radheef.info
ރަދީފު


ފޫ
ނ (1) ބައެއް ކަހަލަ ކާއެއްޗެހި ގިނަ ދުވަސްވެ ހަލާކުވެގެން ނުވަތަ ވައި ބަންދުވެ ދުވަސްވެގެން އޭގައިޖަހާ ކަފަގޮތަށް ނުވަތަ ކެހެރި ފާޑަށް ހުންނަ އެއްޗެއް. މިއީ ދިރުން ހުންނަ ހުދުކުލައަކަށްދާ އެއްޗެކެވެ. ދުވަސް ވީވީހެން ކުލަ ބަދަލުވަމުންގޮސް ކަޅުކުލައަށް ބަދަލުވެއެވެ. (2) ދާ ހިއްލާ ހިކުނީމާ ގައިގަޔާއި ފޭރާމުގައި ހުންނަ ހިކިފައިވާ ލޮނު. (3) ޖަންބާއި ޖަނބުރޯލުފަދަ ތަކެތީގެ މަލުގެ ފިޔަ ވެރުނީމާ މޭވާއަކަށްވުމުގެ ކުރީގައި ހުންނަބައި. (4) އެއްޗެހި ހަރުލާގޮތަށް ހުންނަ ކޮންމެ އެއްޗެއްގެ އަޑީގެ ދެފަރާތް. މިސާލު: ތެލި ވަޅު ތާނގީ ދަޅުފަދަ އެއްޗެހީގެ ފޫ (5) މަސްއަރީގެ ނިމޭކޮޅު (6) ދަނޑި ނުވަތަ ރިތް ފަދަ ތަކެތީގެ ފަލަކޮޅު (7) ފިނދުމަސްގަނޑު (8) މޭވާއާއި ތަރުކާރީފަދަ ތަކެތީގެ ތަނޑު ހުންނަކޮޅު ނޫން އަނެއް ކޮޅު
ޓަނު
ނ (1) ވިހި ހަންދަރުގެ ބަރުދަން (2) އުޅަނދުފަހަރުގެ ބަރުދަން ހިފާ މިންވަރު ބެލުމުގައި ސަތޭކަ ކޮޑިފޫޓްގެ މިންވަރު (3) މުދަލުން ނާލު ނެގުމުގައި 04 ކޮޑިފޫޓްގެ މިންވަރު (4) ރާއްޖޭގެ ފުރާދުއްވާ އުޅަނދުފަހަރުގެ ތެރެއިން މުދަލާއި މީހުން އުފުލާ އުޅަނދު ފަހަރަށް ދީފައިވާ ރަޖިސްޓަރީ
ޕާކު
ނ (1) ކުޑަކުދިންނާއި ބޮޑެތިމީހުން މުނިފޫހިފުލުވުމަށްޓަކައި ގޮސް ތިބުމަށް ހަދައިފައިވާ ޚާއްޞަ ތަންތަން (2) ވިނަ ނުވަތަ ގަސް ނުވަތަ މިދެބައި ވަކިއުޞޫލަކުން ހައްދައިފައިވާ ބިން
ޖަނގިޔާ
ނ ފޫޅުންތިރީގެ ދެފަރާތް ނިވާވާގޮތަށް ފައިވަޅު ކަނޑައިފައި ކުރުކުރުކޮށް ފަހައިފައި އޮންނަ އެއްޗެއް މިހުންނަނީ މައްޗަށް ރަބަރު ނުވަތަ އިލާސްޓިކު ފަދަ އެއްޗެއް ލައްވައިފައެވެ
ޗަސްޖެހުން
މ ދޫ މަތީތަލީގައި ޖައްސައިފައި ގޮއްވާލާ އަޑެއް ގޮއްވުން މިއީ ނުރުހުމާއި ފޫހީގެ އަސަރު ހާމަކުރުމުގެ ގޮތުން ކުރާ ކަމެކެވެ
ޗީޗީ
އ (1) ހަޑިމުޑުދާރުކަން ދޭހަކޮށްދިނުމަށް ބުނެއުޅޭ ބަހެއް (2) ނުރުހޭކަން ދޭހަކޮށް ދިނުމަށް ބުނެއުޅޭ ބަހެއް (3) އެއްޗެއް ނުވަތަ މީހަކުދެކެ ފޫހިވާކަން އެންގުމަށް ބުނެއުޅޭ ބަހެއް
ޙަނޫޠު
ނ މައްޔިތާ ކަފުން ކުރާއިރު ދެކަފުން ދެމެދަށް އަޅާ މީރުވަސް ދުވާއެއްޗެއް މިހަދަނީ ބޮކަރާއި ކެލާ ގޭނުމަށްފަހު ބޮކަރު އަތަރާއި ކެލާއަތަރާއި ހުދުކާފޫރު އެއްކޮށްގެންނެވެ
ޚޮލިސާ
ނ (1) ބަޑި ރޯކުރަންގެންގުޅޭ އެތި މިއޮންނަނީ ފޫޓުބައި ނުވަތަ 3 ފޫޓު ހުންނަވަރުގެ ދަނޑި ބުރިއެއްގެ ކޮޅުގައި ކޮރު ދަނެއް ހަރުކޮށްފައެވެ (2) ފޮލިސާ