radheef.info
ރަދީފު


ޔ
ނ ތާނައިގެ އެކާވީސް ވަނައަކުރު
ވައިވަރު
ނ (1) ރިޔަލުދަތުރުގައި ދާންވީތަނަށް އެއްއަތު ދެވޭގޮތަށް ލިބޭވައި (2) ވައިގެ ބާރުމިނާއި އަވަސްމިން ދައްކައިދޭ ނުވަތަ ބަލައިދޭ އާލާތެއް )އެނިމޯމީޓަރ( (3) ތޮށަލިން ހިޔާ ކުރާ ތަންތާނގެ ފަންތައް ވަޔާ ނެގުނަ ނުދިނުމަށްޓަކައި ބަނޑަވަރު އަޅާގޮތަށް ގުޅައިގެން ފުރާޅުގެ ދެ ފަރާތަށް ދާގޮތަށް ހަރުކުރާ ދެ ފަން
ވައިވަރުކުރުން
މ ހޭރިޔާ ދަތުރުކުރާއިރު ދާންވީތަނަށް އެއްއަތުދެވޭހައި ވަރަށް ދަތުރުކޮށް ވައިމައްޗަށް އެރުން
ވައިވަރުވުން
މ (1) ރިޔަލު ދަތުރުގައި ދާންވީތަނަށް އެއްއަތު ދެވޭގޮތަށް ވައި ލިބުން (2) ހޭރިޔާ ދަތުރުކުރާއިރު ދާންވީތަނަށް އެއްއަތުދެވޭ ވަރަށް ދަތުރުކޮށް ވައިމައްޗަށް ދެވުން
ވައިވިއްސާރަ
ނ ވާރޭ ނުވެހި އުޑުމަތި ބަނަކޮށްއޮވެ ގަދަޔަށް ޖެހޭވައި
ވައިވިދުރި
ނ ފެތުރިފާޑުގެ ހަމުގެ ބައްޔެއް
ވައިމަތިނުބައިވުން
މ (1) ވިއްސާރަ ވައްތަރުވުން (2) ކުރާން އުޅޭކަމަކަށް ހުއްޓުން އަރާ ފަދަ ކަމެއް ނުވަތަ އެކަމަކަށް މަސައްކަތް ކޮށްފިއްޔާ ގެއްލުމެއް ލިބިދާނޭ ފަދަ ލިސާނެއް ފެނުން (3) މަޖާޒު: އަމުރުވެރިއަކު ނުރުހޭގޮތް ފެނުން
ވައިމަތިބެލުން
މ (1) ވިއްސާރަ އަންނަންއުޅޭތޯ ނޫޅޭތޯ ބެލުން (2) ކަން ކުރާން އުޅުމުގައި ނުރައްކައުތެރިކަމެއް ވޭތޯބެލުން (3) މަޖާޒު: އަމުރުވެރިޔެއްގެ ރުހުން ހުރިނެތްގޮތް ބެލުން
ވައިފަހިކުރުން
މ ރިޔާނަގާ އެއްޗެހި ފުރާއިރު ރިޔަލުގައި ވައި އެޅޭ ގޮތަށް ފައްސިޔަ ކުރުން
ވައިފިލާ
ނ ބޭހަށް ބޭނުންކުރާ ފަތްޕިލާވެއްޔެއް
ވައިފިޔަމަޑި
ނ (1) މޫދުގައި އުޅޭ ބާވަތެއްގެ މަޑިޔެއް މީގެ ފިޔަގަނޑު އާދައިގެ މަޑިޔަށްވުރެ ދިގުވެފައި ތުނިވާނެއެވެ (2) މިމަޑީގެ ސިފައިގައި އިލޮށިފަދަ އެއްޗަކުން ހަދައި ކަރުދާހުން ހިއްޕައިގެން އިރުވައިގައި އެއްލާން ގެންގުޅޭ އެއްޗެއް
ވައިފުޅަ
ނ (1) ދަނޑުބިމުގައި ގޮވާން ހައްދާއިރު ގަދަ ވައިން ގަސްތަކަށް ގެއްލުންވިޔަ ނުދޭން ވައި ހުރަސްކޮށް އެކި ހިސާބު ހިސާބުގައި ޖަހާ ފަންތޮށަލި ފުޅައް (2) ވައިނިވާ
ވައިފެން
ނ ވަޔާއި ފެން
ވައިފެންޖެހުން
މ (1) ކުރުނބާ ކަނޑާއިރު އޭގެ ތެރޭގައި ހުންނަ ވައި ނެރެލުމަށްޓަކައި އެއްޗެއް ހަރައި ނުވަތަ އެއްޗަކުން ޖަހައި ތޮރުފައިލުން (2) މަޖާޒު: އުޅޭތަން ފިޔަވައި އެހެން ތަނެއްގެ ވަޔާއި ފެނުގެ ސަބަބުން ހަށިގަނޑު ރަނގަޅުވުން
)އުރަވަޅީ ވައި( ވައިފޭބުން
ނ ބައްޔެއްގެ ނަން މިބަލީގައި ވާގޮތަކީ ދަށްބަނޑަށް ތަދުވުމާއިއެކު ވައިގެ ސަބަބުން އުރަވަޅި ބޮޑުވަނީއެވެ
ވައިދަށުދޮށި
ނ މަސްބާނާއިރު ދަށް ފަރާތު ކެޔޮޅު މީހާ އަޅާ ދޮށި
ވައިދަދު
ނ ހަމުގެ ބައްޔެއް )ދިވެހި ބޭސްވެރިން ބުނާގޮތުގައި ވަޔަކުން އުފެދޭ ދަދުގެ ވައްތަރެއް
ވައިދުނި
ނ (1) އާދަޔާ ޚިލާފަށް އުޑުމަތީން ފެންނަ ހުދު ދިގު ތުނި ވިލާފަށެއް މިއީ ވައިޖެހޭނެ ކަމުގެ ލިޝާނެއްކަމަށް ބުނެއުޅެއެވެ. (2) އިލޮށީން ނުވަތަ އޮނުން ކުރުފަލަ ތުތިމަހަކާ ގާތްސިފައަކަށް ހަދައިފައި ކަރުދާހުން ހިއްޕައިގެން އިރުވައިގައި އެއްލާން ގެންގުޅޭ ގުޑީގެ ބާވަތެއް މީގެ ތިރީގައި ކުޑަ ފިނދުފަތެއް ހުންނާނެއެވެ
ވައިތެލް
ނ )ޏ ( ވައިތެޔޮ
ވައިތެޔޮ
ނ ރާއްޖެބަލީގެ ފަރުވާޔަށް ޙަކީމީބޭސް އެއްކޮށްގެން ހަދާ ތެލެއް
ވައިގަނޑު
ނ (1) ބަނޑުގައިހެދޭ ވައި (2) ގަދަޔަށްޖެހޭ ވައި