radheef.info
ރަދީފު


ކޮށް
ނ (1) މާކަނައާއި ރާބޮނދި ފަދަ ތަކެތި ކުއްލިއަކަށް ކޮށައިގަންނަ ގޮތަށް ކިޔާނަން (2) )މަލިކު( އ ކުރެން
ސައިފަތް
ނ ސައިފަތް ގަހުގެ ފަތް. މިއީ ތިރިކޮށް ހެދޭ ގަހެއްގެ ފަތެވެ. މިފަތް ހޫނުފެނަށް އެޅުމުން ފެނުގައި ކުލަހިފައެވެ. މީގެ ދެކުލައެއް ހުރެއެވެ. އެއީ ރަތްކުލައާއި ފެހިކުލައެވެ. މިއީ ހޫނުފެނަށް އަޅައި ކުލައާއި ރަހަނެރެ ބޯންބޭނުންކުރާ އެއްޗެކެވެ މިގޮތަށް ތައްޔާރު ކޮށްފައި ހުންނަ އެއްޗިއްސަށް ކިޔަނީ ސައެވެ
ސައިފަތްގަސް
ނ އެގަހެއްގެ ފަތް ހޫނުފެނަށް އަޅައިގެން ބޯންބޭނުންކުރާ ގަހެއް މިގަހުގެ ފަތަށް ކިޔަނީ ސައިފަތެވެ މީގެ ދެވައްތަރެއް ހުރެއެވެ އެއް ވައްތަރެއް ހޫނު ފެނަށް އެޅީމާ ހުންނަނީ ރަތްކުލައެވެ އަނެއް ވައްތަރެއް ހޫނުފެނަށްއެޅީމާ ހުންނަނީ ފެހިކުލައެވެ ދުނިޔޭގައި އެންމެ ޢާންމުކޮށް ބޭނުންކުރެވެނީ ރަތްކުލައެވެ
ސައްކެޔޮބޮލި
ނ ސައްކެޔޮ އޮށުގެ ސިފައިގައި ދިގުކޮށް ހުންނަ ބޮއްޔެއް މީގެ އެކިކުލައިގެ ފަސްވައްތަރު ބޮލި ހުރެއެވެ
ސަލާންބުނުން
މ (1) ސަލާން ފޮނުވުން (2) ދާންޖެހޭ ތަނަކަން އުޒުރެއް މެދުވެރިކޮށް ދެވެން ނެތްކަން އެނގުން
ސަލާންދިނުން
މ ނަމާދުކޮށް އަވަދިވެގެން ކަނާތް ފަރާތަށާއި ވާތްފަރާތަށް މޫނު އަނބުރައި އައްސަލާމް އަލައިކުން މިހެން ކިޔުން
ސަލާންގަލާންކުރުން
މ ސަލާންކޮށް ޚަބަރު ދަބަރު އޮޅުން ފިލުވުން
ސަލީބަށްއެރުވުން
މ މި ސިފަޔަށް ހަދައިފައި ހުންނަ ކާލިނގަކަށް މީހަކު އަރުވައި މޮހޮރުޖަހައި ހައްޔަރުކޮށް މަރައިލުން
ސަގަންގޫރު
ނ ސަހަރާގެ ތެރޭގައި އުޅޭ ސުއިތްޕެއް. މިއީ ރަކިސް ބޮނޑަށްވުރެ ކުދިކޮށް އެވައްތަރަކަށް ހުންނަ އެއްޗެކެވެ މިއީ ބާހުގަދަ ކުރުމަށް ބޭނުންކުރާ އެއްޗެކެވެ
ސަޓާ
ނ ވަތްތައް ފުޅާކޮށް ވިޔެފައި ހުންނަ ސާންތި
ސަޓާބޯޓު
ނ އިހުގައި ހިތި ވިލޭރެއަށް މާލޭގައި ހަދައި އުޅުނު އުޅަނދެއް މިހުންނާނީ މަގުގެ އެއް ފަރާތުގައި ބޯކަރުދާހާއި ސަޓާޖަހައިގެން ވަރަށް ރީތިކޮށް ހަދައިފައެވެ މިއީ ރަދުން އެ އުޅަނދު ފަސްދެއްވައި ވަޑައިގަތީމާ ރޯކޮށްލާ އެއްޗެކެވެ
ސަޕުލައިކުރުން
މ (1) ހޮޓާފަދަ ތަންތަނަށް މުދާ ދޫކުރުން (2) ވަކި ބާވަތެއްގެ މުދާ ޢާންމުކޮށް ދޫކުރުން
ސާބަސްދިނުން
މ (1) ކަމެއް ރަނގަޅަށް ކުރުވުމުގެ މައްޗަށް ހިތްވަރުދީ ހެދުން. (2) ކަމެއް ރަނގަޅަށް ކުރުމުން އެކަމަށް ތާރީފުކޮށް ހިތްވަރުދިނުމުގެ ގޮތުން ވާހަކަދެއްކުން
ސާމަރާ
ނ (1) ސާމަރާ ދޫނީގެ ފަތުން ހަދައިފައި ހުންނަ ފަންކާއެއް މީގެ މުށްގަނޑު ހުންނާނީ ލަކުޑިން ލިޔެފައި އަތުތެރެއިން އެނބުރޭ ގޮތަށް ހަރުކޮށްފައެވެ (2) މކ މިޔަރާއި ބޮޑެތި މަސް މަހުގެ ބޮލުގައި ޖަހައި ބަލިކޮށްލަން މަސްދޯނިފަހަރުގައި ގެންގުޅޭ ލަކުޑި މުގުރު
ސާފުނުކުރާތެޔޮ
ނ ސާފުކޮށްގެން ތެލުގެ އެކި ވައްތަރުތައް ވަކިނުކޮށް ތެޔޮވަޅުން ނަގާގޮތަށް ހުންނަތެޔޮ
ސާފުކޮށްލުން
މ (1) ސާފުކުރުން މިބަހުގެ ލުއިގޮތް (2) ހުސްކޮށްލުން
ސާފުމޮހޮރާ
ނ ޖަވާހިރުގެ ތެރޭގައި ހިމެނޭ އެއްޗެއް މިއީ ފަތިކޮށް ކުކުޅުބިސް ބުރަށް ހުންނަ އެއްޗެކެވެ މިއީ ހަރުފަމުތުގެ ވައްތަރެކެވެ ކުލައަކީ ކިސަޑު އަޅިކުލައެވެ ބޮޑުމިނަކީ ގާތްގަނޑަކަށް ބައި އިންޗިއެވެ
ސާފުތާހިރުވުން
މ ސާފުވުން ތާހިރުވުން މިދެބަސް އެއްކޮށް ބުނާގޮތް
މިސާލު: އޭނާއަށް އެނގޭނީ ކިހިނެއްތަ؟ އޭނާ ހުންނަނީ ކަތީބާ ސާދަލައްބައިގެ ކޮޅުގައެއްނު؟ ސާދަލައްބައިގެ ކޮޅުގައި
ގބ މަޖާޒު: ވެރިޔަކާ ގާތްކަމެއް ނެތްކަން ދޭހަކޮށްދިނުމަށް ބުނެއުޅޭ ބަހެއް
ސާލާމިސުރީ
ނ ގަހެއްގައި އަޅާ ދެ އިންޗިއެއް ވަރުގެ އެއްޗެއް މި ހުންނާނީ އެއްކޮޅަށް ފަލަކޮށް އަނެއްކޮޅަށް ހިމަކޮށެވެ ހިމަކޮޅުގައި ކައްޓެއް ފާޑުގެ އެތިކޮޅެއް ހުރެއެވެ މިއީ ބޭހަށް ބޭނުންކުރާ އެއްޗެކެވެ
ސާލު
ނ ކެހެރި ފޮތި ނުވަތަ މަޚްމާ ފާޑުގެ ފޮތިން ތައްޔާރު ކޮށްފައި އޮންނަ ފޮތިގަނޑެއް މީގައި ފަށުވިން މާޖަހައި ވަށައިގެން ކުރެހުންތައް އަޅައިފައި ހުރެއެވެ