radheef.info
ރަދީފު


ބޭ
ނ (1) ދުވަސްވެ މުސްކުޅިވެފައިވާ ފިރިހެނާ. (2) ބޭބެ ކިޔާ މީހުންނަށް ކިޔައި އުޅޭގޮތެއް. މިސާލު: ދޮންބޭ ކުޑަބޭ ކަތީބުބޭ
ނަންނުގަތިދުލި
ނ ނަންނުގަތި ބާލާދުލި މިއީ ނަންނުގަތީގެ ބޭރުހަމުގެ މަތީގެ ދުލިފަށެވެ މިދުލި ހުންނަނީ ވަރަށް މަޑުމަޑުކޮށް ހުދުކުލައިގައެވެ
ނަންބަރަށްގޮވުން
މ ނަންބަރު ނަގައިގެން ވަދެވޭ ތަންތަނުގައި ބޭނުންވާ ނަންބަރުގެ މީހާ އަންނާން ގޮވުން
ނަންބަރު ވިނަ
ނ ބިމުގައި ނަންއަޅަން ބޭނުންކުރާ ވިނައެއް. މިއީ ވަރަށް ފަސޭހައިން ރޯވާ ވިނައެކެވެ. މީގެ ރަތްކުލައާއި ފެހިކުލަހުރެއެވެ. މިއަށް ނަންއަޅާވިނަ ރަތްވިނަ ޖަރުމަނުވިނަ މިނަންނަމުންވެސް ކިޔައެވެ
ނަންބަރުދިނުން
މ (1) މޮޅުދެރަ ބެލުމުގައި ދިހަޔަކުން ނުވަތަ ސަތޭކަޔަކުން އެމީހަކަށް ނުވަތަ އެބަޔަކަށް ލިބޭންވީ ޢަދަދު ބަޔާންކޮށް ދިނުން (2) ތަރުތީބަކުން ކަމެއް ހިންގުމަށްޓަކައި އެކިމީހުންނަށް ވަކިނަންބަރު ޚާއްޞަކޮށް ދިނުން
ނަރުނެތްފޯނު
ނ އޭރިއަލެއް ޖަހައިގެން ނަރެއްނެތި ބޭނުންކުރެވޭ ފޯނު މިވައްތަރުގެ ފޯނުގެ މައިގަނޑެއް ހުންނާނެއެވެ އެމައިގަނޑު ހުންނާނީ ނަރާ ގުޅިފައެވެ (2) ނަރުން އެކްސްޗޭންޖާ ނުގުޅައި ބޭނުންކުރާ ފޯނު
ނަރުސް
ނ ޑަކްޓަރުންގެ އިރުޝާދުގެ މަތިން ބަލިމީހުންގެ ކަންތައް ބަލަހައްޓަންތިބޭ މީހުން
ނަބީ
ނ މީސްތަކުންނަށް ތެދުމަގު ދެއްކެވުމަށް މާތްﷲ އިންސާނުންގެ ތެރެއިން ފޮނުއްވާ ޚާއްސަ ބޭކަލެއް
ނަބީބޭކަލުން
ނ ނަބީކަން ދެއްވައިފައިވާ ބޭކަލުން
ނަބީއްޔުން
ނ ނަބީބޭކަލުން
ނަކީރު
ނ ކައްވަޅުގައި ސުވާލު ކުރައްވާ ދެމަލާއިކަތުން ކުރެ އެއްބޭކަލެއް
ނައިބުކަމާ ހިނގުން
މ ރަޖަބުމަހު ހަވަނަދުވަހު ދައުލަތުން ބޮޑު ރަސްމީ ޖަމާއަތެއް ފޮނުވައިގެން ހަތަރުއަވަށު މައިޒާންގޭދޮށުގައި ދީނުގެ އަމުރު މަޢުރޫފު ކުރުން. މި ޖަމާއަތް އެކުލެވިގެންވަނީ ބޮޑުބޭކަލުން ޚަތީބު ބޭކަލުން ފަނޑިޔާރުގޭ ނާއިބު ބޭކަލުން މަލިން ބޭކަލުން އަސްކަރު މުސްކުޅިން މަޖިލީހަށް އަރާބޭކަލުން މުދިން ބޭކަލުން ދޭވާނީން މިބޭބޭކަލުންގެ މައްޗަށެވެ
ނައިބުފަތްކޮޅު
ނ ނައިބުކަމާ ހިނގާއިރު ނައިބު ބޭކަލުންގެ ގެންދަވާ ދީނުގެ އަމުރުތައް ލިޔެވިފައިވާ ފަތް
ނައިބޮލި
ނ ބޮލީގެ ތެރޭގައި ހިމެނޭ ބާވަތެއް މިއީ މާކަނާ ތަޅުދަނޑިއެއްގެ ފާޑަށް އެއްކޮޅު އެތެރެއަށްލައި އޮޅިފައި ފަޅިބުރެއްގެ ސިފަޔަށް އޮންނަ ބޮއްޔެކެވެ ބޮލީގެ ބޭރު ހުދުކޮށް ހުންނައިރު އޭގެދެބައިކުޅަ އެއްބައިހާތަނުން ފެށިގެން ފަހަތަށް ހުންނަބައިގައި ހުރަސް ގަޅިތަކެއްހެން ހުދާއި ދޮންމުށި ކުލައިން ނުވަތަ ގަދަމުށި ކުލައިން ހަނދުފަޅި ބުރަށް ކަހަލަ ގޮތަކަށް ފަލަ ފަށްތަކެއްހެން ރޮނގު ހުރެއެވެ އޭގެ ތޮށިގަނޑުން ސަމުސާ ހަދައި އުޅެއެވެ
ނައިލޯނު
ނ ރޮއްޖާއި ވައުފަދަ ތަކެތި ހަދަން ބޭނުންކުރާ މަޞްނޫޢީ މާއްދާއެއް
ނައުޒޯނގު ފަހަރު
ނ ބޭރުދަތުރުކުރާ ފުރާދުއްވާ ތަކެތި
ނަވިޔަނި
ނ މަތީތަލީގެ ގާތްގަނޑަކަށް މެދަކާ ހިސާބުގައި ދޫޖައްސައިފައި ނެރޭއަޑެއް މިކިޔޭނީ ނޫނުގެ އަޑުން އެއަށްވުރެ ބަރުކޮށެވެ މިއީ ތާނަލިޔުމުގައި އާއްމުކޮށް ބޭނުން ކުރާއަކުރެއް ނޫނެވެ
ނަމަ
އ ނަމަވުން މާނަކުރުމަށް ބޭނުންކުރާ އަކުރެއް. މިސާލު: ކަލޭއައިނަމަ އަހަރެން ދިޔައިމުސް
ނަމާދުކުނާ
ނ ނަމާދުކުރަން ބޭނުންކުރާ ކުނާ
ނަފީ
ނެތްކަން ނުވަތަ ނޫންކަން ނުވަތަ ނުވާކަން އަންގައިދިނުމަށް ބޭނުންކުރާ އަކުރެއް މިސާލު: )ހ( އެފޮތަކުނެތް )ށ( މުޙައްމަދެއް ނޫން )ނ( އެބައިގެ ތެރޭގައި އޭނާއެއް ނުވެއެވެ
ނަފީކުރުން
މ (1) ނުވާކަން ނުވަތަ ނެތްކަން ނުވަތަ ނޫންކަން އަންގައިދިނުމަށް ބޭނުންކުރެވޭ އަކުރެއްގެ ބޭނުން ކުރުން (2) ބާޠިލުކުރުން