކޮށްގެން އެއެއްޗެއް ރަނގަޅަށް ފިހެވެންދެން އެންދުން
މަތިވުން
މ (1) ކަމެއްގެ އިލްޒާމުއެޅުން (2) މަޖާޒު: ފެނުން ނުވަތަ އައުން މިސާލު: މިއަދަކު މިވެނި މީހަކު މައްޗެއް ނުވިއެވެ (3) ހަވާލުވުން މިސާލު: އެކުދިން ބެލުމާ މަތިވެގެން އުޅެންޏާ ކާންދީ ހަދަންވާނެއެވެ
މަލަނެގުން
މ ގަސްކަރަ އެކުލަވާލާވަރަށް މަލަފެނުން
މަލައެކުލެވުން
މ (1) ދުރުން ފެންނަ ތަނެއްގެ މަލަ ވަކިވަކި ތަންތަންކޮޅުހެން ފެންނަން ހުރުމަށްފަހު އެކުލަވާފެނުން (2) ލޮލަށް ނުވަތަ ބޮލަށްވާގޮތަކުން ތަންތަން އެކުލަވާފެނުން
މަލިކުތާހީދު
ނ ރައިވަރުތަކަކުން ތައުޙީދުގެ މައްޗަށް އެކުލެވިފައިވާ ޅެންބައެއް ބުނެވެނީ މިއީ ފެންފުށީ ބޭކަލަކު ހެއްދެވި އެއްޗެއް ކަމުގައެވެ
މަގޭ
ނއ )ގުޅުން ދޭހަކޮށްދޭ އަކުރާއެކުއޮތް ބަދަލު ނަމެއް ( (1) އަހަރެންގެ (2) ނ އަހަރެން
މަސްހުނިވުން
މ މަޖާޒު: (1) ބައެއްކަހަލަ އެއްޗެހި ތަކެއް އެކުވުން (2) ވަކިތަރުތީބަކުން ހުންނަންވީ އެއްޗެހިތަކެއްގެ ތަރުތީބު ގެއްލި އެގޮތްމިގޮތްވުން (3) ތަފާތު މީހުންތަކެއް އެކުވުން
މަސްގުޅަ
ނ (1) ދުވުންފަދަ ކަމެއް ނުކުރާތާ ގިނަ ދުވަސްވުމަށްފަހު އެފަދަ ކަމެއް ކުރުމުން ހަށިގަނޑަށް އިޙްސާސްވާ ތަދަކާއިއެކު މަސްގަނޑަށް އަންނަހަރުކަން (2) މަހުން ވަށައިފައި ހުންނަގުޅަ