radheef.info
ރަދީފު


ޔ
ނ ތާނައިގެ އެކާވީސް ވަނައަކުރު
ވަޅުޖެހުން
މ (1) ފޭހިފައިވާ ދަގަނޑެއް ކުރައްޖެއްފަދަ އެއްޗެއް ބިމަށް ހަރައިގެން ވަޅެއް ހެދުން. މިކަމަށް ވަޅުހެރުން މިހެންވެސް ކިޔައެވެ. (2) ބިމުގައި ފޮރުވިލާވަރަށް ވަޅުލެވުން. (3) މަޖާޒު: ކަމެއް ކުރާންވެގެން ވާހަކަ ދައްކައިލައިފައި ވީނުވީގޮތެއް ނޭނގި އެކަމެއް ހުއްޓުން
)މުސްކުޅިބަހެއް( މޮޅު މީހަކު ކުޅަ ވިޔާނުވާ ކަމެއްގެ ވާހަކަ ދެރަމީހަކު ދައްކައިގެން ނުަވަތަ މޮޅު މީހަކު ކުރާ ވިޔާނުވާ ކަމެއްގައި ދެރަ މީހަކު ބައިވެރިވެގެން މޮޅު މީހާއަށް ގެއްލުމެއް ނުލިބި ނުވަތަ މާބޮޑު ދެރައެއް ނުލިބި ދެރަމީހާއަށް ދެރަލިބުނީމާ ދީއުޅޭ މިސާލުބަހެއް ވަޅެއް ނުތެޅޭނެއެވެ ތެޅޭނީ ދާންޏެވެ
ވަޅޯ
ނ (1) ރޯކޮށް ހުންނަ އެއްޗެހީގެ ތާޒާކަން ކެނޑިގެންވާ މޯޅި. (2) ރާވެރިން އެތުގާ ޖަހާން ލުނބޯ ނިޔަނދުރު ދޯޅަނބު މިގަސްގަހުގެ ދޮންފަތާއި އަދިވެސް ބައެއް ބޭސްލައިގެން ތަޅާ ބޭސްގަނޑެއް. (3) ނއ. ކައްކައި ރޯކަން ކެނޑި މޯޅިވެފައިވާ ތެތް މަހަށް ހޫނުކުރުމުން އަންނަ ބަދަލު
ވަޅޯދޫނި
ނ ފިޔަގަނޑުތޫރި ކަޅުއަޅިކުލައިގެ ކުޑަދޫންޏެއް
ވަކަހަރު
ނ )ދިޔަހަރު( އެއްވަތުން އަނެއްވަތަށް ދާ ފެން ބަންދު ކުރަން ޖަހާ އަގުޅި
ވަކަރާގު
ނ (1) ވަޅޯކޮށް ކިޔާ ރާގު (2) އަކުރުދަމައިފައި ކިޔާ ދިގުރާގު (3) ވާހަކަދެއްކުމުގައި ހުންނަގޮތް (4) މަޖާޒު: ކަންތަކުގައި ވާންވީ ވަރަށް ވުރެން ލަސްކޮށް އުޅޭއުޅުން
ވަކަރުލުން
މ ނިރޮޅުގައި އާރުލުން ފެންފޯއްރުކާއި ކަށިކެޔޮގަހާއި އޮނުފަދަ އެއްޗިހީގެ އާރުލުމަށްވެސް މިހެންކިޔައެވެ
)މުސްކުޅިބަހެއް( މިހެން ބުނެއުޅެނީ ޝަރިޔަތުގައި ކޮންމެ އެއްފަރާތަކަށް ބުރަވާގޮތަށް ނިޔާ ކަނޑައެޅިއްޖެކަމަށް ހީވީމައެވެ ވަކަރުގަނޑު މާވަޑިޔާ ހިތެކެވެ ނިޔާ ފަނޑިޔާރާ ހިތެކެވެ
ވަކަރުގެ
ނ އިހަށް ކުޑަލާމިގަސްދޮށު އަތިރިމަތީގައި ފަހުން މާރުކޭޓާ ދިމާއިން ދެކުނުގައި ކުރީގެ އަތިރިމަތީގައި ސަރުކާރުގެ ވަކަރު ރައްކާ ކުރާން އަޅައިފައި ހުރި ގެއެއް މިގޭގައި ސަލާންޖަހާ ކުދީން ނިދާއުޅުނެވެ އޭގެފަހުން ބަނޑޭރިގެއާ ދިމާއިން އަތިރިމަތީ ފާރު ކައިރީގައި އޭރު އެތާހުރި ހެލެބެނލިގަސްދޮށު ދޮރޯށީގެ ހުޅަނގުން ސަލާންދޭ ކުދީން ނިދާ އުޅޭން ދައުލަތުން އަޅުއްވައިފައިހުރި ގެއަކަށްވެސް ކިޔައިއުޅުނީ ވަކަރުގެއެވެ
ވަކަރުގޭކުދިން
ނ (1) ސަލާންޖަހާ ކުދީން )ސަލާންޖަހައިގެން އެއްޗެހި ހޯދައި އުޅޭ ނިކަމެތި ފަޤީރުކުދިން މިކުދިން ނިދާއުޅުނީ ވަކަރުގޭގައެވެ ( (2) އެންމެ ދެރަ ހުތުރު އުޅުން އުލޭ ވިޔާނުދާ ކުދިން
ވަކާތުމަހަ
ނ )ގ ( ފަރުމަހެއް ލަނޑަޔާ ވައްތަރު މަހެއް
ވަކި
ނ (1) ގޮވާމުގެ އޮއްޓަރު (2) ބައެއްގަސްގަހުގައި އަޅާ ކުދި ތަކެތި (3) މިނިކާ ނުވަތަ އަތްފައިން ޝިކާރަކުރާ ޖަނަވާރުގެ ނިޔަފަތި (4) އޮށްވަޅު ކުޅޭއިރު ހިލާވަޅުގެ ކުރީވަޅުގައި އޮންނަފުށް (5) ގުޅުން ކެނޑިގެން ނުވަތަ މެދުކެނޑިގެންވާ ދުރު (6) އެއްޗެހިތަކެއްގެ ތެރެއިން ކޮންމެވެސް އެއްޗެއް އެހެނިހެން އެއްޗިއްސާ ކުރެވޭ ތަފާތު (7) އެކަހެރި (8) )މކ( މިޔަރުގެ ފީކަރުގައި ބައްދާން ގެންގުޅޭ ރޯނުންހަދައިފައި އޮންނަމަޅި
ވަކިހިއްޕުން
މ ޖަނަވާރު އޭގެ ހަތަރެސްފައިގެ ނިޔަފަތިތަކުން ތަނެއްގައި ނުވަތަ އެއްޗެއްގައި ބެއްދުން
ވަކިން
ކއ )ވަކީން( (1) ތަފާތުކޮށް. (2) ނިސްބަތްކޮށް ބަލާއިރު. (3) އެކަހެރިކޮށް. މިސާލު: އޭނާއަށް ވަކިން ހެޔޮކޮށް ހިތާށެވެ. އޭނާއަށްވުރެ އަހަރެން ވަކިދެރަހޭ ؟ އޭނާ ވަކިން ބައިންދާށެވެ
ވަކިއެޅުން
މ (1) ނިޔަފަތި އެޅުން. (2) ހަށިގަނޑުގެ ތަނަކުން ތެޔޮހަންދާ ވަރަށް ނުވަތަ ލޭ އަންނަ ވަރަށް ނިޔަފަތިން ނުވަތަ ސޫތްޕެއްގެ ވަކިތަކުން ކޫރުއެޅުން
ވަކިވަކީން
ކއ (1) އެކަހެރިކޮށް (2) ތަފާތުކޮށް (3) ބައިބަޔަށް
ވަކިފުއް
ނ އޮއްވަޅު ކުޅޭއިރު ވަކި ކިޔައިފައި ނަގާފުއް މިފުއްނަގަނީ އެފަހަރު ހިލިވަޅުގެ ބޮލި ހުސްވާއިރު ހިނދިއްޖެނަމައެވެ
ވަކިތޫނުކުރުން
މ (1) ބުޅާ ހަރުތަންތާ ނުވަތަ ގަސްގަހުގައި އެސޮރުގެ އަތްފައިގެ ނިޔަފަތި އަޅުވާ ދަމާ ޙަރަކާތް ކުރުން (2) މަޖާޒު: ބަހަކުން ނުވަތަ ކަމަކުން ކުރިއަތުލުމަށް މީހަކާ މުޤާބިލާ ކުރުމަށް ތައްޔާރުވުން
ވަކިލާރި
ނ ދިވެހި ރުފިޔާއެއްގެ އަގުން ބައިކުޅަބައެއް ހަމަވާގޮތަށް މަޢުދަނުން އުފައްދައިފައިވާ ފައިސާ ފޮތި ނުވަތަ އޭގެ އެތަކެއް ފޮތި
ވަކިލުން
މ އޮއްވަޅުކުޅުމުގައި ވަކިކިޔައިގެން ކުޅޭއިރު ހިދޭގޮތް ދިމާވެއްޖެނަމަ ވަކިފުކުގެ ބޭނުން ކުރުން