radheef.info
ރަދީފު


މާތް
ނއ (1) މަތިވެރި (2) ބަރަކާތްތެރި (3) އަޚްލާޤު ރަގަޅު
ލަދުވެތިކަން
ނއނ (1) އަބުރު ގެއްލޭފަދަ ކަމެއް ކުރުމަށް ޖެހިލުންވާކަން (2) ތިމާގެ ކުށް ނުވަތަ ނުފުދޭކަން އިޙުސާސްވާހިނދު މަލާމާތް ލިބިދާނެތީ ޖެހިލުންވުން (3) އެހެން މީހުންނަށް ފާޅުކުރަން ނުކެރޭ ވަކި ސިފައެއް ވަކި ކަމެއް އެހެން މީހުންނަށް ފެނިދާނެތީ ޖެހިލުންވާކަން
ލަދުވެތިވުން
މ (1) އަބުރު ގެއްލޭފަދަ ކަމެއް ކުރުމަށް ޖެހިލުންވުން (2) ތިމާގެ ކުށް ނުވަތަ ނުފުދޭކަން އިޙްސާސްވާހިނދު މަލާމާތް ލިބިދާނެތީ ޖެހިލުންވުން (3) އެހެން މީހުންނަށް ފާޅުކުރަން ނުކެރޭ ވަކިސިފައެއް ވަކި ކަމެއް އެހެން މީހުންނަށް ފެނިދާނެތީ ޖެހިލުންވުން
ލަދުފުޅެގެން ވަޑައިގަތުން
މ "ލަދުގަތުން" މިބަހުގެ އެންމެ މާތްގޮތް
ލިބާސްކޮޅު
ނ ލިބާހަށް އެންމެ މާތްކޮށް ކިޔާގޮތް
ލިސާން
ނ (1) އަސަރު (2) ހިލަން (3) އަލާމާތް (4) ފާހަގަ
ލެއްޕެވުން
މ ލެއްޕުން މިބަހުގެ މާތްގޮތާއި އެންމެ މާތްގޮތް
ގަނޑުވަރު
ނ ގޭގެއަށް އެންމެ މާތް ބަހުންކިޔާގޮތް
ގައިކޮޅު
ނ (1) މާތްބަހުން މީހެއްގެގައި (2) ގައިކޮޅު ގައިގައި ދުރު މިބަސް ކުރުކޮށްކިޔާގޮތް
ގަދަކީރިތިވަންތަ
ނއ ކަށަކުޅަދުންވަންތަކަމާއި މަތިވެރި މާތްކަން ލިބިވޮޑިގެންވާ މިއީ މާތްﷲއަށް ނިސްބަތްކޮށް ބުނެވޭ ބަހެކެވެ
ގިނިކަންޏާ
މ އެކަނި މިބަހުގެ އެންމެ މާތްގޮތް
ގެ
ނ (1) ދިރިއުޅޭތަން (2) މަސައްކަތެއް ކުރުމަށް ހަދައިފައި ހުންނަތަން މިސާލު: ކަނބުރުގެ (3) ދެއެއްޗެއް ގުޅުވައިދިނުމަށް ބޭނުންކުރާ އަކުރެއް މިސާލު: ޅެންވެރިންގެ ގުލްޒާރު (4) ނަން މާތްކުރުމަށް ބޭނުންކުރާ އަކުރެއް މިސާލު: ކިސްރާ ރަސްގެ (5) ބައެއް ކުޅިވަރު ކުޅޭއިރު ކުރަހައިފައި ހުންނަގޮޅި
ގެންނެވުން
މ (1) ކޮއްޕުން (2) ވެއްދުން (3) ގެނައުން މިބަސް މާތްކޮށް ބުނާގޮތް މިސާލު: އެފޮތް މިއަދު ގެންނެވުން އެދެމެވެ
ގެންދެވުން
މ (1) ގެންދިއުން މިބަސް މާތްކޮށާއި އެންމެ މާތްކޮށް ބުނާގޮތް (2) މަޖާޒު: މަރުވުން
ގެއްލެނިކުރެއްވުން
މ (1) މާތްﷲ މީހަކަށް ތެދުމަގު ނުދެއްކެވުން (2) މާތްﷲގެ ރަޙުމަތުން އެއްކިބާކުރެއްވުން
ގެއްލެނިވުން
މ (1) ތެދުމަގުން އެއްކިބާވުން (2) މާތްﷲގެ ރަޙުމަތުން އެއްކިބާވުން
ގޮއްވުން
މ (1) ފުމެގެން ނުވަތަ ވައިހިންގައިގެން އަޑުނެރޭ އެއްޗަކުން އަޑު ނެރުން މިސާލު: ބަރުގޮނު ގޮއްވުން (2) ބަޑީގެ ވަޒަން ފޮނުވައިލުން (3) ބަޑިބޭސް ނުވަތަ ޑައިނަމައިޓް ފަދަ އެއްޗެއް ބޭނުންކޮށްގެން ތަނެއް ނުވަތަ އެއްޗެއް ފުނޑު ފުނޑުކޮށްލުން (4) މަޖާޒު: މަލާމާތް ކުރުން (5) )ޏ ( ރޮއްވުން
ގޮވައިލެއްވުން
މ ގޮވުން މިބަހުގެ މާތްގޮތާއި އެންމެ މާތްގޮތް
ސަންދައި
ނ )ބދ ( (1) މާތްމީހުން (2) އަލި
ސަންދުރަ
ނ )ބދ ( (1) މާތް (2) ހިޔާ
ސަންދޯއްޕުޅު
ނ ސަންދޯކަށް އެންމެމާތްކޮށް ކިޔާގޮތް