radheef.info
ރަދީފު


ޔ
ނ ތާނައިގެ އެކާވީސް ވަނައަކުރު
ވަރުވާ
ނ ރަށެއް ނުވަތަ ތަނެއް ނުވަތަ ރުއްގަސް ސަރުކާރުން ލިއުއްވައިގެން ބޭނުންކުރާ މީހާ ސަރުކާރަށް އަހަރު އަހަރަށް ނުވަތަ މަސްމަހަށް ދައްކާންޖެހޭ ތަކެތި )މިފަދަ ތަނެއް ލިއުއްވައިގެން އުޅޭ މީހާގެ އަތުން ދެވަނަޔަށް ލިޔުއްވައިގެން އުޅޭމީހާ ފުރަތަމަ މީހާއަށް ދޭތަކެއްޗަށްވެސް ވަރުވާއޭ ކިޔައެވެ
ވަރުދެރަ
ނއ (1) ގައިގެ ހަކަތަ ބަލި (2) ބާރުކުޑަ (3) ޞިއްޙަތު ދެރަ (4) ބައްޔަކުން ނިކަމެތިވެފައިވާ (5) ބަލިކަށި (6) ހާލުބޮޑު
ވަރުލުން
މ (1) ވޭވޭހުރިކަމެއް ހުއްޓިލުން (2) ވަމުންދާކަމެއް މެދުކެނޑުން މިސާލު: ފުއްޓަރު ނުވަތަ ފަރަކަށް ހޮޅިލަމުން ބިންދާލާ ރާޅުބައި އެއް ރާޅަށްފަހު އަނެއްރާޅު ބިންދާލުމަށްފަހު ދެވަނަ ރާޅުބަޔާ ދޭތެރޭ ހަމަ ހިމޭންވެފައި އޮތުން
)މުސްކުޅިބަހެއް( ކޮންމެއެއްޗެއްވެސް ރަނގަޅުވުމަކީ އެއެއްޗަކުން ހިފެންވާ ބޭނުން ރަނގަޅަށް ހިފުމެވެ. ވަޅިން ހިފަންވާ ބޭނުން ރަނގަޅަށް ހިފޭނީ އޭގައި ތޫނުކަން ހުރިއްޔާއެވެ. ހަމަ އެފަދައިން އަނބިމީހާވެސް ރަނގަޅު އަނތްބަކަށްވާނީ އުޅުންހުރި ގޮތްހުރި ހެޔޮމީހަކަށް ވިއްޔާއެވެ މިބަސް އާންމުކޮށް ބޭނުންކޮށް އުޅެނީ އަނބިންނާ ބެހޭގޮތުންނެވެ ވަޅިރީތީ ތޫނިއްޔާއެވެ އަނބިރީތީ ހެވިއްޔާއެވެ
ވަޅިއެޅުން
މ (1) ވަޅިން ކަފައިލުން (2) ނުރުހުމާއިއެކު އިންސާނެއްގެ ނުވަތަ ޙައިވާނެއްގެ ގައިގެ ތަނެއް ވަޅިއަކުން ނުވަތަ ފިޔޮއްސަކުން ކަފައިލުން (3) އުނަގަނޑުގައި ވަޅި އެލުވައިގެން އުޅުން
ވަޅިފަން
ނ ރޯ ފަނުން ހަދާ ބަށި. ބުޅާ ގޮހޮރު ކަރަކަންދާލި ފަދަ އެއްޗިއްސަށް ޖުމްލަކޮށް ކިޔާނަން
ވަޅިފިލާ
ނ ވަޅީގެ ތިލަހެން ފަތްހުންނަ ފިލާވެއްޔެއް
ވަޅު
ނ (1) އެކިއެކި ބޭނުމަށްޓަކައި ކޮނެފައި ހުންނަ ތަންތަން. (2) ބައެއް ޚާއްޞަ ތަންތަނަށް ނަން އިތުރަކާ ގުޅައިގެން މަރުވަޅު ފުރޯވަޅު ސަޖިދަވަޅު ފުއްވަޅު މިގޮތްގޮތަށް ކިޔައެވެ. (3) ފެން ބޭނުންކުރުމަށްޓަކައި ބިންގަނޑު ކޮނެ ފެނުތެރޭގައި ބައެއް ހުންނާނޭހެން ރާނައިގެންނާއި އެ ނޫން ގޮތްގޮތަށް ތައްޔާރުކުރާ އެއްޗެއް (4) )ލ ( ވަޅި
ވަޅުނުލިބުން
މ ކަށްވަޅު ކޮނުމުގައި މައްޔިތެއްގެ ކަށިގަނޑު ނުވަތަ ސަންދޯކެއް ފެނުން ފަދަ ކަމަކުން ނުވަތަ އަދި މިނޫންވެސް ކަމެއް ދިމާވެގެން އެތަނަކުން ޖާގަނުލިބުން
ވަޅުބަތް
ނ ހަމަބިމުގައި ވަޅެއްކޮނެ ރޯފަތް ޖަހައިފައި އެޔަށް ބަތް ކައްކާނޭ ތަކެތި އަޅައިގެން މަތި އަންދައިގެން ކައްކާ ބަތް
ވަޅުބެހެއްޓުން
މ (1) ގަލުން ކީހާކޮށައިގެން ވަޅެއް ހަދައި ފެންގަނޑުގެ ތެރެއަށް ފެއްތުން (2) ފިލައިން ނުވަތަ ޓިނުފަދަ އެއްޗަކުން ފީފާއެއްގެ ސިފައިގައި ހަދައި ފެންގަނޑުގެ ތެރެއަށް ފެއްތުން (3) ކުދިގަލުން ސިމެންތި އެއްކޮށްގެން ނުވަތަ އުވަޔާއި ސިމެންތިޔާ މިދެބައި އެއްކޮށްގެން ތާނގީ ބުރިއެއްގެ ސިފައިގައި ރާނައި ދެފަރާތުގައި އުވަ ނުވަތަ ސިމެންތިއާއި އުވަ އެއްކޮށްގެން ޖަހައި ފެންގަނޑުގެ ތެރެއަށް ފެއްތުން
ވަޅުބޭނުން
ނ (1) ކެޔޮފަދަ ތަކެތި ދޮންކުރުމަށް ވަކިގޮތަކަށް ވަޅުލުން. (2) ރާނައިފައި ހުރި ވަޅުބުރިއެއް ހުރިތަނުން ފެށިގެން ވަޅުބަހައްޓަން ކޮނެފައިވާ ވަޅާ ދޭތެރޭ ކަޗޯރުކޮށް ކޮނެފައި ވާ ލައްވައިގެން ގެންގޮސް ބަހައްޓަން ބޭނުންވާ ވަޅަށް ފެއްތުން. (3) ގަސްރުއް ހުރި ތަނުން ފެށިގެން އިންދަން ބޭނުންވާ ވަޅާ ހަމަޔަށް ކަޗޯރުކޮށް ކޮނެފައި ވާޖަހައިގެން ގެންގޮސް އިންދަން ބޭނުންވާ ވަޅަށް ބޭލުން
)މުސްކުޅިބަހެއް( ކަމަކަށް ހޭނި އާދަ ވެއްޖިއްޔާ އެކަމަކަށް ޖެހިލުމެއް ނުވާނެއެވެ ވަޅުކައްޓަފުޅި ދާންޏަކަށް ނުސިހޭނެއެވެ
ވަޅުކޮޓަރި
ނ ފެންވެރުމަށާއި އެހެނިހެން ބޭނުމުގައި ވަޅެއް ބަހައްޓައި ވަށައިގެން ބައްދައި ހިޔައުކޮށްފައި ހުންނަ ތަންތަން
ވަޅުފެހި
ނ (1) ވަޅު ވެޔޮ ފަދަ ތަންތާގައި ހެދޭ ބާވަތެއްގެ ފެއްސެއް މިހުންނަނީ ހިމަ ފަށްތަކެއްހެން ނުވަތަ ބޯ މަޚްމާ ހެންނެވެ (2) ވަޅުފެހިކުލަ
ވަޅުދޮށަށްހިންގުން
މ ބައްޔެއްގެ ސަބަބުން މާގިނައިން ކުޑަކަމު ދާންޖެހުން
ވަޅުދޮށަށްދިއުން
މ (1) ކުޑަކަމު ދިޔުން (2) ވަޅުކައިރިއަށްވާ ހިސާބަށް ދިއުން
ވަޅުގަނޑުވަރު
ނ ބިމުއަޑީގައި ހަދައިފައި ހުންނަ ސިއްރިއްޔާތުގެ ގެކޮޅު މިއީ އިހުގައި ބައެއް ރަސްދަރިކަނބަލުން ފަދަ ބޭފުޅުން އުޅުއްވަން ބިމުއަޑީގައި ހެއްދެވިކަމަށް ބުނެވޭ ޚާއްޞަ ތަންތަނަށް ދީފައިވާ ނަމެކެވެ
ވަޅުގިފިލި
ނ ވަޅުހިޔާކޮށްފައި ހުންނަ ގިފިލި
ވަޅުޖަޑާ
ނ ދޮންދޫނި ވައްތަރަށް އެއަށްވުރެ ކުދިކޮށް ތިބޭ ދޫންޏެއް. މިދޫނި ބިސްއަޅައި އުޅޭނީ ވަޅުވެޔޮފަދަ ފެންފެންގަނޑަށެވެ