radheef.info
ރަދީފު


މޭ
ނ (1) އިންސާނުންނާއި މައިކަށި ހުންނަ ސޫފާސޫފީގެ ހަށިގަނޑުގެ ތެރޭގައި އޮންނަ ރަތްމުށި ކުލައިގެ ގުނަވަނެއް މިއީ ހަކުރު ގުލްކޯޒަށް ބަދަލުކޮށްދީ ކާއެއްޗެހި ހަޖަމުކުރުމަށް ބޭނުންވާ ރީނދޫ ދިޔައެއް އުފައްދައިދޭ ގުނަވަނެކެވެ (2) މޭމަތި (3) އިރުމަހުގެ ފަސްވަނަ މަސް
މޭހެޔޮވުން
މ (1) ވަހަކުން ނުވަތަ ރަހަޔަކުން މެއަށް ތާޒާކަން ލިބުން (2) ހޮޑުލަވާގޮތް ކުޑަވުން (3) މޭނުބައިކަން ކުޑަވުން (4) މަޖާޒު: ކަމަކާ މެދު ގެންފައިވާ ބިރު ކުޑަވުން ނުވަތަ ކެނޑުން
މޭރުން
ނ (1) ދޭހަ (2) ފަހުމު (3) ގޮތް މިސާލު: މިމޭރުމުން ފަށައިގެން (4) މާނަ
މޭބިސްކުރަނޑި
ނ ދޫނި ސޫފާސޫފީގެ މޭގަނޑާއި ބިހާއި ކުރަނޑި )ކަނޑުމަހުގެ މެޔާއި ބިހާއި ބަނޑަށްވެސް މިހެން ކިޔައި އުޅެއެވެ
މޭބޮޑުވުން
މ މަޖާޒު: (1) ބިރުގަތުމާއި ފިކުރުބޮޑުވުންފަދަ ކަމަކުން ހާސްވުން (2) ނުބައިވަހެއް ޖެހިގެން މޭނުބައިކުރުން (3) ކާއެއްޗެހީގެ ތެރޭގައި އުޅުމުގެ ސަބަބުން ނުވަތަ މާގިނައިން ފޮނި އެއްޗެހި ކެއުމުގެ ސަބަބުން ހޮޑުލަވާގޮތްވުން
)އުރަމަތީ ކަށިގަނޑު( މޭކަށިގަނޑު
ނ (1) މޭގެ ކަށިތައް (2) ތިނަކަށިގަނޑު
މޭފާރު
ނ މޭގައި އުފެދޭ ފާރެއް މިއީ ބޮލުން ކަރުތެރެއަށް ފައިބާ ދަވައެއް މޭގައި ހިފުމުގެ ސަބަބުން އުފެދޭ ފާރެކެވެ
މޭފާރުބޭސް
ނ މޭގައި އުފެދޭ ފާރަށް ހަދާ ހަކީމީ ބޭހެއް
މޭފާރުކަނދި
ނ މޭގައި އުފެދޭފާރަށް ދޭ ބޭހެއް މިކަންޖަށް ދިއްގާގަހުގެ އޮށްލާނެއެވެ
މޭފިނިވުން
މ (1) ކަމަކާ ހާސްވެ ކަންބޮޑުވެގެން އުޅެނިކޮށް އެކަމެއް ހަމަޖެހޭގޮތްވުމުން ބުނެއުޅޭ ބަހެއް މިސާލު: އަހަރެންގެ މޭ ފިނިވީ ދަރިފުޅު ގަހު ކުރީން ތިރިޔަށް ފޭބީމައެވެ (2) ކަމަކާ ޖެހިލުންވުން
މޭދަށުވައި
ނ ބަނޑުތެރޭން މޭދަށަށް އަރާ ވަޔަކުން އުފެދޭ ބައްޔެއް
މޭދޮށް
ނ މޭދަށް
މޭލިޔަ
ނ )ޏ ( މޭއްޔަ ދައިތަ
މޭލިޔަމަލާފަތް
ނ )ޏ ( މޭއްޔަމަލާފަތް
މޭސަ
ނ މޭސަރާހީގެ ފުރަތަމަ ރާހި
މޭސަރާހި
ނ މޭސަ
މޭޒަ
ނ )ލ ( މޭޒު
މޭޒެ
ނ )ގ ( މޭޒު
މޮޅިހަރުބީ
ނ ރަދުން ޢިއްޒަތުގައި ތަނަކަށް ވަޑައިގަތުމަށްފަހު ގަނޑުވަރަށް އެނބުރި ވަޑައިގަންނަވާއިރު ފުމޭ ހަރުބީއެއް )މިހަރުބީއަށް މޮޅިހަރުބީއޭ ކިޔަނީ ހިތާމަވެރި ރާގަކަށް ޖަހާހަރުބީއެއް ކަމުގައިވާތީއެވެ
މޮއި
ނ (1) ފުރާ ދުއްވާ އެއްޗެހީގެ ހުންގާނުގެ ޙަރަކާތުން އުފެދޭ ބާނި (2) މައްޗަށް ނުހިކިފެނުގެ އަޑިން ދުވެފައިދާ އެއްޗެއްގެ ސަބަބުން ފެންގަނޑުގެ މައްޗަށް އަންނަ ހަލަބޮލިކަން ނުވަތަ އުފެދޭ ބާނި (3) އޮއިދެމޭ ތަނެއްގެ އަޑީގައި ފެނަށް ނުހިކި ހުރި އެއްޗެއްގައި ފެން އަޅައި ގަތުމުގެ ސަބަބުން ފެންގަނޑުގެ މައްޗަށް އަންނަ ހަލަބޮލިކަން ނުވަތަ އުފެދޭބާނި
މޮއިލުން
ނ (1) ފުރާދުއްވާ އެއްޗެހީގެ ހުންގާނުގެ ޙަރަކާތުން ބާނި އުފެދުން (2) މައްޗަށް ނުހިކިފެނުގެ އަޑިން ދުވެފައިދާ އެއްޗެއްގެ ސަބަބުން ފެންގަނޑުގެ މައްޗަށް އަންނަ ހަލަބޮލިކަން އައުން ނުވަތަ ބާނި އުފެދުން (3) އޮއިދެމޭ ތަނެއްގެ އަޑީގައި ފެނަށް ނުހިކިހުރި އެއްޗެއްގައި ފެން އަޅައިގަތުމުގެ ސަބަބުން ފެންގަނޑުގެ މައްޗަށް އަންނަ ހަލަބޮލިކަން ނުވަތަ އުފެދޭބާނި (4) މަޖާޒު: ފިރިހެނަކު ޖަނގިޔާ ނުލައި މުންޑު އަނދެގެން ހިނގާފައި އަންނައިރު ކުރިމަތިން ފެންނަ ފެނުމަށް ބުނެއުޅޭބަހެއް