radheef.info
ރަދީފު


ބަ
އ އައްބަ
އުތުރުއަރުމާޒު
ނ މުސްކުޅި ބަންޑާރައިން މާލޭން އުތުރު ރަށްރަށަށް ވަޑައިގެންނެވި އަރުމާޒު
އުލުބޭންދުން
މ ބުނާތީ އިވޭގޮތުގައި މާއިހުޒަމާނުގައި މީހުންމަރަންކުރާ ކަމެއްކަމުގައި ބުނެވޭގޮތެއް ހަދާގޮތެއްކަމަށް ބުނަނީ ތޫނުކޮށްފައި ހުންނަ ދަގަނޑު އުލެއްގައި މީހާ ބައިންދަނީއެވެ ބޭންދީމާ އެއޫ ފުރަގަސް ފަރާތުން ވަދެގެންގޮސް ބޮލުން ނުކުންނަނީއެވެ
އުސޫލަ
ނ (1) ލަވައިގެ ޒުވާބު (2) ޅެންލަވަ ފަދަ ލަވައާއި އެނޫންވެސް ބައެއް ލަވަ ކިޔާއިރު ނަގާ ކިޔާތަންކީމާ އެންމެން ކިޔާތަން
އުޑި
ނ (1) ބިންބި ފަދަ އެއްޗެހި މުގުރުމަށް ހިލައިން ހަދައިފައި ހުންނަ އެއްޗެއް މިހުންނާނީ ވަށްބުރުހަމަ ދެކިބައަށެވެ އަޑީކިބައިގެ މެދުގައި މަތީކިބަ އެމުނޭނޭގޮތަށް ނާރެހެއް ހުންނާނެއެވެ މަތީކިބައިގެމެދުގައި އެއްފަރާތުން އަނެއްފަރާތަށް ފޫގޮސްފައިވާ ލޯވަޅެއް ހުންނާނެއެވެ އަދި މަތީކިބަ އެނބުރުމަށްޓަކައި ހިފަހައްޓާނެ މުށްގަނޑެއްވެސް ހަރުކޮށްފައި ހުންނާނެއެވެ (2) )ސ ( އުނިޔަ
އުޑިއެޅުން
މ (1) އެއްޗެއް މުގުރުމަށްޓަކައި އުޑިތައްޔާރުކުރުން (2) އުޑީގެ ނާރެހުގައި މަތީކިބަ އެޅުވުން )އެއިރުހުންނަންވާނީ އުޑީގެ ދަށުގައި އެއްޗެއް ފަތުރާފައެވެ
އުޑިވުން
މ (1) ހިފައިގެން ބަލިވުން (2) ހިފުމުގެ ތެރޭގައި ބަލިވެގެން އުއްޑުންވުން މަޖާޒު: (3) އަޅާގަދަ ވޭނަކުން ލިބޭ އިޙްސާސަކުން ނުވަތަ ކުރާ އަސަރަކުން ހަދާނޭގޮތް ހުސްވާހިސާބަށް ދިއުން
އުޑިފިލުން
މ (1) އުޑިކިބަފިލުން (2) ތަންދޮރު ފިލުން
އުޑުބޮމަ
ނ (1) ތިންރިޔަން އަށަނގޫ )8 އަނގޫ( (2) ބަވަ (3) މެދުމިނުގެ މީހަކު ކޮޅަށް ހުރެފައި މައްޗަށް އަތްދަމައިލީމާ ފައިތިލަ ޖެހިފައި ހުރި ހިސާބުން ފަށައިގެން ދަމައިލި އަތުގެ މެދު އިނގިލީގެކުރިއަށް ހުންނަމިން
އުޑުތިލަމަތިންއޮތުން
މ އުއްޑުން އޮތުން މިބަސް ބޭނުންކުރަނީ ފުރާނަ އެޅުއްވި އެއްޗިއްސަށް ނިސްބަތްކޮށެވެ
އޫނ
އ (1) ނޫނެކޭ ބުނުމުގެ ބަދަލުގައި ބުނެއުޅޭގޮތެއް. (2) ކީކޭހޭ އެހުމުގެ ގޮތުން ބުނެއުޅޭ ބަހެއް. (3) އޯތްޔޭ ބުނާން ބޭނުންކުރާ އަކުރެއް. (4) ރުޅިއައިސްގެން "ތިޔަހެން ނުހަދާށޭ" ބުނުމުގެ މާނައިންވެސް މިހެން ކިޔަތެވެ. (5) އެކަންތައް ދެނަހުރިނަމަ ނުކުރާނޭކަމެއް ކޮށްކޮށްހުއްޓައި އަނެކެއްގެ ފަރާތުން ތިމާއަށް އެނގޭ ވަގުތު ބުނާ ގޮތެއް. (6) ނިދާފައި އޮންނަމީހާއަށް ގޮވީމާ ހޭ ލެވެމުންދާއިރު އަނގައިން ބުނާގޮތެއް. މިމާނަތައް ދޭހަވާނީ ބުނާރާގުންނާއި ބުނެވޭ ދިގުކުރު މިނުންނެވެ
އޫބޫފިލި
ނ ބަޅުފިޅީގެ ދެމޭފިލި
އޫފިޔަމަދިރި
ނ (1) ހިމަދިގުކޮށް އަޅިކުލައިގައި ހުންނަ މަދިރިއެއް. މިބާވަތުގެ މަދިރި ލޭބޯއިރު ބަނޑުފުރުނީމާ ލޭތައް ދުއްވައިލައިފައި އަނެއްކާވެސް ބޯނީއެވެ. މިހެފީމާ އެހެން މަދިރި ހެފުމަށްވުރެ މާތަދުވާނެއެވެ
އެހެނީ
އ (1) އެގޮތީ (2) އެބަހީ (3) ޔަޢުނީ
އެހެންނަ
އ (1) އާނއެކޭ ބުނާބުނުން ގަދަކުރާން ބުނާ ގޮތެއް. (2) "އާނއެކޭ ތިޔަހެންނޭ" ބުނުމުގެ މާނައިން ބުނާ އަކުރެއް. (3) "ތިޔަހެންނަކުން ނުވާނެއޭ" ބުނުމުގެ މާނައިންވެސް މިހެން ބުނެއެވެ. މިމާނަ ދޭހަވާނީ ބަސްބުނާ ރާގުންނާއި ބުނާ މަޤާމުންނެވެ
އެހެންނާ
އ (1) ނުވަތަ (2) ނޫނީ މިއީ ދެއެއްޗަކުންކުރެ އެކައްޗެއް ނުވަތަ ދެގޮތުންކުރެ އެއްގޮތެއް ޚިޔާރުކުމަށް ބުނާ ބަހެކެވެ ކއ (3) މީގެކުރީން (4) އެހެން ފަހަރަށް
އެހެންނާފަހެ
އ (1) އަނެކާ ދައްކާ ވާހަކަޔަށް ތާއީދުކުރުމުގެ ގޮތުން ބުނާބަހެއް (2) ޙާލެއް ބަޔާން ކޮށްދިނުމުގެ ކުރިޔަށް ތައުކީދަކަށް ގެންނަބަހެއް
އެހެންތޯ
)ޖުމްލަ( (1) މީހަކު ބުނިވާހަކައެއްގެ ދޮގުތެދުބަލާން ފޮނުވާމީހާގާތު ބުނާގޮތެއް މިސާލު: އެބުނާ ކަންތައް ހިނގީ "އެހެންތޯ" ބަލާން ގޮސްބަލާށެވެ )ވބ ( (2) އެހެންތަ
އެހެންޏަ
އ (1) އެހެންނަ. މިއީބަސް ގަދަކުރުމުގެ ގޮތުން އާނއެކޭ އާނދޮގޭ ތިޔަހެނެއް ނުވާނެއޭ ބުނުމުގެ ގޮތުން ބޭނުންކުރާ ބަހެކެވެ. މިމާނަތައް ދޭހަވާނީ ބުނާތަނުގެ ގޮތުންނާއި ބުނާރާގުންނެވެ
އެހެރަ
ނއ އެއްޗެއްދެއްކުމަށް އިޝާރާތްކުރާން ބުނާބަހެއް
އެނދުކެނޑުން
މ (1) ބޭރަށް ހިންގަމުންގޮސް ތެދުވާހައިވަރުނެތީމާ އޮތްގޮތަށް އޮވެ ހާޖިތައް ދެވޭނޭހެން އެދުން ތަންކޮޅެއް ކެނޑުން (2) މަޖާޒު: ހިސާބަށްވުރެ ގިނައިން އެއްކަމެއް ކޮށް އުޅެން ފެށީމާ ބުނާގޮތެއް