radheef.info
ރަދީފު


ބ
އ ތާނައިގެ ފަސްވަނަ އަކުރު
ބަރަށްބަރު
ނ ބަރުދަން ހަމަހަމަ
ބަރަނި
ނ (1) އެއްކޮޅު ނިއުޅޭނޭހެން އުއި ނުވަތަ ފަށުވި ނުވަތަ ނައިލޯނުފަދަ އެއްޗެއްގެ ރޮދިން އޮޅައިފައި ހުންނަ ބޮނޑި. މީގެ ދެވައްތަރެއް ހުރެއެވެ. އެއީ ބޮނޑި ބަރަންޏާއި ދަނޑި ބަރަންޏެވެ (2) ރޮދި
ބަރަނިދަނޑި
ނ ބަރަނިއޮޅަން ދިގުގޮތަށް މެދުން ލޯވަޅެއް ތޮރުފާފައި ފޯލިކޮށް އޮންނަ އެތިކޮޅި ޕްލާސްޓިކުން ނުވަތަ ލަކުނޑިން މިހަދައިފައި ހުރެއެވެ
ބަރަނީރުނަ
ނ )ބދ ( މުޑޮޅި ބަކަރި
ބަރަންޑޭލަ
ނ ފޭސްތާށީގެ ލަނބުރާން
ބަރަބޯ
ނ ތަރުކާރީގެ ބާވަތެއް. ބަރަބޮލަކީ ސިފަޔާއި ބޮޑުމިނާއި ކުލަ ތަފާތުކޮށް ހުންނަ ތަރުކާރީއެކެވެ. ވަށްކޮށް ފަތާކޮށާއި އަދި ވަށްކޮށް ދިގުކޮށްވެސް ހުރެއެވެ. ބަރަބޯ ހުންނަނީ އެކި ބޮޑުމިނުގައެވެ. ބަރަބޮލުގެ ތެރޭގައި ފެހިކުލައިގެ ބަރަބޮލާއި މުށިކުލައިގެ ބަރަބޯހުރެއެވެ. ލައްލައް ޖަހައިފައި ފެހިކުލައިގައި ހުންނަ ބަރަބޮލާއި މަޑުމުށި ކުލައެއްގައި ހުންނަ ބަރަބޯވެސް ހުރެއެވެ. ބަރަބޯވެލަކީ ވަރުގަދަކޮށް ފެތުރިހެދޭ ފަތް ބޮޑެތިކޮށް ވެޔޮގަނޑުގައި ހަރުކެހެރިއެއް ހުންނަ އަދި އިސްފިރޭނުތަކެއްހެން އޮޅިފައި ހުންނަ ނަރުވާތަކެއް ހުންނަ ވެލެކެވެ
ބަރަބޯޅަ
ނ )ގ ( ބަރުމަރުކާ
ބަރަކާތް
ނ (1) ފައިދާ (2) އިތުރު (3) މާތް (4) ބާއްޖަވެރިވާ ވުން (5) ކާބޯތަކެއްޗާއި ފައިސާގުނާއިރު އެކެއް ކިޔުމުގެ ބަދަލުގައި ކިޔައި އުޅުނުގޮތް
ބަރަކާތްތެރި
ނއ (1) ފައިދާބޮޑު (2) އިތުރުވުންހުރި (3) މާތްކަންބޮޑު (4) ބާއްޖަވެރި
ބަރަކާތްތެރިކަން
ނއނ (1) ފައިދާ ބޮޑުކަން (2) އިތުރުވާކަން (3) މާތްކަން (4) ބާއްޖަވެރިކަން
ބަރަކާތްތެރިވުން
މ (1) ފައިދާބޮޑުވުން (2) އިތުރުވުން (3) މާތްކަންބޮޑުވުން (4) ބާއްޖަވެރިވުން
ބަރަކާތްލެއްވުން
މ (1) ފައިދާ ދެއްވުން (2) އިތުރު ކުރެއްވުން (3) ބާއްޖަވެރިކުރެއްވުން
ބަރަވެލި
ނ )ސ ( ބަރުވެލި
ބަރަވެލި
ނ ބަރުވެލި
ބަރަފައި
ނ )މ ( ކަކުނީގެ ދާނަދަތްގަނޑު ކަކުނީގެ މެދުތެރޭގައި ހުންނަ ބޮޑުދެދަތްގަނޑު
ބަރަސްކީލި
ނ ބަރައްކީލި
ބަރަޑަބަންގުޅި
ނ ނަހަލާލު ދަރިއަކަށް ލިބޭ ނަހަލާލު ދަރި
ބަރާ
ނ (1) ފުރާދުއްވާ ތަކެއްޗަށް މީހުން ނުވަތަ މުދާ ނުވަތަ މީހުންނާ މުދާ އަރުވައިގެންވާ ބަރާ. (2) ފުރާ ދުއްވާ ތަކެތި ދުއްވަން ހެޔޮވަރަށް ކުރާ ބަރު. (3) ރިޔާ ނެގީމާ ތެދަށް ނުހުރެވޭ ވަރުގެ ހިމަދިގު ދޯނިފަހަރު ތެދަށް ބެހެއްޓުމަށްޓަކައި އެދޯނިފަހަރުގެ މަތި ކިބަފަރާތަށް ދުއްވައިފައި އޮންނަ ދަނޑިއެއްގައި ލައިފައި އޮންނަ ކަނދު
ބަރާ އޮޑިއަކަށް ބިސްމިވެސް ބަރުވާނެ
(މުސްކުޅިބަހެއް) ބަރާވެފައިވާ އުޅަނދަކަށް ކިތަންމެ ކުޑައެއްޗެއް އެރުވިޔަސް ބަރު ބޮޑުވާނެކަން އެނގުމަށް ބުނާބަހެއް
ބަރާބޮޑުވުން
މ މަޖާޒު: މާބޮޑަށް ބަރާވުން