radheef.info
ރަދީފު


ހުނ
އ ނުރުހުމުގެ ގޮތުން ނުވަތަ ނުރުހިގެން އިއްވާލާ އަޑެއް. މިސާލު: ހުނ އެހެންތަހީކުރީ
ވައިގުޅިޖެހުން
މ "ވައިގުޅީ" ގައި ބަޔާންކޮށްފައިވާ ގޮތަށް ޢަމަލުކުރުން މީގައި ގުޅީގެ ބަދަލުގައި ކައިރިފަށް ބޯކޮށް ހުންނަ ތަށިވެސް ޖަހައި އުޅެއެވެ ފޮތިކޮޅަކަށް ވެލިއަޅައިގެން ބަނދެފައި އޭގެކޮޅު ކާށި ތެލުން ތެންމާ ރޯކޮށް ބަނޑުމަތީގައި ބަހައްޓައިފައި އޭގެމަތިން ގުޅިއެއްޖެހުން މިކަންކުރަނީ ބަނޑުގައި ވައިހެދިގެން ރިއްސާތީއެވެ
ވައިގުގޫ
ނ ގަހެއްގެ ކިރެއް މިހުންނަނީ ހިއްކައިފައެވެ މިއީ ދުން އަޅާށާއި ބޭހަށް ގެންގުޅޭ އެއްޗެކެވެ މީގެ ދެބާވަތެއް ހުރެއެވެ އެއީ ބިސްވައި ގުގުލާއި ވައިގުގުލެވެ
ވައިގުޑި
ނ ދުނި މާ ބަލިކޮށް ހަދައިފައި ހުންނަ ގުޑި
ވައިގޮށް
ނ ގައިގެ ތަންތަނުންނަގާ ވައި ހިފައިފައި ހުންނަ ގޮށް
ވައު
ނ (1) މޭވާފަދަ އެއްޗެހީގެ ދިޔަ ބޮއިގެން އުޅޭ ރޭގަނޑަށް އުދުހޭ ޖަނަވާރެއް. މި ގަސްގަހުގައި ތިބޭނީ ފިޔަގަނޑުގައި ހުންނަ ބުޅި ގަނޑެއް އަޅުވައިގެން ބޯތިރިއަށް އެލުވައިލައިގެންނެވެ. (2) ރޯނު ވަކަ ސުތުލި ފަދަ އެއްޗިހީގެ ދެއުޅިއަށްވުރެ ގިނަ އުޅީގައި މާރަށްވުރެ ފަލަކޮށް ދިގުކޮށް އަޅައިފައި ހުންނަ އެއްޗެއް. (3) އުނދޯލި އެލުވައިފައި ހުންނަ ފަށް. (4) އޮލަ ނުވަތަ ތަތް އެއްޗަކުން ނުކެނޑިދެމޭ ފަށް. (5) ބައެއް ބާވަތުގެ ފަންޏާއި ގިނަ ބާވަތް ބާވަތުގެ މަކުނު ދޫކުރާފަށް. (6) އެގޮތް މިގޮތަށް ބޯކޮށް ގަސްހެދިފައި އޮންނަތަން. (7) ބައްޔެއްގެނަން. މިބަލީގައި ވާގޮތަކީ ބަލި ޖެހުނު ގުނަވަނެއްގެ ބާރު މުޅިން ނެތެނީއެވެ. )ނއ.( (8) ތެދަށް ނުހުންނަ. (9) ލެނބުން ހުންނަ. މިސާލު: ވައު އިލޮށި
ވައުހޯލި
ނ. މާކަނާހޯލި (ގަސްގަހުގައި ހުންނަ ހިމަހޯލި)
ވައުކަން
ނއނ (1) ތެދަށް ހުންނާނޭ ބާރު ނުހުންނަކަން (2) ޤަވާޢިދެއްނެތި ގަސްތައް ހެދިގެން ގިނަވެފައިވާކަން
ވައުވުން
މ (1) ގުނަވަނެއް ނުވަތަ އެތައް ގުނަވަނެއްގެ ބާރުމުޅިންނެތި ދިއުމާއެކު ހިމަވާގޮތްވުން. (2) ބޭނުމެއްނެތް ގަސްތައް ގިނަވެ ކުނި ގިނަވުން. (3) ގަސް ދަޑިފަދަ އެއްޗެހި ތެދަށް ހުންނަހައި ވަރު ނެތުމުގެ ސަބަބުން ލެނބޭގޮތްވުން
ވައުފަށް
ނ (1) ރޯނު، ވަކަ، އުއިފަދަ އެއްޗެހީގެ ފަށް (2) އެލިފައި ހުންނަ ފަށް (3) އުނދޯލި އެލުވާން ޖަހައިފައި ހުންނަ ވައު (4) މަޖާޒު: ގުޅުން
ވައް
ނ (1) ގަސްގަހުގައި ގަންނަ މޭވާ ފަދަ ތަކެތި. މީގެ ތެރޭގައި ކާތަކެއްޗާއި ކައިނޫޅޭ ތަކެތި ހިމެނިގެންވެއެވެ. (2) އިހާގޮނޑީން ފަޅައިފައި ހުންނަ ތަންތަން. ގޮބޮޅިއާއި އެތުމައު ގެންފައި ހުންނާނީ މީގައެވެ. (3) އޮޑިދޯނި ފަހަރުގެ ފަށަނުން މައްޗަށް ދެފަރާތަށް ވާނޭހެން ދެކަތްޕަށް ހުންނަ ވައް. )ބުޑުވައް( (4) އޮޑިދޯނި ފަހަރުގެ ވަތްވަތުގައި މަޑޫތައް ހިފެހެއްޓުމަށް އެތެރެ ފަރާތުން ބަނޑު ފިލާގައި އަޅާވައް. )ފައިވައް( (5) ބައެއް ވެޔޮވެލާއި ބައެއް ގަސްގަހުގައި ދެފައިކައްޓަށް ހެދިފައި ހުންނަ ގޮފި މޫފަދަ އެއްޗެހި
ވައްބަހުންޖެހުން
މ މީހަކު ކުރާ ކަމަކާއިމެދު އެހެން މީހުންނަށް އެކަމެއް އޮޅުން ނުފިލާނޭ ގޮތަކަށް އެމީހާއާއި ދިމާއަށް އެއްޗެއް ބުނުން މިހެން ގިނައިން ބުނަނީ އެމީހާ އާއި ދިމާޔަށް ބުނިއެއްޗެއް ނޫންކަމަށް ހަދައިފައެވެ
ވައްބިމެލުން
މ )ޏ ( އުދަލިން ނުވަތަ އޮޑަލުން ފަސްގަނޑު ޖެހުން
ވައްކަޅިންބެލުން
މ (1) ލޯސީދާނުކޮށް އެހެން މީހުންނަށް ބަލާކަން ނާންގައި ކަޅިއެއް ފަރާތަށް ގެންގޮސް ގެންބެލުން (2) ލޮލުގެ ކުޑަކޮޅުން ބެލުން
ވައްކަކުޅު
ނ )ގ.( (1) ވައްފުފުޅި މިބަސް "ވައްކަކޮޅެ" މިހެންވެސް ކިޔައެވެ (2) ދޮންދޫނީގެ ތެރޭގައި ފިޔައިގައި ކަޅުތިކެއްޖަހައިފައި ހުންނަ ވައްތަރުގެ ދޮންދޫނި
ވައްތިރި
ނ )ޏ.( (1) އަންހެނުންގެ ހެދުމުގެ ފަތިނުޖަހާ ވަށްކޮށް ހުންނާނެހެން ކަނޑައިފައި ހުންނަ ތިރި (2) )ޏ( ވައްތިޔަރަ
ވައްތީނި
ނ އެތެރޭގައި ކުދި އޮށްތަކެއް ހުންނަ މޭވާއެއް
ވައްލަ
ނ ކިރުދޫނި ފާޑަށް ތިބޭ އެއަށްވުރެ ކުރެހުން ގިނަ އަޑު ރީތި ދޫންޏެއް
ވައްލަހިފަމުންދިއުން
މ މަޖާޒު: ބަޔަކު މީހުނާ އެކުގައި ކަމެއްކުރާން އުޅެފައި އެހެން މީހުނަށް ތިމާ ދަނީކަން ނޭގޭގޮތަށް ދުރުދުރުގައި އުޅެމުން ފިލަފިލައިގެން ގޮސް އެތަނުން ނުމެގެން ދިއުން
)ބޯކަޅު ދޫނި( ވައްލައަމާ
ނ ގިނަދުވަސްވެ ކުރެހުންތައް ފިލާފައި ތިބޭ ވައްލަ މީގެ ބޯ ހުންނާނީ ކަޅުކުލައިގައެވެ
ވައްގަނޑު
ނ (1) އިހާގޮނޑީން ފަޅައިފައި ހުންނަ ތަންތަން. ގޮބޮޅިޔާއި އެތުމައުގެންފައި ހުންނަނީ މީގައެވެ. (2) ފުރާދުއްވާ ތަކެތީގެ ދެ ބަނޑުފިލާ އެއްކުރާން އަޅާ ދެފައިކައްޓަށް ހުންނަ އެއްޗެހި އެއީ މިގޮތަށް ދެފައިކައްޓަށް ހަރުކުރާން ހުންނަ ކޮންމެ އެއްޗެކެވެ (3) އުރަމަތީގެ ކުރީގައި ހުންނަ ކިރު ނުކުންނަ ތަންކޮޅު (4) ކިރު ހުންނަ ޖަނަވާރުގެ ކިރު ހުންނަ ގުނަވަން (5) ކުރާ ފަދަ އެއްޗެހީގައި ފެން އޮހޭން ހުންނަ ތަން (6) ބިލެތު ދާމުލުން ފަޅައިފައި ހުންނަގޮފި