radheef.info
ރަދީފު


ކަށް
ނ (1) މަރުވެފައި އޮތް މީހާ (2) މުޅަ
ރައްޓެހިވުން
މ (1) ދެކެފަރިތަވުން (2) ރަށުގެ އަހުލުވެރިއަކަށްވުން
ރަމަންނެގުން
މ (1) ބިރުގަނެގެން ނުވަތަ ދެހާ ތަޅައިގެން ބަލިވާ ހައު ކެޔޮފޮތީގެ ފަހަތުގައި ހުންނަ ފަތްކޮޅު އުފުލުން އެހެންވެސް ޖަނަވާރު އެއަށްވުރެ ގަދައެއްޗެއް ފެނުނީމާ ބިރުން ދިއުމަށްވެސް ކިޔަނީ މިހެންނެވެ (2) މަޖާޒު: މީހަކު މާމޮޅު މީހަކަށް ހެދިގެން އުޅެނިކޮށް މޮޅުމީހަކު އައީމާ ހެދިގެން އުޅޭ މީހާ ދެރަވުން
ރަފަރަފަ
ނ (1) ލަކުޑިތަކެއް ނުވަތަ ފަލަ ދަރުތަކެއް އެއްފަހަރާ ތަނަކަށް އެޅިގެންދާއިރު އިވޭއަޑު (2) ގޭގެއާއި ހަރުގެ ފަދަތަންތަން ވެއްޓިގެން ދާއިރު އިވޭއަޑު
ރަދަ
ނ )ސ ( (1) ކަށްޓަކުން ނުވަތަ ތޫނުއެއްޗަކުން ކޭއްތިގެން ގައިގެ ހަމުގައި އެޅޭ ކޫރު (2) ގަސްގަހުގައި ރޮނގުގޮތަށް ހުންނަ ރެނދު
ރަތުލޯ
ނ ރަތްކުލަޔަކަށްދާމަޢުދަނެއް
ރަތް
ނ (1) ވިއްސާރަ ދުނީގެ ކުލަތަކުގެ ތެރެއިން އެންމެ ތިރިޔަށް ހުންނަ ކުލަ (2) ސާފުލޭގައި ހުންނަ ކުލަ (3) ބެރެބެދިމަލުގައި ހުންނަ ކުލަ މިބަސް ނަން އިތުރަކަށްވެސް ބޭނުންކުރެއެވެ
ރަތްކިރުޅިރައިވެރިމަސް
ނ ރައިވެރިމަހުގެ ބާވަތެއް މިމަހުގެ ކުލައަކީ ދަނބުކުލައަކަށްދާ ކިރުޅިކުލައެކެވެ ކަންފަތްމަތީގައި ތިނެސްކަނަށް ްހުންނަ ހުދުކުލައިގެ ލަފެއް ހުރެއެވެ މިމަހުގެ ބުރިކަށިމަތީގެ ކޮތަރިބައިގެ ކަށިތަކުގެ ދެކަށިދޭތެރޭގެ ދުލިފަށުގައި ހުންނަނީ މަޑު ރަތްކުލައެވެ
ރަތްވިނަ
ނ ވިނައިގެބާވަތެއް މިވިނައިގެ ފަތްހުންނާނީ ކަޅު ރަތްކޮށެވެ ތަނޑިތައްވެސް ރަތްވާނެއެވެ ހެދޭނީ ވަރަށް ގިނަކުރިލައި ބޮނޑިބޮނޑިއަށް އެކުލަވާފައެވެ މިގަހުގެ އުސްމިނަކީ ގާތްގަޑަކަށް 6 އިންޗިއެވެ މިގަހުގެ ކުލަގަދަވެ ގަދައަށް ހެދޭނީ އަވިދޭ ތަނެއްގައެވެ
ރަތްވިލާދާރި
ނ ދިވެހި އަންހެނުން ލިބާސްލައިއުޅުނު ފޮތީގެ ބާވަތަކަށް ކިޔާނަމެއް މި ފޮތިހުންނާނީ ރަތްވިލާ ކުލައިގައެވެ
ރަތްވިލާލުން
މ އިރުއޮއްސޭއިރު އުދަރެހުގައި ހުންނަވިލާތަކަށް ކުލަކުލައެރުން
ރަތްލިލީ
ނ ލިލީގެ ބާވަތެއް މިމަލުގެ ފިޔަ ހުންނަނީ އޮރެންޖުކުލައިގައެވެ މިގަހުގެ ފަތް ހުންނަނީ އާދައިގެ ލިލީގަހުގެ ފަތަށްވުރެ ކުރުކޮށެވެ ފަތުގެ ބޮޑުމިނަކީ ގާތްގަނޑަކަށް ފޫޓެކެވެ
ރަސޫލު
ނ މާތް ﷲ އެބޭކަލަކަށް ޝަރީޢަތެއް ބާވާލައްވައި އެޝަރީޢަތެއް މީސްތަކުންނަށް ފޯރުވައި ދެއްވުމަށް އަންގަވައިފައިވާ މާތް އިންސާނާ
ރަސް
ނއ (1) ރަސްގެފާނަށް ނުވަތަ ރަސްކަމަށް ނިސްބަތްވާ (2) މޮޅު މިސާލު: ރަސްއައިން (3) އެންމެބޮޑު މިސާލު: ރަސްމަގު (4) އެންމެ ލޯބިވާ މިސާލު: މަގޭ ރަސްދަރިފުޅު (5) ނ ފަސްއޮށްކުޅޭއިރު ވިދިވިދިގެން ހަތްލަނޑުދިނީމާ ނުވަތަ ހުސްފުށަތުން ލާއިރު އޮށްބައި އެކަށް ހިފުނީމާ ކިޔާނަން
ރަސްކަން
ނ (1) ރަސްކަލަކު ހުންނަވައިގެން ހިންގާ ވެރިކަން (2) މަޖާޒު: ތަނެއްގެ ބާރު ލިބިފައިވާ މީހަކު ނުވަތަ ބަޔަކު އެތަނެއްގައި ނެތުމުން ދެން ހުންނަ މީހަކު ނުވަތަ ދެން ތިބޭ ބަޔަކު އެތަނަށް ނުފޫޒު ފޯރުވައިގެން ހިތް ހިތަކަށް އުޅޭ އުޅުން (3) ބަލަހައްޓާނެ މީހަކު ނެތިދާ ވަގުތުކޮޅު ކުއްޖަކު ނުވަތަ ކުޑަކުދީން ތަކެއް ހިތްހިތަކަށް އުޅޭ އުޅުން މިސާލު: އަހަރެން ގެއަށް އައިއިރު ކުދިން ކޮޅު ކޮޓަރި ތެރޭގައި ރަސްކަން ކުރަނީއެވެ
ރަސްކަންކުރުން
މ (1) ރަސްކަލަކު ހުންނަވައިގެން ހިންގާ ވެރިކަން ހިންގުން މަޖާޒު: (2) ތަނެއްގެ ބާރު ލިބިފައިވާ މީހަކު ނުވަތަ ބަޔަކު އެތަނެއްގައި ނެތުމުން ދެން ހުންނަ މީހަކު ނުވަތަ ދެން ތިބޭ ބަޔަކު އެތަނަށް ނުފޫޒު ފޯރުވައިގެން ހިތްހިތަކަށް އުޅުން (3) ބަލަހައްޓާނެ މީހަކުނެތި ދާވަގުތުކޮޅު ކުއްޖަކު ނުވަތަ ކުޑަކުދިންތަކެއް ހިތްހިތަކަށް އުޅުން
ރަސްކޮލި
ނ ރަސްކަލަކަށް ރަސްކަމުގެ އިއްޒަތް ފުރިހަމަ ކުރުމަށް ލާކޮލި
ރަސްއައިން
ނ އެތައް ކުރިއަކަށް ތިލަވެގެން އުޅޭ ތަފާތު ބާވަތްތަކާއި ތަފާތު ސައިޒުގެ މަސް އެކުލެވޭ ކަނޑުމަހުގެ ބޮޑެތި މަސްއައިން
ރަސްމިއްޔާތު
ނ ކަމަކަށްޓަކައި ރަސްމީގޮތުން ބާއްވާ ޖަލްސާ
ރަސްގުއްލަ
ނ ފޮނިކާއެއްޗެއް. މިއީ ރޯ ކިރަށް ހަކުރާ ގިތެލާ އަޅައިގެން މަޑު ގިނީގައި ކައްކަމުންގޮސް ފެންހިނދި ގުޅަވެށޭވަރަށް ކެކުނީމާ ބޭނުން ސައިޒަކަށް ގުޅަވަށައި ހަކުރު ފަންޏަށްލައިފައި ހުންނަ އެއްޗެކެވެ މިހުންނާނީ ސާފު ހުދު ކުލައިގައެވެ
ރަސްގެފާނު
ނ އެގައުމެއްގެ ސިޔާސީ ނިޒާމަކަށް ރަސްކަން އޮންނަ ގައުމުތަކުގެ އެންމެ އިސްވެރިޔާ