radheef.info
ރަދީފު


ތުން
ނ (1) އިންސާނުންގެ ތުންފަތް. (2) ނާޅި ލާހި ފުޅިފަދަ ތަކެތީގެ އަނގަމަތީގެ ކައިރިފަށް (3) ދޫނިސޫފާސުއިތްޕާއި މަސްމަހާމެހީގެ ތުންގަނޑު (4) ކިރުބޯފުޅިން ކިރުދެމުމަށް ރަބަރުން ހަދައިފައިހުންނަ އެތި (5) ކުދިން މަސަލަސްކުރަން ބޯންދޭން ރަބަރުން ހަދައިފައި ހުންނަ އެއްޗެއް (6) ދުންބޯނޮޅިފަދަ ތަކެތީގެ ކޮޅުގައި ޖަހައިފައި ހުންނަތަންކޮޅު (7) ނަރުކެނޑިއާއި ހަނޑަސްފަދަ ތަކެތީގެ ކުރީކޮޅު (8) ފުޅިބައްތީގެ ފީތާލާން ހަދައިފައިހުންނައެތި (9) ކޮތަޅާއި ގޯނިފަދަ ތަކެތީގެ އަނގަމަތި )01( ވައިޖަހައިގެން ފުއްޕާ ތަކެތީގެ ވައިޖަހާތަން
ރަށްމަތިންދިއުން
މ ރަށެއްގައި ނުޖައްސައި އެރަށެއްގެ ވައިމަތީ ފަރާތުން ދަތުރުކޮށްފައި ދިއުން
ރަށްމެދު
ނ އިހުގައި ރައްޔިތުންގެ ކަންތައް ކުރާން މީހުންއެއްވާ މައިދާން
ރަންކަނިބުރުން
މ (1) ލޯމަތިން ރަންކަނިތަކެއް ފަދަ އެއްޗެހިތަކެއް ފެންނަގޮތްވުން (2) ބޮލަށް ބާރުކުރާގޮތަށް އެއްޗަކުން ޖެހުމުން ލޮލުގެ ކުރިމަތިން އަލިކޮޅުކޮޅު ފެނުން (3) މަޖާޒު: ރުޅި އައިސްފައިވާލެއް ބޮޑުކަން ބަޔާން ކުރުމުގެ ގޮތުން ބުނާ ބަހެއް
ރަންދިކަނބާ
ނ ރަދުންގެ އަންހެން ބޭފުޅުންނަށް ދައުލަތުން ދެއްވާ ކޮލީ ނަމެއް
ރަންޒަމާން
ނ ހަމަޖެހުމާއި ތަނަވަސްކަމާއި ރަށްވެހިކަމުގެ ގޮތުން ކުރިއަރާފައިވާ ޒަމާން
ރަކި
ނ (1) މީހުންނާ ކުރިމަތިލާން ފަސްޖެހި ލަދުގަންނަ ލަދުގަތުން (2) ލަދުގަނެގެން ފާޅުވާ އަސަރު
ރަކިވުން
މ (1) މީހުންނާ ކުރިމަތިލާން ފަސްޖެހި ލަދުގަތުން (2) ލަދުގަތުމުގެ އަސަރު ފާޅުވުން
ރައިފަލު
ނ އަތްމަތީގައި ގެންގުޅެވޭ ގޮތަށް ހަދައިފައި ހުންނަ ބަޑީގެ ޚާއްޞަ ބާވަތެއް: މިބާވަތުގެ ބަޑީގެ ވަޒަން ނުކުމެގެން ދާހޮޅީގެ އެތެރެ ހަދައިފައި ހުންނަގޮތުން ބަޑިން ނުކުމެގެންދާ ވަޒަންދާނީ ވަކިގޮތަކަށް އެނބުރެމުންނެވެ. މިބާވަތުގެ ބަޑީގެ އޮޓޮމެޓިކް ވައްތަރުތަކާއި އޮޓޮމެޓިކްނޫން ވައްތަރުތައްވެސް ހުރެއެވެ
ރައްކައުތެރިވުން
މ (1) ސަލާމަތްވުން (2) ޙިމާޔަތްތެރިވުން (3) ނުރައްކަލެއްނެތުން
ރައްކަލެ
ނ )ގ ( ރީނދޫކުލައިގެ ކުޑަމަހެއް ދެފަރާތުން ކުރެ ކޮންމެ ފަރާތެއްގައި ކަޅުތިއްކެއް ހުންނާނެއެވެ
ރައްކާބައިން
ނ (1) ފަލީގެ ދުލުން މެއްކަށް އައްސައިފައި ހުންނަ މާރު (2) ހުންގާނުގައި އޮޅައިފައި ދެފަރާތުންގެނެސް އައްސައިފައި ހުންނަ މާރު (3) މީހަކު ގެއްލުމަކުން ސަލާމަތްކުރުމަށްޓަކައި ރައްކައުތެރިކުރުވުމުގެ ގޮތުންއަޅާ ކަމަރު (4) ގޮނޑީ ކަމަރު
ރައްކޯބައިން
ނ )ސ ( (1) ރިޔާ ކުނބުކުރީގައި ގެއްސުމަށް ހަންޖާވާންކުރާއިރު ދެހަންޖާއެއްކޮށް އަތްފޯރާ ހިސާބުގައި ބަންނަވާފަށް (2) ގުޅިރުއްކަނޑާއިރު ރުކާއެއްކޮށް އުނަގަނޑުގައި ބައްދާވާފަށް (3) މަޖާޒު: ބައެއްޒާތުގެ ކަންކަމުގައި ރައްކާތެރިކަމުގެ ގޮތުން އަޅާ ފިޔަވަޅު މިސާލު: މިރުސްގަސް ފަދަ ގަސްގަސް އިންދައިފައި އެތަންވަށާ ދަމާފަށް
ރައްދުވުން
މ (1) މީހަކު މީހަކަށް ދިންއެއްޗެއް އެ މީހަކަށް ލިބުން (2) މަޖާޒު: ޒިނޭކުރުން (3) )ސ ( އަތުންހެލުން
ރައްޔިތުގެ
ނ ރާއްޖޭގެ ރަށްރަށުގައި ރައްޔިތުންގެ ކަންތައްތައް ހިންގައި އުޅުނު ގެ
ރަވޯ
ނ ކުޑަކުދިންނާ ފޮށިގަންނަކަމަށް ބުނާ ދެތްވެއް މީގެ އުނދަގޫ ޖެހުމުން ކުއްޖާ ބަލިވެއުޅެން ފަށައެވެ މަތިބަލައި ރޮއިހަދައެވެ ބޮޑުވުން ހުއްޓި ކަޅުކަޅީގެ ކުލަ ހުދުވެއެވެ ބޯބޮޑުވެ ގާތުން ކިރު ނުބޯންއުޅެއެވެ މިބަލިޖެހިފައިތިބޭ ކުދިންނަށް ރަވޯ ކައިފައިތިބޭ ކުދިންނޭ ކިޔައެވެ
ރަމަންކެހުން
މ ބޯބާލާފައި ކުރަފަތުން މިލަ ކަހާ އޮމާން ކުރުން
ރަސޫލުބޭކަލުން
ނ މާތް ﷲ ގެ ހަޟުރަތުން ޝަރީއަތަކާއި ފޮތެއް ބާވައިލެއްވި ބޭކަލުން
ރަސޫލުކަން
ނ މާތް ރަސްކަލާނގެ ހަޟުރަތުން ޝަރީޢަތަކާއިގެން ފޮނުއްވި ފޮނުއްވުން
ރަސް
ނއ (1) ރަސްގެފާނަށް ނުވަތަ ރަސްކަމަށް ނިސްބަތްވާ (2) މޮޅު މިސާލު: ރަސްއައިން (3) އެންމެބޮޑު މިސާލު: ރަސްމަގު (4) އެންމެ ލޯބިވާ މިސާލު: މަގޭ ރަސްދަރިފުޅު (5) ނ ފަސްއޮށްކުޅޭއިރު ވިދިވިދިގެން ހަތްލަނޑުދިނީމާ ނުވަތަ ހުސްފުށަތުން ލާއިރު އޮށްބައި އެކަށް ހިފުނީމާ ކިޔާނަން
ރަސްހަކުރު
ނ އިހުގައި ރާވެރިން އަތުން ކާރުދަވެރިން ސަރުކާރަށް ނެގި ހަކުރެއް