radheef.info
ރަދީފު


ހުން
ނ (1) ހަށިގަނޑު ހޫނުވާ ބައްޔެއް މިބަލީގެ ކިތަންމެ ބާވަތެއް ހުރެއެވެ (2) )އ ކ ( ބަރުއެއްޗެހި ނަގާއިރު ބާރުލާން ބުނާބަހެއް (3) ތިމާޔާ ޒުވާބުކުރާ މީހަކު ދެރަކޮށްލާން އިއްވާއަޑެއް
ވަލުފަރާތް
ނ (1) ވާއޮންނަފަރާތް (2) އިހުގާ ގޭގޭގެ ބަދިގެ ހުންނަ ފަރާތް (3) އަންހެނުން އުޅޭފަރާތް
ވަލުފިނިފެންމާ
ނ ފިނިފެންމަލުގެ ވައްތަރެއް. މިއީ ގޮފިތައް ވާކޮށް ހުރުމާއެކު ހެދޭ އަދި މަލާއި ފަތްކުދި މަލުގާ ވަސްނުހުންނަ ވައްތަރެކެވެ މާހުންނާނީ ރަތްކޮށެވެ
)ފުރޯދަނޑި ދޫނި( ވަލުފުރޯދަނޑި
ނ )ގ ( ދޮންދޫނި ސިފައިގައި ނޫކޮށް ހުންނަ އެއްޗެއް
ވަލުފުޅަލި
ނ ގޭގެ އަންހެނުން އުޅޭ ފަރާތަށް ވަންނަން ހުންނަ ފުޅަލި. މިއީ ޚާއްޞަކޮށް އަންހެނުން ވަދެނިކުމެ އުޅުމަށާއި މަސް ދަރު ކުނިފަދަ ތަކެތި އެތެރެކޮށް ބޭރުކުރުމަށް ބަހައްޓާއުޅޭ ފުޅައްޔެކެވެ
ވަލުދޮރޯށި
ނ ގޭގެ އަންހެނުން އުޅޭ ފަރާތަށް ވަދެވެން ހުންނަ ދޮރޯށި. މިއީ ޚާއްޞަކޮށް އަންހެނުން ވަދެ ނިކުމެ އުޅުމަށާ މަހާއި ދަރާއި ކުނިފަދަ ތަކެތި އެތެރެކޮށް ބޭރުކުރުމަށް ބަހައްޓާ އުޅޭ ދޮރޯއްޓެކެވެ
ވަގަރާ
ނ )ގ ( ފެންނާޅައި ލޮނުނުލައި ކައްކައިފައި ހުންނަ ބޯވަ
ވަގުހިފާފާނޫޒު
ނ އިހުގައި ވައްކަންކުރާ މީހުން ހިފަން ގެންގުޅުނު ބައްތިއެއް މިބައްތީގެ މޫނުމަތި ހުންނަނީ އަލިހުރަސްވާގޮތަށް ޖަސްތު ފޮއްޗެއްލާފައެވެ
ވަގުހިފުން
މ (1) ވައްކަން ކޮށްގެން އުޅޭ މީހާ އަތުވުން (2) ވައްކަން ކޮށްގެން އުޅޭމީހާ އަތުލައިގަތުން (3) މަޖާޒު: ކަމެއްސިއްރުކޮށްގެން އުޅެނިކޮށް އެކަމެއް އެހެންމީހުންނަށް އެނގުން
ވަގުހުން
ނ ހަށިގަނޑުގެ ބޭރުން މާބޮޑަށް ފާޅުނުވެ އެތެރެ ހަށީގައި ހިނގާހުން
ވަގުން
ނ ވައްކަންކުރާ މީހުން
)މުސްކުޅިބަހެއް( ވައްކަންކުރާމީހާ އޭނާގެންގުޅޭ ތަކެތި އެހެން މީހުންނަށްވުރެ މާބޮޑަށް ރައްކާކޮށްގެން ގެންގުޅޭތީ ބުނެއުޅޭ ބަހެއް ވަގުންގެ ފޮށި ބާރަށް ބަންނާނެއެވެ
ވަގުއެޅުން
މ )ހ ޅ ( މީހެއްގެ މިލްކުގައި ނުވަތަ ޙަވާލުގައިވާ ރުއްގަހުން އޭގެވެރިފަރާތުގެ ހުއްދަނެތި ތަކެތި އެޅުން
ވަގުމެރިއުކުޅު
ނ ހިފުމުގެ އުކުޅެއް އަނެކާގެ އަތުގައި ހިފައި ފޮރޮޅާލުމާއެކު ކޮނޑު މައްޗަށް އަރުވައި ކުރިމައްޗަށްޖަހާ ޖެހުން
ވަގުތުވުން
މ (1) ކަމަކަށް ދަނޑިވަޅު ލިބުން (2) ކަނޑައެޅިގެންވާ ވަގުތެއް އައިސްޖެހުން (3) ތަންވަޅުވުން
ވަގުތުގާ
ނ އިރުދައުރުވަމުންދާ މިންވަރު އޭގެ ހިޔަނިން ހޯދުމަށް ހިސާބުން ހަމަޖައްސައިގެން ތައްޔާރުކުރާ ގަލެއް. މިގާހުންނާނީ މެދުގައި މަޢުދަނީ ތިލަ ކުނބެއްޖަހައި އޭގެ ހިޔަނިން ވަގުތު ފާހަގަކޮށް ގަލުގައި ފާހަގަ ލާފައެވެ މިގާ ބަހައްޓާފައި ހުންނާނީ މުޅިން ހާމަ ބިމެއްގައެވެ
ވަގުލޮލަށްމަސްބެހުން
މ )މިސާލުބަހެއް( އެއްޗެއް ބަހާއިރު އެތަނެއްގައިވާ އެންމެ އިސްމީހާއަށް އެންމެ ރަނގަޅު އަދި އެންމެ ފައިދާ ހުރިތަކެތި އެންމެ ގިނައިން ލިބޭގޮތަށް ބެހުން މިއީ ކުޑަކުދިންނަށް ކިޔައިދޭ މުސްކުޅި ވާހަކަ އަކުންނަގައިފައިވާ މިސާލެކެވެ
ވަސް
ނ (1) ނޭފަތުން ކުރެވޭ އިޙުސާސް. މިސާލު: މީރުވަސް ނުބައިވަސް (2) ދެފުރާޅަށް ހިޔާކުރާ ތަންތާގެ މަތިވަޑާން ގަނޑުގެ މެދުގައި ކޮޅަށް ޖަހާފައި ހުންނަ ތޮނަތަކުގެ މަތީގައި އޮންނަ ވަކަރު (3) އުދޯލިފަދަ އެއްޗިހި އެލުވާފައި އޮންނަ ހުރަސް
ވަސްހޮޅި
ނ ފާޚާނާ ވަޅުގަނޑުގައި ބޭރަށް ވަސްފޮނުވުމަށް ކޮޅަށް ޖަހާފައި ހުންނަހޮޅި
ވަސްކަށި
ނ ނޭފަތުގެ އެންމެ މައްޗަށް ނުވަތަ ބޭރަށް ހުންނަ ކަށިކޮޅު
ވަޑާންކަށިތާނަ
ނ މިއީ ކަންހަމަކޮށް ލިޔާތާނަ އަކުރަށް ކިޔާފައިވާ ނަމެކެވެ މި އަކުރު ހުންނަނީ )ހ ށ ނ ރ( މިގޮތަށެވެ މިއަށް އަތިރީގޭ ތާނަވެސް ކިޔައެވެ