radheef.info
ރަދީފު


ކޮށް
ނ (1) މާކަނައާއި ރާބޮނދި ފަދަ ތަކެތި ކުއްލިއަކަށް ކޮށައިގަންނަ ގޮތަށް ކިޔާނަން (2) )މަލިކު( އ ކުރެން
ޒިލޭބި
ނ ގޮދަންފުށް ގިރައި ފުށްގަނޑު ރާމާކޮށްގެން ހަދާފޮނިކާއެއްޗެއް މިހުންނާނީ އުޅާލި ހުންނަގޮތަށް ވަށްކޮށް ހަދައި ތެއްލައި ހަކުރު ފަންޏަށް ލައިފައެވެ
ޒިޔާރަތްފުޅު
ނ ކީރިތި ރަސޫލާގެ ފަސްދާނު ވަޑުވައިފައި ވާތަނުގައި ކޮށްފައިވާ ޢިމާރާތް
ޒިޔާރަތްފުޅުލާރި
ނ (1) އިހުގައި ނަދުރު ބުނެގެން ޒިޔާރަތްފުޅަށް ހަދިޔާ ކުރާ ލާރި މިކަން ކުރާ ގޮތަކީ ރަބީޢުލް އައްވަލް މަހުގެ 21 ވަނަދުވަހު ގޭގޭގައި ޞަލަވާތް ކިޔަވާއިރު އެކި ޢަދަދަށް ބޮޑުލާރި ވަކިވަކިން ހުދުފޮތި ކޮޅަކަށްލައި އެލާރި ނުވެއްޓޭގޮތަށް ފޮތިކޮޅުގައި ގޮށެއް ޖަހައި އެލާރިތައް ޞަލަވާތް ކިޔަވާއިރު ބަހައްޓައިފައި ހުންނަ ފެންތައްޓަށް އަޅައި ސަލަވާތްކިޔަވާ ނިމުމުން އެތަށިން އެލާރިތައް ނަގައި ގޭގެ ކުދިންގެ އަތުގެ މުލައްދަނޑީގައި ބަންނަނީއެވެ. މިލާރި 3 ދުވަސް ފަހުން ކުދީންގެ އަތުން ނަގައި ގޭގެ ހުރަސް ނުވަތަ ތާވަކަރުގައި ބަނދެފައި ބެހެއްޓުމަށްފަހު ސަރުކާރު މެދުވެރިކޮށް ޒިޔާރާތްފުޅަށް ފޮނުވަނީއެވެ (2) ރަސްރަސްކަލުންނާއި އެފަދަ ބޭފުޅުން ނަދުރު ވިދާޅުވެގެން ޒިޔާރަތްފުޅަށް ފޮނުއްވަން ބަހައްޓަވާލާރި
ޒީނަތް
ނ (1) ތަނެއް ނުވަތަ އެއްޗެއް ނަލަކޮށް ފުރިހަމަކުރުމުން ވާރީތި (2) މީހަކު ނަލަވެ ގަހަނާ އަޅައި ރީތިވުމުންވާ ފުރިހަމަ
ޒީނަތްތެރިކުރުން
މ ތަނެއް ނުވަތަ އެއްޗެއް ނުވަތަ މީހަކު ނަލަހައްދައި ރީތި ކޮށް ފުރިހަމަކުރުން
ޒީނާރު
ނ ހެދިކާއެއް. މިއީ ހިމުންކޮށް ހަނޑޫފުނޑައި ކާށިކިރުގައި ލޮނުލައިގެން ފުށްގަނޑުގިރައި ބޭނުންބޮޑުމިނަކަށް ހުންނަވަރަށް ތާހަށް އަޅައި މަތިޖަހައިގެން ފިހާއެއްޗެއް
ޒީލަ
ނ (1) ތޫލިކޮށް ގަދައަށް އިވޭއަޑެއް ސިފަކުރަން ބޭނުންކުރާ ބަހެއް މިސާލު: ޒީލައަޑު (2) މަޖާޒު: ރުޅި މިސާލު: އެއީ ވަރަށް ޒީލަގަދަ މީހެކެވެ
ޒީލަކުރުން
މ އަޑުގަދަކޮށް ތޫލިކަން ގަދަކުރުން
ޒުވާން
ނ (1) ޢުމުރާ ނިސްބަތްކޮށް ބުނާ ޅަ (2) މުސްކުޅި މިބަހުގެ އިދިކޮޅު (3) ފުރާވަރަށް އަރައިފައިވާ (4) މަޖާޒު: ތާޒާ (5) އާރާއި ބާރުހުރި (6) ޅަދޮނޅު
ޓަކައި
އ ގުޅުން ދޭހަކޮށްދޭ އަކުރެއް މިސާލު: )ހ( އަހަންނަށްޓަކައި )ށ( ލޯތްބަށްޓަކައި )ނ( ޤައުމަށްޓަކައި
ޓައިޕުރައިޓަރު
ނ އިނގިލިތަކުގެކުރި ބޭނުންކޮށްގެން ދެލީގެ ރިބަން ފަށަކުން ލިޔެވޭގޮތަށް ހަދައިފައި ހުންނަ މެޝިނެއް މީގައި އަކުރުތައް ފެންނަގޮތަށް ފިތްތަކެއް ހުރެއެވެ އެއިން ފިތަކަށް އޮބައިލުމުން އެއަކުރެއް ކަރުދާހުގައި ޖެހެއެވެ
ޓައީ
ނ (1) ގަމީހުގެ ގިރުވާނުގެ ދަށުން ކަރުވަށައިލައިފައި ގެނެސް ލަގޮނޑިވަޅާދިމާއިން ގޮށެއް ޖަހައިފައި ތިރިޔަށް އެލުވައިލައިފައި ހުންނަ ފޮތިކޮޅެއް މިހުންނަނީ އެއްކޮޅަށް ފަލަކޮށް އަނެއް ކޮޅަށް ހިމަކޮށެވެ (2) ވަކިގޮތަކަށް ޖަހާގޮށެއް
ޓަވަރު
ނ ދުރު ބެލުމަށް އުސްކޮށް ހަދައިފައި ހުންނަ ތަންތަން ޢާންމުކޮށް މިފަދަ ތަންތަން ހުންނަނީ ކިއްލާއާއި ބުރުޒުގައެވެ ވައިގެ ބަނދަރުގައި ވެސް ޓަވަރެއް ހުރެއެވެ
ޓަފުފުޅި
ނ (1) ފަނަރަ ސިކުންތަށް ހަދައިފައި ހުންނަ ވަގުތުފުޅި މިއީ ދެކޮޅަށް ފަލަކޮށް މެދަށް ހިމަކޮށް ދެކޮޅަށްވެސް ހިމުން ހިލަވެލި އޮހޭގޮތަށް ހަދައިފައިވާ އެއްޗެކެވެ (2) ޓަފުނަނު ދޫކުރާއިރު ވަގުތު ބަލާއެއްޗެއް
ޓިނބުލި
ނ (1) ސަތަރިއާއި ފަރުދާފަދަ ތަކެތި ދެމުމަށްޓަކައި ހަރުކޮށްފައި ހުންނަ އަނގޮޓިއެއްކަހަލަ ވަށްބޮޅެއް (2) ތާކިހަލާއި ބޯ ހެދުންފަދަ ތަކެތީގައި ވައިވެއްދުމަށްޓަކައި ކަނޑާ ލޯވަޅުގެ ކައިރިފަށް ހަލާ ކުވިޔަ ނުދިނުމަށް ހަރުކުރާ ވަށްބޮޅެއް ޢާއްމުކޮށް މިހަދައިފައި ހުންނަނީ މަޢުދަނީ އެއްޗަކުންނެވެ
ޓިނު
ނ (1) ތަންތަން ހިޔާކުރަން ފުރާޅުގައި ޖަހަންހަދައިފައި ހުންނަ އެއްޗެއް މިހުންނަނީ އަޑިއުސްކޮށް މަގުހުންނަގޮތަށް ހަދައިފައެވެ މިދަގަނޑުންނާއި އެލްމެނިއަމުންނާއި ސިމެންތިފަދަ ތަކެތިން ހަދައިފައި ހުރެއެވެ (2) ހުދުކުލައިގައި ހުންނަ މަޑު މަޢުދަނެއް
ޓިކެޓު
ނ ވަކިސިފަޔަކަށް ކަރުދާހުން ތައްޔާރުކޮށްފައި ހުންނަ އެއްޗެއް. މިއީ ކަމަކަށް ނުވަތަ އެއްޗަކަށް އަގުދައްކައިފައިވާ ކަމުގެ ހެއްކެއްގެ ގޮތުން ދޫކުރާ އެއްޗެކެވެ. މިދެއްކުމުން ވަކިތަނަކަށް ވަނުމަށް ނުވަތަ ވަކި އުޅަނދަކުން ނުވަތަ ވަކިއެއްޗަކުން ދަތުރުކުރުމަށް ހުއްދަ ލިބެއެވެ
ޓިއުޝަން
ނ (1) ފިލާވަޅުތައް ދަސްކޮށްދިނުމަށްޓަކައި ގޭގޭގައި ކިޔަވައިދޭ ކިޔަވައިދިނުން. (2) މަދަރުސާއެއްގައި މުޤައްރަރާ އެއްގޮތަށް ކިޔަވައިދޭ ކިޔަވައި ދިނުމުގައި އިތުރަށްދެވޭ އެހީގެ ގޮތުގައި ކިޔަވައިދޭ ކިޔަވައިދިނުން
ޓީބީ
ނ (1) ކެއްސުންބަލި (2) އިނގިރޭސި ލަފުޒެއް ކަމުގައިވާ ޓިއުބަރކިއުލޯސިސް މިބަސް ކުރުކޮށް ކިޔާގޮތް
ޓީމު
ނ (1) އެއްކަމެއްގައި ބައިވެރިވާ މީހުންނަށް ޖުމްލަކޮށް ބުނާގޮތް (2) ކުޅިވަރެއްގައި އެއްކޮޅުން އަރާމީހުންނަށް ޖުމްލަކޮށް ބުނާގޮތް