radheef.info
ރަދީފު


ނީ
ނ (1) ހަނޑޫފަދަ ތަކެތި ފޮޅީމާ ނެގޭ އެންމެ ހިމުންބައި (2) އޮޑި ފަހަރުގެ ކުނބުގެ ކުރީގައި ސާމޯރުޖަހަން ހިމަކޮށްފައި ހުންނަ ތަންކޮޅު (3) ބދ ކުރީކޮޅު
ނަލަހިކާ
ނ ހިކާގެ ބާވަތެއް: މިއީ ރީތި ކުލަތަކެއް ލިބިފައިވާ ކުޑަވަރެއްގެ ހިކައެކެވެ މީގެ ފިރިހެން ހިކާ ހުންނަނީ ފެހި ކުލައިގައެވެ އޮރެންޖު ކުލައިގެ ރޮނގުތަކެއް ހުރެއެވެ އަންހެން ހިކާ ހުންނަނީ ފިޔާތޮށިކުލައިގައި ރީނދޫ ކުލައިގެ ރޮނގުތަކެއް ދަމާފައެވެ އަންހެން ހިކާގެ ބުރިކަށިމަތީ ކޮތަރީގައި ކަޅުކުލައިގެ ދެލައް ހުންނާނެއެވެ މިދެލަކުގެ ކައިރިފަށް ހުންނަނީ ހުދުކުލައިގައެވެ
ނަގިލި
ނ ފުރާދުއްވާ ބޮޑެތި އެއްޗެހި ބަނދަރުގައި އަޅާންވައްޓާލާ ދަގަނޑު މީގައި ހުންނަނީ ދެދަތެވެ
ނަގުލަންދާށި
ނ (1) ކަށިޖަހާ ވިހަގަދަ ސޫތްޕެއް މިއީ ނަގުލުގެ ކޮޅުގައި ކައްޓެއް ހުންނަ ބޯކޮޅުގައި ކަކުނީގެ ދެދަތްގަނޑުހެން ހިމަ ދެ ދަތްގަނޑު ހުންނަ ސޫތްޕެކެވެ (2) ހަނދުފަޅި އަޅައިފައި ހުންނަ ގުޑީގެ މެދުގައި ޖަހާމަލެއް
ނަގޫހުދުމަޑި
ނ ނަގޫ ހުދުކޮށް ހުންނަ މަޑިއެއް މިއީ ތިލަފަޅުފަޅާއި ފަރުބޭރުގައި އުޅޭ މަޑިއެކެވެ މީގެ އެންމެ ޚާއްޞަ ސިފައަކީ ނަގޫ ހުދުކަމެވެ ބުރަކަށި ފަރާތް ހުންނާނީ ކަޅުކުލައިގައި ހުދު ތިކިތަކެއްޖަހާފައެވެ މަޑީގެ ނިގޫ ގާތްގަނޑަކަށް އޭގެ ހަށިގަނޑާ އެއްވަރުވާނެއެވެ
ނަގޫފަތް
ނ މަހުގެ މައިކައްޓާ ގުޅިގެން ފަހަތަށް އޮންނަބައި އާންމުކޮށް މިބައި އޮންނަނީ ދެކަތްޕަށެވެ
ނަޣާރާ
ނ ތަބުލާއެއްފާޑަށް އެއްކޮޅުގައި ހަންއަޅައިފައި އޮންނަ ބޮޑުބެރެއް މިޖަހަނީ ހަތްކޮޅުނަގާ ދުވަހު ޚަޒީނާ ޖެހީމައެވެ
ނަޞާރާދީން
ނ ޢީސާގެފާނުގެދީން: )މިދީން މިހާރުވަނީ އެދީނުގެ އަހްލުވެރިން އޮޅުވައިލައިފައެވެ
ނާ
ނ (1) ނައު. (2) ނަވު. (3) އކ. ސުވާލާ ދެކޮޅަށް ދޭޒުވާބު. ނުވަތަ ޒުވާބުގެ ކުރީގައި ބުނާ އަކުރެއް. މިސާލު: "ކަލޭނުކާނޫތަ؟" އެހީމާ "ނާ" ބުނެފިނަމަ އެބުނީ ކާނަމެވެ. މިއަކުރު ޒުވާބުގެ ކުރިއަށް ގެންނަ ގޮތަކީ "ކަލޭނުކާނޫތަ؟" އެހީމާ "ނާ" ކާނަންމިއެވެ. (4) ޗާނދާލައިފައި ހުންނަ ހަތަރެސްކަން ރިޔާ ނުވަތަ ގޯސީނަގައިގެން ދުއްވާތަކެތި. (5) ބައެއް ބަސް އެބަހުގެ އިދިކޮޅު މާނައިގައި ބޭނުންކުރާއިރު ބަހުގެ ކުރިއަށް ގެންނަ އަކުރެއް. މިސާލު: ނާއުންމީދު ނާތަހުޒީބު
ނާށި
ނ ކާށި ގަބުޅިފަދަތަކެތި ހެހުނީމައި ފެންނަ ހަރުތޮށިގަނޑު
ނާށިބަރުވަލި
ނ ބޮޑެތި ބަރަވަލި މިއަށް މިނަން ކިޔުނީ ހުސްއުނބުގެ ތެރެއަށް ވަދެގެން އުޅޭތީއެވެ
ނާށިއުނދުޅި
ނ ކާށީގެ ނާށިން ހަދާއާލަތެއް )މިހުންނަނީ ހިފާތަނުގައި ހިމަދިގު ދަނޑިއެއްލާފައެވެ
ނާށިގަނޑު ކުކުޅު
ނ (1) ސީނުކުކުޅު (2) ގިނިކުކުޅު (3) ކަޅުނޫކުލައިގައި ހުދުކުލައިގެ ތިއްތިއް ޖަހައިފައި ހުންނަ ބިންމަތީ އުޅޭ ދޫންޏެއް މީގެ ބުރިކަށިމަތި އޮންނާނީ ތާވައްކާށި ނާށިގަނޑަކާ އެއްބައްޓަމުގައެވެ
ނާށިގުޑުގުޑާ
ނ ދިގު ނާށިއުނބުން ހަދައިފައި ހުންނަ ގުޑުގުޑާ މިއުނބު ބޭނުން ކުރަނީ ފުޅީގެ ބަދަލުގައެވެ
ނާރޮވައްފަލުދަ
ނ )ޏ ( ބަނބުކޭލުގައި ހަދާ ފޮނިކާއެއްޗެއް މިހަދާގޮތަކީ ބަނބުކެޔޮ ފެނުކައްކައި މަޑުކޮށް ފުނޑައި ހިމުންކޮށް ދިޔާހަކުރު އޭގެތެރެއަށް އަޅައިގެން ހިލާ ވެށޭވަރަށް ހިލުމަށްފަހު ގުޅަވަށާ އޭގެ ސިފައަށް ގެނެސް ދޮލަގުގާ އަތުރާ ނުވަތަ ފިނިފެންމާ އަޅައިފައި އަވީލަނީއެވެ މިކެއްކުމުގައި ދޯބުރާލި ހަކުރުކޮޅެއްވެސް އަޅައެވެ
ނާބަ
ނ މަޣްރިބު ނަމާދަށް މާލޭ ހުކުރު މިސްކިތު މުންނާރުން ބަންގި ގޮވާ ނިމުމާއި ވިދިގެން ނާބުސްޚާނުން ޖަހައި އުޅުނު ބެރު. ރަސްމީ ބެރުޖެހުން އޮންނަރޭރެއަށް ނާބަ ޖަހައި އުޅުނީ އެބެރުގެ ފަހުގައެވެ. ބޮޑުދެހިތީގައި ޖަހާއުޅުނީ ހިތިގެދޮށުގައެވެ. ރަޖަބު ރަމްޟާން ޝައްވާލު މިމަސްމަހަށް ހަނދުބަލާރޭރޭ މިބެރުޖަހައި އުޅުނީ ބަޑިޖެހުމުގެ ފަހުގައި ނުވަތަ ހަނދު ފެނުނުކަން އެގުނީމައެވެ
ނާބަންނަކަށިގަނޑު
ނ ކުކުޅުހާލާއި ބައެއްދޫނީގެ މޭކަށިގަނޑު
ނާބަބޭލުން
މ ނާބަ ޖަހަންވާއިރަށް ނުޖެހުނުނަމަ ކުދިބޭކަލަކު ނާބަޖަހާބެރާ ދަނޑިގަނޑު ބާލައިގެން ދެގެދޭތެރެއަށް ގެންދިއުން )މިހެން ހަދައިފިނަމަ ދެން ނާބަޖެހޭނީ އަލުން އިޒުނަ ހޯދައިގެންނެވެ
ނާބުސްޚާނު
ނ ރަސްކަމުގެ ދުވަސްވަރު އާދަވެގެން ރަސްމީބެރުޖަހައި އުޅުނުތަން މިތަންހުރީ ހިތްތަން ދޮރޯށީގެ މަތީގައެވެ މިތަންހަދައިފައި ހުރީ ބޯކު ދޮރުތަކެއް ލައިފައި ހުންނަދިގު ކުޅިބަލާ ގެއެއް ހެންނެވެ މިތާގެ އިރުމަތީބަޔަށް ކިޔަނީ ނާބުސްޚާނެވެ
ނިއާމަ
ނ (1) ފަސޭހަ (2) ނިޢުމަތް މިބަސް ގިނައިން ބުނެއުޅެނީ ދަތުރާއި ވިދިގެންނެވެ މިސާލު: ނިޔާމަ ދަތުރު ނުވަތަ ފަހި ދަތުރު
ނިމަ
ނ (1) ރަށްރަށުގެ ރައްޔިތުންކުރާ ދަތުރުތަކުގައި ރައިވެރިންނަށް ނުދެވޭތީ އެމީހުން އަތުން ނަގައި އުޅުނު ހަކުރު ނުވަތަ ތަކެތި (2) ދަތުރުވެރިންނަށް ބައެއް ރަށްރަށުން ހަދިޔާއަށް ދީއުޅުނު ތަކެތި މިތަކެތިދީ އުޅުނީ އެރަށްރަށުގެ ފަޅަށް ދަތުރުދޯނި ވަނީމައެވެ