radheef.info
ރަދީފު


މެ
އ ބަސްގަދަކޮށްލުމަށް ބޭނުންކޮށް އުޅޭ ބަހެއް މިސާލު: )ހ( ދަނޑު ކޮށީ ޙަސަނެވެ )ށ( ގޮވާންކޮށީވެސް އޭނާމެއެވެ
ތަންފުކެއް
ނ (1) ކުޑަކުޑަތަންކޮޅެއް (2) އތ ކަމެއްނުވަތަ އެއްޗެއްގެ މިންވަރު ދެއްކުމަށް ބުނެއުޅޭ ބަހެއް މިސާލު: ތިޔަވަރު ތަންފުކެއްބޮޑެވެ
ތަންޑިޔާބަނުން
މ ބޮޑެތި އުޅަނދު ފަހަރު އެހެލައި ބޭލުމުގައި އުޅަނދު ފަރާތަކަށް ވެއްޓުނަ ނުދިނުމަށް ދެފަރާތުގައި ހިފަހައްޓަން ވަކަރު އަޅައިގެން ފުރޭމެއް ހެދުން
ތަރަ
ނ (1) ބިންގަނޑުގައި ކިސަޑުހެދިގެންވާހަރު (2) ލޮތާރީގެ ދަތްފަދަ އެއްޗެހި ހެދުމުގައި އެއްބައި އަނެއްބަޔާގުޅަން ތަޅައިފަތިކޮށް އެއްވަރުކުރާކުރުން (3) ތަނަކަށް އުވަތަކެއް ނުވަތަ ސިމެންތިތަކެއް އެޅިގެން ވާހަރު (4) ބޮލާކީނި ނުވަތަ ދަވާދު ފަދަ އެއްޗެއް ބިންގަނޑަށް އެޅި ހިކިގެންވާހަރު
ތަރައްޤީ
ނ (1) ތަނެއް ނުވަތަ ކަމެއް ކުރިޔަށްދާދިއުން (2) ހެޔޮބަދަލުތައް އަންނައައުން
ތަރައްޤީކުރުން
މ (1) ކަންތައްތައް ރަނގަޅުކުރުން (2) ހެޔޮބަދަލުތައް ގެނައުން (3) ތަނެއް ނުވަތަ ކަމެއް ކުރިޔަށްގޮސްފައިވާވަރު ނުވަތަ ކުރިއަށްދާވަރު އިތުރުކުރުން
ތަރާވީސް
ނ (1) ރަމަޟާންމަހުގެ ޢިޝާނަމާދުގެ ފަހުގައި ކުރަންއޮންނަ ސުންނަތް ނަމާދެއް (2) ތަރާވީސް ދަމުގައި ކާކެއުމެއް ނުވަތަ ބޯ ބުއިމެއް
ތަރާފަތް
ނ ތާހެއްހެން މެދަށްއަޑިކޮށް ލޮއިން ހަދައި ދެއުޅައްލައިފައިހުންނަ އެއްޗެއް. މިއީރާކެއްކުމާއި މެޓާހިލުންފަދަ ކަންކަމަށް ގެންގުޅޭ އެއްޗެކެވެ
ތަރުކާރީ
ނ (1) ކެއުމުގެ މައިގަނޑު ބައިތަކުގެ ތެރޭގައި ހިމެނޭ ބާވަތްތަކުގެ ތެރެއިން ބައެއްކަހަލަ ގަސްގަހާގެހިން ލިބޭ ތަކެތި. މިސާލު: )ހ( ވިލާތުބަށި. )ށ( ބޮނޑިކޮޕީ. )ނ( ބަނބުކެޔޮ. )ރ( ފަތްކެޔޮ. (2) ގަސްގަހާގެހީގެ ކެއުމަށް ބޭނުންކުރާ ބައި މިސާލު: )ހ( ލީކްސް )ށ( ކަންކުން )ނ( މައްސާގު )ރ( މުރަނގަ )ބ( ކުއްޅަފިލާ
ތަރުޖަމާނު
ނ (1) ތަރުޖަމާކުރާމީހާ (2) ރަސްމީ ދާއިރާއަކުން ނުވަތަ ނުރަސްމީ ފަރާތަކުން ކަމެއް ކުރިގޮތުގެ ތަފްސީލު ދޭން ހުންނަމީހާ
ތަރުޖަމާނުން
މ (1) އެއްބަހަކުން ލިޔެފައި ހުންނަ އެއްޗެއް އަނެއް ބަހަކަށް ބަދަލުކުރާ މީހުންނާއި އެއްބަހަކުން ދައްކާ ވާހަކަ އަނެއް ބަހަކަށް ބަދަލު ކުރާމީހުން (2) ރަސްމީދާއިރާ އަކުން ނުވަތަ ނުރަސްމީ ފަރާތަކުން ކަމެއް ކުރިގޮތުގެ ތަފްޞީލުދޭން ތިބޭމީހުން
ތަރުޙީބުދިނުން
މ (1) ބަހުންނާއި ޢަމަލުން ރުހޭކަންފާޅުކުރުން (2) މެހުމާނުންނަށް ކަމޭހިތުމާއެކު އުފާވެރިގޮތުގައި ބައްދަލުކުރުން (3) ފޯރިދިނުން (4) ސާބަސްދިނުން (5) ހިތްވަރު ދިނުން
ތަޅަން
ނ (1) ބަނޑުދޭން ހަނޑޫ އޮއްސައިފައި އޮންނަތަން (2) ވކ ވާހަކަ ދައްކާ އެއްވަނަ ފަރާތަށް ނިސްބަތްވާގޮތަށް ބުނެވޭ "ތެޅުން" މިބަހުގެ ވާކަން މިސާލު: އަހަރެން ކޮންމެ ދުވަހަކު މަކުނު ތަޅަން (3) ތަޅުންގަނޑު
ތަޅާކުރެވި
ނ ރިޔަލުގެ މަތީކޮޅާއި ދަންމާނު ބުޑާދެމެދުގެފާޓު
ތަޅިނގު
ނ )ޏ ( ދަތުރު މަތީގައި ނަގާ އާދައަކަށް ކިޔާނަމެއް މިއާދަ ނަގަނީ ކާވެންޏެއް ކުރުމަށްފަހު ފުރަތަމަކުރާ ދަތުރުގައެވެ
ތަޅުން
ނ ބިންގަނޑު ތަޅައި އެއްވަރު ކުރުމަށްފަހު ސިމެންތި ނުވަތަ އުވައަޅައިގެން އޮމާންކޮށް ހަރުކޮށްފައިވާތަން
ތަޅުންއެޅުން
މ (1) ބިންގަނޑު ތަޅައި އެއްވަރުކޮށްފައި ގަށައިފައިވާ ސިމެންތި ނުވަތަ އުވައަޅައިގެން މަތިއޮމާންކޮށް ތަޅުމެއް ހެދުން (2) ތަޅުންގަނޑު ހެދުން
ތަޅުމަޅުގަނޑުއެޅުން
މަޖާޒު; (1) ކުރިންހުރިގޮތަށް ހަމެޖެހުން (2) ވަންހަނާކުރަން ބޭނުންކަމެއް ރަނގަޅަށް ވަންހަނާވާގޮތްވުން
ތަޅުލުން
މ (1) ތަޅުދަނޑިއަކުން ނުވަތަ އެފަދަ އެއްޗަކުން މެނުވީ ނުހުޅުވޭގޮތަށް ތަޅެއް ބަންދުކުރުން (2) ނަންބަރުތަޅުހުންނަ ފޮށިފޮށީގައި ނަންބަރުދިމާ ކުރުމުން މެނުވީތަޅު ނުހުޅުވޭގޮތް ހެދުން
)ރަންގަހުރަންގަނޭހޭ( ތަޅޭ
އ ސުވާލުކުރުމުގެ ގޮތުން ބުނާބުނުމެއް މިސާލު: ރަންގަހު ރަންގަނޭތަޅޭ
ތަޅޮމެހުން
މ )ޏ ސ ( ހުޅުމެހުން