radheef.info
ރަދީފު


އެ
ނ ދުރަށް އިޝާރަތްކުރާ ނަމެއް. މިސާލު: އެތަން އެގެ އެމީހާ
ކައިގެންކާން
ނ ދަނޑިބެރުގައި ޖަހާ ދަންފަޅީ ލަވައެއް
ކައު
ނއ (1) އިތުރު (2) މާތް (3) ވެރި (4) ވަގުތު (5) ހަތަރުބައިކުޅައެއްބައި
ކައުޅު
ނ (1) ކާޅު (2) ރިޔަންކޮޅުގެ އެންމެ ފަހުބައި މިއީ ނަކަތްތެރީން ގެންގުޅޭ ނަމެކެވެ
ކައްބާބު
ނ މަތިކަރާ ބޭހުގެ ބާވަތެއް މިއީ ގަހެއްގައި އަޅާ ކަޅުކުލައިގެ އޮށެކެވެ މިހުންނާނީ އަސޭމިރުހާ ދާދި އެއްބައްޓަމަކަށް އެއަށްވުރެ އޮމާންކޮށެވެ މީގައި ކުޑަ ތަނޑިއެއް ހުންނާނެއެވެ
ކައްޅިކުއްޅިވުން
މ )ސ ( އެއްޗެއްގެ އެކިތަނުގައި އެކިވަރަށް ކުލަހުރުން މިސާލު: ފޮތިގަނޑެއްގައި ކުލަޖައްސާއިރު ކުލައެއްވަރު ނުވެ ތަފާތުވެފައި ހުރުން
ކައްކާބަދިގެ
ނ އިހުގައި ގަނޑުވަރުތެރޭގައި ހުރި ބަދިގެއެއް. ގަނޑުވަރުތެރޭގައި ކައްކާ އަހަރުމައްޗާއި މަސްމައްޗާއި ސަމާތެރޭގައި ޒިކުރުވެރީންނާއި ބެރުދުންމާރިވެރީންނާއި ކޮށީ މީހުންގެ ކޮއްތާއި އަރިހު ބޭކަލުންނާއި އަތަރުގޭ މީހުންގެ ކޮއްތު ކައްކަނީ މިތާނގައެވެ
ކައްވާދު
ނ (1) ވަޑާމުގެ މަސައްކަތުގައި ދެލަކުޑިގަނޑު ފައްތަރުކުރަން ނުވަތަ އެއްޗެއް އެތަނަކަށް ފައްތަން ކަނޑައި އަޑިކުރާތަން. (2) ބައެއްކަހަލަ ކަރުދާހުމަސައްކަތާއި ފެހުމުގެ ތެރޭގައި ފާހަގަކުރުމަށް ވީ އަކުރެއްހެން ކަނޑާލާތަންކޮޅު
ކައްވާދުކެނޑުން
މ (1) ވަޑާމުގެ މަސައްކަތުގައި ދެލަކުޑިގަނޑު ފައްތަރުކުރަން ނުވަތަ އެއްޗެއް އެތަނަކަށް ފައްތަން ކަނޑައި އަޑިކުރުން. (2) ބައެއްމަސައްކަތް ކުރާއިރު ފޮތިފަދަ އެއްޗެހީގައި ފާހަގަކުރުމަށް ވީ އަކުރެއްހެން ތަންކޮޅައް ކަނޑައިލުން (3) މަޖާޒު: ތުންފަތް އަނގައިގެތެރެއަށްލައި ލައްޕައިލުން
ކައްފާރަ
ނ ބައެއްކަހަލަ ފާފަކުރެވުނީމާ ހިފަންޖެހޭރޯދަ ނުވަތަ ދޭންޖެހޭ ޞަދަޤާތް
ކައްފާރަދިނުން
މ ބައެއްކަހަލަ ފާފަ ކުރެވުނީމާ ހިފަންޖެހޭރޯދަ ހިފުން ނުވަތަ ދޭންޖެހޭ ޞަދަޤާތް ދިނުން
ކައްތިރި
ނ (1) ދެގަނޑެތީގެ ކުރި ބުރަފަތިވާނޭހެން ހަރުކޮށްގެން ހަދާކަނި. މިކަނި ވިއްދަނީ ގަސްގަހާއި ގޮފިގޮތްޕާއި އުނދޯލިވަސް ފަދަ ތަކެތި ވެއްޓުނަ ނުދީ ހިފެހެއްޓުމަށްޓަކައެވެ (2) އުނދޯލީގެ ވަސް ބޭއްވުމަށް ބުރަފަތި ވާނޭހެން ތައްޔާރު ކުރާކަނި )ބދ ( (3) ހަނގުރާމަވެރި (4) ގަދަފަދަ
ކައްތިރިއެޅުން
މ (1) ކުޅިޖެހުމުގައި ފައިން ވަކިގޮތެއް ހެދުން. (2) ބައެއް މީހުން ކުޑަކަމުދެވިދާނެތީ ހިފެހެއްޓުން ފަދަ ކޮންމެވެސް ބޭނުމަކަށްޓަކައި ދެފައި ހުރަސްކުރުން
ކައްގަނޑު
ނ ހަރުވާޅާއި ފަޓުލޫނުފަދަ ތަކެތގެ ދަނގަދޭތެރެ އިހުގައި ހަރުވާޅު ފަހާއިރު ވަކި ފޮތިކޮޅަކުންވެސް ކައްގަނޑު ލައިފައި ހުރެއެވެ
ކައްޓަފުޅި
ނ ފެނަށްދިރޭ ކުޑަ މަހެއް މިއީ ވަޅުވަޅާއި މަސްޓޭންކުތަކުގައި ގެންގުޅޭ މަހެކެވެ މިމަހުގެ އުރަހައިގެ ކޮޅުގައްޔާއި ނިގޫފަތުގެ ކޮޅުގައި ތޫނުކައްޓެއް ހުރެއެވެ ނިގޫފަތުގައި ހުދުކުލައިގެ ރޮނގެއްހުރެއެވެ މަހުގެ ކުލައަކީ އަޅިކުލައެވެ
ކައްޓަފުޅިމިޔަރު
ނ މިޔަރުގެ ބާވަތެއް. މިމިޔަރުގެ ސިފަ ހުންނަނީ ކައްޓަފުޅިޔާ އެއްގޮތަކަށެވެ. މިޔަރުގެ މަތީބައިގެ ކުލައަކީ ގަދައަޅި ނުވަތަ އަޅިމުށި ކުލައެވެ ބަނޑުދަށް ހުންނަނީ ހުދުކުލައިގައެވެ
ކައްޓަލަ
ނ ފަލަމަޑީގެ ބާވަތެއް މިއީ ބިމުގައި ދުވަމުން ހެދޭ ވެލެއްގެ ގޮނޑިއެކެވެ މިގޮނޑި ފައިބަނީ ފަތުބުޑުންނެވެ މީގެ ބާވަތްތައް ވަރަށް ގިނައެވެ
ކައްޓާ
ނ (1) ބޮޑެތިބަރު އެއްޗެހި ކިރާން ހަދައިފައި ހުންނަ ބޮޑެތި ތިލަފަތް (2) ފަތިކޮށް ހަދައިފައި ހުންނަ ބޮޑެތި ތިލަފަތް
ކައްޓާފައްލާ
ނ ދެކޮޅުގައި އުނދޯލި އެލުވައިފައި ހުންނަ ކައްޓާ
ކައްޓިބަލި
ނ ބަލިކަމުގެ އެއްވެސް ޢަލާމާތެއްނެތި އެއްވެސް މަސައްކަތެއް ކޮށްއުޅޭން ނުކުރޭބަލި
ކައްޓެޅި
ނ ފަރުމަހުގެ ބާވަތެއް މިއީ ދިގުކޮށް ފަތިކޮށް ހުންނަ މަހެކެވެ އަނގައާއި ލޯބޮޑެވެ މަހުގެ ދަތްތައް ކޮޅަށް އޫވެފައި ވަރުގަދައެވެ މަހުގެ ކުލައަކީ ގަދަމުށިކުލައެވެ މުޅި މަހުގައި ވައިލެޓު ކުލައިގެ އޮފެއް ހުރެއެވެ