radheef.info
ރަދީފު


ދުން
ނ (1) ބައެއް އެއްޗެހި އަނދާއިރު ހުޅުގަނޑުގެ މަތިން ވައިގެ ތެރެއަށް އަރައިގެންދާ ގަދައަޅިކުލައިގެ ނުވަތަ ކަޅުކުލައިގެ ގޭސް (2) ދުން އެޅުމަށްޓަކައި ތައްޔާރުކޮށްފައި ހުންނަ މީރުވަސް ދުވާތަކެތި (3) )ބދ ( ބުޅާ
ބޮޅު
ނ (1) ވަށްކޮށް ދެކޮޅު ޖައްސައިފައި އޮންނަފަށް. (2) ރިހާކުރާއި ކަރު ހަކުރު ފަދަ އޮލައެއްޗެހި އިނގިޔަށް އޮޅައިލައިގެން ނެގޭމިންވަރު. (3) އުޔާއި ފަށުތްވާއި ބާދަލާފަދަތަކެތި އެކިމިންވަރަށް އޮޅައިފައި އޮންނަ ފަށްތައް މިހުންނާނީ މެދުން ގޮށެއް ޖަހައިލައިފައި ނުވަތަ އެއްޗަކުން އައްސައިލައިފައެވެ
ބޮކަރު
ނ (1) މީރުވަސްދުވާ ލަކުޑިއެއް މިއީ ދުންއެޅުމަށާއި ބޭހަށް ބޭނުންކުރާ އެއްޗެކެވެ މިހުންނަނީ ކަޅުރަތްކުލައަކަށްދާ ކުލައެއްގައެވެ މިއީ އަތަރު ހެދުމަށް ބޭނުންކުރާ ލަކުޑިއެކެވެ
ބޮކަރުމާ
ނ (1) ތާޅަފިއްޔެއްގޮތަށް ހުންނަ ރީނދޫކުލައިގެ މަލެއް މިމަލުގެ ތަނޑާވީ ކޮޅަށް ހިމަވެފައި މަލުގެ ކުރީގެ އެތެރެއަށް ހުންނަ ބައިފުޅާވާނެއެވެ މިބަޔާއެއްކޮށް މަލުގައި ފަސްފިޔަ ހުރެފައި އެއްފިޔަ އަނެއްފިޔައަށް ހުންނާނީ ވަކިވެފައެވެ މިމަލުގައި ބޮކަރު ވަހާގާތް މަޑުލުއި މީރުވަހެއް ދުވައެވެ މިގަހުގެ ފަތަކީ އަރިމަތީގައި ވަރަށް ގިނަ ތުނޑުލައިފައި ކޮޅަށް ތޫރިކޮށް ހުންނަ ހިމަދިގު ފަތެކެވެ (2) ތުނި ފޮނިތޮށިހެން ހުންނަ ބޮކަރުވެސް ދުވާ އެއްޗެއް މިއީ ދުން އަޅާން ގެންގުޅޭ އެއްޗެކެވެ
ބޮލިބަނުން
މ (1) ބޮލިންކޮއްޓޭ ހެދުން (2) އޮޅިމެދު ރަށްރަށުން އަހަރުއަހަރަށް ދޭންވާބޮލި ހަނގުބޭކަލުން ދުރުވެ ނެންގެވުން
ބޮލިކެއުން
މ ފިހިގެން ކައިއުޅޭ އެއްޗެތި ފިހުމުގެ ތެރޭގައި ކާންކަމުދާ ވަރަށް އެނދުން
ބޮލިމަލާފަތަށްނެށުން
މ ދިވެހިސަގާފީ ނެށުމެއް މިނެށުން ނަށާނީ ކުޑަލޯމަލާފަތަކަށް ބޮލި އަޅައިގެން ލަވަޔަކަށް ހަމަވާނޭހެން އެތަޅުވަމުންނެވެ މިނެށުން ނަށާނީ އަންހެނުންނެވެ ނުވަތަ ފިރިހެނުން އަންހެން ހެދުން އަޅައިގެންނެވެ
ބޮޑުހިތި
ނ (1) އިހުގައި ރަސްކަމުގެ ފަރާތުން ރަސްމީގޮތުން ފާހަގަ ކުރާ ދެދުވަހާއި އެދެދުވަހުގެ ރެއަށް ކިޔާ އުޅުނު ނަމެއް. ރަމަޟާންމަހުގެ ބާވީސް ވަނަ ދުވަހަކީ ހެންވޭރު ބޮޑުހިތި ދުވަހެވެ. އެދުވަހުގެ ރެއަކީ ހެންވޭރު ބޮޑުހިތި ވިލޭރެއެވެ. ރަމަޟާންމަހުގެ ސައުވީސް ވަނަ ދުވަހަކީ މާފަންނު ބޮޑު ހިތި ދުވަހެއެވެ. އެދުވަހުގެރެއަކީ މާފަންނު ބޮޑުހިތި ވިލޭރެއެވެ. ހެންވޭރު ބޮޑުހިތި ވިލޭރޭ ރަދުން ރަސްމީ ޢިއްޒަތުގައި ހިއްޗަށް ވަޑައިގަންނަވާނީ ލޮނުޒިޔާރަތްކޮޅުގައި ހުންނަ ޙަބުޝީގެފާނުގެ މަޤާމުފުޅަށް ޒިޔާރަތްކުރައްވައި ފާތިޙާ ވިދާޅުވާށެވެ. މާފަންނު ބޮޑުހިތިވިލޭރޭ ރަދުން ޢިއްޒަތުގައި ވަޑައިގަންނަވަނީ ޢަލިރަސްގެފާނުގެ ޒިޔާރަތަށް ފާތިޙާ ވިދާޅުވާށެވެ. (2) މާލެއަތޮޅުގެ ފަޅުރަށެއް (3) އާދައިގެ ހިތިގަސް
ބޮޑުހުޅު
ނ އައްސުލްޠާނު މުޙައްމަދު މުޢީނުއްދީނު ކުޑަބަންޑާރައިންގެ ރަސްކަމުގައިވީ ސިޔާސީ ގަޑުބަޑުގައި މާލޭގެ ގޭގެ އެންދި އެންދުން
ބޮޑުން
ނ (1) ރަސްކަމުގެ ބޮޑެތި ކަންތަކާދޭތެރޭ ރަދުން މަޝްވަރާ ކުރައްވާ މީހުން (2) ދައުލަތުގެ އިސްވެރިން (3) ޖަމާޢަތުގެ ޤަދަރުވެރިން
ބޮޑުންގެމަޖިލިސް
ނ ދައުލަތުގެ ކަންތައްތަކާމެދު ރަދުން މަޝްވަރާކުރައްވާ މަޖިލިސް މިމަޖިލިސް ދެމިއޮތީ ޤާނޫނު އަސާސީ ފާސްވުމަށް ދާންދެނެވެ
ބޮޑުބޭކަލުން
ނ ހަވަރުގެ ހަބައިންކުރެ ކޮންމެ ބައެއްގެ ވެރިއެއްގެ ގޮތުން ތިއްބަވާ ބޭކަލުން. މިއީ ކޮލިލައްވައި ބޮޑު މުސްކުޅިކަމުގެ އަސާ ދެއްވައިފައި ތިއްބަވާ ބައެކެވެ ރަދުން ޢިއްޒަތުގައި ތަންތަނަށް ވަޑައިގަންނަވާއިރު އަރިހުގައި މިބޭކަލުން ތިއްބަވަން ޖެހެއެވެ
ބޮޑުވިނަ
ނ މޫދު ހުއިގެ ބާވަތެއް މިއީ ވަރަށް މަދުން ފެންނަ ކަޅުކުލައިގެ ހުޔެކެވެ މިފަތުގެ ފުޅާމިނުގައި ބައިއިންޗި ދިގުމިނުގައި ހައިންޗިވަރު ހުންނާނެއެވެ
ބޮޑުމަސް
ނ (1) ބޭރު ކަނޑުގައި އުޅޭ ބިޔަ ބޮޑެތިމަސް (2) ދުންލާމަސް (3) ފޯކުޅޭއިރު ފަނުން ވިޔެފައި އޮންނަ މަސް (4) )ނކ ( ދުނިޔެ ވަށައިގެން ހިނގާކަމަށް ހީކުރާ ޚިޔާލީ މަހެއް
ބޮޑުމާލި
ނ (1) ބޮޑުމާލި ނެރުމަށް ހެދުން އަޅައިގެން ހުންނަ މީހާ (2) ކުޑަކުދިން ކިޔަމަންތެރިކުރުމަށް ކިޔާ ލަވައެއްގައި އަންނަ ޚިޔާލީ ފުރޭތައެއްގެ ނަން
ބޮޑުދުން
ނ (1) ބޮޑުދުމާދާއިރު އަޅާން ތަޅައިފައި ހުންނަދުން (2) ބޮޑުދުންދޭ ޒިޔާރަތަށް ބަހާދުން
ބޮޑުދުން ބެހުން
މ ބޮޑުދުންދޭ ފަންސަވީސް ޒިޔާރަތަށް ދުންފޮނުވުން
ބޮޑުދުންފަތް
ނ (1) ބޮޑެތިކޮށް ހުންނަ ދުންފަތް (2) ބޫޑުފަތް
ބޮޑުދުންދޭ ޒިޔާރަތް
ނ ބޮޑުދުމާދާއިރު ދުޢާވެރިކަން ކިއަވަން މަޑުކުރާ ފަންސަވީސް ޒިޔާރަތް، އެއީ (1) އަބުލް ބަރަކާތުލް ބަރުބަރީ ޒިޔާރަތް (2) ސައްޔިދު ރަސްގެފާނުގެ ޒިޔާރަތް (3) އައްސައްޔިދު ސާމީ އަލްމުރުތަޟާ ޒިޔާރަތް (4) އައްސުލްޠާނުލްޣާޒީ މުޙައްމަދު ޝަމްސުއްދީނު ޒިޔާރަތް (5) އިސްކަންދަރު މަހާރަދުންގެ ޒިޔާރަތް (6) ޙަސަން ޢިއްޒުއްދީނު ރަދުންގެ ޒިޔާރަތް (7) މުޙުޔިއްދީނު ރަދުންގެ ޒިޔާރަތް (8) މުޙައްމަދު ޢިމާދުއްދީނު ދިޔަމިގިލީ ރަދުންގެ ޒިޔާރަތް (9) އިބުރާހިމު ރަސްގެފާނުގެ ޒިޔާރަތް (10) ދަންނަ މުޙައްމަދު ރަސްގެފާނުގެ ޒިޔާރަތް (11) ދަރުމަވަންތަ ރަސްގެފާނުގެ މިސްކިތް (12) ޙަބުޝީގެފާނުގެ މަޤާމް (13) ފަޤީހުމޫސާގެ ޒިޔާރަތް (14) ފަތާލީސީދީގެ ޒިޔާރަތް (15) ބޮޑުރަސްގެފާނު ޒިޔާރަތް (16) ޙާޖީ އެދުރުކަލޭފާނުގެ ޒިޔާރަތް (17) އިބުރާހީމު ރަސްގެފާނު (އަލްހިލާލީ) ގެ ޒިޔާރަތް (18) ފަޤީހުސުލައިމާނުގެ ޒިޔާރަތް (19) މާފަންނު އާމިސްކިތްތެރޭ ޒިޔާރަތް (20) ޤާޟީ ޢީސަލްޔަމަނީގެ ޒިޔާރަތް (21) ޢަލީ ރަސްގެފާނުގެ ޒިޔާރަތް (22) ޢުމަރުމާފަތް ކަލޭފާނުގެ ޒިޔާރަތް (23) ދޮނަކުޅީޝައިޚުކަލޭފާނުގެ ޒިޔާރަތް (24) ދޮންބުޅާފާށަނޢގެ ޒިޔާރަތް (25) ދެބޭރަނިންގެ ޒިޔާރަތް
ބޮޑުދުމާދިޔުން
މ އިހުގައި ރަސްމީގޮތުން ބޮޑުދުންދޭ 52 ޒިޔާރަތްދޮށަށް ދުންމުޖުމަރާ ހިފައިގެން ދުޢާވެރިކަން ކިޔަވާންދިޔުން
ބޮޑުދުޢާވެރިކަމުދިޔުން
މ އިހުގައި ބޮޑުދުންދޭ 52 ޒިޔާރަތްދޮށަށް ރަސްމީގޮތުން ދުޢާވެރިކަމު ކިޔަވާން ދިޔުން