radheef.info
ރަދީފު


ރާ
ނ (1) ރާކުރުމުން ރުކުގެ އެތުން ލިބޭ މީރު ބުއިމެއް މިއިން ދިވެހި ހަކުރުހަދައެވެ (2) ބަނގުރާ
ހިލަކަރުދާސް
ނ ލަކުޑިއާއި މަޢުދަނީ ތަކެއްޗާއި އެނޫންވެސް ބައެއް ތަކެތި އޮމާންކުރަން ގެންގުޅޭ އެއްފުށް ރާޅުކޮށް ހަދައިފައި ހުންނަ ކަރުދާހެއް
ހިލަކިހުނު
ނ ބައްޔެއްގެ ނަން. މިބަލީގައި ކުޑަކަމުދިއުން ދަތިވެ ބަނޑުގައިރިހި ކުރިމަތި ފަރާތުން ހިލަ ނުވަތަ ވެލިކަހަލަ އެއްޗެއް އަންނާނެއެވެ. އަޞްލުގައި ކިހުނުބައްޔާއި ހިލަ އުފެދޭ ބައްޔާއި މާބޮޑުގުޅުމެއް ނޯވެއެވެ ނަމަވެސް ދެބަލީގައިމެ އަވަސް އަވަހަށް ކުޑަކަމުދާން ޖެހިފައި ކުޑަކަމުދާއިރު ތަދުވާގޮތްވާތީ ހިލަކިހުނޭ ކިޔާފައިވަނީއެވެ
ހިލަވާލި
ނ )މ ( ވާލީގެ ބާވަތެއް މިމަހުގެ ބޯކޮޅު އޮންނަނީ ވަށްކޮށެވެ މިމަސް ދިރިދިރި އޮންނައިރު ބޯކޮޅުން ފެށިގެން ބަނޑުދަށް ފަރާތުން މެދަށްވުރެ ތިރިޔަށް ރަންކުލަޔަށްދާ ކުލަޔެއް ހުންނާނެއެވެ ދެފަރާތުގައި ހުންނަ ދެކޮތަރި ހަނދީގެ ކޮތަރިއަށްވުރެ ދިގުވެފައި ކަންފަތުން ބުރިކައްޓާ ގުޅިފައި ހުންނަބައިގެ އެތެރޭގައި ހިލައެއްހެން އޮންނަ ކަށިކޮޅެއް ހުންނާނެއެވެ
ހިލަމާދިއުން
މ )ބ ( (1) ބޭރުރަށްރަށުގައި ނުވަތަ ރަށުގެ އެހެން އަވަށެއްގައި ކާވެނިކުރުމުން އަންހެންމީހާގެ ގެނައުމަށް އެރަށަކަށް ނުވަތަ އެއަވަށަކަށް ބަލައިދިއުން (2) ބޭރުރަށްރަށުގައި ކުރާ ބޮޑެތި މަސައްކަތުގެ ޚަބަރުއިވިގެން ނުވަތަ އެހެން އަވަށެއްގައި ބޮޑުމަސައްކަތް ކުރާތީ އެކަމަށް ތަރުޙީބު ދިނުމަށް ހުރި އޮޅު ނުވަތަ ކޭން ހިފައިގެން ދިއުން
ހިލަފުށް
ނ (1) ވަކަރުލާ ފަރާތް (2) ވަކަރުގެ ބޭރުފުށް
ހިލާލީދަރިކޮޅު
ނ ރާއްޖޭގައި ރަސްކަން ކުރި 7 އާއިލާގެ ތެރެއިން 3 ވަނަ އަށް ރަސްކަންކުރި ދަރިކޮޅު މިދަރިކޮޅަށް "ބަދުރުއްދީން" ދަރިކޮޅޭވެސް ކިޔައެވެ މިދަރިކޮޅުގެ ފުރަތަމަ ރަސްކަލަކީ ހުޅުލޭ ހިލާލީކަލޯއާއި ގޯލާވެހި ކަނބުލޯގެ އައްސުލްތާން ޙަސަނުލް ހިލާލީއެވެ މިދަރިކޮޅަކީ ރާއްޖޭގައި އެންމެ ގިނަރަސްކަލުން ރަސްކަން ކުރެއްވި އެކަމަކު ހަމަޖެހުން ކުޑަދަރިކޮޅެވެ
ހިލިހުނި
ނ )ހ ( ހުންޏާ ހަކުރާ އެއްކޮށްގެން ހިލާފޮނިކާއެއްޗެއް
ހިލިފުށް
ނ ހުންޏާހަކުރާ އަޅައިގެން ހިލައިގެން ހިލައިފައި ހުންނަފުށް
ހިލޭޖެހުން
މ (1) ފުޓުބޯޅަ އާއި ހޮކީފަދަ ކުޅިވަރުގައި ކުށްކުރާބަޔާއި އިދިކޮޅަށް ދޭޖެހުމެއް މީގައި ސީދާ ހިލޭޖެހުމާ ނުސީދާ ހިލޭޖެހުން ހުރެއެވެ (2) އެއްޗަކަށް ނުވަތަ ތަނަކަށް ކުރިޚަރަދު އަނބުރާލިބި އަގުހަމަވުން
ހިޔަނި
ނ (1) އަލީގައި ހުންނަ އެއްޗިއްސާއި ގުޅިގެން އެއެއްޗެއްގެ ސިފައިގާ ހުންނަ އަނދިރިފަށް މިހުންނާނީ އަލިހުންނަ ފަރާތްނޫން އަނެއް ފަރާތުގައެވެ (2) ކޮންމެ އެއްޗެއްމެ އަވީގައި ނުވަތަ އަލީގައި ހުރީމާ އެއެއްޗަކުން އަނެއްފަރާތަށް ގޮސްފައި ހުންނަ އަދިރި (3) މޫނުބަލާ ލޯގަނޑުފަދަ ތަކެތީން އެފެންނަ ސޫރަ (4) އެންދަމާދަލުގެ ވަށައިގެން ކައިރީގައި ތަންކޮޅެއް ގޮޅިބޮޑެތިކޮށް ބަނދެފައި އޮންނަތަން (5) ލޯގަނޑެއްފަދަ އެއްޗަކަށް އަލިއެޅުނީމާ އެއިން އަނބުރާ ފޮނުވައިދޭ އަލި
ހިޔަނިދާ
ނ ގޮޅިދެވަރަށް ބަންނަ އެންދަމާ ދަލުގެ ހަތަރުފަރާތުގައި މެދުތެރެއަށް ވުރެން ގޮޅި ނުވަތަ މަޅި ބޮޑުކޮށް އޮންނަބައި
ހިޔަނިލުން
މ (1) ދަލުގައި ހިޔަނިހަރުކުރުން (2) އަކުރާ ކުރެހުމުގެ ކައިރީގައި އޭގެ ހިޔަނި ހުންނަގޮތަށް ފެވުން
ހިޔަންޏަށްމުޑިނެގުން
މ (1) ބައެއް ޖަނަވާރު ހިޔަންޏެއް ފެނިގެން އެއީ އަސްލޭ ހީކޮށް އެއާ ދިމާއަށް މުޑިނެގުން. (2) މަޖާޒު: ކަމެއް ޙާސިލުވެދާނޭކަމަށް ހީކޮށް އޭގެ އަސްލެއްނެތި އެކަމެއް ލިބިއްޖެނަމަ ކުރަންވީ ަކަންތައްތައް ހޯދައި މީހުން ހިނިއަންނަ ދަރަޖައަށް އެކަމައިގެން އުޅުން މިސާލު: ޖައްރާފައިގެ ވެރިކަން ލިބިދާނެކަމަށް ހީކޮށް ޖައްރާފައިގައި އުޅޭ މީހުންކުރެން އޭގެ ވާހަކައަހައި އަވަސްއަވަހަސް އިންޖީނުގެއަށް ވަދެ މީހުން ހިނިއަންނަ ދަރަޖައަށް އުޅުން
ހިޔާ
ނ (1) ވާރެޔާ އަވީން ރައްކާވެވޭ ތަންތަން (2) އޮޑިދޯނިފަހަރުގެ ކުނބުކަތްޕާ ކުންބާ ދޭތެރޭ ދެފުރާޅު ލައިފައި ހަދައިފައި ހުންނަގެ (3) މަޖާޒު: މީހެއްގެ ފަރާތުން ލިބޭ ރައްކާތެރިކަން (4) އެހީތެރިކަން
ހިޔާހެދުން
މ އޮޑިދޯނިފަހަރުގައި ވަގުތީގޮތުން ކުރާ ހިޔާ ތައްޔާރުކުރުން
ހިޔުން
މ (1) )ޏ ސ ( ތެޔޮފަދަ ތަކެތި ހޭނުން (2) ރާކެއްކުން
ހީ
ނ (1) ޝައްކު (2) ކަށަވަރުކަމެއްނެތި ހިތަށްއަރާ އެއްޗެހި (3) ފިނިކަމުން ހަށިގަނޑަށް ލިބޭ އުނދަގޫ
ހީނ
އމ (1) ހުނުމަށްކުރާ އަމުރު (2) ހޭނށޭ (3) )ގ ( ދޯ
ހީނަރު
ނ (1) އަނަރޫފަ (2) ގަސްގަހާގެހި ޅައިރު ހެދުން ދެރަވެގެން ވާ އަނަރޫފަ (3) މަޖާޒު: ކަންކަން ދާންވާ ގޮތަށް ކުރިއަށް ނުގޮސް ހުއްޓުން އަރާއެރުން
ހީނާ
ނ މީރުވަސްދުވާ މާ އަންނަ ފަތްކުދި ގަހެއް. ހުދުހަމާއި ނިޔަފައްޗާއި ނުރަ ރަތްކުރާން މިގަހުގެ ފަތްބޭނުންކުރެއެވެ. މިގަހުގެފަތާއި މަލާއި އޮށް ބޭހަށް ބޭނުން ކުރެއެވެ. މީގެފަތްބޮޑު ވަތްތަރެއްވެސް ހުރެއެވެ މިވައްތަރަށް ކިޔަނީ ސުވޭހު ހީނާއެވެ