radheef.info
ރަދީފު


އެ
ނ ދުރަށް އިޝާރަތްކުރާ ނަމެއް. މިސާލު: އެތަން އެގެ އެމީހާ
ކަމުންދުރުކުރުން
މ (1) އެމީހާއާއި ޙަވާލުކޮށްފައިވާ ކަމަކުން ވަކިކުރުން (2) ވަޒީފާނެގުން
ކަމުކާމު
ނ )ބދ ( މަޖިލީސް އެއްވެތިބޭތަން )އިހުގައި މަޖިލިސްކުރަން ގަނޑުވަރުގައި ތިބޭ އަށި
ކަމުދާކަށްނެތް
)ގބ ( (1) ކަންބޮޑުވުމާއެކު އަޖައިބުވެގެން ބުނާ ބަހެއް (2) ބޭނުން ހިފޭކަންނެތް
ކަމެއް
ނ (1) ދެރަގޮތެއް މިސާލު: އޭނާ މަސްއަލަ ޖެއްސިޔަކަސް ކަލެއަކަށް ކަމެއް ނުވާނެއެވެ (2) ބޭނުމެއް (3) މަސައްކަތެއް (4) މުހުތާދެއް
ކަމޭހީކުރުން
މ (1) އޯގާވެރިކަމާއެކު މާތްކޮށް ހިތުން (2) އިޙްތިރާމުކުރުން (3) ފަރުވާ ބެހެއްޓުން
ކަފަ
ނ (1) ގަހެއްގައިއަޅާ ވަކެއްގެތެރޭގައި ހުންނަ ކެހެރިވައްތަރުގެ ހުދުކުލައިގެ ހާވިޔާއެއްޗެއް. މީގެ ދެވައްތަރެއްހުރެއެވެ. އެއްވައްތަރު ބޭނުންކުރަނީ ފޭރާން ވިޔުމަށާއި ރޮދިއުފެއްދުމަށެވެ. އަނެއްވައްތަރެއް ބޭނުންކުރަނީ ބާލީހަށާއި ގޮދަޑިފަދަތަކެއްޗަށް ލެއްވުމަށެވެ. (2) ބައެއްމޭވާ ފީވެގެންޖަހާ ކަފަހެން ހުންނަފޫ (3) ދަންޑެހެލު ބޭކަލުންނަށް ވީއްލިފައި ހުންނަ ކަލާސީމީހާ (4) ހަވަރުގެ އެކިއެކި މަސައްކަތް ކުރަންވީމާ ދޮށިމޭނާބޭކަލަކު ބޮޑުބޭކަލުންނަށް އަންގާ ފޮނުއްވުމަށް ހުންނަމީހާ (5) މަޖާޒު: ޖަމާޢަތެއްގެ ނުވަތަ ގެއެއްގެ މީހުންކުރެ އެންމެ ބަސްނުވިކޭމީހާ
ކަފަހަނޑޫ
ނ ދަންޑެހެލު ބޭކަލުންނަށް ވީއްލިފައި ހުންނަ ކަލާސީ މީހާއަށާއި ހަވަރުގެ އެކިއެކި މަސައްކަތް ކުރަންވީމާ ދޮށިމޭނާ ބޭކަލަކު ބޮޑުބޭކަލުންނަށް އަންގާން ފޮނުއްވުމަށް ހުންނަ މީހާއަށް ދީއުޅުނު ބަނޑު ހަނޑޫ
ކަފަކަފުން
ނ މައްޔިތާގައިގައި ލާ ކަފަޔާއި ކަފުނާއި މިކަމާބެހޭ ތަކެއްޗަށް އެއްކޮށްކިޔާގޮތް
ކަފަވުން
މ (1) ބައެއްތަރުކާރީއާއި މޭވާ ގިނަދުވަސްވެގެން ތާޒާކަން ކެނޑި މޭލިވުން (2) ގިނަދުވަސްވުމުގެ ސަބަބުން ކާށިމުޑީގެ ފުށްކަން ކެނޑި ދެރަވުން (3) މަޖާޒު: މުސްކުޅިވެ ވަރުދެރަވުން
ކަފަދިއްގާ
ނ ލަކުޑިދެރަ އާރުނުލައި ހުންނަދިއްގާ މިބާވަތުގެ ދިއްގަލުގެ ލަކުޑި ވަރަށް މަޑުވާނެއެވެ
ކަފަލުން
މ (1) ކަންނޭލާއި ބާލީހާއި ގޮދަޑިފަދަ އެއްޗެއްސަށް ކަފަގެންނެވުން (2) މައްޔިތާގެ ގައިގައި ކަފައޮޅުން
ކަފަގަނޑު
ނ ކަފަލައިގެން ފަހާފައި އޮންނަ ގައިގައިލާ އެތިގަނޑު
ކަފަޖެހުން
މ (1) ތަންތަނަށް ކަފަވެއްދުން (2) ތަންތާ ކަފަތަތްކުރުން (3) ބައެއް މޭވާފަދަ އެއްޗެހި ފީވެގެން އޭގައި ކަފަހެން ހުންނަފޫ އުފެދުން
ކަފާސް
ނ (1) ލިޔާ ދަވާދު އަޅާއިރު އޭގެ ތެރެއަށްލާފައި އޮންނަ ރޮދި ބޮނޑި ނުވަތަ ފޮތިކޮޅު. (2) ކަރުދާހާއި އަނބުރާފައި ހުންނަ ރޮދިފަދަ ތަކެތި ގެންގުޅެ ގެންގުޅެ ނުވަތަ ބޭނުންކުރެވޭ ގޮތުން ރޫޅޭގޮތް ވެގެންވާ ދެރަ (3) ރަބަރުތައްގަނޑު ޖަހަން ބޭނުންކުރާ ދެލިން ފޯކޮށްފައި އޮންނައެތި (4) މަޖާޒު: މަސައްކަތް ކޮށްކޮށް އެކަމެއް ނުވެވިގެން ހިތްވަރު ދެރަވެގެންވާ ވަރުބައްޔެއް
ކަފާސްވުން
މ (1) ކަރުދާހާއި ބަރަނި ފަދަ ތަކެތި ގެންގުޅެ ގެންގުޅެ ނުވަތަ ބޭނުން ކުރެވޭ ގޮތަކުން ރޫޅޭގޮތްވުން. (2) މަޖާޒު: މަސައްކަތެއް ކުރާންއުޅެ އެކަމެއް ނުވެވި ވަރުބަލިވެގެން ހިތްވަރު ދެރަވުން
ކަފާސްތޮޅި
ނ މޫދުގައި އުޅޭ ތޮޅީގެ ބާވަތެއް މިތޮޅި ހުންނަނީ ބޮނޑިބަތް ތޮޅިފާޑަށް ތުންގަނޑުގެ ދެފަޅި އެއްވަރަށެވެ މިއީ ތުންދިގު ތޮޅީގެ ކުދި އެއްޗެހި ކަމަށްވެސް ބުނެއެވެ
ކަފާސްލުން
މ ލިޔާދަވާދަށް ކަފާސްއެޅުން
ކަފި
ނ (1) ކުނބުކަފި. (2) އެއްތަނޑަކަށް ހުންނަ އެއްޗެއްގެ ކުރި ވާ ދެއަފި (3) މަގެއްގެ ކޮޅު ދެއަތަށްވާދެބައި (4) ބޮލުމެދުން ކުރިމަތީން ފުރަގަހަށް ދެމުއްޔަށް ވާހެންވާއަޑިއެއް (5) )ސ ( ކަފު
ކަފިހި
ނ ހުރަހަށް ކަޅު ނުވަތަ ކަޅުރަތްކުލައިގެ ގަޅިއެއް ޖަހައިފައިހުންނަ ކުޑަ ބޮއްޔެއް
ކަފިހިކޯމާޅި
ނ ދަންބެރުގެ ފަހުބައިގައި ޖަހއިއުޅުނު ލަވައެއް