radheef.info
ރަދީފު


ސާލު
ނ ކެހެރި ފޮތި ނުވަތަ މަޚްމާ ފާޑުގެ ފޮތިން ތައްޔާރު ކޮށްފައި އޮންނަ ފޮތިގަނޑެއް މީގައި ފަށުވިން މާޖަހައި ވަށައިގެން ކުރެހުންތައް އަޅައިފައި ހުރެއެވެ
ކެހުން
ނ (1) ނ. ގައިގެ ހަމުގައި އުފެދޭ ހިރުވުމެއް. (2) ހިރުވުން ފިލުވުމަށް އިނގިލިތަކުގެ ކޮޅުން ނުވަތަ އެހެންވެސް އެއްޗަކުން ގައިގެ ހަމުގައި ކޭއްތުން (3) ރާޅު އެއްޗަކުން ތަނެއްގައި ކޭއްތުން. (4) ތޫނު އެއްޗަކުން އެއްޗެއްގައި ކާއްތައިގެން ކުނޑި ނެގުން ނުވަތަ އުނިކުރުން. މިސާލު: )ހ( ކެލާކެހުން. )ށ( އުނބުކެހުން. (5) ފާރުގައި ސިމެންތި ޖަހާއިރުގައްޔާއި ތަޅުން އަޅަމުންދާއިރު އެއްވަރު ކުރުމަށް ސިމެންތިގަނޑު ފަތިގަނޑަކުން ކާއްތައި ހަމަކުރުން (6) އިލޮށި ފައްޗާއި ފިހިގަނޑު ފަދަތަކެތީން ކުނި އެއްކޮށް ސާފުކުރުން މިސާލު: ކުނިކެހުން. (7) ލޮލުގައި ހުންނަ ވަކި ވައްތަރެއްގެ ބައްޔެއް ބޭސްއަޅައިގެން ފިލުވުން. މިސާލު: ފުސްކެހުން. (8) އުޔާއި ބަރަންޏާއި ނަނު ފަދަ ތަކެތި އަތަށް ނުވަތަ އެއްޗަކަށް ދޫދޫކޮށް އޮޅުން. (9) ތަނެއްގައި ހުރި އެއްޗެހިތަކެއް އެއްފަހަރާ ގިނައިން ގެންދެވޭގޮތަށް އަތުން ނުވަތަ އެއްޗަކުން ފަރާތަކަށް ޖައްސައިލުން. )01( ދަމާފޮތިގަނޑެއް ނުވަތަ ފަރުދާއެއްފަދަ އެއްޗެއް މައްޗާއެކު އެއްފަރާތްކޮށްލުން. (11) އެއްޗެއްގެ މަތީ ތޮށި ތޫނު އެއްޗެއް ކާއްތައިގެން ފިލުވުން މިސާލު: ކަނޑޫކެހުން. (21) ނަގިލި ހިލިގެން ދެމެމުން ދިޔުން. މިސާލު: ނަގިލިކެހުން. )31( ހިފައިފައި ހުންނަންވާ އެއްޗެއް ނުހިފައި ކެހެމުން ދިއުން. މިސާލު: )ހ( ފުރޮޅުކެހުން. )ށ.( ރޯލުކެހުން. )41( އެމަށް ފައްތައިފައި އޮތް ދަލެއް އަތްމައްޗަށް ދެމުން މިސާލު: ދާކެހުން )51( ވިލާތައް ފަރާތްފަރާތަށް ޖެހުން މިސާލު: ވިލާކެހުން )61( ކުރުނބާއިން ހެވާ ނެގުން )71( އުސްކޮށް ހުންނަ ފަސްތައް ފަތުރައި އެއްވަރުކުރުން މިސާލު: ފަސްކެހުން )81( ރިޔާ ފަރުމާނު މައްޗަށް ބޮނޑިކުރުން މިސާލު: ރިޔާ ކެހުން )91( )ޏ ސ( ފުނާ އެޅުން މިސާލު: ބޯކެހުން )02( މަޖާޒު: ތުނބުޅި ބޭލުން
ކެނޑުން
މ (1) ގައިގެ ތަނެއް ތޫނު އެއްޗަކުން ކެފުން. (2) ކޮޅަށް ހުރި ގަހެއް ތޫނު އެއްޗަކުން ބުރިކުރުން. (3) އެއްޗަކުން އަނެކައްޗެއް އަޅައިގަންނާނެހެން ތަނެއްކޮށައި އުނިކުރުން. (4) ގަހެއްގެ ފަތެއް މަލެއް މޭވާއެއް ކޯޅިއެއްފަދަ އެއްޗެއް ތޫނު އެއްޗަކުން ވަކިކުރުން. (5) ބައެއް މޭވާ ކެއުމަށްޓަކައި ފަޅިކުރުން ނުވަތަ ބުރިކުރުން. (6) މޫދުމަސް ބޭނުމަށްޓަކައި ފަޅައި ކޮށުން. (7) ވަލެއް ރޮއްޖެއްފަދަ އެއްޗެއް ބުރިކުރުން. (8) ހިސާބުގެ އިޞްތިލާޙުގައި އެއް އަދަދަކުން އަނެއް އަދަދެއް ނެގުން. (9) ބައެއް ގޮވާން ވަނަށް އަޅައިގެން ތަޅައި ތޮށިފިލުވުން. ނުވަތަ ސާފުކުރުން. )01( ތާސްކުޅޭއިރު އަތްބައި ބެހެއްޓުމަށްޓަކައި ގަނޑުތައް އަތްމަތީ ބަހައްޓައިގެން އެއްކޮށްލައި އޮޅުވައިލުން. (11) ވޭވޭހުންނަ ބައެއް ކަންތައްތައް ނުވަތަ ހިނގަހިނގާ ހުންނަ ބައެއްކަންތައްތައް ހުއްޓުން. މިސާލު: )ހ( މުސާރަކެނޑުން. )ށ( ޚަރަދުކެނޑުން. (21) ދެމީހެއްގެ ދެމެދުގައި އޮންނަ ގާތްކަން ނެތިގެންދިއުން. މިސާލު: ގުޅުންކެނޑުން. )31( ވަކި އެއްޗެއް ފެހުމަށްޓަކައި އެއެއްޗަކަށް ބޭނުންވާގޮތަށް ފޮތި ކެފުން. މިސާލު: )ހ( ހެދުން ކެނޑުން. )ށ( ފަޓުލޫނު ކެނޑުން. )41( އެއްކޮށް އޮތް ފޮތިގަނޑެއްފަދަ އެއްޗަކުން ބައެއް ވަކިކުރުން. )51( ތޫނު އެއްޗަކުން ގުނަވަނެއް ނުވަތަ ގުނަވަނަކުން ބައެއް ބުރިކުރުން )61( އެމީހަކު ހުރި ކަމަކުން ވަކިވުން މިސާލު: )ހ( އޮފީހުން ކެނޑުން )ށ( މަދުރަސާއިން ކެނޑުން )71( ބަންދުކޮށްފައި ހުންނަ ބައެއް އެއްޗެހި ހުޅުވުން މިސާލު: )ހ( ސިޓީކެނޑުން )ށ( ފޮށިކެނޑުން
ކެއުން
މ (1) ކާއެއްޗެހި ހަފައިގެން ނުވަތަ ނަހަފާ އަރުން އެތެރެކުރުން (2) ފަޅުރަށްރަށާއި ގޮއިފާލައްބަ ފަދަ ތަންތަން ވަރުވާއަށް ލިއުއްވައިގެން ގެންގުޅުން (3) ހެފުން މަޖާޒު: (4) އެހެން މީހެއްގެ މުދަލުގައި ސިއްރުން ޖެހުން (5) ވަކިވައްތަރެއްގެ ތަކެތި ޤަބޫލުކުރުން މިސާލު: )ހ( ރިޝްވަތުކެއުން )ށ( ރިބާކެއުން
ކެއްޓު
ނ ބައެއް ތަކެތީގެ ބަންޑެލީގެ ތެރޭގައި ހުންނަ ކުދި ބޮނޑިބޮނޑި މިސާލު: )ހ( އުއިކެއްޓު )ށ( ދުންފަތް ކެއްޓު
ކެފުން
މ (1) ތުނިކޮށް ފަތިކޮށްހުންނަ އެއްޗެހި ތޫނު ހަތިޔާރަކުން ބައިކުރުން ނުވަތަ ބުރިކުރުން. މިސާލު: )ހ( ކަތުރުން ފޮއްޗާއި ކަރުދާހާއި ޓިނުފަދަ ތަކެތި ކެފުން. )ށ( ފިޔޮއްސާއި ކަޓަރުފަދަ އެއްޗަކުން އެއްޗެއް ކެފުން. )ނ( ގޭސް ނުވަތަ ލޭޒަރު ފަދަތަކެތިން ދަގަނޑުސީޓު ފަދަ ތަކެތިކެފުން )ރ( އަލިމަސްކަށިން ބިއްލޫރި ކެފުން (2) ހަށިގަނޑުން ބޮޑުކޮށްތަނެއް ކެނޑުން
ކެތްކުރިމީހާއަށް ހޫނުބޮނޑިބަތް
)މިސާލުބަހެއް( ކެތްކުރާ މީހާޔަށް ފަހުން މާ ރަނގަޅު ގޮތްގޮތް ވާނެކަން އަންގައި ދިނުމުގެގޮތުން ބުނެއުޅޭބަހެއް
ކޮށި
(1) އެއްޗެއް ދިރުވައިލެވޭ ގޮތަކުން ނޭވާދަތިވެގެން އަންނަ ކެއްސުމެއް. (2) ގެރިބަކަރި ފަދަ ދިރޭ ތަކެތި ގެންގުޅުމަށް ނުވަތަ އެ ތަކެތި ބަންދު ކުރާން ހަދައިފައި ހުންނަތަން ނުވަތަ އެތި. (3) ގަސްއިންދުމުގެ ބޭނުމުގައި ވަށައި ފުޅަށް އަޅައިފައި އޮންނަތަން. (4) އިހުގައި އެކި ބާވަތުގެ ހެވިކަން ކުރުމަށާއި ބަޑިބޭހުގެ މަސައްކަތް ކުރުމަށް ސަރުކާރުން އުޖޫރަ ދެއްވައިފައި ތިބޭ އެކިއެކި ޖަމާއަތް. (5) އިހުގައި ހެވިކަން ކުރުމަށާއި ބަޑިބޭހުގެ މަސައްކަތް ކުރުމަށް ސަރުކާރުން ކަނޑައަޅުއްވާފައިވާ ބިން. މިސާލު: ބަންޑާރަކޮށި ތުރުކީކޮށި. (6) އަމިއްލައަށް ނުއިނދެވޭވަރުގެ ޅަކުދިން ރައްކާތެރިކޮށް ބޭންދޭގޮތަށް ހަދައިފައި ހުންނަ އެއްޗެހި. (7) ރަޙިމު. (8) އަނދެގެން ހުރި އެއްޗެއް ނުވަތަ ލައިފައިވާ ލިބާހެއް މައްޗަށް އުފުލައިލައި ބޮނޑިކޮށްލާ ކޮށްލުން. (9) ދަމައިފައިވާ ފޮތިގަނޑެއް އެއްފަރާތަކަށް ކަހައިލާ ކަހައިލުން )01( ދިރޭއެއްޗެހިތަކެއް އެއްތާކަށް ބޮޑިވެގަންނަގަތުން (11) ނއ ތޫނު ނޫން (21) ނއ މަޖާޒު: ވިސްނުންދެރަ )31( ނއ ނުފަރިތަ )41( ކޮށައިފައި ހުރި މިސާލު: ކޮށިފޯއް )51( ކއ ފަރުމާނާ ކައިރިއަށް ރިޔާ ޖައްސައިލާ ޖައްސައިލުން )61( ކއ ކައިރިކައިރީގައި ހުންނަ މިސާލު: ގެތައް ހުންނަނީ ވަރަށް ކޮށިކޮށް )81( )ޏ ސ ( ރާއްޖެތެރޭގައި ކުށްވެރިން ބަންދުކޮށް އުޅުނު ތަންތަން )91( "ކޮށުން" މިބަހުގެ ނިމިނިމުނުކަން
ކޮށިން ކުކުޅުހިފުން
)މިސާލުބަހެއް( މާ ތިމާގެ ގާތްމީހަކާ އިނުން
ކޮށު
އ (1) އިހުގައި ވެރިކަމުގެ ފަރާތުން ކަމަކަށް ކުރައްވާ އަމުރު ގަދަކުރުމަށް ޖުމުލަ ނިންމާ އަކުރު މިއަކުރު ބޭނުންކުރަނީ ހަމައެކަނި ލިޔުމުގައެވެ މިސާލު: )ހ( ދީފަނީކޮށު )ށ( މިވެނި ކަމެއްނުކުރަނީކޮށު
ކޮށުން
މ (1) ވަޅި އާއި ފުރޯ ފަދަ އެއްޗަކުން އެއްޗެއް ކުދިކޮށް ކަނޑައި އުނިކުރުން. މިސާލު: )ހ( ފޯއްކޮށުން. )ށ( ދަރުކޮށުން. )ނ( ވަކަރުކޮށުން. (2) ދޫނި ސޫފާސޫތްޕާއި މަސްމަހާމެހި އެއްޗެހީގައި ތުން ތެޅުން ނުވަތަ ތުނބުގެކުރިން ކުއްލިޔަކަށް ހިފުން (3) )ޏ ސ( ވިކައިގަތުން
ކޮނޑުހުރިއަތް ނޭގޭހާބޯކޮށް
)މިސާލުބަހެއް( ވާރޭވެހޭލެއް ބޯކަން އަންގައިދިނުން ބުނެއުޅޭބަހެއް
ކޮނޑުއޮތްފުރޯ ވަލުންހޯދުން
)މިސާލުބަހެއް( ތިމާގެންގުޅުނު އެއްޗެއް ކައިރީގައިއޮއްވާ އެއެއްޗެއް ބޭއްވުނުތަން ހަނދާންނެތިގެން އެ އެއްޗެއް ހޯދާން އެތަންމިތަން ބެލުން
ކޮނުން
މ (1) ހަމަތަނަށްވުރެ އަޑިކުރުން މިސާލު: )ހ( ވަޅުކޮނުން )ށ( ކޯރުކޮނުން (2) މަޖާޒު: ކަމެއްގެ އަޑިހޯދުން
ކޮން
އ (1) އޮޅުން ފިލުވުމަށް ކުރާ ސުވާލުގެ ކުރިއަށް ގެންނަ ލަފުޒެއް މިސާލު: )ހ( ކޮންބައެއް )ށ( ކޮންތާކަށް )ނ( ކޮންއިރަކު (2) ނ ކަނބޯ
ކޮންމެ
ނއ (1) ގިނަ އެއްޗެހިތަކެއްގެ ހުރިހައި ތަކެތި ވަކިވަކިން ބުނެދިނުމަށްޓަކައި ބޭނުންކުރާ ބަހެއް މިސާލު: ކޮންމެ ފޮތެއްގައި ނަންބަރުޖަހާށެވެ (2) ގިނަ ބައެއްގެ ތެރެއިން ހުރިހައި މީހުން ވަކިވަކިން ބުނެދިނުމަށްޓަކައި ބޭނުންކުރާބަހެއް މިސާލު: ކޮންމެ ކުއްޖަކީ ފަތަން ދަންނަ ކުއްޖަކަށް ވާންވާނެއެވެ
ކޮންމެވެސް
)ނއ ( (1) ކުރުމާއި ނުކުރުމުގެ މައްޗަށް ކުރާ އަމުރު ގަދަކުރުމަށް ޖުމުލައިގެ ކުރިއަށް ގެންނަ އަކުރެއް މިސާލު: )ހ( ކޮންމެވެސް އަންނާތި )ށ( ކޮންމެވެސް ނުދާތި (2) އެއްޗެހިތަކެއްގެ ތެރޭން ވަކިއެއްޗެއް ޚާއްޞަނުކޮށް އެކަތި ކަމަށް އިޝާރާތްކުރާ އަކުރެއް މިސާލު: )ހ( ކޮންމެވެސް އެއްޗެއްދެއްވާ (3) ބައެއްގެ ތެރޭން ވަކި މީހަކު ނުވަތަ ވަކިބަޔަކު ޚާއްޞަނުކޮށް އެކަކު ކަމަށް ނުވަތަ ބައެއް މީހުންކަމަށް އިޝާރާތްކުރާ އަކުރެއް މިސާލު: ކޮންމެވެސް މީހަކުއައެވެ
ކޮންތާކު
އ (1) ހުރިތަނެއް އޮޅުން ފިލުވުމުގެ ގޮތުން ސުވާލުކުރަން ބޭނުންކުރާ އަކުރު (2) ތިމާ ދެނަހުރި ކަމެއްގެ ވާހަކަ އަނެކަކު ބުނީމާ އެކަން އެނގިހުރެ އެކަން ގަދަކޮށްލުމަށް ހަމަތިޔަހެންހޭ ބުނުމުގެ ބަދަލުގައި ބުނެއުޅޭ ބަހެއް (3) ތިޔައީ ދޮގެކޭ ބުނުމުގެ ބަދަލުގައިވެސް ހަމަ މިބަސް ބުނެއުޅެއެވެ މިސާލު: މިހާރު ތިޔައުޅެނީ މީހަކާ އިންނަންދޯއޭ ބުނުމުން ކޮންތާކު މީހަކާއި އިންނާކަށް ނޫޅެން
ކޮބާ
އކ (1) ނުފެނިގެން އުޅޭ އެއްޗެއް ވީތަނެއް އެނގޭތޯ ނުވަތަ ކަމެއް އޮޅުން ފިލުވާން ސުވާލުކުރުމަށް ބޭނުންކުރާ އަކުރެއް. މިސާލު: )ހ( މަގޭރުމާ ކޮބާ؟ )ށ( ކަލެއާ ޙަވާލުކުރި ކަންތައް ކޮބާ؟ (2) މީހަކު މިވެނި ގޮތަކަށް ކަމެއް ވެދާނެޔޭ ބުނެފައި އޮއްވާ އަނެކަކު އެބަސް ނާހައި އެކަންތައް ކޮށްގެން ކުރީގައި ބުނިމީހާ ބުނިގޮތަށް ކަންތައްވީމާ އެކަމެއް ކުރިމީހާއާއި ދިމާއަށްބުނެ އުޅޭ ބަހެއް މިސާލު: ކޮބާ މަބުނިގޮތަށް ނޫންހޭވީ (3) ނިކަން މިސާލު: ކޮބާދީބަލާ
ކޮޅު
ނ (1) އެއްޗެއް ނުވަތަ ކަމެއްގެ ނިމޭތަން ނޫނީ ފެށޭތަން (2) ކުޑަކަމާއި މަދުކަމުގެ މާނައިގައި ބޭނުންކުރާ ބަހެއް މިސާލު: )ހ( ގާކޮޅެއް )ށ( އެތިކޮޅެއް (3) ބައެއް އެއްޗިއްސަށް މާތްކުރުމަށްޓަކައި އެތަކެތީގެ ނަމުގެ ފަހަތަށް ގެންނަބަހެއް މިސާލު: )ހ( ހަށިކޮޅު )ށ( ގެކޮޅު )ނ( ފަތްކޮޅު
ކޮޅުފައި
ނ (1) ދަށްފައި (2) ފައިގެ ކުރީކޮޅު ]މިބަސް ކިޔައި އުޅެނީ ފައިގެ އެ ހިސާބުން ކުރާއަމަލަކާ ގުޅުވައިގެންނެވެ މިސާލު: )ހ( ކޮޅުފައިން ޖެހުން )ށ( ކޮޅުފައިލުން