radheef.info
ރަދީފު


ޔ
ނ ތާނައިގެ އެކާވީސް ވަނައަކުރު
ވަލުބުޑު
ނ (1) ވަލުކައިރި. މިސާލު: ފާރުކައިރި )ފާރުބުޑު( ފުޅަށް ކައިރި )ފުޅަށްބުޑު( (2) ބުޑާއެކު ވައްޓާލެވިފައިވާ ވަލުގާ ހުންނަ ގަހުގެ ބުޑު (3) ބުޑުން ބަޔަކާއެކު ކަޑާ ވައްޓާލެވިފައިވާ ވަލުގައި ހުންނަ ގަހާ އެކުވެފައިވާ ބުޑު
ވަލުބޭސް
ނ ވަލުބައްޔަށްކުރާ ބޭސް. ވަލުބަލިކަމަށް އިހުޒަމާނުގެ ބޭސްވެރިން ކިޔައި އުޅެނީ ހަމުގައި ނަގާފައި ހުންނަ ދަދު ފެތުރިކަހަލަ ހަންގަޑުގެ ކުލަ މަރުވެފައި ހުންނަ ބަލި ބައްޔަށެވެ
ވަލުކަފަ
ނ ބޭހަށް ގެންގުޅޭ ފަތްޕިލާވެއްޔެއް މީގެ ތޮޅީގައި ރުވާ ކަފަކަހަލަ ވަޔަށް ބުރައިގެންދާ ގޮތެއް ހުންނާނެއެވެ
ވަލުކޮޅުހެދުން
މ ވަލުގެ ކޮޅު ނިއުޅިގެން ދިޔަނުދިނުމަށްޓަކައި ވަލުގެ ކޮޅު ގިތާކޮށްގެން ވެހާވެހުމެއް
ވަލުފުޅަލި
ނ ގޭގެ އަންހެނުން އުޅޭ ފަރާތަށް ވަންނަން ހުންނަ ފުޅަލި. މިއީ ޚާއްޞަކޮށް އަންހެނުން ވަދެނިކުމެ އުޅުމަށާއި މަސް ދަރު ކުނިފަދަ ތަކެތި އެތެރެކޮށް ބޭރުކުރުމަށް ބަހައްޓާއުޅޭ ފުޅައްޔެކެވެ
ވަލުދެވި
ނ (1) ފަންޑިތަވެރިން ގެންގުޅޭ ޚިޔާލީ ދެތްވެއް (2) )ޅ ( ގާހުލި
ވަލެފަޅޯ
ނ )ސ ( ވެޔޮފަޅޯ
ވަގުރާހި
ނ )ގ ( ވަގު ހޯދަން ލިޔެއުޅޭ ފަންޑިތަ ބަންޖެއް
ވަގުރޫ
ނ ފަންޑިތަވެރިން ކުރަހާ ރުލަކަށް ކިޔާނަމެއް
ވަގުބުޅާ
ނ (1) އޮޅުނޫން ބުޅާ (2) ބޭރުން ގެޔަށް އަންނަ ބުޅާ
ވަގުވަކި
ނ މިނިކާވަގުގެ ނިޔަފަތި މިއީ ދިވެހިބޭހާއި ފަންޑިތައާއި ކަރުގިލައަށް ބޭނުންކުރާ އެއްޗެކެވެ
ވަގުފަތް
ނ ދޫނިސޫފާސޫފީގެ ފިޔައިގެ ވަރަފަތުގެ ހަތަރުފަތުގެ ތެރެއިން އެންމެ ކުރުފަތް
ވަގުފަތްފެޅުން
މ މަޖާޒު: އެކުވެރިކަމުގައި ގެޔަށް ވަދެއުލޭ މީހަކު ސަބަބެއްނެތި އައުން މަދުކޮށްލީމާ ބުނެއުޅޭ ބަހެއް
ވަގުފިނދަށް ބަދުރުވަ ލައިގަތުން
މ )މިސާލުބަހެއް( ބިރުދެއްކުމުގެ ގޮތުން ސިފަދައްކައިގެން ބުހުތާނެއްގެ ގޮތުގައި ދައްކާ ހުއްޖަތް މިއީ މިނިކާވަގާބެހޭ ގޮތުން ކުޑަކުދިންނަށް ކިޔައިދޭ ފުލޯކުވާހަކައަކުން ނެގިފައިވާ މިސާލުބަހެކެވެ
ވަގުފުރޭތަ
ނ ބޮޑެތިވަގުންނަށް ކިޔާ ވަނަމެއް
ވަގުތުގާ
ނ އިރުދައުރުވަމުންދާ މިންވަރު އޭގެ ހިޔަނިން ހޯދުމަށް ހިސާބުން ހަމަޖައްސައިގެން ތައްޔާރުކުރާ ގަލެއް. މިގާހުންނާނީ މެދުގައި މަޢުދަނީ ތިލަ ކުނބެއްޖަހައި އޭގެ ހިޔަނިން ވަގުތު ފާހަގަކޮށް ގަލުގައި ފާހަގަ ލާފައެވެ މިގާ ބަހައްޓާފައި ހުންނާނީ މުޅިން ހާމަ ބިމެއްގައެވެ
ވަގުލޮލަށްމަސްބެހުން
މ )މިސާލުބަހެއް( އެއްޗެއް ބަހާއިރު އެތަނެއްގައިވާ އެންމެ އިސްމީހާއަށް އެންމެ ރަނގަޅު އަދި އެންމެ ފައިދާ ހުރިތަކެތި އެންމެ ގިނައިން ލިބޭގޮތަށް ބެހުން މިއީ ކުޑަކުދިންނަށް ކިޔައިދޭ މުސްކުޅި ވާހަކަ އަކުންނަގައިފައިވާ މިސާލެކެވެ
ވަސް
ނ (1) ނޭފަތުން ކުރެވޭ އިޙުސާސް. މިސާލު: މީރުވަސް ނުބައިވަސް (2) ދެފުރާޅަށް ހިޔާކުރާ ތަންތާގެ މަތިވަޑާން ގަނޑުގެ މެދުގައި ކޮޅަށް ޖަހާފައި ހުންނަ ތޮނަތަކުގެ މަތީގައި އޮންނަ ވަކަރު (3) އުދޯލިފަދަ އެއްޗިހި އެލުވާފައި އޮންނަ ހުރަސް
ވަސްނުބައިކުރުން
މ މަޖާޒު: ފުރަގަސްފަރާތު ދޮރުން ވަޔެއް ބޭރުކުރުން
ވަސްކޮޅުހެދުން
މ (1) ދެފުރާޅަށް ހިޔާކުރާ ގެދޮރު ވަޑާމުގައި ފައިދޮށްތަކުގެ މަތިހަރުކޮށް އެއްވަރުކުރުން (2) އޮޑި ހަރުގެ ފަދަ ވަގުތީ އިމާރާތުގެ ފުރާޅު ބަނުމުގައި ފައިދޮށްތައް ވަހާ އެއްކޮށް ބަނުން (3) ފަނުން ދެފުރާޅަށް ހިޔާކުރާ އިރު ތިނބި ރަނގަޅު ކުރުން