radheef.info
ރަދީފު


މީ
އ )މިއީ( ކައިރީގައިވާ އެއްޗަކީ ކޮން އެއްޗެއްކަން ބުނެދިނުމުގެ ގޮތުން ބޭނުންކުރާ ބަހެއް މިސާލު: މީ އަހަރެންގެ ޤަލަމެކެވެ
ގަންހިންގުން
މ އިހުގައި ބޮޑެތި ބައެއްކުށް ކުށުގެ އަދަބަކަށް ކޮލިހިނގާމަގުގައި ކުށްވެރިޔާ ހިންގުން މިކަންކުރަނީ ބުރަކަށީގައި ފަނެއްބަނދެ މޫނުގައި އަޅިދެލި ކުރަހައި އުނަގަނޑުގައި ދެވާ ޖަހައިގެންނެވެ ކޮންމެ ހަތަރު އަނގޮޅި އެއްގައި މަޑުކޮށް އެމީހާގެ ކުށް ބަޔާންކުރާ ޢިބާރާތް ކިއުމަށްފަހު "އަދަބުން އަދަބޯތް" މިހެން ގޮވައިލައި ތަޢުޒީރުކުރާނެއެވެ މިމީހާގެ ފަހަތުން ވަރަށް ގިނަމީހުންނާއި ތެއުޅުވާ ކުދިން ދާނެއެވެ
ގަރަހިތަހަނދާން
ނ މަޖާޒު: (1) ކުއްލިއަކަށް ކަމެއް ހަނދާން ނެތިއްޖޭ ބުނުމުން ބުނެއުޅޭބަހެއް (2) ހަނދާން ބަލިމީހުންގެ ހަނދާނާމެދު ބުނެއުޅޭ ބަހެއް
ގަރަންމަސާލަ
ނ ރިހަކައްކާއިރު ނުވަތަ ބައެއް އެހެން ތަކެތި ހަދާއިރު މީރުކުރަން އަޅާ ހަވާދެއް
ގަރަންޓީ
ނ (1) އެއްޗެއް އޭގެ ފުރިހަމަ ކަންމަތީ ހުންނާނެކަމަށްދޭ ޔަޤީންކަމުގެ މުއްދަތު. (2) ރަހުނު. (3) މީހެއްގެ މައްޗަށް ކަމަކާމެދު ލިބިފައިވާ އިތުބާރު (4) ކަމެއް ވަކިގޮތަކަށް ވާނެކަމަށް އޮންނަ ޔަޤީންކަން
ގަރަޑަމާ
ނ (1) ނުބައިވަހެއްދުވާ ކިލާކުލައިގައި ކިސުޑިގޮތަށް ހުންނަ މަލެއް އާއްމުގޮތެއްގައި މީގެގަސް ހުންނަނީ ރަށްރަށުގެ ވަލުތެރޭގައެވެ (2) މަޖާޒު: މީހަކު ނުވަތަ އެއްޗެއް ކަމުނުދާކަން ދެއްކުމަށް ނުވަތަ ދެރަކޮށްލުމަށް ބުނެއުޅޭބަހެއް މިސާލު: ހައްތާވެސް ގަރަޑަމަލެވެ
ގަބުރު
ނ މަރުވެފައިވާ މީހާ
ގަބުރުބެހެއްޓުން
މ ކަނޑުމަތީގައި މަރުވާމީހާ ހިނަވާ ކަފުންކޮށްފައި އަޑިޔަށް ދާގޮތަށް ކަނޑުގައި ބޭއްވުން
ގަބުރުއެޅުން
މ މަރުވެފައިވާމީހާ ވަޅުލުން
ގަބުރުސްތާނު
ނ މީހުން ވަޅުލުމަށް ޚާއްޞަކޮށްފައިވާ ތަން
ގަބުޅިބަނޑު
ނ ތަޢުލީމެއް ތަރުބިއްޔަތެއް ނެތި ބޮޑުވާމީހާ
ގަޅައިލުން
މ (1) އެއްޗަކަށް އެއްޗެއް ކޮއްޕައިލުން (2) މީހަކު ނުވަތަ އެއްޗެއް ދުރަށް ކޮއްޕައިލުން މިއީ ހުތުރުބަހުން ބޭނުންކޮށްއުޅޭ ބަހެކެވެ
ގަޅި
ނ (1) ރުއްގަހުގައި ބަނދެފައި ހުންނަ ހަރު (2) އުޅަނދު ފަހަރު އެހެލައިފައި ވިއްދާ އެއްޗެހި (3) ގަހަށްއުކާ ދަނޑިބުރިބުރި (4) ބައެއް ޖަނަވާރާ މަސްމަހާމެހީގައި ހުރަހަށް ހުންނަ ރޮނގު (5) ރާވެރިން ދެއުނބު އެއްކޮށް ބަނދެފައި ހުންނަ ގުޑި (6) މީހަކާ ދިމާއަށް ބުނާ ވައްބަސް
ގައިކޮޅު
ނ (1) މާތްބަހުން މީހެއްގެގައި (2) ގައިކޮޅު ގައިގައި ދުރު މިބަސް ކުރުކޮށްކިޔާގޮތް
ގައިކޮޅުގައިގާދުރު
ގބ (1) އެއްޗެހިއުކާއިރު ނުވަތަ އެއްޗެއް އެއްލާއިރު އެއިންރައްކާތެރިވުމަށް އެހެން މީހުން ސަމާލުކުރުވުމަށް ބުނާބަހެއް (2) ކަމަކާ ތިމާއާ ގުޅުމެއްނެތްކަން އެންގުމަށް ބުނެއުޅޭ ބަހެއް މިސާލު: ތިޔަ ކަންތަކާމަށާ ގައިކޮޅުގައިގާ ދުރެވެ
ގައިގައިމައްޗަށްއެރުން
މ )ހ ( (1) މީހުންތަކެއް އެކެއްގެ ބޯމަތިން އަނެކަކުތަނެއް ބަލަން އުޅުން (2) ބަހާ އެއްޗެއް ނުވަތަ ވިއްކާ އެއްޗެއް އަތުލަން މީހުންތަކެއް އެކެއްގެ ބޯމަތިން އަނެކަކު އަތްދިއްކުރުން
ގައިގޯޅިކަން
ނއ (1) މީހަކާ ނުވަތަ އެއްޗަކާ މާބޮޑަށް ކައިރިކަން. (2) ކައިރި ކައިރީގައި ހުރިކަން. މިބަސް ބޭނުންކުރަނީ ގަސްގަހާ ގެއްސާއި އިންސާނުންނާއި ޖަނަވާރާ ބެހޭގޮތުންނެވެ
ގައިޑުން
މ (1) ގާލްގައިޑުން (2) މީހުންނަށް ތަންތަން ދައްކައިދީ ކަންކަން އޮޅުންފިލުވައިދީ އެހީތެރިވުމަށް ޙަވާލުވެފައިވާ މީހުން
ގައުން
ނ ލައިގެން ހުންނަ ހެދުމުގެ މަތިން ލާން ބޭނުންކުރާ ބާވަތެއްގެ ހެދުމެއް. މީގެތެރޭގައި ނިދާހެދުމުގައި ތިބޭ އަންހެނުން ބޭރަށް ނުކުންނަންވީމާ ވަގުތީގޮތުންލާ ހެދުމާއި އެކިކަންކަމަށް ޚާއްޞަވެފައި ތިބޭ މީހުން )ވަކީލުން ފަނޑިޔާރުން އޮޕަރޭޝަން ތިއޭޓަރުގައި އުޅޭމީހުން( ނާއި ޢިލްމުވެރިން )ޕްރޮފެސަރުން( ބޭނުންކުރާ ބާވަތް ބާވަތުގެ ހެދުން ހިމެނެއެވެ
ގައްދާ
ނ ނުބައި ނުލަފާ މީހާ މިއީ ރުޅިވެރިކަމުގައި ބޭނުންކުރާ ބަހެކެވެ
ގައްލާދު
ނ (1) ޤަތުލުކުރާ މީހާ (2) ޖައްލާދު