radheef.info
ރަދީފު


ގައި
އ ހާލު ނުވަތަ ތަން ނުވަތަ ވަގުތު ބަޔާންކުރުމަށް ބޭނުން ކުރާ އަކުރެއް މިސާލު: )ހ( ހަތްގަޑި ފަނަރައިގައި )ށ( މޭޒުދޮށުގައި )ނ( ބޭރަށް ހިންގުމުގައި
ހިނދިވަޅު
ނ (1) ލަގޮނޑިވަޅު (2) މޭކަށިގަނޑު ކޮޅުގައި ހުންނަ އަޑިކޮޅު (3) ކަންކަށީގައި ހުންނަ އަޑިކޮޅު ފަދަ ތަންތަން
ހިނދުން
މ (1) ކެކިކެކިފެން ހުސްވުން (2) ދިޔަވަރު އަޑިވުން (3) އޮއްވަޅު ކުޅޭއިރު ހުސްވަޅަކަށް އަތްހުސްވުން މަޖާޒު: ކަމެއް ކުރަމުންގޮސް ގަސްތުކުރި ގޮތަށް ނުވެވި އެކަމެއް ހުއްޓުން (4) ކަނޑުގައި ހިފާވަރަށް ވައިރޯޅި ނެތުން (5) ފުފިފައި ހުރި އެއްޗެއް ހައިވުން (6) ރޮމުން ރޮމުން ނުވަތަ ހެމުން ގޮސް ނޭވާނުލެވޭ ވަރުވުން (7) ދިޔާއެއްޗެހި އާތްވަށް އަރާހުސްވުން
ހިނދޫ
ނ )ބ ( (1) އާރުނުލާވަރުގެ ލަކުޑި (2) ގަސްގަހުގައި ގަންނަޅަވަކި (3) )ޅ ( ޅަނދޮޅު މިސާލު: މިގަހުގެ އެންމެ ހިނދޫ ކުރި
ހިނދޮޅި
ނ ރުކުގައި ހުންނަ ފަނުގެ ބުޑުގެ އެތެރެ ފަރާތް
ހިނގައިލުން
މ (1) ވައިޖައްސައިލާން ނުވަތަ ހިތްފަސޭހަކޮށްލަން ގެއިން ބޭރު ކޮންމެވެސް ތަނެއްގައި ހިނގުން (2) ކަމަކަށް ތާޢީދު ކުރުމުގެ ގޮތުން ނުވަތަ ކަމަކާ ދެކޮޅު ހެދުމުގެ ގޮތުން ގިނަބަޔަކު އެކުގައި ހިނގުން
ހިނގާބިނގާވުން
މ ހިނގައި ޙަރަކާތްތެރިވެ އުޅުން
ހިނގާކޮށި
ނ (1) އެތެރޭގައި ހުރެގެން ދެފަރާތުގައި ހިފަހައްޓައިގެން ހިނގޭނެގޮތަށް ހަދައިފައި ހުންނަ އެއްޗެއް (2) ކުދިންނަށް ހިނގާން ފަރިތަކޮށްދޭން ހަދައިފައި ހުންނަ ބާވަތެއްގެ ގާޑިޔަލެއް
ހިނގާޞަލަވާތް
ނ އިހުގައި ސަރުކާރުގެ ފަރާތުން ޒިޔާރަތް ޒިޔާރަތްދޮށުގައި ކިޔެވި ޞަލަވާތް. މިޞަލަވާތް ކިޔަވައި އުޅުނީ ކޮންމެ ދުވަހަކު ޒިޔާރަތެއް ދޮށުގައެވެ. މާލޭގައި ހުރިހާ ޒިޔާރަތްވަށާ ޖެހުނީމައި އަނެއްކާ ފަށަނީއެވެ މިކަމަށް ގެންދާ ކޭން ކައްކަނީ ކަބާފާނު ގަނޑުވަރުގައެވެ
ހިނގުން
މ (1) ދިރޭތަކެތީގެ ތެރެއިން ހަތަރެސްފައި ހުންނަ ޖަނަވާރާއި ދެފައި ހުންނަ ތަކެތި ފައިގެބޭނުންކޮށްގެން ކޮންމެވެސް ކޮޅަކަށް ދިއުން (2) އިރުހަނދާއި ތަރިތަކާއި ފަލަކުތައް އެނބުރުން (3) މެޝިނާއި އިންޖީނުގެސޯބުތައް އެނބުރި އެނބުރިހުރުން (4) ދުނިޔޭގެ ކަންތައް ވޭވެހުރުން (5) ހެލިހެލި ހުރުން މިސާލަކަށް: ގަޑީގެ ބަރު ހިނގުން (6) ޖައްވީ އުޅަނދުން ބޭރުގައި ހަވާގެ ތެރޭގައި އިންސާނުން އެއްތަނުން އަނެއްތަނަށް ދިޔުން (7) ލެޔާއި ފެންފަދަ ތަކެތި ހޮޅިހޮޅީގައި ނުވަތަ ނާރުތަކުގެ ތެރޭގައި ދައުރު ކުރުން (8) ފެންފެންގަނޑާއި ކޯރުކޯރާއި ކަނޑުގައި ފެނާއި އޮއި ދަތުރު ކުރުން (9) ޢާންމުކޮށް ގަބޫލުކުރުން )01( ހަލުއިކޮށް ވިކުން
ހިނި
ނ (1) ބިންގަނޑުގައި ހަރުކޮނެގެން އުޅޭކުޑަކުޑަ ސޫތްޕެއް މީގެ ބާވަތްތައް ވަރަށް ގިނައެވެ (2) މޫނާއި އަނގައިން ފައުޅުވާ އުފާވެރިކަމުގެ އަސަރު
މިސާލު: ކަލެއަށް ހިނިކު! ހިނިކު
އ )ސ.( ތިޔަކަމެއް ނުވާނޭ ނުވަތަ ނުކޮށްދޭނަމޭ ފޫހީގެގޮތުން ބުނާ މާނައިގައި ބުނާ ބަހެއް
ހިނެވެނި
ނ އަންހެން ބޭފުޅުން އަރިހުގައި އުޅޭ ޚާއްޞަ ޚާދިމާ
ހިނޭޖެހުން
މ (1) ވެލާ ކަހަނބު ފަދަ ތަކެތި ބިސްއަޅައިފައި ބިސްވަޅު ނާންގާން ފަސްގަނޑު އެގޮތް މިގޮތަށް ހޭވުން މަޖާޒު: (2) ބިންމަތީގައި ނުވަތަ ފަސް ފުންޏެއްގައި ބަކައެޅުން (3) ގައިގެ އެތަން މިތާގައި އުނގުޅޭ ގޮތަށް ބައެއްކަހަލަ މަސައްކަތް ކުރުން މިސާލު: ރިހާކުރު ނުވަތަ ދިޔާހަކުރު ފަދަ ތަކެތިން ހިނޭޖެހުން
ހިންނަ
މ މީހުންއުޅޭ ރަށްރަށުގައި ވަރުވާއަށް ލިޔެދެވޭ ގޮތަށް ޚާއްޞަކޮށްފައިވާ ބިންބިން
ހިންމަންތެރި
ނއ (1) ސާބިތުވެހުރުމާއެކު ހިތްވަރުކުރާ (2) ގަސްތުކުޅަ ކަމެއްގައި ކެތްތެރިކަމާއެކު މަސައްކަތްކުރާ (3) ގަދައަށް ހިތްވަރުކުރާ
ހިންމަތްތެރިކަން
ނއނ (1) ސާބިތުވެހުރުމާއެކު ހިތްވަރު ކުރާކަން (2) ގަސްތުކުޅަކަމެއްގައި ކެތްތެރިކަމާއެކު މަސައްކަތް ކުރާކަން (3) ގަދަޔަށް ހިތްވަރު ކުރާކަން
ހިންމުން
މ (1) ތަރާފަތުގައި ގަނޑުލުން (2) ކައްކަން ގެންގުޅޭ ވިރިކެކޭ ތަކެތީގައި ހެދޭ ލޯވަޅު ބެއްދުން
ހިންދުކޮކާބިބީ
ނ ކޮކާބިބީގެ ބާވަތެއް މިއީ ދެއަރިމަތީގައި ހުދުކުލަ ހުންނަ މަހެކެވެ މިމަހުގެ ބޮލުގައި ލޯހުރަސްކޮށް ކަޅުކުލައިގެ ވަރަށް ފުޅާ ރޮނގެއް ދެމިފައި ހުރެއެވެ މަހުގެ ކޮތަރިބައިގައި ހުންނަނީ ރީނދޫ ކުލައެވެ މަހުގެ ދެއަރިމަތީގައި ދެކަތްޕަށް ހުންނަ އަޅިކުލައިގެ ފަނޑު ރޮނގެއް ހުރެއެވެ
ހިންދުދިދަމަސް
ނ ދިދަމަހުގެ ބާވަތެއް މިއީ ފަޅުފަޅާއި ފަރުފަރުގައި އުޅޭ މަހެކެވެ މިމަހުގެ ތަލަމައްޗާއި ލޮލުގެ މަތީފަރާތުން ކޮޅަށް އޫކޮށް އުފުލިފައި ހުންނަ އުފުލުންތަކެއް ހުރެއެވެ މަހުގައި ހުންނަނީ ހުދުކުލައާއި މުށިކުލައެވެ
ހިންދޫރަތިކި
ނ ހިންދީ ދީނުގެމީހުން ނިތްކުރީގައިޖަހާ ހިންދޫރައިގެ ތިކި