radheef.info
ރަދީފު


މީ
އ )މިއީ( ކައިރީގައިވާ އެއްޗަކީ ކޮން އެއްޗެއްކަން ބުނެދިނުމުގެ ގޮތުން ބޭނުންކުރާ ބަހެއް މިސާލު: މީ އަހަރެންގެ ޤަލަމެކެވެ
ލެބުރު
ނ ދޮންދޫނީގެ ބާވަތެއް. މިދޫނި އާދައިގެ ދޮންދޫންޏަށްވުރެ ތަންކޮޅެއް ބޮޑުވާނެއެވެ. މީގެ ފިޔައިގެ ފަހަތުކޮޅުގައި ކަޅުތަންކޮޅެއް ހުންނާނެއެވެ. މީގެ ދެވައްތަރެއް ހުރެއެވެ. އެއީ ރިހާކުރު ލެބުރާއި ފެންބަތް ލެބުރެވެ
ލެދި
ނ )ބދ ( ގުނަވަންތައް ފުރިހަމައަށް ހުރިމީހާ
ލެޓިންބަސް
ނ ރޯމަނުންގެ ޤަދީމީބަސް
ލެޓިންއަކުރު
ނ (1) ރޯމަނުންގެ ގަދީމީބަސް ލިޔެއުޅުނު އަކުރު މިހާރުވެސް ޔޫރަޕުގެ ގިނަބަސް ލިޔެއުޅެނީ މި އަކުރުންނެވެ (2) ރާއްޖޭގައި އަރަބިތާނަ ލިޔަން ތައްޔާރުކުރި އިނގިރޭސި އަކުރުތައް
ލޭނު
ނ (1) ކަނޑުގައި ދެކޮޅަށް ދެބޮއިލައިފައި މަސްހިފުމަށް އަޅައިފައި އޮންނަ ނަނުބައި. މީގައި ހުންނާނީ ތަންތަންކޮޅުން ފުރާވަރު އެލުވައި އޭގައި މިޔަވާލި ހަރުކޮށް ބުޅިލައިފައެވެ. (2) ކަރަންޓުލުމަށް ނުވަތަ ޓެލެފޯން ލުމަށް ދަމައިފައި އޮންނަ ނަރުބައި
ލޭނެގުން
މ ސިރިންޖެއްފަދަ އެއްޗަކުން މީހެއްގެ ގައިން ލޭދެމުން ނުވަތަ ނެރުން
ލޭންޑްރޯވަރު
ނ އެއްގަމުގައި ދުއްވާ އިންޖީނުލީ އެއްޗެއް. މިއީ ޚާއްޞަކޮށް އާރމީން ބޭނުންކުރާ ވެހިކަލެކެވެ
ލޭރޭހި
ނ )ގ ( ރެހީގެ ބާވަތެއް މީގެ ކުލައަކީ ރަންރަތް ކުލައެވެ
ލޭއޮހޮރުވުން
މ (1) ތަޅާފޮޅުން. (2) ހަނގުރާމަކުރުން. (3) މީހުންގެ ފުރާނައަށް ގެއްލުންވާފަދަ ނުވަތަ މީހުން ޒަޚަމްވާފަދަ ކަމެއް ހިންގުން (4) މަޖާޒު: ގުރުބާންވުން
ލޭފޮޑުން
މ )ގ ( ފީނައި އުޅޭމީހުން އަޑިޔަށްގޮސް އުޅުމުގައި ކަންފަތާއި ނޭފަތުން ލޭއައުން
ލޭލަފު
ނ މީހުންގެ ގައިގައި ލޭކުލައިގައި ހުންނަ ތަންތަން
ލޮނދިހިކައެއްހެންދިޔުން
(1) ކައްސާގޮތް ހުންނަ އެއްޗެއް އަތުތެރެއިން ކައްސައިލުމުން ބުނެއުޅޭ ބަހެއް (2) މީހުންތަކެއް އެއްވެފައި އޮތްތާކުން މީހަކު ކުއްލިއަކަށް ނުކުމެގެން ދިއުމުން ބުނެއުޅޭ ބަހެއް
ލޮނަށްލުން
މ އެކިއެކި ފަރުވާއަށްޓަކައި މޫދުލޮނު ގެނެސް އެއްޗަކަށް އަޅައި ބަލިވެއުޅޭ ކުއްޖާ ނުވަތަ މީހާ އޭގައި ބޭންދުން
ލޮނުހަކުރު
ނ މީރާގައި ހިލައިފައި ކުޑަކޮށް ލޮނުލައިފައި ހުންނަ ހަކުރެއް މި ހުންނަނީ އަވީލައިގެންނާއި ދުމަށީގައި ޖަހައިގެން ހިއްކައިފައެވެ މިއީ ގަނޑުގަނޑަށް މުރަނަކޮށް ތަތްކޮށް ހުންނަ ހަކުރެކެވެ
ލޮނުހެޔޮވަރު
ނއ (1) އެމީހަކަށް ރަނގަޅު ވަރަށް ލޮނުރަހަދޭ (2) މަޖާޒު: މަޖާގޮތް
ލޮނުހެޔޮވަރުކަން
ނއނ (1) ލޮނުރަހަލާ އެއްޗެހީގައި އެމީހަކަށް ރަނގަޅު ވަރަށް ލޮނުރަހަ ހުންނަކަން (2) މަޖާޒު: މީހެއްގައި ހުންނަ ކޮންމެ މީހަކާވެސް ގުޅޭ މަޖާކަން
ލޮނުކާޖާ
ނ ކާޖާގެ ބާވަތެއް މީގައި ދޭނީ ލޮނުރަހައެވެ
ލޮނުމަޑުމީހުން
ނ މަޖާޒު: ރޫޙު ކުޑަ ޝައުގުވެރިކަން ކުޑަ ފޯރި ނުހުންނަ މީހުން
ލޮނުމެދު
ނ ހަވާދުގެ ތެރޭގައި ހިމެނޭ ބާވަތެއް މިއީ ކުދިފިޔަޔާއި ވައްތަރު ގޮތަކަށް ބޮނޑި ބޮނޑިއަށް އަޑިއަށް ފައިބާ ޒަވި ވަހަކާއި ރަހައެއް ހުންނަ އެއްޗެކެވެ މީގެ ތޮށި ކުދިފިޔާގެ ތޮއްޓަށްވުރެ ބޮލެވެ މި ހުންނަނީ ހުދުކުލައިގައެވެ މިއީ ބޭހަށްވެސް ބޭނުންކުރާ އެއްޗެކެވެ
ލޮނުފެން
ނ (1) ލޮނުގެ ރަހަދޭ ފެން (2) ހޮޑުލައި ބޭރަށް ހިންގާ މީހުންނަށް ފަރުވާއެއްގެ ގޮތުގައި ދޭފެނެއް މިފެނަކީ މިލަފޮނި ރަހަލާވަރަށް ހަކުރު ކޮޅަކާއި އެހާ ލޮނުކޮޅެއް އަޅައިގެން ސާފުފެނުގައި ތައްޔާރުކުރާ އެއްޗެކެވެ (3) )ނ( މަސްނުލިބުމުން ލޮނާއި ފެނާއި މިރުހާއި ފިޔަޔާ އެއްކޮށްގެން ތައްޔާރުކުރާ ލައިގެން ކާއެއްޗެއް