radheef.info
ރަދީފު


ސަ
ނ ހައެއް
ނެރަށް އެރުން
މ (1) ނެރުން ވަދެވޭގޮތަށް ނެރާ ދިމާވުން (2) ނެރުތެރެ ސާފުކުރުމުގެ މަސައްކަތަށް އެސަރަހައްދަށް އެރިއުޅުން
ނެއްޓުން
މ (1) ހަރުވެފައި ނުވަތަ ހަރުކޮށްފައި ހުރި އެއްޗެއް ވަކިކުރުން (2) އަޅުވާފައިހުރި އެއްޗެއް ނެގުން (3) ތަތްކޮށްފައިހުރި އެއްޗެއް ވަކިކޮށްލުން (4) ބޮލުގައި އެޅިފައިވާ ކަމަކުން ރެކިގަތުން (5) އޮޅުލުމުގައި ބައްދާފައިވާ ބެއްދުމުން ސަލާމަތްވުން (6) ނެށުން މިބަސް ކުރުވުމުގެ މާނާގައި ބުނާގޮތް (7) އެޅުވުމުގެ އިދިކޮޅު
ނެތްއޮޑިޔަކަށް ހަޅަނގުވެށުން
މަޖާޒު: ފޯރުންތެރިކަން ނެތި ބޮޑެތި މަސައްކަތްތައް ފަށައިގަތުން
ނޭވާހާސްވުން
މ ކޮންމެވެސް ސަބަބަކާއި ހެދި ނޭވާލާން ދަތިވުން ނުވަތަ ނޭވާނުލެވުން
ނޭވާހިއްލުން
ނ (1) ނޭވާލާން ދަތިވުމުގެ ސަބަބުން ހަށިގަނޑަށް ކެކުޅުން ލިބޭ ބައްޔެއް މިޔަށް "ހިއްލުން" "ދެއްމުން" "ނޭވާޔަށް އުދަގޫވުން" މި ނަންނަމުންވެސް ކިޔައެވެ (2) ނޭވާލުން ދަތިވުމުގެ ސަބަބުން ހަށިގަނޑަށް ކެކުޅުން ލިބުން
ނޮޅި
ނ (1) ގުޑުގުޑާގެ ސިލުނބާއި ފުޅިއާއި ސަދަބު ނޫން ހުރިހާ ބައިތައް (2) ވިޔާއިރު ތޭރިލާން ގެންގުޅޭ ހޮޅިބުރި (3) އުނދުނަށް ފުމޭން ގެންގުޅޭ އޮނުގަނޑު (4) ކާޅާއި މާކަނާ ފަދަ ދޫނިސޫފާސޫފީގެ ކަރު (5) ނޮޅުން މިބަހުގެ ނނކ
ނޯށުންރުއިން
މ (1) ހިތާމައިގެ އަސަރު އެންމެމަތީ ދަރަޖައަށް ކުރުން (2) ހިތާމައިގެ އަސަރު ވަންހަނާ ކުރުން
ނޯބެލްއިނާމު
ނ އިންސާނިއްޔަތަށް ޚިދުމަތް ކުރުމުގެ އެކި ރޮނގުރޮނގުން ޚާއްޞަ ޚިދުމަތްކުރާ މީހުންނަށް އަހަރަކު 1 ފަހަރު ދެވޭ އިނާމެއް. މިއިނާމަކީ އަލްފްރެޑް ނޯބެލްގެ ވަޞިއްޔަތަކާއި ގުޅިގެން ޞުލްހައަށާއި އަދަބިއްޔާތަށާއި ބޭސްވެރިކަމަށާއި ސައިންސްގެ އާހޯދުންތައްފަދަ ކަންކަމަށް ދެވޭ ބައިނަލްއަޤްވާމީ އިނާމެކެވެ
ރަހަބެލުން
މ ދުލުކުރީގައި ޖައްސައިގެން ތަކެތީގައި ހުންނަ ރަހަ އޮޅުން ފިލުވުން
ރަށުބައި
ނ ރަށްފުށުގައި މީހުން ކުރާ މަސައްކަތުން ރަށަށް ނަގައިއުޅުނުބައި
ރަށުމީދާ ރަށަށް ގަދަވާނެ
(މުސްކުޅިބަހެއް) ބީރައްޓެއްސަކަށްވުރެ ރަށުގެ އަހުލުވެރިޔަކު ރަށަށް ފަރިތަވެފައި ބަސްވިކިފައި ބާރުގަދަވާނެކަން އެންގުމުގެ ގޮތުން ބުނެއުޅޭ ބަހެއް
ރަށްބަންދުކުރުން
މ (1) ވަކިމުއްދަތަކަށް ރަށަށް މީހުންއަރާ ފޭބުން މަނާކުރުން (2) ރޯގާބަލިމަޑުކަމުން ރަށް ސަލާމަތް ކުރުމަށް ފަންޑިތަ ހެދުން
ރަށްމަތިންދިއުން
މ ރަށެއްގައި ނުޖައްސައި އެރަށެއްގެ ވައިމަތީ ފަރާތުން ދަތުރުކޮށްފައި ދިއުން
ރަންއަކުރުންލިއުން
މ މަޖާޒު: ހާއްސަގޮތެއްގައި ފާހަގަ ކުރުން
ރަންމަތީލުން
މ ދިރޭރަހަޔާއި އިބްރާހީމު ރަނުގެ ކުނޑިޔާ އޮޑިހަނަކަށް އަޅައިގެން 27 ގަޑިއިރުވަންދެން އެއްކުރުމަށްފަހު ރަންމަތީލާންވީ އެތި އަލިފާނުން ރަނގަޅަށް ދޮންކޮށް ތެޔޮކަނޑުވައިލައި ހިހޫވީމާ ލުނބޯހުތާ ސައިބޯނިއޮށުގެ ފެނުން ލޯނަރު ބުރުސް އަޅައި ރަނގަޅަށް ދޮވެސާފުކޮށްލައި އޭގެފަހުން ރަންމަތީލާއެތީގައި ރަނގަޅަށް އޮޑިހަނުގައި ގާނައިފައި ހުރި ކުނޑިތައް ކުޑަ ފިއްސަކުން ހާކައިލައި އެއްވަރުކޮށް ލުމަށްފަހު އަނެއްކާވެސް އަލިފާން މަތީބާއްވައިލައި ހޫނުކޮށް ލާނެއެވެ. އެއިރުން ދިރޭރަހައިގެ ބައި ދުމަށްވެގެން ހިނގައިދާނެއެވެ. އެއިރުން ރަންކުނޑި ހުންނާނީ އޭގައި ހަރުލައިފައެވެ. ދެންއޭގެމަތީގައި އޮފުއަރުވާކަށި ކާއްތާ އޮފުއަރުވާ ކުރެހުން ނުވަތަ ލިޔުން ގަނޑެއް ނަމަ އޭގެތެރޭގައި ކަށިކާއްތާ އޮފުއަރުވައި ހިކިކޮށް ހުރި އުއްތަން ހަދައިފައި ހުންނަ ބޭހުން އެތިފޮދެއް އޭގެ މަތީގައި ހާކައިލައި އަނެއްކާ އަލިފާނުން ހޫނުކޮށްލާނީއެވެ އޭރުން ހުންނާނީ އޭގެމައްޗަށް ރަންކުލަ އައިސްފައެވެ ދެން ފެންފޮދަކުން ދޮވެލައި ބުރުހުން ސާފުކޮށް ލުމުން ރަންމަތީލެވުނީއެވެ
ރަންދިނުން
މ ކައިވަނީގެ ސަބަބުން ފިރިމީހާގެ މައްޗަށް އަނބިމީހާއަށް ދިނުން ވާޖިބުވާ މުދާ ދިނުން
ރަންގު
ނ (1) ކުލަޖައްސަން ގެންގުޅޭ ޚާއްޞައެއްޗެއް މި ހުންނަނީ ފުއްފުކަށް ނުވަތަ ގަނޑުގަނޑަށެވެ (2) )ހ ( ކައްޓަލަ (3) ރަންގުވެލުގައި އަޅާ އޮށް
ރަކި
ނ (1) މީހުންނާ ކުރިމަތިލާން ފަސްޖެހި ލަދުގަންނަ ލަދުގަތުން (2) ލަދުގަނެގެން ފާޅުވާ އަސަރު
ރަކިވުން
މ (1) މީހުންނާ ކުރިމަތިލާން ފަސްޖެހި ލަދުގަތުން (2) ލަދުގަތުމުގެ އަސަރު ފާޅުވުން
ރަކުޢަތް
ނ ޤިޔާމަކާއި ރުކޫޢަކާއި ދެސަޖިދަ ހިމެނޭގޮތަށް ނަމާދުގައި ކުރެވޭ ޙަރަކާތްތައް