radheef.info
ރަދީފު


އިން
ނ (1) ތަރަހައްދު. (2) ތަރައްހައްދު ވަކިކުރާން ޖަހާފާހަގަ. (3) އ. ފެށިގެން. މިސާލު: ގެއިން އެއިން
ރާކަނިވަސް
ނ ރުއްއަރާ މީހުން ރާބަދިތައް ހިފައިގެން ދާއިރު އެމީހުން ގައިން ދުވާވަސް
ރާއުނދުން
ނ ރާކެއްކުމަށްޓަކާ ވަކި ފުންމިނެއްގައި ވަކިމިންގަނޑަކަށް ބިންމަތިކޮނެ އެތަނަށްއަޅި އަޅައި ފެންޖަހައި ހަރުކޮށްގެން ތިންވަރުގެ ތިން އަނގަކަނޑައި މަގަތުއަނގައިން ބަނޑުދުރަލާގޮތަށް ކޮންނަމުންގޮސް އަނެއްދެއަނގަ ވަޅަށް ފޫދުައްވައިފައި ހުންނަ އުނދުނެއް. މަގަތު އަނގަވަޅަކީ ދަރުޖަހާތަނެވެ. މެދުގައި ވަށްލޯވަޅެއްހެން ބޮޑުކޮށްހުންނާނީ ތަރާ ފަތްއުދާ އަނގަވަޅެވެ. އެންމެ ބިއްދޮށަށް ހުންނާނީ އާވި ބޭރުކުރުމަށް ހަދައިފައި ހުންނަ )ކުދިތެލި އުދޭވަރުގެ( ލޯވަޅެކެވެ އެތަނަށްކިޔަނީ ކަނޑޯޅިކޮޅެވެ ދެ އަނގަވަޅު ދެމެދަށް ކިޔަނީ ނިތްގަނޑެވެ
ރާޑަރު
ނ ނުފެންނަ ހިސާބު ދުރުގައިވާ އުޅަނދެއް ނުވަތަ އެއްޗެއް ހޯދުމަށް ބޭނުންކުރާ ރޭޑިއޯ ރާޅު ބޭނުންކުރާ އާލަތެއް މިއިން ފޮނުވާ މަތީ ދަރަޖައިގެ ރޭޑިއޯވޭވުސް އެއްޗެއްގައި ޖެހިފައި އެނބުރި އައުމުން އެއްޗެއްހުރި މިސްރާބަކާއި ދުރުމިނެއް އަންގައިދެއެވެ މިއިން ތަންތަނުގެ ތިލަމިނާއި ފުންމިނާއި އުސްމިން ބެލެއެވެ
ރާޑާއައިން
ނ ބަލާބެލުމަށް ދަހިވާނެކަމަށް ފެންނަ ނަމަވެސް ދަހިނޫން މަސްއައިން
ރިހަމަސް
ނ ރިހައިން ނަގައިފައި ހުންނަ މަސް
ރިހި
ނ ހުދުކުލައިގެ މަޢުދަނެއް މިއިން ގަހަނާ ހަދައެވެ އަދި ފައިސާގެ ގޮތުގައިވެސް ބޭނުން ކުރެއެވެ
ރިހިބޯވަޅު
ނ ރިހިކަސަބާއި ރިހިބާދަލައިން އަޅާ ބޯވަޅު
ރިހިދޯދި
ނ (1) ހަނދުވަރުން ލޮނުގަނޑު މައްޗަށް އެޅިފައި ހުންނަ ދަޅަތައް (2) ވިލާގަނޑުގެ ތެރެއިން ކަނޑުގެ ލޮނުގަޑަށް ފައިބައިފައި ހުންނަ ހަނދުވަރުގެ ރޮނގުތައް
ރިބަން
ނ (1) ސިލްކުން ނުވަތަ އުއިން ވިޔެފައި ހުންނަ ނުވަތަ ކަރުދާހުން ނުވަތަ ޕްލާސްޓިކުން ހަދައިފައި ހުންނަ ފީތާފަށް (2) ސިފައިންނަށް މެޑެލްދޭ ގޮތަށް ކުލަދޭއިރު ދޭ ކުލަކުލައިގެ ފޮތިފަށް (3) ޓައިޕް ރައިޓަރު ފަދަ މެޝިނަށްލައްވާ ދެލިހިފާގޮތަށް ހަދައިފައި ހުންނަ އެތި
ރިކާބު
ނ އަސްމަތީ އިންނަމީހާގެ ދެފައިތިލަ ލައްވާން ދަގަޑުން ހަދައިފައި އޮންނަ އެއްޗެއް
ރިއްމަސް
ނ މުށިމަހުގެ ސައިޒުގެ މަހެއް މިއީ މަހުގެ މަތީބައިގެކުލަ ނޫކުލައަކަށް ދާ ފެހިކުލައެއްގައި ހުންނަ އައިން އައިން ގަނޑަށް އުޅޭމަހެކެވެ މި މަސް އާއްމުކޮށް އުޅެނީ އެތެރެވަރީގެ ކަނޑުތަކުގައާއި ފުން ވިލުވިލުގައެވެ މިއީ ކަށިގިނަ މަހެކެވެ
ރިއްސެޔޮފަށް
ނ ސަރުކާރުގެ އުޅަނދުފަހަރުގައި ރިއްސެއު ކުލައިން ދަމާ އުޅުނު ފަށް
ރިޔަން
ނ (1) މިންއަޅަން ގެންގުޅޭ މިންގަނޑެއް މީގެ ދިގުމިނަކީ 42 އަނގޫ ނުވަތަ 72 އިންޗިއެވެ (2) މި މިންގަނޑު ހަމަވާއެތި
ރިޔަންކޮޅުއެޅުން
މ (1) ސަރުކާރުގެ ފަރާތުން ގޯތިގޯތީގެ ބޮޑުމިންބަލާ އިންފާހަގަ ކުރުން. މި މިންބަލާ އުޅުނީ ތިންރިޔަން އަށަނގޫ ބަމައިންނެވެ. (2) އިސްކަންދަރު މަހާރަދުން ހެއްދެވި ރިޔަންކޮޅުން ތަނެއްގައި ރިޔަން ހުރިވަރު ބެލުން. މިރިޔަނުގައި ދެއަނގުލާއި އެއްއުނގޫ އިތުރުވާނެއެވެ. އުނގުލަކީ ބައި އަނގުލެވެ
ރީނދޫ
ނ (1) ފޯލިކޮށް ހުންނަ ދޮންރަތްކުލައިގެ ގޮނޑިއެއް މިއީ ހަވާދާއި ބޭހަށް ބޭނުންކުރާއެއްޗެކެވެ (2) ވިއްސާރަދުނީގައި ހުންނަ ހަތްކުލައިގެ ތެރެއިން ފެހިކުލަޔާ އޮރެންޖް ކުލަޔާ ދެމެދުގައި ހުންނަކުލަ
ރީނދޫހުން
ނ ހުމުގެ ބާވަތެއް މިހުންޖެހުނީމާ ލޮލާ ނިޔަފަތިތަކާ ހުދުހަމާ ކުޑަކަމުދާ އެއްޗެހި ރީނދޫ ވާނެއެވެ މިއީ ނުރައްކާތެރި އަދިގައިން ގަޔަށްއަރާ ބައްޔެކެވެ ބައެއްފަހަރު މޭގަނޑާ ސިކުޑިޔަށް ގެއްލުން ލިބިދާފަދަ ބައްޔެކެވެ މިބަލިޖެހެނީ ބަލިޖައްސާފަނީގެ ސަބަބުންނެވެ
ރީނދޫކުލަ
ނ (1) ރީނދުލުގައި ހުންނަކުލަ (2) ވިއްސާރަ ދުނީގައި ހުންނަ ހަތްކުލައިގެ ތެރެއިން ފެހިކުލަޔާ އޮރެންޖް ކުލަޔާ ދެމެދުގައި ހުންނަ ކުލަ
ރީނދޫވެން
ނ ވެނުގެބާވަތެއް މިއީ ދެފަރާތު އަރިމަތީގައި ރީނދޫކުލަޔާއި ނޫކުލައިގެ ތިކިތަކެއް ހުންނަ ވެނެކެވެ މިވެން ގިނައިން އުޅެނީ ހުއިވިނަ ހެދިފައި ހުންނަ ފަޅުފަޅުގައެވެ
ރުންކުރު
ނއ (1) ދެމޭގޮތް ކުޑަ (2) މަޖާޒު: ފަސޭހައިން ރުޅި އަންނަ
ރުންކުރުވުން
މ (1) ދެމޭގޮތް ކުޑަވުން (2) މަޖާޒު: ފަސޭހައިން ރުޅިއައުން