radheef.info
ރަދީފު


ދޫ
ނ (1) އިންސާނުންގެ އަނގައިގެ ތެރޭގައިވާ ވާހަކަދެއްކުމަށް އެހީވެދޭ ގުނަވަން. (2) ރަހަބެލުމުގެ ގުނަވަން. (3) ގޮނޑި އަލަމާރި މޭޒު ދޮރު ދޮރުފަތްފަދަ ތެދުއުއިވަޑާމުގެ ތަކެތި ހެދުމުގައި އެއްބައި އަނެއް ބަޔަށް މެހުމަށް ވަށައިގެން ކަނޑައި ކޮޅުން ނެރެފައި ހުންނަ ތަންކޮޅު. (4) ތަޅުލުމަށާއި ހުޅުވުމަށް ތަޅާއި ތަޅުދަނޑީގައި ހުންނަ ތަންކޮޅު. (5) ވައިޖަހާ އެއްޗިއްސަށް ވައިވައްދަން ހުންނަ ތަންކޮޅު. (6) ބާރު މިބަހުގެ ހަތަރުވަނަ މާނައިގެ އިދިކޮޅު (7) ވާން މިބަހުގެ އިދިކޮޅު (8) ފަލިތަންޑުގެ ކޮޅުގައި ފެނުގައި އެޅުވުމަށް ހަރުކޮފައި ހުންނަ ފިލާކޮޅު (9) ރަށް
ކޮކާބިބީ
ނ ބިބީގެ ބާވަތެއް. މަހުގެ ދެއަރިމަތީގެ ކުލައަކީ ހުދުކުލައެވެ. ދެއަރިމަތީގައި ދެކަތްޕަށްވާ ގޮތަށް އަޅިކުލައިގެ ރޮނގުތަކެއް ހުރެއެވެ. މަޑުކޮތަރިބައިގެ މަތިން ފެށިގެން މަހުގެ ލޯހުރަސްކޮށް ބަނޑުދަށް ފަރާތުގެ ކޮތަރިބައިގެ ނިމޭ ހިސާބަށް ކަޅުކުލައިގެ ފުޅާ ރޮނގެއް ހުރެއެވެ މަހުގެ ނިގޫ ކޮޅުގައި ހުންނަނީ ރީނދޫކުލައެވެ
ކޮވެލި
ނ ކާޅާ ވައްތަރު ދޫންޏެއް މީގެ ތުން ކުރުވެފައި ލޯރަތްވާނެއެވެ މީތި ބިސްއަޅާނީ ކާޅު ހާއްޔަށެވެ މީގެ ފިރިހެން އެއްޗެހި ތިބޭނީ ކަޅުކޮންނެވެ އަންހެން އެއްޗެހި ތިބޭނީ ހުދު ތިއްތިއްޖަހާފައެވެ
ކޮވެލިފާނަ
ނ (1) ފާނައިގެ ބާވަތެއް މިއީ ފަރުފަރުގެ މުރަކަތަކުގެ ނިވަލުގައި އުޅޭ މަހެކެވެ މަހުގައި ހުންނަނީ ދިއްލިފައި ހުންނަ ރަތްނާރިނގު ކުލައެވެ ބޮލުން ފެށިގެން މުޅި މަހުގައި ނޫކުލައިގެ ކުދިކުދި ތިކިތަކެއް ހުރެއެވެ ކަންފަތުގެ ފަހަތުކޮޅު ހުންނަނީ ރީނދޫ ކުލައެއްގައެވެ (2) ބުޅަލަފާނަ
ކޮތަނބިރި
ނ ހަވާދުގެ ބާވަތެއް މިއީ އަސޭމިރުސް ފުކެއްވަރަށް ވައްކޮށް މަޑުރީދޫކުލައިގައި ހުންނަ ފުކެކެވެ މީގެ ގަހުގެ ފަތުގެ ކުލަ ހުންނަނީ މަޑުފިޔާތޮށި ނުވަތަ ހުދުކުލައިގައެވެ މިގަހުގެ މާ ހުންނަނީ ބޮނޑިކޮށެވެ
ކޮތަރިރީނދޫދަންބޮޑު
ނ ދަންބޮޑުގެ ބާވަތެއް މިއީ ބުރަކަށިމަތީ ކޮތަރިބައިގެ ހަރުކަށިތައް ރީނދޫ ކުލައިގައި ހުންނަމަހެކެވެ ކަރުތާފަތުގެމަތީ ކައިރިފަށުގައި ކަޅުކުލައިގެ ލަފެއްހުރެއެވެ މަހުގެ ކުލައަކީ މަޑުރަތްކުލައެވެ ހުޅުނބުތަކުގެ ކައިރިފަށް ހުންނަނީ ގަދަ ރަތްކުލައިގައެވެ
ކޮތަރު
ނ ދޫނީގެ ބާވަތެއް މިއީ ފައިކުރު ބޯކުޑަ ކަރުދޮށަށް ރީތި ކުލަކުލައަރާ ފިޔައިގެ ބާރުގަދަ ދޫންޏެކެވެ މިޢާންމުކޮށް ހުންނަނީ ހުދުކުލައިގައާއި މުށިކުލައިގައާއި އަޅިކުލައިގައެވެ
ކޮތަޅުހެދުން
މ އެތެރޭގައި ހުރިއެއްޗެއް މަދުވެގެން ދޫވެ އެލުން މިސާލު: ގައިގެހަންދޫވެ ހަމުގައި ކޮތަޅު ހެދުން
ކޮޑަދީތެލި
ނ )ސ ( ކުޑަދޫ
ކޮޑަދޭތެއްލާ
ނ )ގ ( ކުޑަދޫ
އަހިފަތުކަހަނބު
ނ )އ ( އަހިގަހުގައި އުޅޭ ފަތާއި އެއްކުލައިގެ ދޫންޏެއް
އަހިގަހުބަޅިނދު
ނ ރީނދޫ ކުލައެއްގެ ބަޅިނދެއް މި ގިނައިން އުޅެނީ އަހިގަސް ގަހުގައެވެ
އަނދިރި
ނ (1) އަލިކަމުގެ އިދިކޮޅު (2) ދޮންދޫނީގެ ބާވަތެއް މިހުންނާނީ ދޮންދޫންޏަށްވުރެ ކަޅުކޮންނެވެ ނއ (3) އަލިކަންނެތިފައިވާ
އަނދިރިއަނދިރީން
ނ ދިވެހިރާއްޖެ ޕޯޗްގީޒުން ހިފައިގެން އުޅުނު ދުވަސްވަރު ރަސްކަމުގައި ހުރި މަޝްހޫރު ގޯވާ ކަޅުފަރަންޖީ. އެއީޚާންޒީދިކަމަނާގެ ބޮޑުމުޙައްމަދެވެ. މީނާވިހައި ބޮޑުވީ ގާފަރު ކަޅުފާށިނާ ތަކުރުފާނުންގެ ބެލުންދަށުގައި ހުވަދޫ އަތޮޅުގައެވެ. އެދުވަސްވަރު ރަސްކަމުގައި އިންނެވީ މަޝްހޫރު ބުރަކިރަނީންނެވެ. ބޮޑުވިފަހުން މާލެއަންނަމުން ފިލައިގެން ގޯވާ އަށްގޮސް އިސްލާމްދީން ދޫކޮށް ޣައިރުދީނުގައިހުރެ ދިވެހިރާއްޖެއާތޮޅޭން ތިންފަހަރުމަތީން އައިސް އެއިރު ރާއްޖޭގެ ރަސްކަމުގައި ހުންނެވި އައްސުލްޠާން ޢަލީ )6 ވަނަ( އިބުނު އަލްވަޒީރުލް އައުޒަމް ޢަބްދުއްރަޙުމާން ސިރީ އައުދަސިޔާކަ ކައްތިރިމަހާރަދުން ޝަހީދުކޮށް ރަސްކަމަށް ވެރިވީއެވެ މީނާމަރުއްވައި ރާއްޖެ އިސްލާމް ކުރެއްވީ އައްސުލްޠާނުލްޣާޒީ މުޙައްމަދު ތަކުރުފާނުލް އަޢުޡަމް ސިރީ ސަވާދީއްތަ މަހާރަދުންނެވެ މީނާ ރަސްކަންކުރީ 569ހ އިން 189ހ އަށެވެ އެއީ ގާތްތަނޑަކަށް ސޯޅައަހަރުވާދެނެވެ
އަނގައިން އަނގަޔަށްއެޅުން
މ (1) ދޫނިސޫފާސޫފި އަނގަޔަށް ކާތަކެތި އަޅައިގެންގޮސް ޅައެއްޗެހީގެ އަނގަޔަށް އަޅައިދިނުން (2) މަޖާޒު: ވިސްނައިދިނުމަކާ ނުލައި އެއްޗެއް ކިޔައިދީ ދަސްކޮށްދިނުން
އަނގައޮރިކުރުން
މ (1) ތިރީތުންފަތު ދަށަށް ދޫލައްވައިފައި އަޑެއް ގޮއްވުމާ އެކުއަނގައިން ވައްތަރެއް ޖެއްސުން (2) މީދާގޮއްވާ ޚާއްޞަ އަޑެއް
އަނގަފުޅެއްއޮތުން
މ މީހުނަށް ދޫނުކޮށް ވާހަކަދައްކާން ފެށީމާ މަލާމާތުގެ ގޮތުން ބުނާ ބަހެއް
އަނގަލަ
ނ ތޮށިމަތީ ގައުގަލުގެ ދަށުގައި އުޅޭ ކުޑަވަރުގެ މަހެއް މީގެ ނަގޫފަތް ކައިރީގައި ރީނދޫކުލައިގެ ބަންދެއްހުރެފައި ނަގޫފަތުގެ މަތީކައިރީގައި ދެކަށި ހުންނާނެއެވެ
އަންމަލްތާސް
ނ ރީނދޫކުލައިގެ ބޮޑެތި ދިގު މައުކޯޅިތައްނުކުންނަ ބިޔަވާގަހެއް. މިގަހުގެ ތޮޅިޔަކީ ޖުއްލާބުވާ މޮޅުބޭހެކެވެ
އަރަފާތުކޮތަރު
ނ ޅިނދުމަތީގައި ކަޅުކުލައިގެ ބަންދެއް ހުންނަ ކަރުދޮށަށް ރީނދޫ ދިހުން ކުލައަރާ އަޅިކުލައިގެ ކޮތަރެއް މިކޮތަރު ގިނައިން އުޅެނީ މައްކާ ޙަރަމްފުޅު ތެރޭގައެވެ
އަބާބީލުދޫނި
ނ ކަޅުކުލައިގައި ބަނޑުދޮށް ހުދުކޮށްތިބޭ ކުދިދޫންޏެއް މިގިނައިންއުޅެނީ މައްކާ ޙަރަމްފުޅުގެ ތެރޭގައެވެ