radheef.info
ރަދީފު


ދޯނި
ނ މަހަށްދިއުމަށާއި އެއްރަށުން އަނެއްރަށަށް ދަތުރުކުރުމަށް ބަނދެފައި ހުންނަ އުޅަނދެއް
ފެންބަތްމަތާ
ނ )ރ ( ރިޔާ ދޯނިފަހަރުގެ އެންމެ ދިރުނބާކޮޅުން ނަގާ ޖީބުރިޔާ ނެގުމަށް ދޯނީގެ ކުރިޔަށް ނެރެފައި އޮންނަ ދަސްތޫރަޔަށް ގަދަކުރުމަށް ޓަކައި ދޯނީގައި އެއްކޮޅުން ވިއްދައި އަނެއްކޮޅު ވަލުގައި ވިއްދައިފައި ހުންނަ ދަނޑިގަނޑު
ފެންކަފާފައިދިއުން
މ އޮޑިދޯނިފަހަރު ފަދަ ތަކެތި ދުވެފައިދާއިރު އެތަކެތީގައި އަޅައިގެންފައި ކަނޑުގެ ލޮނުގަނޑު ދެފަރާތަށް ދިއުން
ފެންއެރުން
މ (1) ބިމުން ނުވަތަ އިސްކުރެއް ފަދަ އެއްޗަކުން މައްޗަށް ފެން އައުން. (2) ފޮޅު ބިހިފަދަ އެއްޗެހީގެ އެތެރޭގައި ފެން އުފެދުން. (3) އޮޑިދޯނިފަހަރުގެ މަތިކަން މަތިން އެތެރެއަށް ލޮނު އެޅުން. މިއީ ދިޔަބޮޑުވުމުގެ ސަބަބުން ނުވަތަ ދުއްވައިފައި ދާއިރު ކަނޑު ގަދަވުމުގެ ސަބަބުން ދިމާވާގޮތެކެވެ (4) )ޏ ސ ( ކުޑަކުދިންގެ ރޫފަޖެހުން
ފެންވަރު
ނ (1) އޮޑިދޯނިފަހަރުގެ ނުބީހޭވަރުގެ ދިޔަވަރު (2) ދަރަޖަ (3) މަޤާމު (4) ހުރި ހިސާބު (5) އެއްޗެއްގައި ހުންނަ މޮޅު ދެރަމިން (6) ޤާބިލިއްޔަތު
ފެންފުޅަފި
ނ މަސްދޯނިފަހަރުގައި މަސްއައިނަށް ފެން އުކުމަށް ގެންގުޅޭ އެއްޗެއް. އާއްމުކޮށް މިހަދައިފައި ހުންނަނީ ރުކުގެ ފުޅަފިންނެވެ
ފެންލުން
މ (1) އޮޑިދޯނިފަހަރަށް ބޯފެން އެރުވުން. (2) އެއްޗެހި ދޮވެފައި ސާފުފެންލުން (3) މަސްބާނާއިރު ބުޅިޔަށް ފެންއުކުން (4) ވުޟޫ ކުރާއިރު ބައެއް ގުނަންތަކުގައި ފެންއުނގުޅުން
ފެންގާގަނޑު
ނ އޮޑިދޯނިފަހަރުގައި ބޯފެން އަޅައިފައި ހުންނަ އެތި
ފެޔަށްޖެހުން
މ (1) ދުރަށް ޖެހުން (2) އޮޑިދޯނިފަހަރު އެއްޗަކާ ނުވަތަ ތަނަކާ ދުރަށް ގެންދިއުން
ދަށްބޭރުގައިޖެއްސުން
މ ރަށްރަށާއި ފަރުފަރާއި ފަޅުފަޅުގެ ވައިދަށް ފަރާތު ބޭރުގައި އޮޑި ދޯނިފަހަރު އެޅުން
ދަށްކިބާކެޔޮޅު
ނ މަސްދޯނިފަހަރުގެ ވައިދަށްފަރާތުގައި ހުރެގެން ދޮށިއަޅާ ކެޔޮޅު
ދަށްއޮޑި
ނ އޮޑިދޯނިފަހަރުގެ އިހި އަޅާ ހިސާބުން ތިރި
ދަށްމަޅު
ނ އޮޑިދޯނިފަހަރުގެ ކޮޅުފަހުގެ މަތިމަޅާޖެހިގެން ތިރިކޮށް އޮންނަ މަޅު
ދަނޑިމަސް
ނ (1) މަސްދޯނިފަހަރު ވަކިވަރަކަށް މަސްބާނައިގެން އައިމާ އެބޭނިމަހުން ގަނޑުވަރުތެރެއަށް ގެންދާމަސް މިމަސްގެންދާ ގޮތަކީ ތިންމީހުން ތިންދޮށީގެ ބުޅީގައި މަސް އަޅުވައިގެން ތިންދޮށި ކޮނޑުމަތީގައި ބާއްވައިގެން ކޮންމެ މީހަކު އެމީހަކު ދޮށީގެ ބުޅީގައި އަޅުވައިފައި އޮންނަމަހުގެ ނިގޫފަތުގައި ހިފައިގެންނެވެ (2) ޚާއްޞަގޮތްގޮތުން ދޯނިފަހަރުންދޭ މަސް
ދައްސޫރަ
ނ (1) އޮޑިދޯނިފަހަރުގެ ތުންމަތި ރިޔާނެގުމަށް ދިރުނބާކޮޅު މައްޔަލާ ދިމާއިން ބޭރަށް ނެރޭ ފަލަދަނޑިއެއް (2) ބައްތެލިދޯނީގެ ދިރުނބާކޮޅުމައްޔަލުގެ ބޭރަށް ނެރެފައި ހުންނައެތި މިހަދައިފައިހުންނަނީ ލޮއިންނުވަތަ ކުރެދިންނެވެ
ދަތުރުއޮޑި
ނ (1) ދަތުރުކުރަން ތައްޔާރުކޮށްފައި ހުންނަ އުޅަނދުފަހަރު (2) މީހުންނާއި މުދާ އުފުލާއޮޑި (3) ދަތުރުކުރަމުންދާ އޮޑި ނުވަތަ ދޯނި
ދަތުރުދޯނި
ނ (1) ދަތުރުކުރުމަށް ތައްޔާރުވެފައި އޮންނަ ދޯނި ނުވަތަ ދަތުރު ކުރަމުންދާ ދޯނި (2) މީހުންނާއި މުދާއުފުލާ ދޯނިފަހަރު
ދާވާލުން
މ (1) ރިޔަލުގައި ދަތުރުކުރާ އުޅަނދު އަރިކޮށްލައިފައިދާ ދިއުމުގައި ދަށްކިބާ މަތިކަންމަތިން ފެންއެރުން މިސާލު: އެދޯނިއެދަނީ މަތިކަންދާވާލައިފައެވެ (2) ލަކުޑިގަނޑެއް ކީހަން ކީސް އަޅައިލުން (3) ސަމާސާ ގޮތުގައި އަނެކަކާ ދިމާކޮށްލުން (4) އަޅައިގަނެގެން އުޅުން
ދިހާރު
ނ (1) ދިޔަހަރު (2) މަސްދޯނިފަހަރުގެ ބުޑުވަކުގައި ކަނޑައިފައި ހުންނަ އުނގުރި ވަޅުގައި ޖަހާ އުނގުރި
ދިރުނބާ
ނ (1) އޮޑިދޯނިފަހަރުގެ މުލައްގަނޑު (2) ފުރާދުއްވާ ތަކެތީގެ ކުރީކޮޅު
ދިއްގާ
ނ ރީނދޫކުލައިގެ މަލެއް އަޅާހިޔާބޮޑު ގަހެއް. މީގެލަކުޑި އޮޑިދޯނިފަހަރު ބަނުމަށާއި ދަރަށް ބޭނުންކުރެއެވެ މީގެވަރަށް ގިނަވައްތަރުތައް ހުރެއެވެ މިސާލު: )ހ( ފެންދިއްގާ )ށ( ވެޔޮދިއްގާ )ނ( ކަށިދިއްގާ