radheef.info
ރަދީފު


އީ
ނ (1) މާކުދިކުދި ކަންތަކާ ރަކިވެގެން ޖެއްސޭ ވައްތަރެއް. މިގޮތް ގިނައިން ވަނީ އަންހެނުންނަށާއި ކުޑަކުދީންނަށެވެ. (2) އ. ކުރީގައިވާ އެއްޗެއް ނުވަތަ ކަމެއް ގަދަކުރުމަށް ބުނާ އަކުރެއް. މިސާލު: މިއީ އެއީ ތިޔައީ އައީ
ބަތާހިނގުން
މ އިހުގައި އީދު ބާރަ ދުވަސްދުވަހު ޞަލަވާތްފުޅު ކިޔަވަން ބައިހަދައިފައި ގޭގެޔަށް ހިނގުން. މިބައިމީހުން ހިނގާނީ ބޮލުގައި ފޮށާއޮޅައިގެން ނުވަތަ ރުމާލެއް އަޅައިގެންނެވެ
ބަތްޕޮޅިކޮކާ
ނ ކޮކާ މަހުގެ ބާވަތެއް މިއީ މުށިކުލަޔާއި އޮރެންޖު ކުލައިގެ ކުރެހުން ތަކެއް ހުންނަ މަހެކެވެ މިމަސް ހުންނަނީ ކޮކާލަކާ ވައްތަރު ގޮތަކަށެވެ
ބަތްޖެހުން
މ ހަނޑުލު ބޮނޑިބަތް ފޯލިކޮށް އޮޅައި މިލުވައިފައި ހުންނަ ކެޔޮފަތަށްލައި އޭގެ ދެކޮޅު ބަންދުކޮށްލުން މިކަން ކުރަނީ ބަދިގޭ މީހުންނާއި މެދުރި މީހުންނެވެ މިއީ ރަސްމީ ގޮތުން އޮލީ ކިޔަވާއިރު ކައްކާ ބޮނޑިބަތެކެވެ
ބަޑިބަޑިކުޅުން
މ ފަންކުޅޭ ކަހަލަ ގޮތަކަށް މުންޏެއް ޖަހައިގެން ދެބައަށް ބެހިގެން ކުޅޭ ކުޅިވަރެއް. މިއީ އިރުވައި މޫސުމުގައި ފުރަހަޅަ ލައިގަތުމުން މާލޭގެ އުތުރާއި އިރުމައްޗާއި ހުޅަނގު ފަރާތުގެ ބުރުޒުތައް ދޮވެ ސާފުކޮށް ބަޑިފަންޖަހައި މިކަމުގެ މަސައްކަތް ނިމޭ ދުވަހު އެތަނުގެ ކުނިފަން ސާފުކުރަން ނުކުންނަ އަންހެނުންނާއެކު މެދުރި މުސްކުޅި ބޭކަނބަލުން ކުޅުއްވައި އުޅުއްވި ކުޅިވަރެކެވެ މިކުޅިވަރު ކުޅެނީ މައި ފާރުން ބޭރުގައެވެ މިކުޅިވަރު ކުޅޭތަނަށް ފިރިހެނުން އައުން މަނާވާނެއެވެ
ބަޑިކޮޅު
ނ (1) ރަދުން ޢިއްޒަތުގައި ތަންތަނަށް ވަޑައިގަންނަވާއިރު އަރިހުގައި ގެންދާ ބަޑިކޮޅު. މިހިފައިގެން ހުންނަ މީހާ ހުންނާނީ ރަދުންގެ އެންމެ އަރިހުގައި ވާތްޕުޅު ފަރާތުގައެވެ. މިއީ ތިލަލީ ބަޑިކޮޅެކެވެ. (2) ބަޑި މިބަހުގެ އެންމެ މާތްގޮތް
ބަޑިފަސްގަނޑު
ނ އަމާޒަށް ބަޑި ޖަހާން ދަސްކުރަން ހަދައިފައި އޮންނަ ފަސްގަނޑު މިއީ އުސްކޮށް ފުޅާކޮށް އޮންނަ ފަސްގަނޑެކެވެ މި ފަސްގަނޑު އޮންނަނީ އެދުވަސް ވަރެއްގައި އެކަމަށް ހަމަޖައްސައިފައި އޮންނަ ތަނެއްގައެވެ
ބަޒަބާޒު
ނ ތަކޫވަކުގެ ބޭރުގައި އޮންނަދާގަނޑު މިއީ މަތިކަރާބޭހުގެ ބާވަތެކެވެ
ބަޓަރުބޯންޗި
ނ ބަޓަރުތޮޅި މިއީ ތަރުކާރީއެކެވެ
ބަޓަރުތޮޅި
ނ ރިހަކައްކަން ބޭނުންކުރާ ފެހިކުލައިގެ ތޮޅިޔެއް. މިހުންނާނީ އާދައިގެ ހިމެރި ތޮޅިޔަށްވުރެ ބޮޑެތިކޮށް ބޯކޮށެވެ އޮށްތައް ހުންނާނީ ފޯލިކޮށް ހުންނަފާޑަށެވެ ހިމެރި ތޮޅީގެ އޮށަށްވުރެ ބޮޑެތިވާނެއެވެ މިއީ ބޭރުގައި ކެހެރި ހުންނަ ތޮޅިޔެކެވެ ގާތްގަނޑަކަށް ކައިވަތެއްހާ ދިގުމިން ހުންނާނެއެވެ
މިސާލު: "މިއޮޑިއަށް އަރާ ބާނި!" ބާނި
ނ (1) މާކަނޑުގައި ނުބިންދާ ހިނގާ ދިގުރާޅު (2) ވިދިވިދިގެން އަންނަރާޅުފަތި (3) އަޑިން ފެންމައްޗަށް އަރާއޮއިވަރު (4) ނަނަކަށް އަމުނައިގެން ދުއްވާ ސަޑުނެތް ހަވަޔެއް (5) ލަކުޑީގެ އޮޅުފަށް (6) ހަތްބޮޅު އުއީގެ ކެއްޓު (7) ނަނު އެއްލާން އަތަށްކަހާލާ މިންވަރު (8) ކ އާދޭ މިމާނާގައި މިބަސް ކިޔާ އުޅެނީ "ބަނދި" ފަދަ އެއްޗެތީގައެވެ
ބާރަނަ
ނ ބޭރުދުނީގެ ތޮށީގެ ބޭރުން ހެދިތިލަވަމުން އަންނަ ތަންތަން މިތަންތާނގައި ހުންނާނީ ގޮށްރާޅު ހެދިފައެވެ މިއީ ކަނޑުތިލައެވެ
ބާވައިގަތުން
މ (1) ލިބިގަތުން (2) ގަބޫލު ކޮށްގަތުން މިއީ މަތީ ފަރާތަކުން ލިބޭ ލިބުމެއް ލިބިގަތުމެވެ މިބަސްނިސްބަތް ކުރެވެނީ ﷲ ގެ ވަޙީ ބަސްފުޅަށެވެ
ބާދިރީ
ނ ގޮވާމުގެ ބާވަތެއް މިއީ އޮނުފަތްހެއް ހިމަދިކޮށް ފަތްހުންނަ ގަހެއްގައި ނިކުންނަ ދިގުކުރާ ގަނޑެއްގައި އަޅާ އޮށްޓަރެކެވެ މީގެ ކުލައަކީ ގަދަމުށިކުލައެވެ މިގަސްހެދެނީ ގާތްގަނޑަކަށް 4 ފޫޓު 5 ފޫޓަށެވެ މިއީ ކުދިބަތް ހުންނަ ފާޑަށްއެއަށްވުރެ ބޮޑެތިކޮށް ހުންނަ ގޮވާމެކެވެ
ބާތުންމަސް
ނ ހަނދީގެ ބާވަތެއް މިއީ ހަލުވިމަހާ ވައްތަރު މަހެކެވެ މިމަހުގެ މަތީބައިގެ ކުލައަކީ ފެހިކުލައަކަށްދާ މުށިކުލައެކެވެ ބަނޑުދޮށް ފަރާތާއި އަރިމަތި ހުންނަނީ ރިހި ހުދުކުލައިގައެވެ ކަރުތާފަތްގަނޑުގެ މަތީބައިގެ ކޮޅުގައި ކަޅުކުލައިގެ ކުޑަލަފެއް ހުރެއެވެ
ބާސްކިހިލި
ނ ކުޅިޖެހުމުގެ އުކުޅެއް މިއީ ދަނޑިކޮށީ މީހުން ކުޅިޖަހާއިރު ދެމީހުން ދެމީހުންނަށް ޖަހާ އެތި ފަހަރެކެވެ
ބާސްކީލި ފައްޓަރު
ނ ބާސްކީލިން އަޅާ ފައްޓަރު މިއީ އިހުގައި ކުޑަކުދިންގެ ކަރުގައި އަޅައި އުޅުނު ގަހަނާއެކެވެ މިފަށް އަޅަނީ ބާސްކީއްޔަށްވާ ގޮތަށެވެ
ބާޑީ ދުނބުރި
ނ ބާޑީ ޖެހުމަށް ބޭނުންކުރާ ދުނބުރި. މިކަމަށް ބޭނުންކުރަނީ ފަލަ ބޮޑެތި ދުނބުރިއެވެ. މިއީ އިހުގައި ދުޝްމިނުންގެ ނުރައްކަލުން ސަލާމަތްކުރުމަށް ބުރުޒުތަކުގެ ފާރުނިވައި ކުރުމަށް ކޮށްއުޅުނު ކަމެކެވެ އަދި ރާޅު އަރާ ދުވަސްވަރުވަރަށް މާލޭގަޔާއި ރާއްޖެތެރޭގައިވެސް ބާޑީ ޖެހުމަށް މިގޮތަށް ދުނބުރި ބޭނުންކޮށް އުޅުނެވެ
ބާޒު
ނ ދޫނީގެ ބާވަތެއް މިއީ ފައިން ވަކިހިއްޕައި ނޮޅައި ކައިއުޅޭ ދޫންޏެކެވެ މިދޫނި ބޮޑުވަނީ ގާތްގަނޑަކަށް މީޓަރެކަށެވެ މީގެ ސިފައަކީ މިދަރިކޮޅުގައި ހިމެނޭ "އެހެނޑަ" އާއި "ސުރުމުތި" ވެސް ތިބޭ ސިފައެވެ މިވައްތަރުގެ ހުރިހާ ދޫނިވެސް އުދުހޭނީ ހޯރައަޅައިގެނެވެ
ބިންހެލުން
މ (1) ބިމަށް ލޮޅުން އެރުން (2) ރަށްގުޑުން (3) ޒަލްޒަލާ މިއީ ބިމުގެ ވަރަށް އަޑީގައި ހިނގާ ހަމަނުޖެހުމެއްގެ ސަބަބުން ބިމުގެ ތޮށިގަނޑު ތެރޭގައި އުފެދޭ ފިއްތުމުގެ ރާޅު ބާންޏަކުން އުފެދޭ ލޮޅުމެކެވެ ބޮޑެތި ބިންހެލުންތައް އަންނަނީ ބިމުއަޑީގައިވާ ހިލަތަކުގެ ފަށަލަތަކުގައި ހުންނަ ދެރަކަމެއްގެ ސަބަބުން އެފަށަލަތައް ހަލާކުވުމުގެ ސަބަބުންނެވެ ކުދިކުދި ބިންހެލުންތައް ކަނޑުގެ ރާޅުތަކާއި ޖައްވީ ފިއްތުންތަކުގެ ސަބަބުން އަތުވެދާނެއެވެ ބިންހެލުމުގެ ބާރުމިން މިނަނީ ރެކްޓަރ މިންގަޑުންނެވެ މިއީ 1 ން 9 ށް ދަރަޖަބަހައިފައިވާ މިންގަޑެކެވެ އިންސާނުންނަށް ބިންހެލުމެއް އިޙުސާސްވާނީ މި މިންގަޑުން އެންމެ ކުޑަވެގެން 5 1 އާ ހަމަވުމުންނެވެ
ބިންބި
ނ ގޮވާމުގެ ބާވަތެއް މިއީ އިނގިލިތަކެއްހެން ހުންނަ ކުރާގަނޑެއްގައި ގަންނަ ފުއްކުދި ގޮވާމެކެވެ މިގޮވާމުގެ ބޭރުގައި ހިލަތޮށްޓެއް ހުންނާނެއެވެ މިހަރުވީމާ ހުންނާނީ ގަދަރަތްކުލައިގައި ނުވަތަ މުށި ކުލައިގައެވެ ނުވަތަ ކަޅު ރަތްކުލައިގައެވެ މިގޮވާމުގެ ފުއްތައް ހުންނަނީ ވަށްކޮށެވެ