radheef.info
ރަދީފު


މަޑު
ނއ (1) ހަރުކަމެއް ނެތުމުގެ ސަބަބުން އޮބައިލީމާ ފިތިގެންދާގޮތް ހުންނަ ހުރުން (2) ކަނޑުގެ ރާޅުތައް ކުދިވެ ހަމަހިމޭންވެފައި އޮންނައޮތުން (3) ޙަރަކާތްތެރިކަންކުޑަ (4) ފަނޑު (5) ނޭފަތާއި ލޮލާއި ކަންފަތުން ނެގޭ ހަޑިއެއްޗެއް (6) ފެނާއި ތެލުގެ ތެރޭގައި އުފެދޭ ހަޑި (7) ކާއެއްޗެއްގެ ރަހަޔަކުން ވާއުނި (8) ގަދައާއި ހަރުގެ އިދިކޮޅު
ތަލިނެގުން
މ އޮޑިދޯނިފަހަރު ބަނުމުގައި މަޑުލުގެ ކޮޅު މައްޔަލާ ގުޅުވުމަށް މައްޔަލުން ނަގާ ފަށްނެގުން
ތާފަނާކަން
ނއނ ކައްކައިފައިހުންނަ ދިޔާތަކެތީގައި ހުންނަމަޑުހޫނުކަން
ތިނެސްކަންބިބީ
ނ ފަރުފަރާއި ފަޅުފަޅުގައި އުޅޭ ބިބީ ޢާއިލާގެ މަހެއް މިމަހުގެ ކުލައަކީ މަޑުމުށިކުލައެވެ މުޅިމަހުގައި ގަދަމުށި ކުލައިގެ ކުރެހުމެއް ހުރެއެވެ ގިނަ ބިބީއާ ޚިލާފަށް ކޮތަރިބައި ރަނގަޅަށް ހުޅުވައިލައިގެން އުޅޭއިރު ތިނެސްކަންގޮތަށް ހުންނަމަހެކެވެ މިއީ ދިވެހިން ކައިއުޅޭ މަހެއްނޫނެވެ
ތުންބިބީ
ނ ފަތިކޮށް ކުރުކޮށް ހުންނަ މަހެއް މިއީ ބުރިކަށިމަތީގައި މަޑު މުށިކުލަ ހުންނަ ދެއަރިމައްޗާއި ބަނޑުދޮށް ފަރާތުގެ ކުލަ ރީނދޫ މަހެކެވެ
ތޮލުން
މ )ސ ( ފަރުބޭރުން މަޑުމަޑުން ފަލިޖަހަމުން މަސްބޭނުން
ލަރަފާތޮޅި
ނ )ސ.( ފަޅާއި ވިލުގައި ފެންގަނޑުމަތީގައި އުޅޭ ތުންދިގު މަޑުނޫ ކުލައެއްގައި ހުންނަ ތޮޅިއެއް
ލަގަން
ނ (1) އަހާއި ޖަމަލުފަދަ އެއްޗެހި ދުއްވާއިރު ފަރާތް ފަރާތަށް އެނބުރުމަށާއި މަޑުކުރުމަށްޓަކައި އެ އެއްޗެހީގެ ބޮލުގެ ދެފަރާތުގައި އަޅައިފައި އޮންނަ ދެފަށް މިދެފަށް އޮންނާނީ ދުއްވާ މީހާގެ އަތުގައެވެ މަޖާޒު: (2) ބާރު (3) އިޚްތިޔާރު (4) ހިފެހެއްޓުން
ލަގޮނޑި
ނ (1) ކަރުގެ ދަށް ފަރާތުން މަތީގައި ބޭރަށް ފާޅުވާގޮތަށް މަޑުކަށިން ހެދިފައި ހުންނަބައި (2) މަސްމަހާމެހީގެ ހިތް
ލަސް
ނއ (1) ޙަރަކާތް އަވަސްނޫން (2) ދުވެލިމަޑު (3) ކުރިއަށް ދިއުމުގެ ބާރުކުޑަ (4) ހުންނަންވާ ވަރަށްވުރެ ވަގުތު ފަސްވާވުން މިސާލު: ތިޔަގަޑިލަހެވެ (5) ތަނަކަށް ދާންވާ ގަޑިއަށް ނުދެވިވާފަސް
ލަސްކަން
ނއނ (1) ޙަރަކާތް އަވަސްނޫންކަން (2) ދުވެލި މަޑުކަން (3) ކުރިޔަށް ދިޔުމުގެ ބާރުކުޑަކަން (4) ހުންނަންވާ ވަރަށްވުރެ ލަސްވާކަން
ލަސްކުރުން
މ (1) ހަރަކާތް އަވަސް ނުކުރުން (2) ދުވެލި މަޑުކުރުން (3) ކުރިޔަށް ދިއުމުގެ ބާރުކުޑަކުރުން (4) ހުންނަންވާ ވަރަށްވުރެ ވަގުތު ފަސްކުރުން މިސާލު: ގަޑި ލަސްކުރުން (5) ތަނަކަށް ދާންވާ ގަޑިޔަށް ނުގޮސްފަސްކުރުން
ލަސްވުން
މ (1) ހަރަކާތް އަވަސްނުވުން (2) ދުވެލި މަޑުވުން (3) ކުރިޔަށް ދިޔުމުގެ ބާރު ކުޑަވުން (4) ހުންނަންވާ ވަރަށްވުރެ ވަގުތު ފަސްވުން މިސާލު: ގަޑިލަސްވުން (5) ތަނަކަށް ދާންވާ ގަޑިޔަށް ނުދެވި ފަސްވުން
ލަސްލަހުން
ކއ (1) މަޑުމަޑުން (2) އަވަސް ނުކޮށް
ލަސްލަވަ
ނ (1) މަޑުމައިތިރިކޮށް ދަމައިލައިފައި ކިޔާލަވަ (2) މަޑުމައިތިރިކޮށް ދަމައިލައިފައި ޖަހާލަވަ
ލާހިކުވުން
މ (1) ކުރެވޭވަރުވުން (2) މައިތިރިވުން (3) މަޑުވުން (4) ހަމަހިމޭންވުން
ލާތެޅުން
މ ލާޖެހުމަށްޓަކައި ލާ ހޫނުކޮށް މަޑުކޮށްގެން ހިމުންކޮށްފައި ހުންނަ ކުލައަޅައިގެން ތަޅައި ކުލަ އެއްވަރުކުރުން
ލުންގި
ނ ފިރިހެނުން އަންނަ ފޭރާމެއް މިއީ ކަޅުރަތްކުލައިގެ ފޮތި ގަނޑެއްގައި މަޑުރަތް ކުލައިގެ ފަލަރޮނގެއް ދަމައިފައި ހުންނަ ފޭރާމެކެވެ މީގައި ހުދުކުލައިގެ ހިރެއް ދަމައިފައި ހުރެއެވެ މިއީ އިހުގައި ގަނޑުވަރު ތެރޭގެ ފިރިހެން ބޭފުޅުން އަނދެ ވަޑައިގަންނަވާ އެއްޗެކެވެ
ލެޑެ
ނއ )ސ ( ބަލިމަޑުކަމުގެ އަސަރާއި ސިފަލިބިގެންވާ
ލޮނުމަޑު
ނއ (1) ލޮނުރަހަ ކުޑަ. (2) މަޖާޒު: ޙަރަކާތްކުޑަ ނެގިމަޑުވެފައި ހުންނަ ނުވަތަ އޮންނަ (3) ފޯރިއެއްނެތް
ލޮނުމަޑުކަން
ނއނ (1) ކާބޯތަކެތީގެ ލޮނުރަހަ މަޑުކަން (2) ޖޯޝާއި ފޯރި ކުޑަކަން