radheef.info
ރަދީފު


ކޮށް
ނ (1) މާކަނައާއި ރާބޮނދި ފަދަ ތަކެތި ކުއްލިއަކަށް ކޮށައިގަންނަ ގޮތަށް ކިޔާނަން (2) )މަލިކު( އ ކުރެން
ގޯސީ
ނ (1) ދެކުނބެއްގެ ދޭތެރޭގައި ނަގައިފައި ހުންނަ ކަތިރިޔާ (2) ފައްސިއަށް ވައިލިބޭ އިރު ފުރާ ދުއްވާ އެއްޗެއްގެ އަރިމަތިން ދައްސޫރައެއް ދުއްވައިފައި ނަގާ ކަތިރިޔާ (3) މައި ކުނބުގެ ދިރުބަލުން ކުނބެއް ބޭނުންނުކޮށް ވާވަލަށް ނަގައިފައި ހުންނަ ކަތިރިޔާ
ޏަމުޏަމު
ނ ހުތްރަހަ ގަދަ މޭވާއެއް މި ނުކުންނާނީ ބިލަމަގު ނުކުންނަ ގޮތަށް ގަސްގަނޑުންނެވެ މިއީ ފަތިކޮށް ބޭރު ގޮށްގޮށަށް އުފުލިފައި ހުންނަ މޭވާއެކެވެ
ޏާ
އ (1) ނަމަވުމުގެ އަކުރެއް (2) އަންނާން އޮތް ޒަމާން ދައްކަން ބޭނުންކޮށް އުޅޭ ބަހެއް މިސާލު: މަސައްކަތް ކުރަންޏާ މޮޅުވާނެ
ސަނދައިރަ
ނ )ބދ ( (1) ހަނދާއި އިރާ މިދެބަސް އެއްކޮށް ބުނާގޮތް (2) އިރުހަނދު
ސަނގަލާ
ނ ހިމަދިގު އެއްޗެއް ފަށަކާ ޖެހި ފަށެއް އޮންނަގޮތަށް މަތިމައްޗަށް ވަށްކޮށް އޮޅައިފައި އޮންނަ އޮޅުން
ސަނގަލާޖެހުން
މ (1) ނަންނުގައްޗާއި ހަރުފަ ފަދަ ތަކެތި ފަށަކާޖެހި ފަށެއް އޮންނަހެން މަތިމައްޗަށް ވަށްކޮށް އޮޅައިލައިގެން އޮތުން (2) ސަނގަލާޖެއްސުން
ސަނގަލާޖެއްސުން
މ ދިގުވަލެއް ފަދަ އެއްޗެއް ފަށަކާޖެހިފަށެއް އޮންނަ ގޮތަށް މަތިމައްޗަށް ވަށްކޮށް އޮޅުން މިސާލު: ތިޔަ ސަލާމަތި ސަނގަލާ ޖައްސާށެވެ
ސަނަދު
ނ (1) ވަކިކަމެއްގެ މުޤައްރަރާ އެއްގޮތަށް ކުރެވޭ އިމްތިޙާނަކުން ފާސްވުމުން އެކަމުގެ ހަނދާނަކަށް ދޭލިއުން މިސާލު: ކާތިބުކަމުގެ ސަނަދު (2) އާއްމުކޮށް ޤަބޫލުކުރެވޭ ފެންވަރަކަށް ވަކިކަމެއް ކުރެވޭކަން ބަޔާން ކުރުމުގެ ގޮތުންދޭ ލިޔުން
ސަނާމުގު
ނ މުގުގެ ބާވަތެއް މިބާވަތުގެ މުގުގެ ފުއް ބޮޑެތިވާނެއެވެ އެއްކޮޅަށް ކުޑަކޮށް ހިމަވާނެއެވެ
ސަނޯރާގަސް
ނ މިރިހިގަހުގެ ފަތާ ވައްތަރު ގޮތަކަށް އެއަށްވުރެ ތުނޑުތައް ބޮޑެތިކޮށް ފަތްހުންނަ ގަހެއް މިގަހުގެ ތިންވައްތަރެއް ހުރެއެވެ އެންމެ ގިނައިން ހުންނަނީ ވަރަށް މަޑުމަޑު ރީނދޫ ކުލައިގެ މަލެއްފޮޅޭ ވައްތަރެކެވެ
ސަންބޯލް
ނ (1) ކާށިހުންޏާއި މަހާއި ހިކިމިރުސް ފަދަ އެއްޗެހި އެއްކޮށްގެން ހަދާ މަސްހުނި ފާޑުގެ ލައިގެންކާ އެއްޗެއް. (2) ފިޔާގެ ތެރެއަށް ހިކިމަހާއި ހަކުރާއި ހިކިމިރުހާއި ފޮނިތޮށި ފަދަ ތަކެތި އަޅައި ތެލުގައި ކައްކައިގެން ތައްޔާރު ކޮށްފައި ހުންނަ ލައިގެންކާ ހިކި އެއްޗެއް
ސަންފާކެޔޮ
ނ (1) ބޮންތިރަތް ކޭލަށްވުރެ ވައް ފަލަކޮށް ހުންނަ ކޭލެއް މިކެޔޮ ދޮންވެ ފައްކާވީމާ ބައެއް ވަކުގެ ތޮށިގަނޑު ފަޅައިގެން ދެއެވެ (2) ސަންޕާކެޔޮ
ސަންފާއޮނު
ނ ދެބަދަ ދޭތެރެ ދުރުކޮށް އޮމާންކޮށް ހުންނަ އޮނު
ސަންދޯއްޕުޅު
ނ ސަންދޯކަށް އެންމެމާތްކޮށް ކިޔާގޮތް
ސަންތިޔާނާ
ނ ވާކޮށްހެދޭ ކުޑަގަހެއް މިގަހުގެ ފަތްތައް ހުންނަނީ ކޮކާ ފިޔަ ތަކެއްހެނެވެ ތަނޑިތައް ހީވާނީ އޮފުއަރާ އެންދެރި ކޮޅެއްހެނެވެ ތަނޑި ހުންނާނީ ފަތިކޮށެވެ
ސަންޖާބު
ނ ހަރުވާޅުގެ ފައިކުރި ވީދިދާނެތީ ބޯކޮށްލުމަށް ދަށުގައިލާ ބަތާނަފަށް
ސަރައްކާލި
ނ (1) ޢިމާރާތެއްގެ ތެރޭގައި ހިނގަން އޮންނަ ހަނިދިގުމަގު (2) ހަނިކޮށް ދިގުކޮށް އޮންނަ ތަޅުންގަނޑު
ސަރުބަތު
ނ (1) ހަކުރާއި ފެނާ އެއްކޮށް ކޮންމެވެސް ކަހަލަ އެސެންސަކުން ރަހަލައްވައިފައި ހުންނަ އޮލަފަނި (2) މޭވާ އަކުން ނަގައިފައިވާ ޖޫހަށް ހަކުރު އަޅައި އޮލަކޮށްފައި ހުންނަ ފަނި (3) ބޭހަށް ބޭނުންކުރުމަށް ބައެއް ބާވަތުގެ ތަކެތިން ކައްކާ އޮލަފަންޏެއް މިސާލު: ވޭމުއި ސަރުބަތު
ސަބީލަކުރުން
މ އެންމެން ބޭނުންކުރުމަށް ދޫކޮށްލުން
ސަބީލަގަސް
ނ އެންމެން ބޭނުންކުރަން ހުއްދަކޮށްފައި ހުންނަ ގަސްގަސް